Tag: Funds

وفاقی ترقیاتی پروگرام کے ریلیز فنڈز کی تفصیلات جاری

اسلام آباد: وفاقی ترقیاتی پروگرام کے تحت اب تک ترقیاتی منصوبوں کے لیے 611 ارب 83 کروڑ روپے اور وزارت قومی صحت کے منصوبوں کے لیے 7 ارب 64 کروڑ روپے کے فنڈز جاری کیے گئے۔

تفصیلات کے مطابق رواں مالی سال کے اب تک وفاقی ترقیاتی پروگرام کے ریلیز فنڈز کی تفصیلات جاری کردی گئی، پی ایس ڈی پی کی مد میں 611 ارب 83 کروڑ روپے کے فنڈز کا اجرا کیا گیا۔

دستاویز کے مطابق وفاقی وزارتوں اور ڈویژنز کے لیے 272 ارب 73 کروڑ کے فنڈز جاری ہوئے، این ایز اے کے ترقیاتی منصوبوں کے لیے 173 ارب 53 کروڑ کی رقم جاری ہوئی، بہترسیکیورٹی کے لیے 49 ارب 73 کروڑ سے زائد کے فنڈز جاری کیے گئے۔

آزاد جموں و کشمیر اور گلگت بلتستان کے ترقیاتی منصوبوں کے لیے 43 ارب 56 کروڑ جاری کیے گئے، کابینہ ڈویژن کے لیے 35 ارب 18 کروڑ روپے سے زائد کے فنڈز جاری کیے گئے۔

دستاویز کے مطابق ہائر ایجوکیشن کمیشن کے لیے 28 ارب 28 کروڑ روپے سے زائد رقم جاری کی گئی، وزارت آبی وسائل کے ترقیاتی منصوبوں کے لیے 103 ارب کے فنڈز جاری کیے گئے، ریلوے ڈویژن کے لیے 8 ارب 67 کروڑ کے فنڈز کا اجرا کیا گیا۔

خیبر پختونخواہ میں ضم شدہ اضلاع کے 10 سالہ ترقیاتی پلان کے لیے 23 ارب جاری کیے گئے، ضم شدہ اضلاع کے دیگر منصوبوں کے لیے 14 ارب 87 کروڑ روپے جاری کیے گئے، این ٹی ڈی سی، پیپکو کے ترقیاتی منصوبوں کے لیے 20 ارب 65 کروڑ فنڈز جاری ہوئے۔

دستاویز کے مطابق وزارت ریلوے کے لیے 10 ارب روپے سے زائد کے ترقیاتی فنڈز کا اجرا کیا گیا، وزارت خزانہ کے ترقیاتی منصوبوں کے لیے 8 ارب سے زائد کی رقم جاری کی گئی، وزارت قومی تحفظ خوراک کے لیے 8 ارب روپے اور وزارت قومی صحت کے منصوبوں کے لیے 7 ارب 64 کروڑ جاری کیے گئے۔

جون 20, 2020
10 ماہ میں ترقیاتی منصوبوں کے لیے 533 ارب روپے سے زائد کے فنڈز جاری

اسلام آباد: رواں مالی سال کے 10 ماہ میں وفاقی ترقیاتی پروگرام کے تحت 533 ارب روپے سے زائد کے فنڈز جاری کیے گئے، ان میں پختونخواہ میں ضم شدہ اضلاع کی ترقی کے لیے 23 ارب روپے کی رقم بھی شامل ہے۔

تفصیلات کے مطابق رواں مالی سال کے 10 ماہ میں وفاقی ترقیاتی پروگرام کے ریلیز فنڈز کی تفصیلات جاری کردی گئیں، 10 ماہ میں پبلک سیکٹر ڈویلپمنٹ پروگرام کی مد میں 533 ارب 32 کروڑ کے فنڈز کا اجرا کیا گیا۔

دستاویز کے مطابق حکومت نے وفاقی وزارتوں کے لیے 230 ارب 29 کروڑ کے فنڈز جاری کیے، این ایچ اے کے ترقیاتی منصوبوں کے لیے 154 ارب 94 کروڑ روپے جاری کیے گئے، سیکیورٹی کی بہتر صورتحال کے لیے 38 ارب 49 کروڑ کے فنڈز جاری کیے گئے۔

دستاویز میں کہا گیا کہ آزاد جموں و کشمیر اور گلگت بلتستان کے ترقیاتی منصوبوں کے لیے 43 ارب 46 کروڑ جاری کیے گئے، کابینہ ڈویژن کے لیے 30 ارب 18 کروڑ روپے کے فنڈز جاری کیے گئے۔

10 ماہ کے دوران ہائر ایجوکیشن کمیشن کے لیے 27 ارب روپے سے زائد کی رقم جاری کی گئی، وزارت آبی وسائل کے ترقیاتی منصوبوں کے لیے 72 ارب 67 کروڑ کے فنڈز جاری کیے گئے۔

اسی طرح ریلوے ڈویژن کے لیے 10 ارب 76 کروڑ روپے کے فنڈز کا اجرا کیا گیا، پختونخواہ میں ضم شدہ اضلاع کی ترقی کے لیے 23 ارب روپے کی رقم جاری کی گئی، این ٹی ڈی سی، پیپکو کے ترقیاتی منصوبوں کے لیے 20 ارب 70 کروڑ جاری کیے گئے۔

دستاویز میں کہا گیا کہ وزارت قومی تحفظ خوراک کے لیے 8 ارب 21 کروڑ روپے جاری کیے گئے جبکہ وزارت قومی صحت کے منصوبوں کے لیے 8 ارب 37 کروڑ سے زائد رقم جاری کی گئی۔

مئی 3, 2020
ایشیائی ترقیاتی بینک پاکستان کو مزید 20 کروڑ ڈالر دے گا

اسلام آباد : ایشیائی ترقیاتی بینک پاکستان کے سماجی بہبود کے پروگرام کیلئے اضافی بیس کروڑ ڈالرفراہم کرے گا، 20کروڑ ڈالرکی اضافی فنڈنگ بے نظیرانکم سپورٹ پروگرام کے لئے ہوگی۔

تفصیلات کے مطابق ایشیائی ترقیاتی بینک کی جانب سے پاکستان کے لئے اضافی فنڈنگ کی منظوری دے دی گئی ، اے ڈی بی پاکستان کو بیس کروڑڈالرکی اضافی فنڈنگ فراہم کرے گا، یہ رقم سماجی بہبود کے پروگرام کیلئے دی جائے گی۔

ایشیائی ترقیاتی بینک کی جانب سے یہ رقم بے نظیرانکم سپورٹ پروگرام کیلئے دی جائےگی۔

اے ڈی بی اعلامیہ کے مطابق بی آئی ایس پی ایشیا کا سب سے بڑا سماجی بہبودکا پروگرام ہے، اس پروگرام سےپچاس لاکھ افراد مستفید ہوتےہیں۔

اے ڈی بی کا سوشل پروٹیکشن ڈیولپمنٹ پروگرام اکتوبردوہزارتیرہ میں منظوری ہواتھا، اس اضافی رقم سےبی آئی ایس پی کی آٹھ لاکھ پچپن ہزارخواتین کی مدد کی جائےگی، پروگرام پاکستان میں غربت کےخاتمےمیں مدد دے گا۔

اے ڈی بی کے ڈائریکٹر پبلک مینجمنٹ طارق نیازی کا کہنا ہے کہ بی آئی ایس پی غربت کے شکار افراد کی تعداد میں اضافے کو روکنے میں مدد دے گی ۔

مزید پڑھیں : پاکستان ایشیائی ترقیاتی بینک سے ایک ارب ڈالر کا ہنگامی قرضہ لے گا

یاد رہے چند روز قبل اکستان،ایشیائی ترقیاتی بینک سےایک ارب ڈالرکاہنگامی قرضہ لے گا ، سینٹرل ڈیولپمنٹ ورکنگ پارٹی نے ایشیائی ترقیاتی بینک سےایک ارب ڈالر کے ہنگامی قرضے کے حصول کی منظوری دی تھی، یہ قرضہ کرائسس رسپانس لون کی مد میں لیا جائے گا۔

یہ رقم ملکی زرمبادلہ ذخائرمیں بہتری کیلئے استعمال کی جائے گی، قرض کے حصول کی سمری وزارت خزانہ نے پیش کی تھی، اے ڈی بی کی جانب سے قرض کا اجراء نومبر تک متوقع ہے۔

یہ پہلی بارہےکہ پاکستان کرائسس رسپانس لون کی مدمیں قرضہ لے گا، اے ڈی بی کے بورڈ کا اجلاس نومبر میں ہوگا، جس میں قرض کی منظوری دی جائے گی۔

خیال رہے اگست میں ایشیائی ترقیاتی بینک کی جانب سے پاکستان کو 50 کروڑ ڈالر کے فنڈز موصول ہوئے تھے، جس کے بعد مجموعی ملکی زرمبادلہ کے ذخائر 15 ارب 57 کروڑ ڈالر سے زائد جا پہنچے تھے۔

ایشیائی ترقیاتی بینک نے تجارت کے فروغ ،خسارے میں کمی اور معاشی اصلاحات کیلئے پچاس کروڑ ڈالر جبکہ ٹیکنیکل سپورٹ کے طور پر سات لاکھ پچاس ہزارڈالرز کے پیکج کی منظوری دی تھی۔

اکتوبر 7, 2019
سندھ میں بیشتر محکمے جاری ہونے والے ترقیاتی فنڈز خرچ نہ کر سکے

کراچی: سندھ حکومت رواں مالی سال ترقیاتی اہداف پورے کرنے میں ناکام رہی، سندھ میں بیشتر محکمے جاری ہونے والے ترقیاتی فنڈز خرچ نہ کر سکے۔

تفصیلات کے مطابق رواں مالی سال سندھ میں بیشتر محکمے جاری ہونے والے ترقیاتی فنڈز خرچ نہ کر سکے۔ رواں مالی سال میں ترقیاتی پروگرام میں 22 سو 26 اسکیمز شامل ہیں۔

زیادہ محکموں والے وزیر ناصر شاہ کو تفویض تینوں وزارتوں کو ریکارڈ ترقیاتی فنڈز کا اجرا کیا گیا۔ محکمہ خزانہ کے مطابق جنگلات کے منصوبوں کے لیے 9 ماہ میں 359 ملین جاری ہوئے، محکمہ آبپاشی نے 3 سال کی سہ ماہی میں 1646 ملین روپے خرچ کیے۔

اسی طرح ورکس اینڈ سروسز ڈپارٹمنٹ کو مختص بجٹ سے خطیر رقم جاری کی گئی، ورکس اینڈ سروسز ڈپارٹمنٹ نے 21692 ملین استعمال کیے۔

دوسری جانب محکمہ توانائی، لیبر اور امداد باہمی کی ترقیاتی اسکیمز کے لیے فنڈز کا اجرا نہیں ہوا۔ خزانہ، کچی آبادی اور معدنیات کے ترقیاتی بجٹ خرچ نہیں ہوسکے۔

محکمہ خزانہ کے مطابق کراچی ترقیاتی پیکج کی اسکیمز پر صرف 17 فیصد فنڈز خرچ ہوئے۔ اسکولز کالج اور فنی تعلیم کے محکمے بھی 60 فیصد ترقیاتی بجٹ خرچ نہیں کر سکے۔

مئی 15, 2019
ملک میں ایمرجنسسی نافذ کرنے کی دھمکی، پینٹاگون نے فنڈز کی منظوری دے دی

واشنگٹن : امریکی محکمہ دفاع نے غیر قانونی آمد و رفت روکنے کے لیے میکسیکو اور امریکا کی سرحد پر دیوار کی تعمیر کےلیے ایک ارب ڈالرز کی منظوری دے دی۔

تفصیلات کے مطابق امریکی محکمہ دفاع (پینٹاگون) نے امریکی صدر ڈونلڈ ٹرمپ کے ملک میں ایمرجنسی نافذ کرنے کے اعلان کے بعد میکسیکو کی سرحد پر دیوار کی تعمیر کےلیے فنڈز کی منظوری دے دی۔

غیر ملکی خبر رساں ادارے کا کہنا ہے کہ امریکی صدر کے اعلان کے بعد یہ پہلا فنڈ ہے جو کانگریس کے فیصلے کو نظر انداز کرکے دیا جارہا ہے۔

خبر رساں ادارے کا کہنا ہے کہ ڈیموکریٹس نے ڈونلڈ ٹرمپ کی الیکشن مہم کے دوران کیے گئے وعدے کو پورا کرنے کےلیے پینٹاگون کی جانب سے فنڈز کی منظوری دینے کی شدید مذمت کی ہے۔

امریکی محمکہ دفاع نے جاری بیان میں کہا ہے کہ امریکی قانون کے مطابق پینٹاگون کو یہ اختیار حاصل ہے کہ وہ سیکیورٹی اداروں کی معاونت اور انٹرنیشنل سرحد پر منشیات و انسانی اسمگلنگ روکنے کے لیے سڑکیں،، جنگلے بنائے اور روشنی کے بہتر انتظامات کرے۔

واضح رہے کہ پینٹاگون کی جانب سے جاری فنڈز سے صرف 91 کلومیٹر طویل دیوار ہی تعمیر ہوسکتی ہے۔

مزید پڑھیں : میکسیکو سرحد پر دیوار کی تعمیر کیلئے ملک میں ایمرجنسی نافذ کرسکتا ہوں: ڈونلڈ ٹرمپ

خیال رہے کہ صدر ٹرمپ نے ایک ماہ قبل ڈیموکریٹس اراکین کانگریس سے ملاقات کے بعد میڈیا سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ ایمرجنسی لگا کر میسکیو سرحد پر دیوار کی تعمیر کا حکم نامہ جاری کرسکتا ہوں۔

انہوں نے کہا کہ ابھی ایمرجنسی لگائی نہیں جلد لگا سکتا ہوں، مذاکرات کے ذریعے میکسیکو سرحد پر دیوار تعمیر ہوجائے تو اچھی بات ہے۔

صدر ٹرمپ کا کہنا تھا کہ میں کسی کو دھمکی نہیں دے رہا، مجھے دھمکی دینے کی اجازت ہے، دیوار کی تعمیر کے لیے سرحد پر موجود نجی زمینوں پر قبضہ بھی کیا جاسکتا ہے۔

مزید پڑھیں : امریکی صدر ڈونلڈ ٹرمپ نے میکسیکو بارڈر بند کرنے کی دھمکی دے دی

ان کا مزید کہنا تھا کہ ملٹری قوانین کے تحت کسی کی بھی زمینوں پر قبضہ کیا جاسکتا ہے۔

خیال رہے کہ گذشتہ دنوں امریکی صدر ڈونلڈ ٹرمپ نے خبردار کیا تھا کہ اگر میکسیکو سرحد پر دیوار تعمیر کرنے کے لیے فنڈ جاری نہ کیے گئے تو سرحد بند کردی جائے گی۔

واضح رہے کہ میکسیکو سرحد پر دیوار کی تعمیر کے لیے فنڈ کی مد میں 23 بلین ڈالر درکار ہے، جبکہ صدر ٹرمپ نے فنڈ نہ ملنے کی صورت میں بارڈر بند کرنے کی دھمکی دیتے ہوئے ذمہ دار کانگریس کو قرار دیا ہے۔

مارچ 27, 2019
لوگ ڈیم کے لیے پیسے لے کر گھوم رہے ہیں، پیسے دینے والوں کے ہاتھ چومنے چاہئیں، چیف جسٹس

اسلام آباد : چیف جسٹس نے کہا کہ اسٹیٹ بینک تاثر دےرہا ہے، ڈیم کے لئے اکاؤنٹ حکومت نے بنایا،یہ فنڈزسپریم کورٹ نے قائم کیےہیں، ہمیں پیغامات آرہے ہیں حکومت کے بینک اکاؤنٹ میں پیسے نہیں دیں گے۔

تفصیلات کے مطابق سپریم کورٹ میں چیف جسٹس ثاقب نثار کی سربراہی میں ڈیم کی تعمیر کے لئے وزارت خزانہ کے بینک اکاؤنٹس کھولنے پر ازخود نوٹس کی سماعت ہوئی ، سماعت میں چیف جسٹس نے ریمارکس میں کہا کہ وزارت خزانہ نے ڈیم کے لیے بینک اکاؤنٹ کھولاہے، اسٹیٹ بینک تاثر دے رہا ہے، ڈیم کیلئے اکاونٹ حکومت نے بنایا، یہ فنڈز سپریم کورٹ نے قائم کیے ہیں۔

جسٹس ثاقب نثار نے کہا کہ انگریزی اخبارات دیکھیں فنانس ڈویژن کا کیا چھپا ہوا ہے، ہمیں پیغامات آرہے ہیں، حکومت پر اعتماد نہیں، لوگوں کا کہنا ہے حکومت کے بینک اکاؤنٹ میں پیسے نہیں دیں گے۔

چیف جسٹس نے استفسار کیا فنانس سیکرٹری کہاں ہیں؟ اٹارنی جنرل وزیراعظم سے بات کرکے عدالت کو بتائیں، اسٹیٹ بینک نے ہمیں تکلیف پہنچائی اور اکاؤنٹ کھولنے میں 3دن لگا دیے، اسٹیٹ بینک ہمیں ایک جگہ سےدوسری جگہ گھماتا رہا۔

جسٹس ثاقب نثار نے ریمارکس دیئے لوگ ڈیم کے لیے پیسےلےکرگھوم رہےہیں، ڈیم کے لیے پیسے دینے والوں کے ہاتھ چومنےچاہئے، اسٹیٹ بینک آسانیاں پیدا کرنے کی بجائے مشکلات پیدا کررہا ہے، تاثر دیا جارہا ہے سپریم کورٹ کے فنڈ میں پیسے نہیں دیے جارہے۔

چیف جسٹس کا کہنا تھا کہ کل کوئی کہہ رہاتھا ہم اپنے کپڑے بیچ کر ڈیم بنائیں گے، اپنے کپڑے اورچپلیں بیچیں اور فنڈ میں پیسے دیں، پہلے کیوں چپلیں اور کپڑے نہیں بیچے، سپریم کورٹ نے فنڈز قائم کیے کسی کو کمیشن نہیں کھانے دیں گے۔

جسٹس ثاقب نثار نے کہا کہ ڈیم کیلئے قائم فنڈمیں ایک دھیلے کی بھی کرپشن نہیں ہونے دیں گے، ڈیم کے لیے بنائے گئے اکاونٹ کا آڈٹ ہوگا ہم خود پہرہ دیں گے،آنے والے 2 چیف جسٹس صاحبان کو بھی کہہ دیں وہ نگرانی کریں گے۔

سپریم کورٹ نے سیکرٹری فنانس کو ذاتی حیثیت میں کل طلب کرلیا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 9, 2018
سندھ پولیس نے مردم شماری کے لیے کس زون کو کتنے فنڈ جاری کیے

کراچی: ملک میں جاری چھٹی مردم شماری کے حِوالے سے سندھ پولیس نے اہلکاروں کیلئے کس زون کو کتنے فنڈ جاری کیے، تفصیلات سامنے آگئی ہے۔

تفصیلات کے مطابق مردم شماری کے حوالے سے سندھ پولیس نے ایک رپورٹ جاری کی ، جس میں بتایا گیا کہ کس زون کو کتنے فنڈ جاری کیے گئے ہیں، اس کی تفصیلات اے آر وائی نیوز نے حاصل کرلی ہیں۔

رپوررٹ کے مطابق یہ فنڈ پولیس اہلکاروں کے کھانے اور ٹرانسپورٹ کے لیے جاری کیے گئے ہیں، ایسٹ زون میں اہلکاروں کے کھانے کے لیے 2کروڑ 22لاکھ 29ہزار 200 کے فیڈز جبکہ ٹرانسپورٹ کی مد میں 33 لاکھ 44 ہزار روپے جاری کیے گئے ہیں۔

ویسٹ زون

ویسٹ زون میں پولیس اہلکاروں کے کھانے کے اخراجات 2 کروڑ 71 لاکھ 64 ہزار 300 روپے جاری کیے گئے ہیں ، جبکہ ٹرانسپورٹ کی مد میں 37 لاکھ 24 ہزار روپے فراہم کیے گئے ہیں.

ساؤتھ زون

ساؤتھ زون پولیس اہلکاروں کے لیے ایک کروڑ 15 لاکھ66 ہزار800 جاری کیے ہیں جبکہ ٹرانسپورٹ کی مد میں 15 لاکھ 20 ہزار روپے دیئے گئے ہیں.

دوسری جانب حیدرآباد میں کھانے کےلیےایک کروڑ 5 لاکھ 60 ہزاراورٹرانسپورٹ کے8 لاکھ جاری کیے گئے ہیں، اس کے علاوہ گھوٹکی میں کھانے کےلیے47 لاکھ 16 ہزار700 اورٹرانسپورٹ کےلیے 2 لاکھ 80 ہزار جاری کیے ہیں۔

ذرائع کا کہنا ہے کہ ایس ایس پیز کھانے اور ٹرانسپورٹ کے بل ا ےجی سندھ میں جمع کرائیں گے۔

اپریل 1, 2017
پی آئی اے: مزید پانچ طیارے گراؤنڈ کردئیے گئے، پروازیں متاثر

کراچی : پی آئی اے کا فضائی آپریشن شدید بدنظمی کا شکار ہوگیا ہے، اندرون و بیرون ملک جانے والی پروازیں کئی گھنٹے تاخیر کا شکارہوگئیں، مسافروں کو مشکلات کا سامنا کرنا پڑ رہا ہے، پی آئی اے کے مزید پانچ طیارے مرمت کی وجہ سے گراؤنڈ کردیئے گئے۔

تفصیلات کے مطابق قومی ایئر لائن پی آئی اے کی پروازیں شدید بد نظمی کا شکار ہوگئیں، انتظامیہ نے مرمت کی غرض سے پانچ طیارے گراؤنڈ کر دیئے ہیں، گراؤنڈ ہونے والے طیاروں میں تین طیارے ایئربس 320 اور دو 777 طیارے شامل ہیں۔

فنڈ ز نہ ہونے کی وجہ سے طیاروں کے پرزہ جات بیرون ملک سے نہیں منگوائے جاسکے، پرزے نہ ہونے کے باعث طیاروں کی تاحال مرمت نہ ہوسکی۔

سول ایوی ایشن اتھارٹی نے پی آئی اے کے شیک ڈاؤن آپریشن کے تحت دس اے ٹی آر طیاروں کو پہلے ہی گراؤنڈ کیا ہوا ہے، اب تک مجموعی طور پر پی آئی اے کے 15 طیارے گراؤنڈ ہوچکے ہیں۔

دوسری جانب حویلیاں حادثے میں طیارہ کا ملبہ اسلام آباد منتقل کرنے کیلئے سڑک کی تعمیر کا کام شروع کر دیا گیا، دو کلو میٹرسڑک ایک ہفتہ تک مکمل کرلی جائے گی۔

مسلم لیگ نوازکے نو منتخب ممبرصوبائی اسمبلی سردار اورنگزیب نلوٹھہ نے گاؤں بٹورنی سے طیارہ حادثہ کی جگہ تک دو کلو میٹرروڈ کی تعمیر کیلئے ہنگامی بنیادوں پر کام شروع کروا دیا، ہیوی مشینری کے ذریعے سڑک کی تعمیر شروع کردیا گیا ہے۔

سڑک کی تعمیر کے بعد ہی طیارہ حادثہ کی جگہ سے طیارہ کا ملبہ کو ہٹا یا جا سکے گا، سڑک کا کام ایک ہفتہ تک مکمل کر لیا جائے گا، جس کے بعد طیارہ کا ملبہ اسلام آباد ٹرکوں کی مدد سے منتقل کیا جائے گا۔

علاوہ ازیں پی آئی اے حکام کے مطابق طیارہ کے ملبہ ہٹانے کا کام بھی اسی ٹھیکیدار کے سپرد کیا گیا ہے جس نے ایئر بلیو اور بھوجا ائیر لائن کا ملبہ بھی اٹھا یا تھا۔

حویلیاں طیارہ حادثہ کے مقام تک سڑک نہ ہونے کے باعث جہاں امدادی سرگرمیوں میں مشکلات کا سامنا رہا وہیں ملبہ ہٹانے کا کام شروع نہیں ہو سکا تھا۔

دسمبر 17, 2016
پی ایچ ایف نے بھارتی امداد کی پیشکش مسترد کردی

لاہور : پاکستان ہاکی فیڈریشن نے ہاکی انڈیا کی مالی امداد کی پیشکش مسترد کردی، پی ایچ ایف نے بھارتی ہاکی فیڈریشن کی پیشکش مسترد کردی۔

تفصیلات کے مطابق بھارت کے پیسے نہیں چاہیئے، پاکستان ہاکی فیڈریشن نے دو ٹوک الفاظ میں بھارتی ہاکی فیڈریشن کو انکار کردیا۔

انڈین ہاکی فیڈریشن نے ہفتے کی روز پاکستان ہاکی فیڈریشن کی مالی مدد کیلئے ہاتھ بڑھایا تھا۔ جس کو ٹھکرا دیاگیا۔ پی ایچ ایف کو کی گئی ای میل میں انڈین ہاکی فیڈریشن نے مؤقف اختیار کیا تھا کہ فنڈز نہیں تو ہم سے لے لو۔

، پاکستان ہاکی فیڈریشن کو کئی گئی ای میل میں بھارتی ہاکی فیڈریشن نے اس مؤقف کا اظہار کیا تھا کہ ہاکی کی ترقی کیلئے پاکستان نے اہم کردار ادا کیا ہے، لہٰذا پاکستان کواولمپکس کوالیفائنگ راؤنڈ لازمی کھیلناچاہیئے

سیکریٹری پی ایچ ایف رانا مجاہد کا کہنا ہے کہ بھارتی ہاکی فیڈریشن کی پیشکش پر شکر گزار ہیں، امید ہے حکومت جلد پی ایچ ایف کو مالی بحران سے نکالنے میں کامیاب ہوجائیگی۔

واضح رہے کہ پی ایچ ایف نے فنڈرز کی عدم دستیابی کے باعث قومی ٹیم کا تربیتی کیمپ وقت سے پہلے ختم کردیا تھا۔ ہاکی فیڈریشن نے حکومت سےپچاس کروڑروپےفنڈزکی درخواست کی تھی، اور پاکستان ہاکی فیڈریشن تاحال ان فنڈز کی فراہمی کی منتظر ہے۔

اپریل 5, 2015
اسپتال کے فنڈز کے لئے انڈیا بھی جاؤں گی، اداکارہ میرا

کراچی: اداکارہ میراہ نے کہاہے کہ پاکستان میں اسپتال کی تعمیر کے سلسلے وہ جلدہی بھارت جارہی ہیں اور وہاں سے خوشخبری لیکر آئینگی۔

اداکارہ میرا اپنے ہسپتال کی فنڈریزنگ مہم کے لیئے کراچی چیمبرآف کامرس کا دورہ کیاکراچی چیمبر کے تاجروں سے خطاب میں اداکارہ میرا کا کہنا تھا کہ وہ جلد ہی بھارت جائیں گی اور ہسپتال کی تعمیر کے حوالے سے بھارتی اداکاروں سے ملاقات کریں گی۔

انکاکہناتھاکہ کراچی چیمبر آنے کا مقصد اپنے اسپتال کے حوالے سے تاجروں، صنعتکاروں سے تعاون کو یقینی بنانا ہے۔

میرا نے بتایا کہ انکی فلم "ہوٹل”عنقریب ریلیزہونے والی ہے اورانکی فلم "دیوداس "تیار ہوچکی ہے۔

فروری 20, 2015