ARYNews.tv | Urdu – Har Lamha Bakhabar

Tag: Friend Ship

  • بھارت کا پہلا مسافربردار طیارہ تل ابیب پہنچ گیا

    بھارت کا پہلا مسافربردار طیارہ تل ابیب پہنچ گیا

    تل ابیب/ نئی دہلی: بھارت کی سرکاری فضائی کمپنی  کی اسرائیل کے لیے پہلی پرواز سعودی عرب کی فضائی حدود کا استعمال کرتے ہوئے اپنی منزل پر پہنچ گئی۔

    تفصیلات کے مطابق بھارت کی سرکاری فضائی کمپنی ایئر انڈیا نے اسرائیل جانے کے لیے سعودی عرب کی فضائی حدود کا استعمال کرتے ہوئے اپنی پہلی پرواز مکمل کرلی ہے۔

    جمعرات کو ایئر انڈیا کی دہلی سے اڑان بھرنے والی پرواز اے آئی 139 تل ابیب کے بن گوريان ہوائی اڈے پر عالمی وقت کے مطابق شام سات بج کر پنتالیس منٹ پر لینڈ ہوئی۔ ہفتے میں تین پروازیں سعودی فضائی حدود کا استعمال کرتے ہوئے دہلی سے تل ابیب اور تل ابیب سے دہلی کا سفر کریں گی۔

    اس موقع پراستقبال کے لیے ہوائی اڈے پرموجود اسرائیلی وزرت سیاحت ياريف ليفين کا کہنا تھا کہ ’یہ ایک نئے دور کا آغاز ہے۔

     ياريف ليفين کا کہنا تھا سعودی فضائی حدود کے استعمال سے سفری اوقات میں دو گھنٹے کی کمی کے ساتھ ساتھ ٹکٹ کے کرائے میں بھی واضح کمی ہوگی۔

    اسرائیل کے وزیر برائے ٹرانسپورٹ يسرائيل كاٹس کا کہنا ہے کہ ایئر انڈیا کی دہلی سے تل ابیب آنے والی بھارت کی پہلی پرواز اسرائیل اور سعودی عرب کے درمیان پہلا باضابطہ تعلق ہے۔

    واضح رہے کہ اسرائیل کی سرکاری ہوائی کمپنی ایل عال بھارتی شہر ممبئی کے لیے پرواز کرتی ہے جس کے لیے وہ سعودی عرب اور ایران کی فضائی حدود کے بجائے بحیرۂ احمر کا راستہ اختیار کرتے ہوئے بھارت پہنچتی ہے۔ اسرائیلی فضائی کمپنی کے ترجمان کا کہنا تھا کہ ایئر انڈیا کو غیرمنصفانہ فوقیت حاصل ہوگئی ہے۔

    خیال رہے سعودی عرب نے کئی دہائیوں نے اسرائیل جانے والی کمرشل پروازوں پر اپنی فضائی حدود کے استعمال پر پابندی عائد کر رکھی تھی۔

    یاد رہے کہ رواں سال کے آغاز میں اسرائیلی وزیراعظم 6 روزہ دورے پر بھارت گئے تھے، اس دوران بن یامین نیتن یاہو نے بھارتی وزیراعظم نریندرمودی سے حیدرآباد ہاؤس میں ملاقات کی اوراس موقع پردونوں ملکوں کےدرمیان سول ایوی ایشن، آئل، گیس، سائبرسکیورٹی، ٹیکنالوجی، فلم پروڈکشن سمیت مفاہمت کی 9 یادداشتوں پر دستخط کیے گئے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لاڑکانہ: وڈیرے کے کہنے پرطالب علم کی جھوٹے الزام میں گرفتاری

    لاڑکانہ: وڈیرے کے کہنے پرطالب علم کی جھوٹے الزام میں گرفتاری

    لاڑکانہ : پولیس نے جھوٹے الزام میں اسکول جانے والے بچے کو راستے سے گرفتار کرکے حوالات میں ڈال دیا، بچے کو مبینہ طور پر وڈیرے سے دوستی نہ کرنے کی پاداش میں حوالات کی ہوا کھانا پڑی، اے آر وائی نیوز کی خبر پر رہا کردیا گیا۔

    تفصیلات کے مطابق لاڑکانہ پولیس نے اقرباء پروری کی انتہا کردی۔ گرفتار طالب علم کے چھوٹے بھائی نے وڈیرے کے بیٹے کو دوستی کرنے سے انکار کردیا تھا جس پر وڈیرے نے بڑے بھائی اور نویں جماعت کے طالبعلم کو جھوٹے الزام میں گرفتار کرادیا۔

    شفقت نامی طالب علم یونیفارم پہنے کتابیں لیے حوالات میں بیٹھا رہا، اس دوران وہ بہت گھبرایا ہوا لگ رہا تھا، اسے مبینہ طور پر وڈیرے کے بیٹے کے کہنے پر حراست میں لیا گیا تھا۔

    ایس ایس پی لاڑکانہ نے بتایا کہ شفقت کے خلاف بچے کو زخمی کرنے کا مقدمہ درج ہے۔ اےآر وائی نیوز پر خبر نشر ہونے کے بعد شفقت کو رہا کردیا گیا، معاملے کی انکوائری کرائی گئی تو اس میں واقعے کا ذمہ دار ہیڈ محرر بشیر کھوکھر قرار پایا۔

    ایس ایس پی لاڑکانہ نے لڑکے کو جھوٹے الزام میں گرفتار کرنے والے ہیڈ محرر بشیر کھوکھرکے خلاف ایف آئی آر درج کر کے اسے لاک اپ کردیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

     

  • ریچھ نے اپنی دوستی کا حق نبھا دیا

    ریچھ نے اپنی دوستی کا حق نبھا دیا

    ماسکو: ریچھ کو ویسے تو انسانوں کے لیے خطرناک جانور سمجھا جاتا ہے مگر روس کے نوبیاہتا جوڑے نے اپنی شادی میں اپنے خاص دوست کو مدعو کر کے دنیا کو حیرت میں ڈال دیا۔

    عام طور پر شادیوں کو یادگار بنانے کے لیے خاص مہمانوں کو مدعو کیا جاتا ہے مگر روس کے ایک جوڑے نے شادی کی تقریب میں اپنے خاص دوست اسٹیفن کو بلایا اور خوب ہلا گلا کیا۔

    4

    نوبیاہتا جوڑے تیس سالہ ڈینس اور نیلیا جب رشتہ ازدواج میں منسلک ہوئے تو ان کی شادی میں کوئی اور نہیں بلکہ ریچھ گواہ بنا، ڈینس نے اس موقع پر مسرت کا اظہار کرتے ہوئے کہا کہ میرا دوست بہت رحم دل ہے وہ ہماری ہر مشکل میں کام آتا رہا ہے۔

    2

    اس موقع پر 21 سالہ نوبیاہتا دلہن نیلیا نے بھی ریچھ کے ساتھ خوب مزے کیے اور خاص طور پر تصاویر بھی بنوائیں۔ ریچھ نے بھی اپنی دوستی کا پورا حق نبھایا اور دوست کی شادی میں رقص کیا اور  خوشی کا اظہار کیا۔

    3

    دولہے میاں ٹینس کا کہنا ہے کہ ’’میرا دیرینہ خواب تھا کہ شادی میں ریچھ گواہ بننے جو آج پورا ہوگیا، خواہش پوری ہونے پر مجھے بہت خوشی ہے اور یہ میری زندگی کا بہت اہم و یادگار دن ہے‘‘۔

  • والدین کے بعد کترینہ سب سے اہم ہے، رنبیر کپور

    والدین کے بعد کترینہ سب سے اہم ہے، رنبیر کپور

    ممبئی: معروف بھارتی فلم اداکار رنبیر کپور کا کہنا ہے کہ بے بنیاد باتوں اور غلط فہمیوں کے سبب میں نے والدین کے بعد سب سے اہم ہستی ’’کترینہ‘‘ کو کھو دیا۔

    بھارتی میڈیا رپورٹس کے مطابق بھارتی فلم اداکار رنبیر کپور نے نجی نیوز چینل کے پرومو کی تقریب کے دوران کتریتہ سے متعلق پوچھے گئے سوال کے جواب میں کہا کہ ’’ہمارا رشتہ بہت مضبوط تھا مگر جھوٹی باتوں نے ہمارے درمیان غلط فہمیاں پیدا کیں‘‘۔

    Ranbir-3

    رنبیر کپور نے مزید کہا کہ ’’بے بنیاد باتوں نے ہمارے مضبوط رشتے کو کمزور کیا جس کا مجھے بہت افسوس ہے، اُن کا کہنا تھا کہ ’’جھوٹی اور بے بنیاد باتوں کے باعث رشتوں میں دراڑ پڑ جاتی ہے جو میرے لیے سہنا خاصا مشکل تھا‘‘۔

    پڑھیں: ذاتی زندگی پربات نہ کیا جائے ، کترینہ کیف

    بھارتی اداکار نے کہا کہ ’’کترینہ کیف میرے لیے والدین کے بعد سب سے اہم ہستی تھی کیونکہ اُس نے ہر مشکل موڑ پر میرا نہ صرف ساتھ دیا بلکہ میری حوصلہ افزائی بھی کی‘‘۔

    Ranbir-1

    یاد رہے بالی ووڈ اداکار رنبیر کپور اور کترینہ کیف کے درمیان گہری دوستی کی خبریں عام رہی ہیں جبکہ دونوں اداکار ایک دوسرے سے محبت کا اظہار بھی کرچکے تھے تاہم دونوں اداکاروں نے کچھ دنوں قبل علیحدگی اختیار کرنے کا اعلان کیا تھا۔

    Ranbir-2

    دوسری جانب ادکارہ کترینہ اور رنبیر کپور کی فلم ’’جگا جاسوس‘‘ مکمل ہوگئی ہے تاہم دونوں اداکاروں کے درمیان جاری تنازعے کے باعث فلم کی ریلیز تاخیر کا شکار ہورہی ہے۔ بھارتی میڈیا ذرائع نے یہ فلم آئندہ برس اپریل میں ریلیز کیے جانے کا امکان ظاہرکیا ہے۔