کراچی:وزیراعظم نواز شریف نےسعودی فرمانروا شاہ عبد اللہ سےملاقات کی۔
سعودی فرمانرواشاہ عبداللہ سےوزیراعظم نواز شریف کی ملاقات میں ان کے بیٹے حسین نوازاوروزیرخزانہ اسحٰق ڈار بھی موجود تھے،ملاقات میں دونوں رہنمائوں نے غزہ پر اسرائیلی جارحیت اورفلسطینیوں کی شہادتوں پربات چیت کی،انہوں نے افغانستان سے امریکی فوج کےانخلاء کے بعد کی صورتحال پر بھی تبادلہ خیال کیا۔
ملاقات کے بعد نواز شریف مدینہ منورہ روانہ ہو گئے۔
نیویارک: اقوام متحدہ کے انسانی حقوق کمیشن نےاسرائیل کی جانب سے غزہ میں ہونےوالی انسانی حقوق کی خلاف ورزیوں کی تحقیقات کا مطالبہ منظور کرلیاہے، یورپی ممالک اور امریکہ کا ضمیرحسب روایت سویارہا۔
اقوم متحدہ کی انسانی حقوق کونسل نے غزہ میں انسانی حقوق کی خلاف ورزی کی تحقیقات کا مطالبہ منظور کر لیا ہے۔انسانی حقوق کونسل میں انسانی حقوق کی خلاف ورزیوں کی تحقیقات سے متعلق قرارداد پیش کی گئی جس کے حق میں چھیالیس ارکان نے ووٹ دیا جبکہ امریکہ نے روائتی ڈھٹائی کا مظاہرہ کرتے ہوئے اس قرارداد کی مخالفت کی۔
ذرائع کے مطابق چین، روس اور افریقی ممالک نے قرارداد کے حق میں ووٹ دیا جبکہ یورپین ممالک نے ووٹنگ میں حصہ نہیں لیا۔واضح رہے کہ اقوام متحدہ کی انسانی حقوق کمیشن نے غزہ میں اسرائیلی جارحیت کو جنگی جرائم قرار دیا تھا۔ قرارداد کی منظوری کے بعد غزہ میں اسرائیلی جارحیت کے دوران انسانی حقوق کی خلاف ورزی کی تحقیقات شروع کردی گئی ہیں۔
انسانی حقوق کونسل کا اجلاس اسلامی ممالک کی درخواست پر طلب کیا گیا۔ غزہ میں صیہونی فوجیوں کی بربریت کے نتیجے میں اب تک خواتین اور بچوں سمیت چھہ سو پچاس سے زائد نہتے فلسطینی شہید جبکہ سیکڑوں زخمی ہوچکے ہیں۔جن میں بچوں اور خواتین کی بھی بڑی تعداد شامل ہے۔
جینیوا :اقوام متحدہ کے انسانی حقوق کمیشن کی سربراہ نوی پلے کا کہنا ہے کہ اسرائیل غزہ میں جنگ جرائم کا مرتکب ہورہا ہے۔غزہ میں اسرائیل کی جانب سے عالمی قوانین کی خلاف ورزی کی جا رہی ہے۔غزہ کی صورتحال پرغورکے لئے طلب کئے گئے انسانی حقوق کمیشن کے ہنگامی اجلاس سے خطاب کرتے ہوئے کمیشن کی سربراہ نوی پلے اسرائیل سے غزہ کا محاصرہ فوری طورپرختم کرنے کا مطالبہ کیا۔
انہوں نے کہا کہ غزہ کا محاصرہ ہمیشہ کے لئے ختم ہونا چاہئیے۔اسرائیل کے حملوں میں بچے بھی جاں بحق ہوئے۔ اسرائیل غزہ میں جنگی جرائم میں ملوث ہے۔ پلے نے حماس کی جانب سے راکٹ حملوں کی مذمت کرتے ہوئے کہا کہا ان حملوں سے عام شہریوں کی زندگیوں کوخطرات لاحق ہیں۔
غزہ :محصورینِ غزہ پر آٹھ جون سے اسرائیلی بربریت جاری ہے، سولہ روز میں اسرائیلی بربریت کا شکارہونے والے فلسطینیوں کی تعدادچھ سوبیالیس ہوگئی، غزہ کی گلیاں لاشوں سے اٹ چکی ہیں، فرانس نے اسرائیلی بربریت کو ناقابل قبول قرار دے دیا ہے، اسرائیلی ائیرپورٹ کے قریب راکٹ گرنے کے بعدامریکا اوریورپ نے اسرائیل کے لئے پروازیں بندکردی ہیں۔۔
غزہ میں اسرائیل کے لبادے میں ابلیس کا رقص جاری ہے،اسرائیل فضا، زمین اور سمندر سے غزہ میں محصور بچوں اور خواتین پر آگ اور بارود برسا رہا ہے، جس میں سوا سو سے زائد بچے شامل ہیں، فلسطین کے صدر محمود عباس نے اسرائیل سے فوری طور پر جنگ بندی کرنے اور غزہ کا محاصرہ ختم کرنے کا مطالبہ کیا ہے۔
تازہ حملے میں اسرائیلی فضائیہ نے ستر سے زائد مقامات پر بمباری کی، جس میں پانچ مسجدیں اور فٹبال کا گراؤنڈ بھی شامل ہیں، اسرائیلی فوجیوں نے غیرملکی ٹی وی چینل کے دفتر پر بھی گولیوں کی بوچھاڑ کی، فرانس غزہ قتل عام کی مذمت کرنے والا پہلا ملک بن گیا۔
فرانسیسی وزیرخارجہ نے چھ سو سے زائد افراد کا قتل ناقابل قبول قرار دیتے ہوئے کہا ہے کہ فلسطینوں کا قتل عام اور حملے فوری بند کیے جائیں، زمینی کارروائی اسرائیل کو مہنگی پڑ رہی ہے، اب تک کی کارروائی میں انتیس اسرائیلی فوجی مارے گئے ہیں۔
اسرائیل نے غزہ میں ایک فوجی کے لاپتہ ہونے کی تصدیق کی ہے، اقوام متحدہ کا کہنا ہے ایک لاکھ اٹھارہ ہزار تین سو سے زائد فلسطینی بے گھر ہو چکے ہیں۔
کراچی:یونان میں غزہ میں اسرائیلی انسانیت سوز مظالم کے خلاف احتجاجی مظاہرہ کیا گیا، مظاہرین نےعالمی برادری سے فلسطینیوں کا قتل عام روکنےکا مطالبہ کیا۔
اسرائیلی جارحیت کے خلاف ترکی کےدارالحکومت انقرہ میں بھی ہزاروں افراد نے ریلی نکالی اورغزہ کے شہریوں سے بھائی چارے اور یکجہتی کے عزم کا اظہار کیا۔
جرمنی میں بھی اسرائیلی مظالم کے خلاف ہزاروں افراد سڑکوں پر نکل آئے،مظاہرین نے پلے کارڈز اٹھارے رکھے تھے جن پراسرائیل سےفوجی آپریشن فوری طور پر روکنے کامطالبہ کیا گیا تھا ۔
اردن اور یمن میں بھی ہزاروں افرادنےغزہ کے شہریوں کے ساتھ یکجہتی کا مظاہرہ کیا۔
غزہ: نہتے فلسطینیوں کے خلاف اسرائیل کی وحشیانہ کارروائیوں کے خلاف دنیا بھر میں احتجاجی مظاہرے جاری ہیں، عوام سراپا احتجاج بننے اسرائیل سے بے گناہ فلسطینیوں پر حملے روکنے کا مطالبے کررہے ہیں۔
اسرائیلی جارحیت کے خلاف عالمی قیادت توخاموش ہے لیکن دنیا بھرکے عوام مظلوم فلسطینیوں کے ساتھ اظہاریکجہتی کے لئے سڑکوں پرنکل آئے ہیں، فرانس کے دارالحکومت پیرس میں حکومت کے سخت اقدامات کے باوجود ہزاروں افراد نے اسرائیلی بربریت کے خلاف مظاہرہ کیا۔ پولیس اورمظاہرین میں جھڑپیں بھی ہوئیں۔
یورپ کے دیگر شہروں ویانا، ایمسٹرڈیم، اسٹاک ہوم میں بھی غزہ پر اسرائیلی جارحیت کے خلاف احتجاجی ریلیاں نکالی گئیں، بولیویا کے دارالحکومت لاپاز میں ہزاروں مظاہرین نے امریکی سفارت خانے کے باہر اسرائیل کے خلاف احتجاج کیا، آسٹریلیا کے شہر سڈنی میں بھی اسرائیلی مظالم کے خلاف ہزاروں افراد سڑکوں پر نکل آئے۔
لندن میں بھی اسرائیلی جارحیت کی مذمت جاری ہے، ہزاروں افراد نے اسرائیل کے خلاف مظاہرہ کیا، مظاہرین نے فلسطینی پرچم اور پلے کارڈز اٹھا رکھے تھے، جن پرفلسطین کے حق میں اوراسرائیل کے خلاف نعرے درج تھے۔
بھارتی دارالحکومت نئی دلی میں بھی اسرائیلی مظالم کے خلاف ریلی نکالی گئی، مظاہرین نے اسرائیل سے غزہ میں جاری آپریشن فوری طور پر بند کرنے کا مطالبہ کیا۔
غزہ :فلسطین میں جاری اسرائیلی جارحیت کے پیش نظر بین الالقوامی ادارے ریڈکراس کی اپیل پر حماس تین گھنٹے کیلئے جنگ بندی کرنے پر تیار ہوگئی ،فلسطین میں جاری اسرائیلی درندگی شدت اختیار کر گئی ۔بین الالقوامی امدادی ادارے ریڈا کراس کی اپیل پر فلسطینی تنظیم حماس انسانی بنیادوں پر تین گھنٹوں کیلئے جنگ بند کرنے کیلئے تیار ہوگئ۔
ذرائع کے مطابق اسرائیل نے جنگ بندی کی اپیل کو مسترد کردیا۔حماس کے ترجمان کے مطابق عالمی ادارے نے تین گھنٹوں کی جنگ بندی کی پیشکش کی تھی تاکہ مختلف علاقوں سے زخمیوں اور لاشوں کو نکالا جاسکے ۔تاہم اسرائیل نے اسے تسلیم کرنے سے انکار کردیا ہے ۔ صہیونی حکومت کا کہنا اس پیشکش پر غور کیا جارہا ہے۔
غزہ میں اسرائیلی فوج نے اپنے اہداف کا دائرہ وسیع کردیا۔اسرائیلی جارحیت نے مزید بیس افراد کو موت کے گھاٹ اتار دیا۔شہید فلسطینیوں کی تعداد تین سو ستر ہوگئی۔ اسرائیل کی فلسطین پر وحشیانہ اور ظالمانہ کارروائیوں کا سلسلہ دن بہ دن زور پکڑتا جارہاہے اسرائیلی فورسز کی پر تشدد کارروائیوں میں شہید فلسطینیوں کی تعداد ساڑھے تین سو سے تجاوز کرگئی، جن میں خواتین اور بچوں کی بڑی تعداد شامل ہے۔
غزہ میں اسرائیلی فوج کی تازہ کارروائیوں کے نتیجے میں ضلع شجایا سے بیس افراد کی لاشیں برآمد کر لی گئیں ۔گزشتہ رات صیہونی فوج نے غزہ میں واقع اسپتال پربمباری کی۔ جس میں درجنوں فلسطینی لقمہ اجل بن گئے۔فلسطین کے ایمرجنسی سروسز کے ترجمان کے مطابق اسرائیل فوج کی بمباری کے سبب ہزاروں فلسطینی نقل مکانی پر مجبور ہوگئے ہیں۔
دوسری جانب اقوام متحدہ کے سیکریٹری جنرل بان کی مون آج قطر پہنچیں گے جہاں وہ قطری حکام کی مدد سے حماس کے ساتھ غزہ میں قیامِ امن کے سلسلے میں بات چیت کریں گے۔بان کی مون فلسطینی صدر محمود عباس سے ملاقات بھی کرینگے۔
غزہ : اسرائیلی جارحیت کےخلاف دنیا کے مختلف ممالک میں احتجاج جاری ہے، دوسری جانب لندن میں مغربی میڈیا کی جانبدارانہ کوریج کے خلاف سیکڑوں مظاہرین نے بی بی سی کے صدر دفتر کے باہر احتجاجی مظاہرہ کیا۔
اسرائیل کی وحشیانہ بمباری سے غزہ لہو لہو ہے، غزہ میں اسرائیل کے انسانیت سوز مظالم پر دنیا بھر کے عوام سراپا احتجاج ہیں، بھارتی شہر کولکتہ میں شہری فلسطینیوں کی حمایت میں سڑکوں پر نکل آئے اور اسرائیلی بربریت کے خلاف نعرے بازی کی، مقبوضہ جموں کشمیر کے دارالحکومت سرینگر میں ہزاروں افراد نے غزہ میں اسرائیلی جارحیت کے خلاف احتجاج کیا اور فلسطینی عوام کی حمایت میں نعرے لگائے۔
برطانوی دارالحکومت لندن میں برٹش براڈ کاسٹنگ کارپوریشن ہاوس آکسفورڈ سرکس کے باہر ہزاروں افراد نے مغربی میڈیا اور بالخصوص بی بی سی کی اسرائیلی جارحیت کی یکطرفہ کوریج اور نہتے فلسطینیوں کے حق میں مظاہرہ کیا، فلسطینیوں سے اظہار یکجہتی کرتے ہوئے مظاہرین کا کہنا تھا کہ بی بی سی اور مغربی میڈیا ظالم اسرائیل کو معصوم بنانے پر تلا ہوا ہے۔
مظاہرین نے فلسطین کے حق میں اور اسرائیل و مغربی میڈیا کیخلاف پلے کارڈ اٹھا رکھے تھے، مظاہرین نے برٹش براڈ کاسٹنگ کارپوریشن کو متعصب نشریاتی ادارہ قرار دیدیا، گزشتہ ایک ہفتے میں لندن میں ہونے والا یہ تیسرا بڑا احتجاجی مظاہرہ ہے۔
لندن: برطانوی دارالحکومت لندن میں بی بی سی اور مغربی میڈیا کی جانب داری اور نہتے فلسطینیوں پر اسرائیلی دہشتگردی کے خلاف مظاہرہ ۔ مظاہرین نے بی بی سی کو بائیسڈ براڈ کاسٹنگ کارپوریشن قراردے دیا۔
برٹش براڈکاسٹنگ کارپوریشن ہاؤس آکسفرڈ سرکس لندن کے سامنے ہزاروں افراد نےمغربی میڈیا اور بالخصوص بی بی سی کی اسرائیلی جارحیت کی یکطرفہ کوریج اور معصوم فلسطینیوں کےحق میں مظاہرہ کیا۔
گزشتہ آٹھ روزمیں غزہ میں جاری اسرائیلی دہشتگردی میں سیکڑوں فلسطینی لقمہ اجل بن چکے ہیں،معصوم اور نہتے فلسطینیوں کے ساتھ اظہاریکجہتی کرتے ہوئے مظاہرین کا کہنا تھا کہ بی بی سی اور مغربی میڈیااسرائیل کو معصوم ثابت کرنے پرتلا ہوا ہےجو نہتے اور معصوم فلسطینیوں کیساتھ ظالمانہ اقدام ہے۔
مظاہرین نے فلسطین کے حق میں اوراسرائیل و مغربی میڈیا کےخلاف پلے کارڈ اٹھا رکھے تھے،گزشتہ ایک ہفتے میں برطانوی دارلحکومت میں ہونے والا یہ تیسرا بڑااور بھرپور احتجاجی مظاہرہ ہے۔
اسی نوعیت کا ایک اور مظاہرہ گزشتہ روز برطانوی شہر برمنگھم میں بھی کیا گیا تھا