ARYNews.tv | Urdu – Har Lamha Bakhabar

Tag: French Spider-Man

  • بوڑھا اسپائیڈر مین بلند ترین عمارت پر چڑھ گیا، ویڈیو دیکھنے والے حیران

    بوڑھا اسپائیڈر مین بلند ترین عمارت پر چڑھ گیا، ویڈیو دیکھنے والے حیران

    پیرس : فرانس میں ایک ضعیف اسپائیڈر مین نے 613 فٹ بلند ترین عمارت کو سر کرکے دیکھنے والوں کو محو حیرت کردیا۔

    اس فن کا مظاہرہ اس شخص نے اپنی 60 ویں سالگرہ پر بغیر کسی رسی کی مدد سے فلک بوس عمارت پر چڑھ کرکیا۔

    عالمی خبر رساں ادارے کی رپورٹ کے مطابق کوہ پیمائی کا شوق رکھنے والے60سالہ فرانسیسی شہری ایلین رابرٹ نے ٹور ٹوٹل انرجی کی 48 منزلہ عمارت کو بڑی مہارت سے بغیر کسی اضافی مدد کے کامیابی سے عبور کیا۔

    اس مہم جوئی کے بعد سوشل میڈیا صارفین نے اس کے اس کارنامے کو سراہتے ہوئے اسے “فرانسیسی اسپائیڈر مین” کا لقب دیا۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ عمارت پر چڑھتے وقت اس نے اسپائیڈر مین جیسا لال لباس زیب تن کیا ہوا ہے۔

    ایلین رابرٹ نے یہ کارنامہ اپنی 60 ویں سالگرہ کے موقع پر انجام دے کر یہ پیغام دیا کہ ابھی تو میں جوان ہوں۔

    ایلین رابرٹ نے 187 میٹر بلند عمارت کو صرف 60 منٹ (ایک گھنٹے) میں عبور کیا اور اوپر پہنچ کر فتح کے جذبے سے سرشار اپنے ہاتھوں کو بلند کرکے اپنی کامیابی کا اعلان کیا۔

    یاد رہے کہ اس سے قبل بھی رابرٹ نے ٹور ٹوٹل انرجی ٹاور پر چڑھ کر لوگوں کو ورطہ حیرت میں ڈال دیا تھا ان کی اس مہم جوئی کا مقصد موسمیاتی عمل کے بارے میں عوامی بیداری کو بڑھانا تھا۔

  • فرانسیسی اسپائیڈر مین کا دل دہلانے والا اسٹنٹ (ویڈیو)

    فرانسیسی اسپائیڈر مین کا دل دہلانے والا اسٹنٹ (ویڈیو)

    پیرس: فرانسیسی اسپائیڈر مین نے اس بار کووِڈ ہیلتھ پاس کے خلاف احتجاج کرتے ہوئے پیرس ٹاور پر چڑھ کر لوگوں کو حیران کر دیا، تاہم وہ پولیس کے ہاتھوں اس عمل کے لیے گرفتار ہو گئے۔

    تفصیلات کے مطابق منگل کو 60 سالہ فرانسیسی اسپائیڈر مین آلین رابرٹ نے پیرس کے مضافات میں واقع کاروباری ٹاور کو چڑھ کر سر کیا، انھوں نے بغیر حفاظتی سامان کے ایک گھنٹے میں یہ کارنامہ انجام دیا لیکن پولیس نے انھیں دوسروں کی زندگی خطرے میں ڈالنے پر گرفتار کر لیا۔

    آلین رابرٹ نے گیارھویں مرتبہ 187 میٹر بلند ٹوٹل کاؤپول ٹاور کو سر کیا، عام طور پر وہ اکیلے یہ کارنامہ انجام دیتا ہے تاہم پہلی بار ان کے ساتھ تین دیگر نوجوان کلمبرز بھی تھے، جن کی عمریں 21 سال، 28 اور 33 سال تھی۔

    میڈیا رپورٹس کے مطابق فرانسیسی اسپائیڈر مین کی یہ کوشش کرونا ہیلتھ پاس کے خلاف تھی، جس کی وجہ سے ہر شخص غصے میں ہے، کیوں یہ ہیلتھ پاس بنیادی آزادی پر حملہ سمجھا جا رہا ہے، آلین رابرٹ کا کہنا تھا کہ یہ پاس ذلت آمیز ہے۔

    واضح رہے کہ اس کووِڈ پاس کا یہ مطلب ہوتا ہے کہ متعلقہ شخص کرونا ویکسین لگوا چکا ہے، اور کرونا نیگیٹو ہے، نیز اس کے بغیر ریسٹورنٹس، بارز، میوزیمز اور دیگر ثقافتی مقامات پر داخلے اور دور کے سفر پر جانے کی اجازت نہیں ہے۔

    پوپ فرانسس کی اسپائیڈر مین سے ملاقات… ویڈیو وائرل

    آلین رابرٹ ایک سو سے زائد بلند و بالا عمارتوں پر چڑھنے کے لیے دنیا بھر میں مشہور ہیں، وہ یہ کارنامہ خالی ہاتھوں اور بغیر حفاظتی سامان انجام دیتے ہیں، اور انشورنس بھی نہیں کرواتے۔

    مارچ 2020 میں انھوں نے کرونا وائرس کی وبا سے پھیلنے والے خوف کے خلاف بھی بارسلونا میں ایگبر ٹاور کو سر کیا تھا۔