ARYNews.tv | Urdu – Har Lamha Bakhabar

Tag: gas clander blast

  • راولپنڈی : شادی کے گھر میں آتشزدگی: پانچ خواتین جل کر جاں بحق، تین زخمی

    راولپنڈی : شادی کے گھر میں آتشزدگی: پانچ خواتین جل کر جاں بحق، تین زخمی

    راولپنڈی : گھر میں آگ لگنے سے دلہن سمیت پانچ خواتین جل کر جاں بحق اور تین زخمی ہوگئیں، گیس سلینڈر سے لگنے والی آگ کے شعلوں نے پورے گھر کو لپیٹ میں لے لیا، شیخ رشید نے جائے وقوعہ پر جا کر اہل خانہ سے تعزیت کی۔

    تفصیلات کے مطابق راولپنڈی کے علاقے سیٹلائٹ ٹاؤن سکستھ روڈ میں خوشیوں کا گھرماتم کدہ بن گیا,گھر میں زیر استعمال گیس سلنڈر زردار دھماکے سے پھٹ گیا۔

    جس کے بعد گھر میں آگ لگ گئی، دیکھتے ہی دیکھتے شعلوں نے پورے گھر کو اپنی لپیٹ میں لے لیا، جس کے نتیجے میں پانچ خواتین جل کر جاں بحق ہوگئیں۔

    واقعے میں تین افراد کے زخمی ہونے کی بھی اطلاعات ہیں، ہلاک ہونے والوں میں ایک لڑکی 24سالہ ثناء طارق بھی شامل ہے، جس کی شادی دو روز بعد ہونا تھی، آتشزدگی سے گھر میں رکھا جہیز کا سامان بھی جل کر خاکستر ہوگیا۔

    اہل محلہ کا کہنا ہے کہ واقعے کی اطلاع ملنے کے کافی دیر بعد  پولیس اور فائر بریگیڈ کا عملہ پہنچا، فائربریگیڈ اورریسکیو اہلکاروں نے آگ بجھانے کے ساتھ امدادی کارروائیوں کا آغازکیا۔

    بدقسمتی سے فائر بریگیڈ کی گاڑیوں میں پانی کم تھا جس کے باعث آگ پر بروقت قابو نہ پایا جا سکا، ریسکیو حکام کے مطابق آگ لگنے وجہ تاحال سامنے نہیں آئی ہے، پولیس نے ہلاک ہونے والوں کی لاشوں کو اسپتال منتقل کردیا، قانونی کارروائی کے بعد لاشیں ورثاء کے حوالے کی جائیں گی۔

    بعد ازاں وزیر ریلوےشیخ رشید نے متاثرہ خاندان کے گھرجاکر اہل خانہ سےاظہار تعزیت کیا، ان کا کہنا تھا کہ گھرمیں لکڑی کا کام ہورہا تھا، گیس سلنڈرپھٹنے سےدھماکا ہوا، انہوں نے کہا کہ فائربریگیڈ کی گاڑیوں میں پانی نہ ہونا افسوسناک بات ہے، امدادی کارروائیوں میں کوتاہی پرریسکیو اہلکاروں کے خلاف کارروائی ہوگی۔

  • لاہور: سلنڈرپھٹنے سے تیس دکانیں جل کرراکھ، قرآن کریم محفوظ رہا

    لاہور: سلنڈرپھٹنے سے تیس دکانیں جل کرراکھ، قرآن کریم محفوظ رہا

    لاہور : جوہر ٹاؤن میں گیس سلنڈر پھٹنے سے بھڑکنے والی آگ نے لاکھوں کا سامان پھونک ڈالا، قرآن کا نسخہ محفوط رہا،ایک دکان سے نکلنے والے شعلوں نے موٹر سائیکلیں، فرنیچر اور کراکری کی دکانوں کو بھی لپیٹ میں لے لیا، چار افراد جھلس کر زخمی ہوگئے۔

    تفصیلات کے مطابق لاہور کے علاقے جوہر ٹاؤن حاکم چوک پر گیس بھرتے ہوئے گاڑی کا سلنڈر زور دار دھماکے سے پھٹ گیا جس کے بعد دکان میں رکھے کئی سلنڈر بھی دھماکے سے پھٹتے چلے گئے اور شدید آگ بھڑک اٹھی۔

    آگ اتنی ہولناک تھی کہ اس نے دیکھتے ہی دیکھتے پوری مارکیٹ کی 30 دکانوں کو اپنی لپیٹ میں لے لیا، آسمان سے باتیں کرتے خوفناک شعلوں نے ارد گرد کھڑی موٹر سائیکلوں کو بھی راکھ کردیا۔

    ابتدائی طور پر لوگوں نے وہاں اپنی مدد آپ کے تحت آگ بھجانے کی کوشش کی لیکن ناکام رہے، اس دوران چار افراد جھلس کر شدید زخمی ہوگئے جنہیں طبی امداد کیلئے قریبی اسپتال منتقل کیا گیا۔

    فرنیچر اور کراکری کی تیس دکانوں میں رکھا سامان بھی نہ بچ سکا، فائر بریگیڈ کے عملے نے تین گھنٹے کی جدو جہد کے بعد آگ پر قابو پایا۔ جب تک آگ لاکھوں کا سامان بھسم کرچکی تھی۔

    قرآن کریم کا معجزہ 

    اس موقع پر قدرت کا نظارہ بھی دیکھا گیا کہ ایک دکان میں رکھا قرآن پاک کا نسخہ بالکل محفوظ رہا، البتہ اس میں رکھے ہوئے بڑے نوٹ جل کر راکھ ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • ملتان کے گھر میں سلنڈر پھٹنے سے آٹھ افراد جھلس گئے

    ملتان کے گھر میں سلنڈر پھٹنے سے آٹھ افراد جھلس گئے

    ملتان:  گھر میں گیس سلنڈر پھٹنے سے8 افراد جھلس گئے، دھماکہ گیس لیکج کے باعث ہوا۔

    سورج میانی کے علاقہ میں اہل خانہ کے مطابق سلنڈر دھماکہ اس وقت ہوا جب وہ سوئی گیس نہ ہونے کے باعث گھر کا کھانہ سلنڈر گیس سے پکا رہے تھے کہ اچانک زوردار دھماکہ ہوا جس کے بعد گھر کے 8 افراد جھلس گئے ریکسیو نے موقع پر پہنچ کر 2 افراد کو موقع پر طبی امداد دی جبکہ زیادہ جھلسنے والوں نشتر ہسپتال ملتان منتقل کردیا گیا ہے جہاں پر ان کا علاج جاری ہے۔

     زخمیوں میں 2 بچوں سمیت خواتین بھی شامل ہیں، یاد رہے کہ موسم سرما میں گیس لوڈ شیڈنگ کے باعث گھریلو صارفین کو انتہائی مشکلات کا سامنا ہے۔ جس کی وجہ سے ان کو غیر معیاری سلنڈر استعمال کرنا پڑتا ہے جو کہ قانوناً جرم بھی ہے۔ تاہم پولیس نے موقع پر پہنچ کر تحقیقات شروع کردی ہیں۔

  • راولپنڈی گیس سلنڈر دھماکہ میں ایک جاں بحق، کوئٹہ گیس بھر جانے سے آٹھ افراد زخمی

    راولپنڈی گیس سلنڈر دھماکہ میں ایک جاں بحق، کوئٹہ گیس بھر جانے سے آٹھ افراد زخمی

    راولپنڈی/کوئٹہ: راولپنڈی کی پی ڈبلیو کالونی میں گیس سلنڈر دھماکےسےایک شخص جاں بحق اورچار افراد زخمی ہوگئے جبکہ کوئٹہ کےعلاقے پشتون آباد میں گھر میں گیس بھرجانےسےدو خواتین سمیت آٹھ افراد زخمی ہوگئے ہیں۔

    تفصیلات کے مطابق راولپنڈی کی پی ڈبلیو کالونی کے فلیٹ میں گیس سلنڈر پھٹنے سے ایک شخص جاں بحق ہوگیا اور دیگر چار افراد زخمی ہوگئے، زخمیو ں کو فوری طور پر اسپتال منقل کردیا گیا ہے جبکہ دھماکےکی وجہ تاحال معلوم نہیں ہوسکی ہیں۔ پولیس نے موقع پر پہنچ کر تحقیقات شروع کردی ہیں۔

    دوسری جانب کوئٹہ کے علاقے پشتون آباد میں مکان میں گیس بھرنے سے دو خواتین اور بچوں سمیت آٹھ افراد زخمی ہوگئے جنہیں طبی امداد کےلئےسول اسپتال کوئٹہ منتقل کردیا گیا ہے۔

    واضح رہے کہ سردی کی آمد کے ساتھ ہی ملک بھر مین اس قسم کے واقعات میں اضافہ ہو جاتا ہے جس کی روک تھام کیلئے شہریوں کو احتیاطی تدابیر اختیار کر نی چاہیں تاکہ اپنے پیاروں کی زند گیاں محفوظ بنائی جاسکیں۔