Tag: Gas

  • سندھ میں کنوئیں سے گیس کے مزید ذخائردریافت

    سندھ میں کنوئیں سے گیس کے مزید ذخائردریافت

    سانگھڑ: پاکستان پیٹرولیم نے ضلع سانگھڑ سندھ میں نو دریافت شدہ کنوئیں فیض سے پانچویں گیس اور کنڈنسیٹ کے ذخائر دریافت کرنے کا اعلان کیاہے۔

    پی پی ایل کی سندھ میں وافق ، شہداد ، شرف اور کنزہ سے گیس اور کنڈنسیٹ کی دریافت کے بعد گمبٹ ساؤتھ میں یہ پانچویں دریافت ہے۔فیض کی کھدائی کا آغاز اکتوبرمیں ہوا۔

    ابتدائی جانچ کے دوران یومیہ آٹھ اعشاریہ چھ ایم ایم سی ایف ڈی گیس اور ایک سو پندرہ بیرل کنڈنسیٹ حاصل ہوئے جو تجارتی مقاصد کے لئے استعمال ہوں گے۔

    نو دریافت شدہ کنویں فیض سے یومیہ تقریباً تیرہ سو بیرل تیل کی ممکنہ پیداوار ہوگی جس سےاٹھتر ہزار امریکی ڈالر یومیہ کے زر مبادلہ کی بچت ہوگی۔

  • اوگرا کوگیس کی قیمت میں اضافے کی ہدایات جاری

    اوگرا کوگیس کی قیمت میں اضافے کی ہدایات جاری

    اسلام آباد: وزیراعظم نواز شریف کی جانب سے گیس کی قیمتوں میں اضافہ نہ کرنے کے حکم کے باوجود اوگرا کوگیس کی قیمت میں اضافہ کی ہدایات جاری کر دی گئیں ہیں۔

    تفصیلات کے مطابق وزارت خزانہ ذرائع نے بتایا ہے کہ وزیراعظم کی جانب سے گیس کی قیمتوں میں اضافہ نہ کرنے کے حکم کے باوجوداقتصادی رابطہ کمیٹی نے اوگرا کو گیس پرائسنگ فارمولے میں تبدیلی کیلئے ہدایات جاری کر دی ہیں۔

    پرائسنگ فارمولے میں تبدیلی سے گیس کی قیمتوں میں خاطر خواہ اضافہ متوقع ہے۔ نئی ہدایات کے تحت سسٹم سے چوری اور ضائع ہونے والی گیس کی تمام تر وصولی صارفین کو منتقل کردی جائے گی ۔

    اس طر ح آئندہ تین مالی سال میں صارفین سے ستر ارب روپے تک وصول کئے جائیں گے ۔اس ضمن میں اوگرا کو جلد از جلد اسٹڈی مکمل کر کے اقدامات کرنے کے احکامات جاری کر دئیے گئے ہیں۔

  • صوبے بلوچستان میں سی این جی سیکٹر کو گیس کی فراہمی بند

    صوبے بلوچستان میں سی این جی سیکٹر کو گیس کی فراہمی بند

    کوئٹہ: موسم سرما کے شدت اختیار کرتے ہی صوبے بلوچستان میں سی این جی سیکٹر کو گیس کی فراہمی غیر معینہ مدت کیلئے بند کر دی گئی۔

    سوئی سدرن گیس کمپنی کےترجمان کے مطابق کوئٹہ سمیت صوبےبھر میں سی این جی اسٹیشنز کوگیس کی فراہمی غیرمعینہ مدت کیلیےبند کر دی گئی ہے، سوئی سدرن گیس کمپنی کے مطابق گیس معطلی کا فیصلہ سوئی گیس پریشر میں کمی کےباعث کیاگیا ۔صوبے بلوچستان میں موسم سرما کے شدت اختیار کرنے کے باعث گیزر اور ہیٹرز کے استعمال میں اضافے ہوگیا ہے جس کے باعث کے باعث گیس کے پریشر میں کمی آئی ہے۔

  • گیس کے بحران نے سرمایہ کاری خطرے میں ڈال دی

    گیس کے بحران نے سرمایہ کاری خطرے میں ڈال دی

    کراچی: ملک میں جاری گیس بحران کے باعث ایک ارب بیس کروڑ ڈالر سے زائد کی سرمایہ کاری خطرے میں پڑگئی۔ الطوارقی اسٹیل ملز نے پلانٹ بند کر نے دھمکی دے دی۔

    کمپنی ذرائع کےمطابق سالانہ جنرل میٹنگ میں طوارقی اسٹیل ملز کےمستقبل کے حوالے سے اہم فیصلے کئے گئے۔تفصیلات کے مطابق اس پلانٹ پر سعودی عرب اور جنوبی کوریا کے سر مایہ کاروں نے چونتیس کروڑ ڈالرکا سرمایہ لگایا ہوا ہے۔

    لیکن ایک سال سے پلانٹ گیس کی عدم فراہمی کے باعث بند پڑا ہے ۔ اس صورت حال کے پیش نظر کمپنی نے سر مایہ نکالنے اور پلانٹ کو بند کرنے پر غورشروع کر دیاہے۔کمپنی ذرائع کا کہنا ہے گیس ملی تو پلانٹ میں نواسی کروڑ کی مزید سرمایہ کاری کی جائے گی۔

  • لاہور:گیس لوڈشیڈنگ،گھروں میں کھانالکڑیوں پرپکنےلگا

    لاہور:گیس لوڈشیڈنگ،گھروں میں کھانالکڑیوں پرپکنےلگا

    لاہور کے بیشتر علاقوں میں گیس کی غیر علانیہ لوڈ شیڈنگ سے لوگ لکڑیاں جلا کر کھانا پکانے پر مجبور ہوگئے۔

    صوبائی دارلحکومت لاہور کے بیشترعلاقوں میں کئی کئی گھنٹے گیس کی فراہمی معطل ہونے سے گھریلو صارفین کو شدید مشکلات کا سامنا ہے۔

    صدر،اقبال ٹاون اور کینٹ سمیت ملتان روڈ، مصطفی ٹاون،ایجوکیشن ٹاون اور ٹھوکر نیاز بیگ کے مختلف علاقوں میں سوئی گیس کی غیر اعلانیہ لوڈ شیڈنگ کی جارہی ہے۔

    عوام کا کہنا ہے کہ حکومت موسم سرما کے ابتدا میں ہی گیس فراہم کرنے میں ناکام ہو چکی ہے جس کے باعث وہ لکڑیاں جلا کر کھانا پکانے پر مجبور ہو گئے ہیں۔

    حکومت نے گھریلو صارفین کو گیس فراہم کرنے کے غرض سے سی این جی اسٹیشنز کو بھی گیس کی فراہمی معطل کر رکھی ہے۔

  • گھروں کیلئے پوری گیس نہیں صنعتوں کو کہاں سے دیں، شاہد خاقان عباسی

    گھروں کیلئے پوری گیس نہیں صنعتوں کو کہاں سے دیں، شاہد خاقان عباسی

    اسلام آباد: وزیر پیٹرولیم شاہد خاقان عباسی نے کہا ہے کہ سردیوں میں گیس صرف گھریلو صارفین کو ملے گی باقی لوگ آس نہ لگائیں۔

    پارلیمنٹ میں صحافیوں سے گفتگو کرتے ہوئے وفاقی وزیر پیٹرولیم شاہد خاقان عباسی کا کہنا تھا کہ گھریلوصارفین کیلئے پوری گیس نہیں تو صنعتوں کوکہاں سےدیں۔

    اُنہوں نےبتایا کہ ملک بھر میں 46گیس فیلڈز غیرفعال پڑی ہیں،جس سے10روپےفی یونٹ کی ایک ہزارمیگاواٹ بجلی بن سکتی ہے، قطر سے درآمد شدہ ایل این جی کے حوالے سے اُن کا کہنا تھا کہ یہ پیٹرول سے 30فیصد سستی ہوگی اور اس کی آمد سےتوانائی کی قلت میں کمی آئے گی۔

    اس موقع پر موجود سوئی سدرن گیس کمپنی کےحکام نے میڈیا کو بتایا کہ صرف سندھ بلوچستان میں سالانہ 3 ارب روپےکی گیس چوری کی جارہی ہے۔

  • پنجاب میں صعنتوں اورسی این جی اسٹیشنز کو گیس کی فراہمی 4 ماہ کیلئے معطل

    پنجاب میں صعنتوں اورسی این جی اسٹیشنز کو گیس کی فراہمی 4 ماہ کیلئے معطل

    لاہور: پنجاب میں صعنتوں اورسی این جی اسٹیشنز کو گیس کی فراہمی اگلے چار ماہ کے لئے بند کردی گئی۔

    موسم سرما میں بجلی کے ساتھ ساتھ عوام کو گیس کی لوڈشیڈنگ بھی برداشت کرنی پڑے گی، سوئی ناردرن گیس کمپنی نے پنجاب میں سی این جی اور انڈسٹری کواگلے چار ماہ کے لئے گیس معطل کردی۔

    ایس این جی پی این کا موقف ہے کہ سردیوں میں گیس کی طلب میں اضافہ ہوجاتا ہے،گھریلو صارفین اور پاور سیکٹر کو گیس کی فراہمی یقینی بنانے کے لئے پنجاب کی صنعتوں اور سی این جی اسٹیشنز کو گیس کی فراہمی بند کرنا پڑ رہی ہے، لیکن وزارت خزنہ نے ٹیکسٹائل سیکٹر کے لئے کی جانے والی لوڈشیڈنگ کو معطل کردیا گیا ہے۔

    وزیر خزانہ اسحاق ڈار نے یہ فیصلہ وزیر اعظم نواز شریف کی رضامندی سے کیا ہے،ٹیکسٹائل سیکٹر کے لیے گیس لوڈشیڈنگ کا حتمی فیصلہ متعلقہ وزراء کی وطن واپسی پر کیا جائے گا۔

  • مسائل حل نہ ہوئےتو دھرنے کا اعلان کریں گے،سی این جی ایسوسی ایشن

    مسائل حل نہ ہوئےتو دھرنے کا اعلان کریں گے،سی این جی ایسوسی ایشن

    کراچی: آل پاکستان سی این جی ایسوسی ایشن نےکہاہےکہ دس دن میں درپیش مسائل حل نہیں ہوئےتوبیس نومبرکوایس ایس جی سی کے دفتر کے باہر دھرنا دیں گے۔

    آل پاکستان سی این جی ایسوسی ایشن سندھ زون اورآل کراچی ٹرانسپورٹ اتحادکا مشترکہ اجلاس ہوا، جس کے بعد دونوں تنظیموں کے صدور نےمشترکہ نیوزکانفرنس میں بتایاکہ حکومت نےنجی کمپنی کے ذریعے ایل این جی متعارف کرنےکافیصلہ کیاہے جوسی این جی گیس ٹیرف سےتین گناہ مہنگی ہوگی۔

    اُن کاکہناتھاکہ ایل این جی آنےسےسی این جی کی فی کلوقیمت 110روپےتک پہنچ جائیگی، انہوں نےمزیدبتایاکہ ہفتےمیں سی این جی کی تین روزہ بندش کےبعد ایس ایس جی سی اب چار روزکیلئے سی این جی اسٹیشنز بندکرنے کیلئے پرتول رہی ہے۔سی این جی ایسوسی ایشن اور آل کراچی ٹرانسپورٹ اتحاد نےحکومت سےمطالبہ کیا ہےکہ مسائل کےحل کیلئے وزارت پیٹرولیم،ایم ڈی ایس ایس جی سی اور سندھ کے اسٹیک ہولڈرزپرمشتمل کمیٹی بنائی جائے ورنہ پورےکراچی میں احتجاج ہوگا۔

  • لوڈشیڈنگ کیخلاف احتجاج، مظاہرین نے پولیس اہلکارکی پٹائی کردی

    لوڈشیڈنگ کیخلاف احتجاج، مظاہرین نے پولیس اہلکارکی پٹائی کردی

    فیصل آباد : نشاط آباد کے مکینوں کا گیس لوڈ شیڈنگ کے خلاف احتجاج، مظاہرین نے روڈ بلاک کرکے گو نواز گو کے نعرے بھی لگائے پولیس کے گلوبٹ کو پکڑ کر خوب دھلائی کر دی۔

    تفصیلات کے مطابق نشاط آباد اور اس سے ملحقہ علاقوں کے مکینوں کو گزشتہ دو سال سے گیس لوڈشیڈنگ کا سامنا ہے۔ بندش کے خلاف مظاہرین نے احتجاجا ٹائروں کا آگ لگا کر روڈ بلاک کردی۔ برتن اٹھائے خواتین اور بچوں کی بڑی تعداد بھی احتجاج میں شریک تھی۔

    مظاہرین نے حکومت کے خلاف شدید نعرے بازی بھی کی۔ اس موقع پر زبردستی سڑک کھولنے کی کوشش میں ناکامی کے بعد مبینہ پویس کانسٹیبل الیاس نے مظاہرین پر پستول تان لیا۔

    جس پر مظاہرین مشتعل ہوگئے اور انہوں نے پیستول چھین کر اس کی خوب دھلائی کی اور بعد میں اسے پولیس کے حوالے کر دیا۔گیس بحال ہونے پرمظاہرین نے احتجاج ختم کر دیا۔

  • ٹیکسٹائل انڈسٹری کو بجلی و گیس فراہم نہیں کی جائےگی، حکومت پنجاب

    ٹیکسٹائل انڈسٹری کو بجلی و گیس فراہم نہیں کی جائےگی، حکومت پنجاب

    لاہور: حکومت پنجاب نےاعلان کیا ہے کہ عید کے تینوں دن ٹیکسٹائل انڈسٹری کو بجلی فراہم نہیں کی جائےگی۔ عید کےتینوں دن گھریلو صارفین کو متواتربجلی فراہم کرنے کےلئے حکومت نےٹیکسٹائل انڈسٹری پر بجلی گرادی۔

    ذرائع کے مطابق حکومت نے عید کے تینوں دن ٹیکسٹائل انڈسٹری کی بجلی بند کرنے کا حکم دے دیاہے ۔ٹیکساٹل انڈسٹری کی پیر کی رات سے گیس بھی بند کردی جائے گی۔

    حکومت کا کہنا ہے کہ اس فیصلے کا مقصد گھریلو صارفین کو عید کے موقع پر لوڈشیڈنگ سے نجات دلانا ہے۔ ٹیکسٹائل ملز مالکان نےحکومت کے اس اقدام کے خلاف عید کےبعد احتجاج کا اعلان کیاہے۔

    مرکزی چیئرمین آل پاکستان ٹیکسٹائل ملز ایسوسی ایشن ایس ایم تنویر نے کہا ہےکہ ٹیکسٹائل انڈسٹری برآمدات سے متعلق ہے۔ عید پر بجلی بند کرنے سے برآمدات کے آرڈر پورے نہیں ہوسکیں گےجس کے ملکی معیشت پرمنفی اثرات مرتب ہونےکا امکان ہے۔