ARYNews.tv | Urdu – Har Lamha Bakhabar

Tag: freed

  • روسی پولیس نے منشیات اسمگلنگ کے الزام میں گرفتار صحافی کو رہا کردیا

    روسی پولیس نے منشیات اسمگلنگ کے الزام میں گرفتار صحافی کو رہا کردیا

    ماسکو : روسی پولیس نے عوامی اپیل اور احتجاج پر منشیات اسمگلنگ کے مقدمات کو ختم کرتے ہوئے گرفتار معروف صحافی کو آزاد کردیا۔

    تفصیلات کے مطابق روسی پولیس نے معروف مقامی صحافی کو منشیات فروخت کرنے کے الزام میں دو ماہ کے لیے گھر میں نظر بند کردیا تھا، ایوان گولونوف نامی صحافی نے خود پر عائد الزامات مسترد کرتے ہوئے اسے اپنے خلاف سازش قرار دیا تھا۔

    غیر ملکی خبر رساں ادارے کا کہنا تھا کہ ایوان گولونوف منگل کے روز رہائی کی خبر سننے کے بعد روتے ہوئے پولیس اسٹیشن سے باہر آئے اور تحقیقاتی صحافت کو جاری رکھنے کے عزم و ارادے کا اظہار کیا۔

    روسی وزیر داخلہ ولادیمیر کولوکولٹو نے اعتراف کیا سیکیورٹی اداروں کے عائد کردہ الزامات ثابت نہیں ہوسکے، جس کے باعث ہم نے داخلی تحقیقات شروع کردی ہیں۔

    روسی وزیر داخلہ کا کہنا تھا کہ مذکورہ فیسلہ فارنسک، بائیولوجیکل، فنگر پرنٹ اورجینیاتی معائنوں کے بعد کیا گیا ہے۔

    کولوکولٹو کا کہنا تھا کہ انہوں نے صدر ولادیمیر پیوٹن سے درخواست کی ہے کہ ایوان گولونوف کے کیس میں شامل دو اعلیٰ سطحی افسران کو ان کے عہدوں سے برطرف کیا جائے گا۔

    غیر ملکی خبر رساں ادارے کا کہنا تھا کہ وزیر داخلہ نے ایک نام داخلی امور کے سربراہ جنرل پچکو اور دوسرا نام انسداد منشیات کے شربراہ جنرل دیویاٹکن کا تجویز کیے ہیں۔

    انہوں نے بتایا کہ منشیات اسمگلنگ کیس کی فائل کرائم انویسٹی گیٹرز کو بھجوا دی گئی ہے، تاکہ اس بات کی تحقیق کی جاسکے کہ ایک شہری کو نظربند کرنے کے معاملے پر افسران کے برائے راست ملوث کی قانونی حیثیت کیا ہے۔

    واضح رہے کہ 36 سالہ گولونوف لٹویا سے تعلق رکھنے والے خبر رساں ادارے ’میڈوزا‘ کے لیے صحافتی خدمات انجام دینے والے فری لانس رپورٹر کے طور پر کام کرتے ہیں، جنہیں جمعرات کے روز گرفتار کرکے دو ماہ کےلیے گھر میں نظر بند کردیا گیا تھا۔

  • خفیہ راز افشا کرنے والی سابق امریکی خاتون فوجی اہلکار چیلسی دوماہ بعد رہا

    خفیہ راز افشا کرنے والی سابق امریکی خاتون فوجی اہلکار چیلسی دوماہ بعد رہا

    واشنگٹن : سابقہ امریکی خاتون فوجی اہلکار چیلسی میننگ کو توہین عدالت کے جرم میں دو ماہ کی سزا پوری ہونے پر رہا کر دیا گیا ہے۔ اس خاتون کو ورجینیا کی الیگزینڈریا جیل سے رہائی دی گئی ہے۔

    تفصیلات کے مطابق بظاہر چیلسی میننگ کو رہائی تو مل گئی ہے لیکن اس خفیہ راز افشا کرنے والی سابقہ امریکی فوجی کو اگلے ہی ہفتے ایک عدالتی حکم کے تحت ایک اور گرینڈ جیوری کا سامنا ہے۔

    میننگ کے وکیل کی جانب سے یہ ابھی سے واضح کر دیا گیا ہے کہ وہ مستقبل میں بھی کسی بھی جیوری کے سوالات کے جوابات دینے سے گریز کریں گی۔ چیلسی میننگ نے جس جیوری کے سامنے سوالات کے جواب دینے سے انکار کیا تھا اس کے قیام کی دستوری مدت بھی دس مئی کو ختم ہو گئی ہے۔

    ایسا محسوس ہوتا ہے کہ اگر چیلسی نے اگلے ہفتے گرینڈ جیوری کے سوالوں کے جواب دینے سے انکار کیا تو انہیں ایک مرتبہ پھر ایسی ہی سزا کا سامنا ہو سکتا ہے۔ چیلسی میننگ کے وکلاء کے مطابق گرینڈ جیوری میں ان کی موکلہ کو ایسے سوالات کا سامنا تھا جن کا تعلق وکی لیکس کو خفیہ فائلوں کی فراہمی سے تھا۔

    دوسری جانب یہ بھی ابھی تک واضح نہیں کہ امریکی وفاقی استغاثہ چیلسی میننگ کو جیوری کے سامنے حاضر ہونے کے لیے کیوں مجبور کر رہا ہے۔

    جیوری کی کارروائی کے حوالے سے میننگ کا کہنا تھا کہ یہ کارروائی بند کمرے میں کی جا رہی ہے اور اس میں شفافیت کم ہو سکتی ہے۔

    دوسری جانب یہ بھی کہا جا رہا ہے کہ اگر امریکی حکام وکی لیکس کے بانی جولیان اسانج کی برطانیہ سے حوالگی میں کامیاب ہو گئے تو چیلسی میننگ کا معاملہ پھر سے امریکی ذرائع ابلاغ میں نمایاں حیثیت اختیار کر جائے گا۔

  • برطانوی پولیس نے 40 برس سے جھونپڑی میں قید شخص کو آزاد کروالیا

    برطانوی پولیس نے 40 برس سے جھونپڑی میں قید شخص کو آزاد کروالیا

    لندن : برطانوی پولیس نے انگلینڈ کے شمال مغربی شہر سے 40 برس سے جھونپڑی میں قید 58 سالہ شخص کو آزاد کروا کر طبی معائنے کے لیے اسپتال منتقل کردیا۔

    تفصیلات کے مطابق برطانیہ کے حکام نے انگلینڈ کے شمالی مغربی شہر ’کامبیرا‘ کے نواحی علاقے ’کارلیسل‘ سے ایک شخص کو جھونپٹری سے آزاد کروایا ہے جو گذشتہ 20 برسوں سے مذکورہ جھونہٹری میں قید تھا۔

    غیر ملکی خبر رساں ادارے کا کہنا تھا کہ برطانوی حکام کو خفیہ ذرائع اطلاع موصول ہوئی تھی کہ ایک شخص کو مسلسل 40 برس سے جھونپڑی میں قید کرکے رکھا گیا ہے۔

    غیر ملکی میڈیا کے مطابق برطانوی حکام نے پولیس کے ہمراہ 58 سالہ مقید شخص کو آزاد کروایا تھا، پولیس کی جانب سے متاثرہ شخص کی شناخت تاحال معلوم نہیں کی جاسکی ہے۔؎

    مقامی خبر رساں ادارے کا کہنا تھا کہ مذکورہ شخص کو 18 برس کی عمر میں 6 فٹ لمبی اور 2 میٹر چوڑی جھونپڑی میں رکھا گیا تھا۔

    برطانوی پولیس نے آزاد کروائے گئے شخص کو اسپتال منتقل کردیا تھا تاکہ طبی معائنہ کیا جاسکے البتہ حکام کی جانب سے مذکورہ شخص کو جسمانی اور نفسیاتی مدد فراہم کی جارہی ہے تاکہ اس کی حالت بہتر ہوسکے۔

    غیر ملکی خبر رساں ادارے کا کہنا تھا کہ پولیس نے 58 سالہ شخص کو قید کرکے رکھنے کے جرم میں 79 سالہ شخص کو گرفتار کرکے پولیس اسٹیشن منتقل کردیا ہے، حراست میں لیے گئے شخص پر شبہ ہے کہ اس نے متاثرہ شخص کو غلام بنایا ہوا تھا۔