Tag: gaddafi stadium

  • شاہد آفریدی اورمصباح الحق نے خصوصی رکشے میں اسٹیڈیم کا چکرلگایا

    شاہد آفریدی اورمصباح الحق نے خصوصی رکشے میں اسٹیڈیم کا چکرلگایا

    لاہور : قذافی اسٹیڈیم میں ہونے والے تاریخی میچ میں لیجنڈز کا پرجوش استقبال کیا گیا، شاہد آفریدی اور مصباح الحق کی قذافی اسٹیڈیم آمد پر شائقین کا جوش عروج پر پہنچ گیا۔

    تفصیلات کے مطابق ورلڈ الیون اور پاکستان ٹیم کے درمیان کھیلا جانے والا میچ دیکھنے کے لئے پاکستان کرکٹ بورڈ نے پاکستان کے اسٹار بیٹسمین شاہد آفریدی اورمصباح الحق کو بھی مدعو کیا تھا۔

    کروڑوں دلوں کی دھڑکن بوم بوم آفریدی اور کامیاب کپتان مصباح الحق گرین شرٹس کا حوصلہ بڑھانے کیلئے اسٹیڈیم آئے۔ پی سی بی کی دعوت پر دونوں کھلاڑی اسٹیڈیم پہنچے تو ان کا پر تپاک استقبال کیا گیا۔

    دونوں کھلاڑیوں نے اننگ بریک میں خصوصی رکشوں پر گراﺅنڈ کا چکر بھی لگایا، لیجنڈز کو دیکھ کر شائقین پھولے نہ سمائے۔

    اس موقع پر شاہد آفریدی نے اپنا منفرد انداز دکھایا اور شائقین کا جوش بڑھایا۔ سابق کپتانوں نے ٹیم سرفراز احمد کے ساتھ خصوصی تصاویر بھی بنوائیں۔

     


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آزادی کپ، پاکستان نے ورلڈ الیون کو شکست دے دی

    آزادی کپ، پاکستان نے ورلڈ الیون کو شکست دے دی

    لاہور: آزادی کپ کے پہلے ٹی ٹوئنٹی میچ میں پاکستان نے ورلڈ الیون کو 20 رنز سے شکست دے کر فتح اپنے نام کرلی، بابر اعظم کو میچ کا بہترین کھلاڑی قرار دیا گیا۔

    تفصیلات کے مطابق لاہور میں ہونے والے تین ٹی ٹوئنٹی میچز کی سیریز کے پہلے میچ میں ورلڈ الیون کے کپتان ڈوپلیسی نے ٹاس جیت کر پاکستان کو بیٹنگ کی دعوت دی، سرفراز الیون نے پہلے بیٹنگ کرتے ہوئے مخالف ٹیم کو جیت کے لیے 198 رنز کا ہدف دیا جس کے جواب میں ورلڈ الیون مقررہ 20 اوورز میں صرف 177 رنز ہی بنا سکی۔

    پڑھیں: پاکستان بمقابلہ ورلڈ الیون، کھلاڑیوں کا خوبصورت رکشوں پر گراؤنڈ کا چکر

    پاکستان نے پہلے بیٹنگ کرتے ہوئے مقررہ 20 اوورز میں 197 رنز بنائے اور ورلڈ الیون کو جیت کے لیے 198 رنز کا ٹارگٹ دیا، پاکستان کی جانب سے بابر اعظم 86 رنز بنا کر نمایاں بلے باز رہے جبکہ احمد شہزاد 39 اور شعیب ملک 38 رنز بنا کر بالترتیب دوسرے اور تیسرے نمبرز پر رہے۔

    Image may contain: text

    ورلڈ الیون کے تسارا پریرا 2 کھلاڑیوں کو آؤٹ کر کے نمایاں باؤلر رہے جبکہ مورنی مورکل، عمران طاہر اور بین کٹنگ نے1،1 وکٹ حاصل کی۔

    ورلڈ الیون کی جانب سے سیمی 16 گیندوں پر 29 رنز بنا کر نمایاں بلے باز رہے جبکہ پاکستان کی جانب سے رومان رئیس، سہیل خان اور شاداب خان نے 2 ، 2 کھلاڑیوں کو آؤٹ کیا۔

    ورلڈ الیون اننگز

    بیسویں اوور میں سیمی نے ٹیم کو فتح دلوانے کی بھرپور کوشش کی مگر اُن کی قسمت نے ساتھ نہ دیا اور پاکستان نے مخالف ٹیم کو 20 رنز سے شکست دی۔

    دوسری اننگز جھلکیاں

    انیسویں اوور میں سیمی نے دو بار گیند کو باؤنڈری کے باہر پھینکا جس کے بعد ٹیم کا مجموعی اسکور 163 تک پہنچا۔

    اننگز کا اٹھارواں اوور حسن علی نے کیا جس میں صرف تین رنز کا اضافہ ہوا اور مجموعی اسکور 151 تک پہنچا۔

    سترہویں اوور میں بھی سہیل خان نے گرانٹ ایلیٹ کو پویلین کی راہ دکھائی انہوں نے 14 رنز اسکور کیے، اوور اختتام پر ورلڈ الیون نے 6 وکٹوں کے نقصان پر 148 رنز اسکور کیے۔

    سولہویں اوور میں ورلڈ الیون کے کھلاڑی نے مسلسل تین چوکے لگائے جس کے بعد ٹیم کا مجموعی اسکور 5 وکٹ کے نقصان پر 139 رنز تک پہنچا۔

    پندرہواں اوور شاداب خان نے کیا اور اس میں بھی ورلڈ الیون کے ایک اور کھلاڑی ملر آؤٹ ہوئے، اوور اختتام پر مجموعی اسکور پانچ وکٹوں کے نقصان پر 123 تک پہنچا۔

    چودہویں اوور کی دوسری بال پر پین نے باؤنڈری لگانے کی کوشش کی مگر وہ ناکام رہے اور کیچ آؤٹ ہوگئے، سہیل خان کے اوور میں ورلڈ الیون صرف تین رنز بنانے میں کامیاب ہوئی جس کے بعد مجموعی اسکور 4 وکٹوں کے نقصان پر 110 تک پہنچا۔

    تیرہویں اوور کی دوسری گیند پر شاداب خان نے ڈپلیسی کو پویلین کی راہ دکھائی، انہوں نے 18 گیندوں کا سامنا کرتے ہوئے 29 رنز اسکور کیے،اوور اختتام پر ورلڈ الیون نے تین وکٹوں‌ کے نقصان پر 107 رنز اسکور کیے۔

    بارواں اوور ورلڈ الیون کے لیے اچھا ثابت ہوا اور ڈوپلسی نے عمدہ بیٹنگ کا مظاہرہ کرتے ہوئے ایک چھکا اور تین چوکے لگائے، اوور میں مجموعی طور پر 22 رنز کا اضافہ ہوا۔

    گیارہویں اوور میں مجموعی اسکور 78 تک پہنچا۔

    دسویں اوور کے اختتام پر ورلڈ الیون کا مجموعی اسکور 68 تک پہنچا۔

    شاداب خان نے اپنا پہلا اور اننگز کا 9 واں اوور کروایا جس میں ورلڈ الیون صرف 2 رنز بنا سکی، اوور اختتام پر ٹیم کا مجموعی اسکور دو کھلاڑیوں کے نقصان پر 60 تک پہنچا۔

    آٹھویں اوور میں عماد وسیم نے صرف 3 رنز دیے جس کے بعد ورلڈ الیون کا مجموعی اسکور 2 وکٹوں کے نقصان پر 58 تک پہنچا۔

    ساتویں اوور میں 7 رنز کا اضافہ ہوا اور ورلڈ الیون کا مجموعی اسکور 55 تک پہنچا۔

    چھٹا اوور رومان رئیس نے کیا اور دوسری ہی بال پر تمیم اقبال کو کلین بولڈ کر کے پویلین کی راہ دکھائی، اوور کی آخری بال پر رومان نے ہاشم آملہ کو بھی پویلین بھیجا اس طرح یہ اوور ورلڈ الیون پر بھاری پڑا کیونکہ دونوں اوپنرز پویلین لوٹے، کامیاب اوور کے اختتام پر ورلڈ الیون کا اسکور دو وکٹوں کے نقصان پر 48 تک پہنچا۔

    پانچویں اوور کے اختتام پر ورلڈ الیون نے 39 رنز اسکور کیے۔

    چوتھا اوور سہیل خان نے کیا جس میں 11 رنز کا اضافہ ہوا جس کے بعد مجموعی اسکور بغیر کسی نقصان کے 29 رنز تک پہنچا۔

    تیسرے اوور عماد سوسیم نے کیا جس میں ہاشم آملہ نے ایک چھکا مارا اور مجموعی اسکور 18 رنز تک پہنچایا۔

    سہیل خان نے اننگز کا دوسرا اور اپنا پہلا اوور شروع کیا، اختتام پر ورلڈ الیون نے 11 رنز اسکور کیے،

    ورلڈ الیون کی جانب سے اننگز کا آغاز تمیم اقبال اور ہاشم آملہ نے کیا جبکہ اٹیکنگ اوور کے لیے سرفراز احمد نے عماد وسیم کو منتخب کیا، اوور کے اختتام پر مجموعی اسکور بغیر کسی نقصان کے چار رنز تک پہنچا۔

    پاکستان اننگز

    بیسویں اوور کی پہلی گیند پر شعیب ملک نے چھکا مارا تاہم اگلی ہی بال پر پھریرا نے انہیں کلین بولڈ کیا، عماد وسیم کا ساتھ دینے کے لیے فہیم اشرف کریز پر آئے، عماد وسیم نے آخری اوور میں 2 چھکے مار کر مجموعی اسکور 197 تک پہنچایا۔

    اننگز کی ویڈیو جھلکیاں

    سرفراز کے آوٹ ہونے کے بعد عماد وسیم شعیب ملک کا ساتھ دینے کے لیے کریز پر آئے، انیسویں اوور کی ابتدائی 3 گیندوں پر شعیب ملک نے لگاتار 3 چوکے لگائے، اوور اختتام پر مجموعی اسکور 4 وکٹ کے نقصان پر 166 تک پہنچا۔

    اٹھارہویں اوور میں شعیب ملک نے ایک چھکے اور ایک چوکے کی مدد سے اسکور کو 166 رنز تک پہنچایا تاہم آخری گیند پر سرفراز احمد وکٹ گنوا بیٹھے، اوور اختتام پر پاکستان نے چار وکٹ کے نقصان پر 166 رنز اسکور کیے۔

    سترہویں اوور میں142 رنزپر پاکستان کی تیسری وکٹ گری، بابراعظم 86 رنز بنا کرعمران طاہر کی گیند پرآؤٹ ہوئے، شعیب ملک کا ساتھ دینے کے لیے کپتان نے بلا سنبھالا اور کریز پر آئے، اوور اختتام پر قومی کرکٹ ٹیم نے 3 وکٹوں کے نقصان پر 149 رنز اسکور کیے۔

    سولہویں اوور میں احمد شہزاد کیچ آؤٹ ہونے کے بعد پویلین لوٹے، انہوں نے 34 گیندوں کا سامنا کرتے ہوئے 39 رنز بنائے، بابر اعظم کا ساتھ دینے کے لیے شعیب ملک بلا سنبھال کر کھیلنے کے لیے آئے، اوور اختتام پر قومی کرکٹ ٹیم نے دو کھلاڑیوں کے نقصان پر 133 رنز اسکور کیے۔

    چودہویں اوور میں ایک چھکے کی مدد سے اسکور 130 تک پہنچا۔

    تیرہویں اوور میں بلے بازوں نے ذمہ دارانہ کھیل کا مظاہرہ پیش کیا جس کی وجہ سے مجموعی اسکور 117 تک پہنچا۔

    پہلی وکٹ جلدی گرنے کے باوجود بلے بازوں نے ذمہ دارانہ بیٹنگ کا مظاہرہ کیا اور ہر اوور میں اسکور حاصل کرتے رہے، گیارہویں اوور کی دوسری بال پر 100 رنز مکمل ہوئے اوور اختتام پر مجموعی اسکور ایک وکٹ کے نقصان پر 106 تک پہنچا۔

    دسویں اوور کی چوتھی بال پر بابر اعظم نے 33 گیندوں پر نصف سنچری مکمل کی، اوور اختتام پر مجموعی اسکور 85 تک پہنچا۔

    نویں اوور میں 6 رنز بنے جس کے بعد قومی کرکٹ ٹیم کا مجموعی اسکور ایک وکٹ کے نقصان پر 76 تک پہنچا۔

    آٹھ اوورز کا کھیل مکمل ہونے پر قومی ٹیم نے ایک وکٹ کے نقصان پر 70 رنز اسکور کیے، بابر اعظم نے ستائیس گیندوں کا سامنا کر کے 42 جبکہ احمد شہزاد نے 18 گیندوں کا سامنا کر کے 20 رنز اسکور کیے۔

    ساتویں اوور میں بابر اعظم کے شاندار چوکوں کے باعث ٹیم کا مجموعی اسکور 62 تک پہنچا، اوور اختتام پر بابر اعظم 40 اور احمد شہزاد 14 رنز بنا کر کریز پر موجود ہیں۔

    چھٹے اوور میں 9 رنز کا اضافہ ہوا جس کے بعد مجموعی اسکور 49 تک پہنچا، اوور اختتام کے ساتھ پہلا پاؤر پلے بھی اختتام کو پہنچا۔

    پانچویں اوور میں مزید رنز بنے تو اسکور41 ہوگیا،اس اوور کے اختتام تک بابر اعظم کے 21 رنز اور احمد شہزاد کے 11 رنز تھے۔

    چوتھے اوور میں بابر اعظم اور احمد شہزاد نے ایک ایک چوکا مارا، اوور کے اختتام تک پاکستان کا اسکور 34 ہوگیا۔

    تیسرے اوور کے اختتام تک ایک وکٹ کے نقصان پر پاکستان نے 24 رنز اسکور کیے، کریز پر بابر اعظم اور احمد شہزاد موجود رہے۔

    دوسرے اوور میں بابر اعظم نے شاندار بیٹنگ کا مظاہرہ کرتے ہوئے مسلسل دو چوکے مارے، اوور اختتام پر پاکستان نے ایک وکٹ کے نقصان پر 21 رنز اسکور کیے۔

    پاکستان کی جانب سے بیٹنگ کا آغاز فخر زمان اور احمد شہزاد نے کیا جبکہ ورلڈ الیون کی جانب سے پہلا اوور مورکل نے کیا، یکے بعد دیگرے دو چوکے مارنے کے بعد فخر زمان سلپ پر کیچ آؤٹ ہوکر پویلین لوٹے، انہوں نے چار گیندوں کا سامنا کرتے ہوئے 8 رنز اسکور کیے۔ اوور اختتام پر ٹیم کا اسکور ایک وکٹ کے نقصان پر 12 تک پہنچا۔

    مزید پڑھیں: ورلڈ الیون کی آمد پاکستان میں عالمی کرکٹ لانےمیں پہلا قدم ہے‘ اینڈی فلاور

    ٹاس کے بعد گفتگو

    اس موقع پر ورلڈ الیون کے کپتان کا کہنا تھا کہ پاکستان آکر بے حد خوشی ہوئی اور امید ہے کہ ایک اچھی سیریز کھیلنے کو ملے گی، مخالف ٹیم پراعتماد ہے کیونکہ اسے ہوم گراؤنڈ اور کراؤڈ کا ایڈوانٹیج بھی حاصل ہے۔

    قومی کرکٹ ٹیم کے کپتان سرفراز احمد نے کہا کہ اگر میں ٹاس جیتتا تو میری بھی پہلے ترجیح بیٹنگ کرنا ہوتی کیوں کہ یہ بیٹنگ پچ ہے اور مخالف ٹیم کو بڑا ٹارگٹ دے کر نفسیاتی برتری حاصل کرنا چاہتے ہیں۔

    اسکواڈ

    پاکستانی بلے باز فہیم اشرف کے ڈیبیو پر تمام کھلاڑیوں نے مبارک باد پیش کی

    کھلاڑیوں کو سخت سیکیورٹی میں ہوٹل سے اسٹیڈیم لایا گیا اور رکشے کے ذریعے پورے گراؤنڈ کا چکر لگوایا گیا، شائقین نے ورلڈ الیون اور قومی کرکٹ ٹیم کے کھلاڑیوں کا شاندار انداز میں استقبال کیا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جیت کے باوجود خامیوں پر نظررکھنی چاہیئے، انضمام الحق

    جیت کے باوجود خامیوں پر نظررکھنی چاہیئے، انضمام الحق

    لاہور: قومی کرکٹ ٹیم کے چیف سلیکٹر انضمام الحق نے کہا ہے کہ جیتنے کےباوجود کھلاڑیوں کو خامیوں پر نظر رکھنے کی ضرورت ہے کیونکہ جیت میں بھی کئی خامیاں ہوتی ہیں، اچھی بات یہ ہے کہ سیریز جیتنے کے بعد بھی کوچ ریلیکس نہیں۔

    ان خیالات کا اظہار انہوں نے قذافی اسٹیڈیم میں انڈر 13 ٹورنامنٹ کے فائنل میچ کے بعد میڈیا سے گفتگو کرتے ہوئے کیا، انہوں نے کہا کہ ویسٹ انڈیز میں کبھی ٹیسٹ سیریز نہیں جیتے اور جیتنے کے بعد بھی کارکردگی بہتر رکھنا کھلاڑی کا کام ہے۔

    ایک سوال کے جواب میں چیف سلیکٹرکا کہنا تھا کہ مکی آرتھر بات کرتے ہوئے گھبراتے نہیں ہیں لیکن جو ہم دیکھ رہے ہیں وہ چیز وہ نہیں دیکھ پا رہے۔

    انضمام الحق نے کہا کہ ٹیم انتظامیہ نے سیریز کیلئے راحت علی کو مانگا لیکن اس کی کارکردگی ٹھیک نہیں ہے جو کھلاڑی کارکردگی دکھائے گا وہی ٹیم میں آئے گا اور جو کار کردگی نہیں دکھائے گا اس کی جگہ متبال کھلاڑیوں کو لایا جائے گا۔

    احمد شہزاد اور کامران اکمل ٹیم کا حصہ بنے اور ان کی کارکردگی کو دیکھتے ہوئے ان پر مزید بھروسہ کیا جاسکتا ہے، انہوں نے ویسٹ انڈیزمیں کھلاڑیوں کی اچھی پرفارمنس پراظہار اطمینان کرتے ہوئے کہا کہ ٹیم کے پاس ٹیسٹ سیریز جیتنے کا اچھا موقع ہے۔

  • پی ایس ایل پرکوئی سیاست نہیں ہوگی، زعیم قادری

    پی ایس ایل پرکوئی سیاست نہیں ہوگی، زعیم قادری

    لاہور : پنجاب کے وزیر زعیم قادری نے کہا ہے کہ آج کے دن کوئی سیاست نہیں ہوگی ، یہ قومی معاملہ ہے سب کو مل کرکام کرنا ہوگا۔

    یہ بات انہوں نے قذافی اسٹیڈیم کے باہر میڈیا کے نمائندوں سے گفتگو کرتے ہوئے کہی انہوں نے بتایا کہ لاہور میچ کے لئے بہترین انتظامات کئے گئےہیں، شائقین کرکٹ کو فری شٹل سروس فراہم کی جارہی ہے، تمام شائقین کو خصوصی بسوں کے ذریعے پارکنگ ایریا سے اسٹیڈیم تک پہنچایا جائے گا، عوام کو اچھی اور سستی تفریح فراہم کی جائے گی۔

    عمران خان کی اسٹیڈیم آمد کے حوالے سے ایک سوال کے جواب میں زعیم قادری نے کہا کہ آج کوئی سیاست نہیں ہوگی، ایک بڑا ایونٹ ہونے جارہا ہے، جو میچ دیکھنے آئے گا وہ ہماری سر آنکھوں پر اور جو نہ آسکا اس کی کوئی مجبوری ہوگی، ہمیں کوئی شکوہ شکایت نہیں۔

    گزشتہ روز لاہور ریلوے اسٹیشن پر شیخ رشید کے ساتھ پیش آنے والے واقعے پر انہوں نے افسوس کا اظہار کرتے ہوئے کہا کہ میں شیخ رشید سے معذرت خواہ ہوں، جو کچھ ہوا ہرگز نہیں ہونا چاہیئے تھا، میں اس کی شدید مذمت کرتا ہوں۔ ان کا کہنا تھا کہ میری عوام سے بھی اپیل ہے کہ وہ بھی اس موقع پر نظم و ضبط کا خیال رکھیں۔

  • پی ایس ایل : ٹکٹوں کے حصول کیلئے عوام کا بے پناہ رش، لمبی قطاریں

    پی ایس ایل : ٹکٹوں کے حصول کیلئے عوام کا بے پناہ رش، لمبی قطاریں

    لاہور: پی ایس ایل فائنل کے ٹکٹ ملنے کے انتظار میں شائقین کرکٹ بے قرار ہوگئے، بینک کے باہر ٹکٹ حاصل کرنے والوں کی لمبی قطاریں لگ گئیں، دو سو ٹکٹوں کے لئے ہزاروں افراد کا بینک کے باہر مجمع لگ گیا، بلیک میلنگ کے الزام میں ہائی کورٹ میں درخواست دائر کردی گئی۔

    تفصیلات کے مطابق پاکستان سپر لیگ کے سپر فائنل کی ٹکٹیں حاصل کرنا شائقین کیلئے چیلنج بن گیا۔ ٹکٹ ملنے کے انتظار میں شائقین کی بینک کے باہر لمبی لائن لگ گئی، ٹکٹوں کے حصول کیلئے لوگوں کی دھکم پیل سے تلخ کلامی کے واقعات بھی پیش آئے۔

    کم قیمت والے ٹکٹ نایاب ہوگئے۔ فائنل کی جنگ سے پہلے ٹکٹ حاصل کرنے کی تگ و دو میں کرکٹ کے دیوانے بے قابو ہوگئے۔ بچے بوڑھے خواتین اورطلباو طالبات نے صبح ہوتے ہی بینکوں کے کھلنے سے قبل ہی ڈیرے ڈال دیئے۔ کم قیمت پانچ سو روپے والے ٹکٹس پر لوگ ٹوٹ پڑے۔

    آن لائن ٹکٹس بھی آتے ہی چھومنتر ہوگئے۔ لاہورمیں مقررہ برانچز پرکھڑکی توڑ رش رہا۔ بے صبرے شائقین ٹکٹ نہ ملنے پر لڑائی جھگڑے پر اتر آئے۔ صورتحال پر قابو پانے کیلئے پولیس کو طلب کرنا پڑگیا، خوف اور نفرت پھیلانے والوں کو شائقین نے کرارا جوب دے دیا۔

    علاوہ ازیں پی ایس ایل فائنل کی مبینہ طور بلیک میں فروخت ہونے والی ٹکٹوں کے خلاف ہائی کورٹ میں درخواست دائر کر دی گئی۔

    پہلاٹکٹ حاصل کرنے والی خاتون خوشی سے باغ باغ ہوگئی، ٹکٹ ملنے پر دو نوجوانوں نے لڈی ڈال کر جشن منایا، ٹکٹ نہ ملنے پر ایک نوجوان نے دھرنا دیا جسے پولیس اپنے ساتھ لے گئی،

    کئی شائقین کو ٹکٹ تو نہ ملے البتہ پولیس کے دھکے ضرور ملے۔ ٹکٹ پانے والی ایک خوش نصیب خاتون نے اے آر وائی نیوز سے گفتگو میں بتایا کہ انہیں تو انتظار ہی نہیں کرنا پڑا۔

    درخواست سول سوسائٹی نیٹ ورک کی جانب سے دائر کی ہے۔ درخواست میں کہا گیا ہے کہ پی ایس ایل کی 500روپے والی ٹکٹ 4000 سے بارہ ہزار روپے میں فروخت کی جا رہی ہے۔انتظامیہ کی نااہلی سے شائقین کرکٹ کو مشکلات کا سامنا ہے۔

    ،مزید پڑھیں : پی ایس ایل فائنل کے ٹکٹس کی آن لائن بکنگ شروع

    ۔درخواست میں کہا گیا ہے کہ آن لائن ٹکٹیں بھی مہنگے داموں فروخت کی جارہی ہیں، جبکہ سستی ٹکٹوں کے لئے شائقین کو بینکوں کے باہر لائنوں میں لگا دیا گیا ہے جس سے شائقین کرکٹ دہشت گردی کی نذر بھی ہو سکتے ہیں۔

    درخواست میں استدعا کی گئی ہے کہ پی ایس ایل کی بلیک میں ٹکٹوں کی فروخت کو روکا جائے اورٹکٹوں کی فروخت کا آسان طریقہ وضع کرنے کے بھی احکامات جاری کیے جائیں۔

  • پی ایس ایل فائنل : ٹکٹوں کی فروخت 26 فروری سے ہوگی، نجم سیٹھی

    پی ایس ایل فائنل : ٹکٹوں کی فروخت 26 فروری سے ہوگی، نجم سیٹھی

    دبئی : چیئرمین پی ایس ایل نجم سیٹھی نے کہا ہے کہ پی ایس ایل کے فائنل کی دونوں ٹیموں میں چارچارغیر ملکی کھلاڑی ہوں گے، کوئی غیرملکی کھلاڑی نہیں آتا تو ہمارے پاس اس کا متبادل کا انتظام ہے، لاہور میں ہونے والے فائنل کے ٹکٹس 26 فروری سے ملیں گے۔

    ان خیالات کا اظہارانہوں نے اے آر وائی نیوز سے خصوصی گفتگو کرتے ہوئے کیا، نجم سیٹھی نے کہا کہ پی ایس ایل کے فائنل میچ کیلئے 50 غیرملکی کھلاڑیوں کی فہرست تیارکی ہے تاہم ان کھلاڑیوں کوسیکیورٹی خدشات ہیں۔


    غیرملکی کھلاڑیوں کا زیادہ میچ فیس دی جائیگی… by arynews

    غیرملکی کھلاڑیوں کے سیکیورٹی ماہرین پاکستان آئیں گے، کھلاڑیوں کو ہیڈآف اسٹیٹ کے برابرسیکیورٹی دی جائے گی، انہوں نے بتایا کہ غیرملکی کھلاڑیوں کو زیادہ میچ فیس دی جائے گی اور ان کی انشورنس بھی کروا رہےہیں۔

    کھلاڑیوں کو ہیڈ آف اسٹیٹ کے برابر سیکیورٹی دی جائےگی۔ چیئرمین پی ایس ایل کا کہنا تھا کہ 26 فروری سے لاہور میں کھلے جانے والے فائنل میچ کے ٹکٹوں کی آن لائن فروخت شروع کردیں گےانہوں نے کاہ کہ  ٹکٹ باکس آفس کےآؤٹ لیٹ،اسٹیڈیم کےقریب دستیاب ہونگے، جس کےپاس ٹکٹ ہوگا وہی اسٹیڈیم آسکےگا۔

  • احمد شہزاد اورعمراکمل ڈریسنگ روم کا ماحول خراب کرتے تھے، شہریار خان

    احمد شہزاد اورعمراکمل ڈریسنگ روم کا ماحول خراب کرتے تھے، شہریار خان

    لاہور: شہریارخان نے کہا ہے کہ ذمہ داریاں واپس لینے کی خبروں میں صداقت نہیں،اگست میں فیصلہ کروں گا، چیئرمین رہوں یا نہیں۔

    چیئرمین پی سی بی شہریارخان نےدوٹوک الفاظ میں کہہ دیا استعفی نہیں دے رہا، چھٹیوں پر انگلینڈ جارہاہوں، پاکستان کرکٹ بورڈ کا پہلا منتخب چیئرمین ہوں۔

    شہریارخان نے شازشوں کی بھی تردید کرتے ہوئے کہا کہ مجھ سے کوئی ذمہ داری واپس نہیں لی جارہی، اگست میں فیصلہ کروں گا، چیئرمین رہوں یا نہیں۔

    شہریارخان نے آسٹریلیا کے شان ہیز کو قومی ٹیم کو فزیو مقرر کردیا، انہوں نے کہا مکی آرتھرنے نائب کوچ کیلئے پاکستانی کوچ کی فرمائش کی ہے،مشتاق احمد کو ہیڈ کوچ کا نائب نہیں بنائیں گے،مکی آرتھر کی مشاورت سے سپورٹنگ اسٹاف کا فیصلہ کریں گے۔

    احمدشہزاد اورعمراکمل کے حوالے سے شہریارخان نے کہا کہ دونوں کھلاڑی ڈریسنگ روم کا ماحول خراب کرتے تھے، دونوں کوڈراپ کرکے مثال قائم کی ہے، دونوں کےمعاملے پر چیف سلیکٹرکے فیصلے کو بیک کیا ہے۔

    شہریارخان کا کہنا تھا کہ محمد عامرکیلئے انگلینڈ کے ویزے کی تمام ضروریات پوری ہیں، امید ہے عامر کو ویزہ مل جائےگا۔

  • ٹی 20 ورلڈ کپ کھیلنے بھارت نہیں جائیں گے، شہریار خان

    ٹی 20 ورلڈ کپ کھیلنے بھارت نہیں جائیں گے، شہریار خان

    لاہور : پی سی بی کے چیئرمین شہریار خان نے کہا ہے کہ بھارتی کرکٹ بورڈ نے بدتہذیبی کی انتہا کردی۔ ممبئی واقعے کے ڈیڑھ دن بعد بھی ششانک منوہر نے معذرت کا ایک لفظ نہیں کہا۔

    ان خیالات کا اظہار انہوں نے بھارت سے وطن واپسی کے بعد قذافی اسٹیڈیم میں پریس کانفرنس سے خطاب کرتے ہوئے کہی، وہ پی آئی اے کی پرواز پی کے 721کے ذریعے نئی ہلی سے لاہور پہنچے۔

    ان کے ہمراہ ان کی اہلیہ نجمہ شہر یار بھی تھیں۔البتہ انہوں نے اس موقع پر میڈیا سے کوئی بات نہیں کی۔ بعد ازاں پریس کانفرنس سے خطاب کرتے ہوئے ان کا کہنا تھا کہ چند لوگوں نے بھارت کو ہرغمال بنارکھا ہے۔

    انہوں نے کہا کہ بھارتی بورڈ کی دعوت پر وہاں گیا تھا۔ ممبئی میں ملنے پر تحفظات تھے، لیکن بھارتی کرکٹ بورڈ نے اصرار کیا اور بھارتی حکام نے سیکورٹی کی یقین دہانی کروائی تھی۔

    معاملات حل کرنے گیا تھا اور آئی سی سی میٹنگ میں بھی بھارت سے سیریز کے حوالے سے جواب مانگا تھا لیکن کوئی مثبت جواب نہیں ملا۔

    شہریار خان نے کہا کہ پاک بھارت سیریز کے امکانات بہت کم ہیں اور اگر 10 دن میں جواب نہ آیا تو سمجھیں گے کہ سیریز نہیں ہو گی۔

    سیریز نہ کھیلنے کے نقصانات برداشت کرنے کو تیار ہیں۔ حالات ایسے رہے تو ٹی 20 ورلڈ کپ کھیلنے بھارت نہیں جائیں گے۔

    انہوں نے کہا آئی سی سی صدر ظہیر عباس نے بھی کہا پاکستان کو ٹی 20 ورلڈ کپ کھیلنے نہیں جانا چاہئیے۔

    شہریار خان نے کہا کہ اب دعوت نامہ ملا تو ہماری بھی شرائط ہوں گی۔ 8 سال سے بھارت سے نہیں کھیلے تو اب بھی فرق نہیں پڑے گا، لیکن کرکٹ میں پیش رفت سے باہمی تعلقات مضبوط ہوتے ہیں۔

  • پاکستان بمقابلہ زمبابوے : آخری ون ڈے میچ آج کھیلا جائے گا

    پاکستان بمقابلہ زمبابوے : آخری ون ڈے میچ آج کھیلا جائے گا

    لاہور : پاکستان اور زمبابوے کے درمیان تیسرا اور آخری ون ڈے میچ آج کھیلا جائے گا، میچ کے تمام ٹکٹس پہلے ہی فروخت ہوچکے ہیں۔

    پاکستان اور زمبابوے کے درمیان ون ڈے میچ آج چار بجے قذافی اسٹیڈیم میں شروع ہوگا۔ آخری میچ کے لئے سکیورٹی کے مزید سخت اقدامات کئے گئے ہیں اور پولیس کی مزید نفری کو اسٹیڈیم کے اطراف تعینات کیا جائے گا۔

    پاکستان تین ون ڈے میچز کی سیریز پہلے ہی دو صفر سے جیت چکا ہے جبکہ ٹی ٹونٹی سیریز میں بھی پاکستان نے زمبابوے کو کلین سویپ کیا۔

    زمبابوے کرکٹ ٹیم میچ کے اختتام کے بعد قذافی اسٹیڈیم سے ہی وطن واپسی کے لیے ایئر پورٹ روانہ ہوجائے گی۔

  • قذافی اسٹیڈیم کے قریب ٹرانسفارمردھماکے سے پھٹ گیا، 3 افراد زخمی

    قذافی اسٹیڈیم کے قریب ٹرانسفارمردھماکے سے پھٹ گیا، 3 افراد زخمی

    لاہور : قذافی اسٹیڈیم کے پاس نصب ٹرانسفارمر دھماکے سے پھٹ گیا، تین افراد زخمی ہوگئے۔

      تفصیلات کے مطابق قذافی اسٹیڈیم کے پاس فیروز پور روڈ پر نصب ٹرانسفارمر دھماکے سے پھٹ گیا، ٹرانسفارمر پھٹنے کی آواز دور دور تک سنی گئی ۔

    قذافی اسٹیڈیم کے باہر ٹرانسفارمر پھٹنے سے 2افراد زخمی ہوئے، اس دوران قذافی اسٹیڈیم میں پاکستان زمبابوے کے درمیان کھیلے جانے والا میچ جاری رہا اور کسی قسم کی افرا تفری دیکھنے میں نہیں آئی۔

    دھماکہ سے زخمی افراد کو قریبی اسپتال میں طبی امداد دے کر روانہ کر دیا گیا۔