Tag: Gabriela Cuevas Barron

اسلام آباد: صدر بین الپارلیمانی یونین گیبریلا کویس بیرن نے پاکستان کے دورے کے موقع پر ایک تقریب سے خطاب میں کہا کہ پاکستان میں میرا پرجوش استقبال کیا گیا، میں اس پر شکر گزار ہوں۔

اے آر وائی نیوز کے مطابق انٹر پارلیمانی یونین کی صدر گیبریلا کویس بیرن آج پانچ روزہ دورے پر پاکستان آئی ہیں، انھوں نے پاکستان انسٹیٹیوٹ برائے پارلیمانی سروسز میں تقریب سے خطاب کیا۔

پپس میں خطاب کے دوران انھوں نے کہا کہ میں پاکستان میں پرجوش استقبال پر شکر گزار ہوں، آئی پی یو کے قیام کو 131 سال ہو گئے ہیں، اس کا مقصد پارلیمانی سفارت کاری کو فروغ دینا ہے۔

گیبریلا کویس نے کہا کہ دنیا میں خواتین کی پارلیمان میں نمائندگی صرف 25 فی صد ہے، اور اس وقت صرف 5 فی صد سربراہان مملکت خواتین ہیں، ہمیں آئی پی یو کے تحت خواتین کو خود مختاری دینی ہے۔

انٹرپارلیمانی یونین کی صدر 5 روزہ دورے پر

صدر بین الپارلیمانی یونین نے کرونا وائرس سے متعلق عالمی صورت حال پر تشویش ظاہر کی، انھوں نے کہا کہ کرونا سے متعلق دنیا بھر میں پالیسی کا فقدان ہے۔

قبل ازیں، پاکستان آمد پر چیئرمین سینیٹ صادق سنجرانی، شیری رحمان اور سید عابد حسن نے گیبریلا کویس کا استقبال کیا، ان کو پاکستان انسٹیٹیوٹ برائے پارلیمانی سروسز میں بریفنگ بھی دی گئی۔

خیال رہے کہ بین الپارلیمانی یونین کی صدر چیئرمین سینیٹ صادق سنجرانی کی دعوت پر پاکستان کا دورہ کر رہی ہیں۔ آئی پی یو صدر کی سطح پر دورہ اہم پارلیمانی اور سفارتی پیش رفت قرار دی جا رہی ہے، دوسری طرف اس دورے سے بین الاقوامی سطح پر ملک کے مثبت تشخص کو فروغ دینےمیں مدد ملے گی۔

کراچی: انٹرپارلیمانی یونین کی صدر گیبریلا کیویس بیرن 5 روزہ دورے پر کل پاکستان پہنچیں گی۔

تفصیلات کےمطابق میکسیکو کی سیاست دان خاتون اور انٹر پارلیمانی یونین کی صدر گیبریلا کیویس بیرن کل پانچ روزہ دورے پر پاکستان پہنچ رہی ہیں۔

ذرایع کا کہنا ہے کہ انٹر پارلیمانی یونین کی صدر کی آمد پر نور خان ایئر بیس اور اسلام آباد انٹرنیشنل ایئر پورٹ پر سیکورٹی سخت کرنے کے احکامات جاری کیے گئے ہیں۔

گیبریلا کیویس بیرن چیئرمین سینیٹ صادق سنجرانی کی خصوصی دعوت پر پاکستان آ رہی ہیں، پاکستان دورے کے موقع پر گیبریلا کیویس صدر مملکت ڈاکٹر عارف علوی، وزیر اعظم عمران خان اور دیگر اعلیٰ حکام سے ملاقاتیں کریں گی۔

پاکستان کی پارلیمانی تاریخ کا بڑا اعزاز

گیبریلا کیویس لاہور، چکوال، گوادر اور پسنی کا دورہ بھی کریں گی، ان کی آمد سے قبل سول ایوی ایشن اتھارٹی نے ایئر پورٹ پر تیاریاں مکمل کرنے کی بھی ہدایت جاری کی ہے۔

واضح رہے کہ چئیرمین سینیٹ صادق سنجرانی نے رواں برس جولائی میں انٹرنیشنل پارلیمنٹری یونین کے صدر کا الیکشن لڑنے کا اعلان کیا تھا، جس کے لیے انتخاب رواں برس دسمبر میں ہوگا۔ انھیں اسپیکر قومی اسمبلی اسد قیصر نے نامزد کیا تھا۔

صادق سنجرانی ملکی تاریخ میں پہلی بار آئی پی یو کی صدرات کے انتخاب میں حصہ لیں گے، پارلیمنٹرینز کا کہنا ہے صادق سنجرانی کے آئی پی یو صدارتی انتخاب سے پارلیمان کے وقار میں مزید اضافہ ہوگا۔