پنجاب: موسم سرما میں پنجاب بھر میں سی این جی سیکٹر اور کھاد بنانے والی کمپنیوں کو گیس کی فراہمی بند کر دی گئی ہے، دوسری جانب سندھ نے وفاق کو گیس ٹیکس کا معاملہ حل کرنے کی درخواست کر دی ہے۔
وزارتِ پیٹرولیم اور قدرتی وسائل کے مطابق نومبر سے جنوری تک پنجاب بھر میں صنعتی سیکٹر ، کھاد بنانے والی کمپنیوں اور سی این جی سیکٹر کو گیس کی فراہمی بند رہے گی، وزارتِ پیٹرولیم کے مطابق گھریلو صارفین اولین ترجیحی ہیں اور ان کو گیس کی فراہمی کو یقینی بنایا جائے گا ۔
دوسری جانب سندھ حکومت نے گیس انفراسٹرکچر دیویلپمنٹ سیس کا معاملہ نمٹانے کیلئے وفاق کو خط ارسال کر دیا ہے، وزیرِاعلی سندھ کے مشیر مراد علی شاہ کے مطابق جی آئی ڈی سی پر تاجر برادری کی جانب سے کافی تحفظات کا اظہار کیا گیا ہے اور سندھ حکومت تاجروں اور صنعت کاروں کا مقدمہ بخوبی لڑ رہی ہے۔
