Tag: gaza

غزہ (10 اگست 2025): غزہ میں ایک فلسطینی بچہ فضا سے گرنے والے خوراک کے بھاری پیکٹ تلے دبنے سے جاں بحق ہو گیا۔

الجزیرہ کے مطابق ایک 15 سالہ فلسطینی لڑکا اس وقت اپنی جان سے ہاتھ دھو بیٹھا جب انسانی ہمدردی کی امداد کے تحت فضا سے گرایا گیا پیکٹ اس کے سر پر آ گرا۔

یہ واقعہ ہفتے کے روز وسطی غزہ میں نام نہاد ’نزاریم کوریڈور‘ کے قریب پیش آیا، جس میں معصوم مُہنّد زکریا عید کی جان چلی گئی، ایک فوٹیج سامنے آئی ہے جس میں لوگ اس کی لاش کے گرد جمع ہیں۔

غزہ میں اسرائیلی محاصرے کے بعد سے غذائی قلت سے ہلاکتوں کی تعداد 212 ہو گئی ہے، جب کہ گزشتہ ایک دن کے دوران مزید 11 فلسطینی بھوک سے شہید ہو گئے ہیں۔ یہ سب ایسے وقت ہو رہا ہے جب غزہ میں تقریباً 10 لاکھ افراد نے پناہ لی ہوئی ہے، اور شہر پر قبضے کے اسرائیلی منصوبے پر عالمی مذمت میں اضافہ ہو تا جا رہا ہے۔

غزہ : فلسطینیوں کیلیے امداد ان کی موت کا سامان بن گئی

زکریا عید کے بھائی نے خبر رساں ادارے روئٹرز کو بتایا کہ اس کا بھائی امدادی پیکٹ سر پر گرنے سے جاں بحق ہوا، ہم قحط اور نہایت سخت حالات میں رہ رہے ہیں، ساحل پر طیاروں کے ذریعے خوارک کے ڈبے گرائے جا رہے تھے تو میرا بھائی امداد لینے گیا لیکن ایک ڈبہ براہ راست اس پر گرا اور وہ شہید ہو گیا۔

بھائی نے کہا ’’وہ (ایئر ڈراپس میں شامل ممالک) کراسنگ کے ذریعے امداد نہیں پہنچا سکتے لیکن وہ انھیں ہمارے اوپر گرا دیتے ہیں اور ہمارے بچوں کو قتل کر دیتے ہیں۔ ابھی الزوائیدہ میں بھی ایک بچہ مارا گیا تھا اور یہ یہاں آس پاس تواتر سے ہو رہا ہے لیکن کسی کو اس کا احساس تک نہیں ہوتا، ان کے اور ان کی مدد کے خلاف ہمارے لیے اللہ ہی کافی ہے۔‘‘

غزہ کے سرکاری میڈیا آفس کے مطابق اکتوبر 2023 میں اسرائیل کی جانب سے بربریت کے آغاز پر کم از کم 23 فلسطینی غذائی پیکٹوں سے شہید اور دیگر 124 زخمی ہو چکے ہیں۔

قاہرہ: مصری تجزیہ کاروں کا کہنا ہے کہ اسرائیل کے اندر نیتن یاہو کی پوزیشن مسلسل خراب تر ہوتی جا رہی ہے، جس کی وجہ سے اب وہ جلد از جلد غزہ پر قبضے کا خواہش مند ہے۔

تفصیلات کے مطابق مصر کے کالج آف کمانڈ اینڈ اسٹاف کے سینئر لیکچرار اور مشیر میجر جنرل اسامہ محمود نے ’العربیہ ڈاٹ نیٹ‘ اور ’الحدث ڈاٹ نیٹ‘ کو انٹرویو میں کہا کہ اسرائیلی کابینہ کی جانب سے غزہ پر قبضے کا فیصلہ حماس پر دباؤ ڈالنے کی کوئی چال نہیں ہے، بلکہ اس کی وجہ 2 کڑوے آپشنز میں سے ایک اس لیے ہے کیوں کہ نیتن یاہو کی پوزیشن مسلسل خراب ہو رہی ہے۔

نیتن یاہو کی ملک کے اندر غیر مقبولیت اور ان پر تنقید سخت سے سخت ہونے کی وجہ یرغمالی بھی ہیں، جن کے اب بھوک سے مرنے کا خطرہ پیدا ہو گیا ہے، اس لیے 2 انتہا پسند وزرا بن گویر اور سموٹریچ وزیر اعظم پر دباؤ بڑھا رہے ہیں کہ وہ جلد سے جلد غزہ پر مکمل قبضہ کریں، کیوں کہ اگر یہ دونوں کابینہ سے نکلتے ہیں تو نیتن یاہو کی حکومت ٹوٹ سکتی ہے۔

5 ممالک کے وزرائے خارجہ نے غزہ پر اسرائیلی قبضے کے پلان کی مذمت کر دی

قیدیوں کے بھوک سے مرنے کے خطرے کے پیش نظر نیتن یاہو نے اپنے چیف آف سٹاف زامیر پر دباؤ ڈالا ہے کہ وہ غزہ پر مکمل قبضے کے لیے ایک جامع فوجی منصوبہ تیار کریں۔

تاہم، میجر جنرل اسامہ محمود کے مطابق غزہ پر قبضے کے اسرائیلی منصوبے کی کامیابی سے اس کی ناکامی کے امکانات کہیں زیادہ ہیں، کیوں کہ ایک طرف اسرائیلی فوج ابھی تک اپنے اعلانیہ اہداف حاصل نہیں کر سکی ہے، دوسری طرف قبضے کے بعد غزہ کے تمام معاملات سنبھالنے اور اس کی لاگت کا بوجھ بھی پہلے ہی تھکاوٹ کی شکار فوج پر پڑے گا۔

میجر جنرل محمود نے یہ بھی کہا کی کہ اب اسرائیلی یرغمالی ماضی کا حصہ بن چکے ہیں، اگر وہ بھوک سے نہیں مرتے تو اسرائیلی فضائی حملوں میں مارے جائیں گے اور اگر وہ بچ بھی جاتے ہیں تو ان کا مستقبل حماس کے ہاتھ میں رہے گا۔

قانونی نتائج کے بارے میں بین الاقوامی قانون کے پروفیسر اور سکندریہ یونیورسٹی کے لیکچرار ڈاکٹر محمد محمود مہران نے کہا کہ یہ فیصلہ مسئلہ فلسطین کو ختم کرنے اور دو ریاستی حل کو مکمل طور پر تباہ کرنے کے لیے اسرائیلی کی ایک حکمت عملی کا حصہ ہے۔

پروفیسر نے خبردار کیا کہ یہ فیصلہ قیدیوں یا یرغمالیوں کے تبادلے کے کسی بھی امکان کو بھی تباہ کر دے گا کیوں کہ اس سے دو مساوی فریقوں کے درمیان مذاکرات کی قانونی بنیاد ختم ہو جائے گی اور یہ مسئلہ ایک سیاسی تنازع سے براہ راست فوجی قبضے میں بدل جائے گا۔

لندن (09 اگست 2025): 5 ممالک کے وزرائے خارجہ نے مشترکہ طور پر غزہ پر اسرائیلی قبضے کے پلان کی مذمت کر دی ہے۔

تفصیلات کے مطابق برطانیہ، آسٹریلیا، جرمنی، اٹلی اور نیوزی لینڈ کے وزرائے خارجہ نے ایک مشترکہ بیان جاری کیا ہے، جس میں انھوں نے غزہ میں مزید بڑے فوجی آپریشن کے اسرائیلی فیصلے کو مسترد کر دیا۔

مشترکہ بیان میں کہا گیا ہے کہ پانچوں ممالک فلسطین کے دو ریاستی حل پر عمل درآمد کے لیے متحد ہیں اور غزہ پر اسرائیلی قبضے کے پلان کی مذمت کرتے ہیں۔

ادھر غزہ پر قبضے کے اسرائیلی منصوبے پر اقوام متحدہ نے سخت تشویش کا اظہار کیا ہے، اور رکن ممالک کی درخواست پر سلامتی کونسل کا اجلاس آج طلب کر لیا ہے۔

اسرائیل کے غزہ شہر پر مکمل قبضے کے اعلان پر چین کا ردعمل

یو این سیکریٹری جنرل انتونیو گوتریس نے اسرائیلی منصوبہ خطرناک قرار دے دیا، اور کہا کہ یہ منصوبہ بڑی تباہی کا باعث بنے گا، اس سے فلسطینیوں کی مشکلات بڑھ جائیں گی۔

دوسری طرف فلسطین نے بھی عرب لیگ کا ہنگامی اجلاس بلانے کا مطالبہ کیا ہے، جب کہ سعودی وزارت خارجہ نے ایک بیان میں کہا ہے کہ اسرائیل بھوک، ظلم اور نسل کشی کے سنگین جرائم کا مرتکب ہو رہا ہے۔