پاکستان میں آج کل موسم گرما اپنے عروج پر ہے، شدید گرمی اور حبس میں روزانہ بازار جاکر پھل اور سبزیوں کی خریداری کرنا بھی ممکن نہیں، اسی بات کو مد نظر رکھتے ہوئے اگر ایک ہفتے کی خریداری ایک ساتھ کر لی جائے تو مناسب ہے۔
موسم سرما کے نسبت گرما میں عمومی طور پر کم سبزیاں مارکیٹ میں دستیاب ہوتی ہے تاہم ان سبزیوں کو کتنے دن تک محفوظ رکھا جاسکتا ہے؟ یہ سوال ہر کفایت شعار خاتون کے ذہن میں گردش کرتا ہے اور وہ اس کے لئے طرح طرح کے ٹوٹکے بھی استعمال کرتی ہیں۔
ارے پریشان ہونے کی ضرورت نہیں ہم آپ کو ان سبزیوں کے نام بتادیتے ہیں جنہیں آپ زیادہ سے زیادہ کب تک استعمال کرسکتے ہیں، قارئین کی سہولت کے لئے انہیں تین حصوں میں تقسیم کیا گیا ہے، اس طرح ایک طرف تو آپ کو تازہ سبزیاں اور پھل میسر آئیں گی جبکہ خراب ہونے کی صورت میں پیسوں کے ضیاع کو بھی بچایا جاسکے گا۔
وہ پھل اور سبزیاں جو پانچ روز تک تروتازہ رہتی ہے
بیگن، کھیرا، خوبانی، کیلا، آڑو، آلوبخارہ، مولی، پالک، چقندر، انگور، کیوی، آم، اروی، نارنگی، مٹر اور ٹماٹر، ان میں سے بعض سبزیاں اور پھل سردیوں میں آتے ہیں۔
ہفتے بھر تازہ دم رہنے والی سبزیاں اور پھل
بندگوبھی، پھول گوبھی، ہری پھلیاں، ثابت تربوز, سیب اور شملہ مرچ۔
دوہفتے تک تازہ رہنے والی سبزیاں اور پھل
ہری مرچ، شلجم، گاجر، لیموں، اناراور شکرقندی۔
