Tag: gang rape

پکنک پر جانے والے خاندان کی 2خواتین کے ساتھ اجتماعی زیادتی

ملتان : پکنک پر جانے والے خاندان کی دوخواتین کو پانچ افراد نے اجتماعی زیادتی کانشانہ بناڈالا، ملزمان کے خلاف ڈکیتی اور زیادتی کا مقدمہ درج کرلیا گیا ہے۔

تفصیلات کے مطابق ملتان کےعلاقے ہیڈ محمد والا پر ایک خاندان پکنک منانے کیلئے آیا تھا، پانچ ملزمان ان کی گاڑی کو روک کر پہلے لوٹ مار کی اور پھر بستی گرے والا کے قریب نامعلوم مقام پر دو خواتین کو اجتماعی زیادتی کا نشانہ بنایا۔

جس کے بعد پولیس کی بھاری نفری نے جائے وقوع پر پہنچ شواہد اکھٹے کیے۔

متاثرہ خاندان نے ڈکیتی اور زیادتی کا مقدمہ تھانہ الفہ میں درج کرادیا ہے۔

مزید پڑھیں : پنچایت کا زیادتی کے بدلے ملزم کی بہن سے زیادتی کا حکم

یاد رہے اس سے قبل ملتان کے نواحی علاقے راجا پور میں 16 جولائی کو عمر وڈا نامی شخص نے 12 سالہ لڑکی کو زیادتی کا نشانہ بنایا۔واقعے کے بعد 18 جولائی کو معاملے کا فیصلہ کرنے کے لیے پنچایت لگائی گئی جہاں پنچایت نے زیادتی کے بدلے میں ملزم عمر وڈا کی 17 سالہ بہن کو زیادتی کا نشانہ بنانے کا حکم دے ڈالا تھا۔

فریقین کی درخواست پر ایک دوسرے کے خلاف مقدمات درج کرلئے گئے تھے ، جس کے بعد پنچائیت کے ظالمانہ فیصلے پر دوسری لڑکی سے زیادتی کیس کے مرکزی ملزمان سمیت 24 افراد کو گرفتار کرلیا گیا تھا، گرفتار ہونے والوں میں پنچائیت کا سربراہ بھی شامل تھا۔

پنچایت کےحکم پر لڑکی سے زیادتی کے واقعے پر چیف جسٹس آف پاکستان نے ازخودنوٹس لے لیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اگست 25, 2017
برطانیہ میں لڑکی سے زیادتی، پاکستان فرار ہونے والا مجرم 8 سال بعد گرفتار

لندن: لڑکی سے زیادتی کے مجرم کو 8 برس بعد برطانیہ واپسی پر ایئرپورٹ سے گرفتار کرلیا گیا، مجرم پاکستان فرار ہوگیا تھا۔

بی بی سی کے مطابق جولائی 2009ء میں برطانیہ کے علاقے مڈ لینڈز میں چار افراد نے بے ہوشی کے عالم میں ایک سترہ سالہ لڑکی سے زیادتی کی تھی۔

واقعے کے بعد تین افراد کو گرفتار کرلیا گیا جنہیں جرم میں ملوث ہونے پر جیل بھیج دیا گیا تاہم 29 سالہ عمار معراج نامی مجرم برطانیہ سے چلا گیا تھا۔

حال ہی میں آٹھ برس بعد عمار معراج نے برطانیہ واپس آنے کی کوشش کی جسے برمنگھم ایئر پورٹ پر پولیس نے گرفتار کر لیا۔

پولیس کے مطابق معراج کو اس حملے میں ملوث ہونے کا اعتراف کرنے کے بعد 9 سال اور 9 ماہ قید کے لیے جیل بھیج دیا گیا ہے۔

پولیس کا کہنا ہے کہ یہ ایک کمزور نوجوان لڑکی کے خلاف جرم تھا، یہ مقدمہ ثابت کرتا ہے کہ ہم مجرموں کو انصاف کے کٹہرے میں لانے سے کبھی گریز نہیں کریں گے شکر ہے کہ آخر کار معراج انصاف کی گرفت میں آ گیا۔

اس مقدمے کی ابتدائی سماعت میں اس حملے میں ملوث ہونے کا اعتراف کرنے پر برمنگھم کی کراؤن کورٹ نے جمعے کو معراج کو قید کی سزا سنا کر جیل بھیج دیا جہاں اسے نو سال اور نو ماہ تک رہنا ہوگا۔

مئی 22, 2017
شیخوپورہ : دس سالہ بچی سے اجتماعی زیادتی، ملزمان فرار

شیخوپورہ : فیروز وٹواں میں نامعلوم افراد نے 10 سالہ لڑکی کو اغوا کر کے اجتماعی زیادتی کا نشانہ بنایا اور سڑک کے کنارے پھینک کر فرار ہوگئے۔

تفصیلات کے مطابق فیروز وٹواں کے محنت کش یاسین کی 10 سالہ بسمہ اپنے دو چھوٹے بہن بھائی کے ہمراہ کھیل رہی تھی کہ اسی دوران نامعلوم افراد اسے اغوا کر کے لے گئے، اطلاع موصول ہوتے ہی والدین نے قریبی پولیس اسٹیشن میں اطلاع دی۔

پولیس حکام کے مطابق ملزمان نے متاثرہ بچی کو نامعلوم مقام پر لے جا کر اپنی ہوس کا نشانہ بنایا اور پھر اُس کی حالت غیر ہونے پر اُسے گاؤں سے تھوڑا دور سڑک کنارے کھیتوں میں پھینک کر فرار ہوگئے۔

متاثرہ بچی کو ڈی ایچ کیو اسپتال منتقل کردیا گیا جہاں ڈاکٹرز نے بچی سے ساتھ زیادتی کی تصدیق کی ہے، بچی کی حالات ناساز ہونے کے باعث اُسے لاہور منتقل کیا جارہا ہے۔

وزیر اعلیٰ پنجاب شہباز شریف نے واقعے کی اطلاع ملنے پر نوٹس لیتے ہوئے پولیس حکام کو ملزمان کی جلد از جلد گرفتاری کے احکامات جاری کردئیے اور بچی کے مفت علاج و معالجے کا حکم دے دیا۔

جون 5, 2016
مظفر گڑھ کی ایک اور طالبہ اجتماعی زیادتی کاشکار

مظفر گڑھ: ایک اور طالبہ اجتماعی زیادتی کاشکار ہوگئی، انصاف نہ ملنے پر خود کو آگ لگانے کی دھمکی دیدی ہے.

چودہ سالہ لڑکی کے مطابق اسے با اثر افراد نے تلیری بائی پاس کے قریب سے اغوا کرکے ملتان لے آئے اور اجتماعی زیادتی کا نشانہ بناتے رہے، ملزمان میں سابق صوبائی وزیر کے بھائی نوید آرایئں اور باقی ساتھی شامل ہیں.

لڑکی نے الزام عائد کیا ہے کہ پولیس تھانہ مظفر گڑھ نے مقدمہ تو درج کیا مگر ملزمان کے بااثر ہونے کی وجہ سے انھیں گرفتار نہیں کیا جارہا.

لڑکی کا کہنا ہے کہ اگر انصاف نہیں ملا تو خود کو آگ لگا لوں گی.

یاد رہے کہ ماضی میں پولیس کے روئے سے تنگ 2 خواتین خود کو آگ لگا چکی ہیں.

نومبر 12, 2015
بھارت میں تعینات سعودی ڈپلومیٹ کی نیپالی ملازماؤں کے ساتھ زیادتی

نئی دہلی: دو نیپالی ملازماؤں نے بھارتی دارالحکومت نئی دہلی میں تعینات سعودی ڈپلومیٹ پرجنسی زیادتی اورتشدد کا الزام عائد کیا ہے۔

پولیس کے اسٹنٹ کمشنر راجیش کمار کا کہنا ہے کہ 30 اور 50 سالہ خواتین نے الزام عائد کیا ہے کہ سعودی ڈپلومیٹ میں نے انہیں گھر میں قید رکھا اور متعدد بار زیادتی کا نشانہ بنایا اور تشدد بھی کرتے رہے۔

پولیس کے مطابق انہوں نے ملازمت پر نئی رکھی جانے والی ایک اور خاتون کی اطلاع پر دونوں ملازماؤں کا بازیاب کرایا۔

پولیس کا کہنا ہے کہ انہوں نے مذکورہ ڈپلومیٹ کے خلاف زیادتی اورحبس بے جا کا مقدمہ درج کرلیا ہے۔

پولیس ذرائع کے مطابق ڈپلومیٹ کے گھر پر آنے والے مہمان بھی ان ملازماوٗں کے ساتھ جنسی زیادتی کرتے رہے جس کے سبب انہوں نے مقدمے میں اجتماعی زیادتی کی شقیں بھی شامل کی ہیں۔

نیپالی نژاد ملازماوٗں میں سے ایک نے اپنا چہرہ چھپاتے ہوئے مقامی ٹی وی سے گفتگو کرتے ہوئے بتایا کہ انہیں سخت اذیت کے عالم میں قید رکھا گیا ، انہیں کھانے کے لئے مناسب خوراک بھی نہیں دی جاتی تھی اور جب انہوں نے بھاگنے کی کوشش کی تو انہیں شدید تشدد کا نشانہ بنایا گیا۔

ستمبر 9, 2015
لاہور: میو ہسپتال کی نرس مبینہ زیادتی کے بعد قتل

لاہور: میواسپتال کی نرس نادیہ محمود مبینہ زیادتی کے بعد قتل کردی گئی،پولیس نے مقدمہ درج کرکےتفتیش شروع کردی۔

میو اسپتال کی ایک اور نرس حوس کی نظرہوگئی،پاکپتن کی رہائشی تیس سالہ نادیہ محمود میواسپتال کے انتہائی نگہداشت کے وارڈمیں تعینات تھی، جو مریضوں کی خدمت کا جذبہ لیے لاہور آئی تھی۔

اکتیس جنوری کو ڈیوٹی کے بعدنادیہ اچانک لاپتہ ہوگئی تھی،یکم فروری کو مقتولہ کی لاش کو تحسین نامی شخص نے اس کے اہلخانہ کے سپرد کیا ۔

غسل کے دوران ،مقتولہ کے جسم پر تشدد کے نشانات نمایاں تھے جس پر ورثا ءنے پولیس کو مطلع کیا، پولیس کی ابتدائی تفتیس میں مقتولہ کو مبینہ زیادتی کانشانہ بنایاگیا۔

ملزم تحسین بھی میواسپتال میں ملازم ہے،پولیس نے دفعہ تین سو دو کا مقدمہ درج کرکے ملزم تحسین کی گرفتاری کیلئے چھاپے مارنا شروع کردئیے ہیں ۔

فروری 4, 2015
مدرسہ کی طالبہ سے چار افراد کی اجتماعی زیادتی

چکوال: مدرسہ کی چودہ سالہ طالبہ کو چار افراد نے اغواء کر کے اجتماعی زیادتی کا نشانہ بنایا۔

مبینہ طور پر اجتماعی زیادتی کا نشانہ بننے والی چودہ سالہ طالبہ نے اے آروائی نیوز کو بتایا کہ وہ کوٹ راجہ کی رہائشی ہے اور راولپنڈی کے ایک مدرسہ میں زیر تعلیم ہے۔وہ مدرسہ سے چھٹی کر کے واپس چکوال آ رہی تھی کہ مسافر وین کے کنڈیکٹر رفعت اسے چکمہ دے کر اپنے ہمراہ لے گیا اور کوٹ راجہ ڈیم کے چوکیدار کے بیٹے ضیغم،باسط اور شفقت نے اسے ساری رات ڈیم پر رکھا اور باری باری زیادتی کی جب حالت غیر ہو گئی تو شفقت اور فرحت مجھے ڈھڈیال لے گئے وہاں کئی دن رکھا اور مجھے زیادتی کا نشانہ بناتے رہے۔

پولیس اسٹیشن ڈھڈیال نے مقدمہ دارج کر لیا ہے تاہم ملزمان بااثر ہونے کی وجہ سے پولیس ابھی انہیں گرفتار نہیں کر رہی اور متاثرہ لڑکی کے والد پر راضی نامہ کے لئے دباؤ ڈالا جا رہا ہے،اسپتال ذرائع نے ابتدائی طور پر زیادتی کی تصدیق کر دی ہے۔

دسمبر 15, 2014
بورےوالا:سرکاری اسپتال میں مریضہ سےمبینہ اجتماعی زیادتی

بورے والہ:بورے والہ کےسرکاری اسپتال میں مریضہ کومبینہ طورپراجتماعی زیادتی کانشانہ بنایا گیا،ہسپتال کے پانچ ملازمین پرنشہ آور انجکشن لگا کر زیادتی کا الزام ہے۔

بورے والہ کی خاتون دوا لینے کے لیے تحصیل ہیڈکوارٹر اسپتال آئی،جہاں اسپتال کے عملے نے ڈاکٹر کے پاس رش کا بہانہ کرکے اسے بٹھائے رکھا اور پھر نشے کا انجکشن لگا کر اجتماعی زیادتی کا نشانہ بنایا۔

زیادتی کا شکار ہونے والی خاتوں کی حالت اب تک تشویشناک ہے،خاتون کے شوہرعبدالرحمان نے اسپتال عملے کے ارکان محسن علی،رمضان اور مقبول سمیت پانچ ملزمان کو نامزد کرتے ہوئے وزیر اعلی پنجاب شہبازشریف سے انصاف کی اپیل کی ہے،عبدالرحمان کا کہنا ہےکہ انصاف فراہم نہ کیا گیا تو وہ بیوی اور بچوں سمیت خود سوزی کرلے گا۔

متاثرہ خاتون کے شوہر کی مدعیت میں تھانہ ماڈل ٹاؤن میں مقدمہ درج کرلیا گیا ہے، پولیس کے مطابق ملزمان کی گرفتاری کے لیے چھاپے مارے جارہے ہیں،بورے والہ ٹی ایچ کیواسپتال میں اس سے پہلے بھی کئی خواتین سے زیا دتی کے واقعات ہو چکے ہیں لیکن وہ منظر عام پر نہ آسکے۔

نومبر 13, 2014
ڈیرہ غازی خان: خود سوزی کرنے والی خاتون دم توڑگئی

ڈیرہ غازی خان:انصاف نہ ملنے پرخودسوزی کرنے والی خاتون اسپتال میں دم توڑ گئی،صائمہ اقبال نےملزمان کو تھانےسےرہاکرنے پرخود کوآگ لگالی تھی۔

ڈی جی خان میں مبینہ زیادتی کےبعد انصاف نہ ملنےپرخود سوزی کرنے والی خاتون صائمہ اقبال نشتراسپتال میں دم توڑ گئی،پولیس نے واقعے میں ملوث قرار دیئے جانے والے تینوں ملزمان کو بےگناہ قرار دے کررہا کردیا تھا،جس پر پانچ روز قبل صائمہ نے خود پر پیٹرول چھڑک کرآگ لگالی تھی۔

ڈیرہ غازی خان کی کےعلاقے شاکرٹاون کی رہائشی صائمہ اقبال کو چارافراد دو ماہ تک زیادتی کا نشانہ بناتے رہےتھے،متعلقہ تھانےداد رسی کیلئے پہنچنے پر سب انسپکڑ غلام اکبر نے رپورٹ درج کرنے کے بجائےاسے اس کی ماں سمیت تھانے میں بند کردیا ، جہاں سے متاثرہ لڑکی کے بھائی محمد بلال نے اپنی بہن اور والدہ کو عدالتی بیلف کے ذریعے رہا کرایا تھا۔

ستمبر 8, 2014
بھارت :جنسی زیادتی کے واقعات پر خواتین سڑکوں نکل آئیں

لکھنؤ:بھارت میں عصمت دری کے بڑھتے ہوئےواقعات اورخواتین کےتحفظ میں ناکامی پر خواتین حکومت کے خلاف سراپا احتجاج ہیں۔

لکھنو میں احتجاج کرتے ہوئے خواتین کا کہنا تھا کہ حکومت خواتین کو تحفظ فراہم کرنے میں ناکام ہوچکی ہے۔

مطاہرے میں شامل خواتین نےخواتین کی حفاظت یقینی بنانے کے لیے حکومت کی جانے والی کوششوں کو ناکافی قرار دیتے ہوئے حکومت سے اپیل کی ہے کہ وہ عصمت دری کے واقعات کو روکنے کے لیے قدم اٹھائے اور مجرموں کو سخت سے سخت سزا دے۔

جولائی 19, 2014