پھل سبزیاں دیر تک ترو تازہ رکھنے کیلیے خواتین کی ہر ممکن کوشش ہوتی ہیں کہ ایسے طریقوں پر عمل کیا جائے جس سے سبزیوں کے ذائقے اور خستگی کو برقرار رکھا جا سکے۔
پھل سبزیاں خراب ہونے سے بچانا کسی چیلنج سے کم نہیں ہوتا، خصوصاً لہسن، پیاز اور ٹماٹر سمیت دیگر سبزیاں جو کھانوں کا لازمی جزو ہوتی ہیں۔
اس حوالے سے اے آر وائی نیوز کے پروگرام گڈ مارننگ پاکستان میں پاکستان شوبز انڈسٹری کی مایہ ناز اداکارہ فضیلہ قیصر نے اپنی والدہ کا بتایا ہوا آزمودہ طریقہ بتایا۔
انہوں نے کہا کہ میں آج بھی اسی طریقے پر عمل کرتی ہوں، فضیلہ کا کہنا تھا کہ پھل سبزیاں خرید کر لانے کے بعد ایک بڑے برتن میں پانی بھر لیں اور اس میں تقریباً 25 گرام سفید سرکہ شامل کرلیں۔
سبزیاں
انہوں نے بتایا کہ اس پانی میں تمام پھل سبزیاں بھگو کر تھوڑا سا خشک کرکے فریج میں رکھ دیں تو وہ کافی دنوں تک تازی رہے گی اور جراثیم بھی مرجاتے ہیں۔
دھنیا اور پودینہ اور ہری مرچ
اداکارہ فضیلہ قیصر نے اسی طرح دھنیا اور پودینہ کو دھو کر اسے ایک ٹشو پیپر میں لپیٹ کر فریج میں رکھ دیں۔ اور ہری مرچوں کو بھی اسی طرح پانی دھو کر اس کی ڈنڈیاں توڑ دیں اور کسی کاغذ میں لپیٹ کر فریج میں رکھ دیں۔
اس کے علاوہ دیگر چیزوں کو بھی محفوظ رکھا جاسکتا ہے جس میں ٹماٹر پیاز اور لہسن وغیرہ شامل ہیں۔،
ٹماٹر
ٹماٹر کو دیگر سبزیوں سے دور رکھیں تاکہ وہ گل کر خراب نہ ہو جائیں ۔ بہتر ہے کہ انہیں پہلے روم ٹمپریچر پر رکھیں جب تک کہ وہ پوری طرح نہ پک جائیں پھر انہیں ریفریجریٹر میں رکھ دیں۔
پیاز
پیاز میں نمی کم ہوتی ہے ، انہین کسی ٹھنڈی اور اور خشک جگہ پر دیگر سبزیوں سے دور رکھیں ۔ ریفریجریٹر میں رکھنے سے گریز کریں ورنہ وہ جلد خراب ہو جائے گی۔
لہسن کو خشک اور صاف جگہ پر رکھیں انہیں ریفریجریٹر میں نہ رکھا جائے ۔ اس کی ٹھنڈک اور نمی لہسن کو جلد خراب کر دے گی۔
