ARYNews.tv | Urdu – Har Lamha Bakhabar

Tag: Gen Qamar Bajwa

  • آرمی چیف کا لائن آف کنٹرول کے اگلے مورچوں کا دورہ

    آرمی چیف کا لائن آف کنٹرول کے اگلے مورچوں کا دورہ

    راولپنڈی : آرمی چیف جنرل قمر جاوید باجوہ نے لائن آف کنٹرول (ایل او سی) کے اگلے مورچوں کا دورہ کیا اور  جوانوں کی آپریشنل تیاریوں پر اطمینان کا اظہار کیا۔

    پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی طرف سے جاری کردہ بیان کے مطابق سپہ سالار نے ایل او سی کے اگلے مورچوں کا دورہ کیا۔

    ترجمان پاک فوج کے مطابق ایل اوسی کے نوسیری سیکٹر آمد پر کور کمانڈر راولپنڈی لیفٹیننٹ جنرل ساحر شمشاد مرزا نے آرمی چیف کا پرتپاک استقبال کیا۔

    جنرل قمر جاوید باجوہ کو ایل او سی کی صورتحال اور فارمیشن کی تیاریوں پر خصوصی بریفنگ دی گئی۔ آرمی چیف نے نوسیری سیکٹر میں متعین افسروں اور جوانوں سے ملاقات کی۔

    اس موقع پر پاک فوج کے سپہ سالار نے جوانوں کی آپریشنل تیاریوں پراظہار اطمینان کرتے ہوئے ان کے بلند حوصلے کی تعریف کی۔

    جوانوں سے گفتگو کرتے ہوئے جنرل قمر جاوید باجوہ نے کہا کہ لائن آف کنٹرول (ایل او سی) پر سکیورٹی کو یقینی بنانے کے لیے تمام خطرات اور ہنگامی حالات کا مقابلہ کرنے کے لیے مسلسل چوکس اور تیار رہنے سے تمام خطرات سے نمٹا جاسکتا ہے۔

  • سعودی عرب کی جانب سے آرمی چیف کے لیے اعزاز

    سعودی عرب کی جانب سے آرمی چیف کے لیے اعزاز

    جدہ: سعودی عرب کی جانب سے آرمی چیف جنرل قمر جاوید باجوہ کو اعزاز دیا گیا۔

    تفصیلات کے مطابق سعودی عرب نے آرمی چیف جنرل قمر جاوید باجوہ کو کنگ عبدالعزیز میڈل آف ایکسیلنٹ کلاس سے نواز دیا ہے۔

    آرمی چیف کو باہمی تعلقات کے فروغ کی کاوشوں کے اعتراف میں اس اعزاز سے نوازا گیا ہے۔

    اس سلسلے میں ولئ عہد شہزادہ محمد بن سلمان نے جدہ میں جنرل قمر جاوید باجوہ سے ملاقات کی، جس میں باہمی تعلقات اور عسکری شعبوں میں تعاون کے فروغ کا جائزہ لیا گیا۔

    جدہ ملاقات میں مشترکہ دل چسپی کے متعدد امور پر بھی تبادلۂ خیال کیا گیا، ملاقات میں نائب وزیر دفاع شہزادہ خالد بن سلمان بن عبدالعزیز بھی موجود تھے۔

  • آرمی چیف سے آذربائیجان کے وزیردفاع کی ملاقات

    آرمی چیف سے آذربائیجان کے وزیردفاع کی ملاقات

    راولپنڈی : آرمی چیف جنرل قمر باجوہ سے آذربائیجان کے وزیردفاع نے جی ایچ کیو میں ملاقات کی، ملاقات میں باہمی دلچسپی کے امور پر تبادلہ خیال کیا گیا۔

    پاک فوج کے شعبہ تعلقات عامہ آئی ایس پی آر کے مطابق آذربائیجان کے وزیردفاع نے آرمی چیف سے ملاقات میں باہمی دلچسپی کے امور اور علاقائی سلامتی کی صورتحال کے علاوہ دوطرفہ تعاون پر گفتگو کی۔

    جنرل قمر جاوید باجوہ کا کہنا تھا کہ پاکستان آذربائیجان کے ساتھ تعلقات کو قدرکی نگاہ سے دیکھتا ہے، دونوں ممالک میں جیواسٹریٹجک اہمیت اور اقتصادی تعاون کے وسیع امکانات ہیں۔

    آرمی چیف نے اس عزم کا اعادہ کیا کہ خطے میں امن کیلئے کوششوں سمیت دوطرفہ تعلقات کو فروغ دیا جائے گا، او آئی سی وزرائےخارجہ اجلاس افغان صورتحال سے نمٹنےمیں مددگار ثابت ہوگا۔

    ان کا کہنا تھا کہ یہ اجلاس عالمی برادری کے مشترکہ وژن اور حکمت عملی کیلئے تاریخی پیشرفت ہے، خطے میں امن واستحکام کیلئے ابھرتے چیلنجز کا حل تلاش کیا جا سکے گا۔

    آئی ایس پی آر کے مطابق آذربائیجان کے وزیردفاع نے علاقائی استحکام میں پاکستان کے کردار کو سراہتے ہوئے ہر سطح پر تعاون میں بہتری کیلئے کردار ادا کرنے کا عہد کیا۔

    اس کے علاوہ آذربائیجان کے وزیر دفاع نے او آئی سی وزرائے خارجہ اجلاس کی میزبانی پر پاکستان کی کوششوں کو بھی سراہا۔

  • بھارت ظلم و جبر سے کشمیریوں کے حق خود ارادیت کو نہیں دبا سکتا، جنرل قمر باجوہ

    بھارت ظلم و جبر سے کشمیریوں کے حق خود ارادیت کو نہیں دبا سکتا، جنرل قمر باجوہ

    راولپنڈی : آرمی چیف جنرل قمر جاوید باجوہ نے کہا ہے کہ بھارتی ظلم و جبر کشمیریوں کے حق خود ارادیت کو نہیں دبا سکتا، کشمیریوں کی جدوجہد ضرور کامیاب ہوگی، پاک فوج کسی بھی جارحیت کا بھرپور جواب دینے کیلئے تیار ہے۔

    پاک فوج کے شعبہ تعلقات عامہ آئی ایس پی ار کے مطابق جی ایچ کیو میں کورکمانڈرز کانفرنس ہوئی، کانفرنس کی صدارت آرمی چیف جنرل قمر جاوید باجوہ نے کی۔

    کانفرنس میں خطے اور قومی سلامتی کے امور پر تبادلہ خیال کیا گیا، اس کے علاوہ ملکی سیکیورٹی اور بارڈرکی موجودہ صورتحال پرخصوصی غور کیا گیا۔

    ڈی جی آئی ایس پی آر میجر جنرل بابر افتخار کے مطابق کور کمانڈرز کانفرنس میں شرکاء نے اس عزم کا اظہار کیا کہ پاک فوج کسی بھی جارحیت کا بھرپور جواب دینے کیلئے تیار ہے، کانفرنس کے شرکاء نے کہا کہ بھارتی قیادت کے اشتعال انگیز بیانات کے خطے پر منفی اثرات پڑیں گے۔

    کانفرنس سے خطاب کرتے ہوئے آرمی چیف جنرل قمر جاوید باجوہ نے کہا کہ بھارتی فورسز کا ظلم و جبر کشمیریوں کے حق خودارادیت کو نہیں دباسکتا، مظلوم کشمیریوں کی جدوجہد ضرور کامیاب ہوگی۔

    آرمی چیف کا مزید کہنا تھا کہ کشمیری یو این قراردادوں کے مطابق حق خودارادیت لے کر رہیں گے، کشمیریوں کو حق خودارادیت سے قابض بھارتی فوج نہیں روک سکتی۔

     

  • باجوہ کامیاب آرمی چیف ہیں، ایکسٹیشن کا حکومتی اقدام درست ہے، اسد عمر

    باجوہ کامیاب آرمی چیف ہیں، ایکسٹیشن کا حکومتی اقدام درست ہے، اسد عمر

    اسلام آباد : وفاقی وزیر اسد عمر نے کہا ہے کہ جنرل باجوہ کامیاب آرمی چیف ہیں، ایکسٹیشن دینے کا حکومتی اقدام درست ہے،24گھنٹے میں کسی کابینہ ممبر نے اعتراض نہ کیا تو ہاں سمجھا جائے گا۔

    ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا، اسد عمر نے کہا کہ آئین کے مطابق ہم نے اپنی پوزیشن واضح کردی ہے، جنرل قمر جاوید باجوہ کامیاب آرمی چیف ہیں، ان کی مدت ملازمت میں توسیع دینے کا فیصلہ حکومت کا درست اقدام ہے۔

    انہوں نے کہا کہ آرٹیکل 243بی کے تحت وزیر اعظم نے فیصلہ کرنا ہوتا ہے، سپریم کورٹ نے ابہام کی بات کی لیکن ایسا نہیں ہے، اس بات میں کوئی ابہام نہیں کہ وزیراعظم کی تجویز پرصدر تقرری کرسکتے ہیں، سپریم کورٹ میں اپنا مؤقف ثابت کریں گے۔

    اسد عمر نے کہا کہ سپریم کورٹ نے کہا کہ طریقہ کار درست نہیں تھا لہٰذا عدالت کے اعتراض پر ہم نے نئی سمری منظور کرلی ہے، عدالتی احترام لازم ہے اصولوں کی جنگ میں نہیں الجھنا چاہتے۔

    پروگرام میں گفتگو کرتے ہوئے اسد عمر نے کہا کہ بھارتی اقدامات اور خطے کے حالات سب کے سامنے ہیں، ہم حالت جنگ میں نہیں تو اس کے دہانے پر ضرور ہیں۔

    اسد عمر کا کہنا تھا کہ آئین کے آرٹیکل243بی کے تحت ہی صدر وزیراعظم کی تجویز کی منظوری دیتے ہیں، قواعد کے تحت کابینہ سمری پر دستخط ہوگئے ہیں،24گھنٹے میں کسی کابینہ ممبر نے اعتراض نہ کیا تو ہاں سمجھا جائے گا۔

  • قومی منصوبوں اور قدرتی آفات میں انجینئرز کور کا کردار قابل تعریف ہے، آرمی چیف

    قومی منصوبوں اور قدرتی آفات میں انجینئرز کور کا کردار قابل تعریف ہے، آرمی چیف

    رسالپور : آرمی چیف جنرل قمر جاوید باجوہ نے کہا ہے کہ مختلف آپریشنز، قومی منصوبوں اور قدرتی آفات میں انجینئرز کور کا کردار قابل تعریف ہے۔

    یہ بات انہوں نے انجینئرز سینٹر رسالپور کے دورہ کے موقع پر گفتگو کرتے ہوئے کہی۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے انجینئرز سینٹر رسالپور کا دورہ کیا۔

    اس موقع پر منعقدہ تقریب میں انہوں نے لیفٹیننٹ جنرل معظم اعجاز کو کرنل کمانڈنٹ انجینئرز کے بیجز لگائے ، سبکدوش ہونے والے کرنل کمانڈنٹ لیفٹیننٹ جنرل ریٹائرڈ جاوید محمود بھی تقریب میں موجود تھے۔

    آئی ایس پی آر کے مطابق تقریب میں حاضر سروس اور ریٹائرڈ جوانوں کے علاوہ شہداء کے اہل خانہ نے بھی شرکت کی۔

    اس موقع پر خطاب کرتے ہوئے آرمی چیف جنرل قمر جاوید باجوہ نے مختلف آپریشنز میں انجینئرز کور کی کارکردگی اور کردار کو سراہا، ان کا کہنا تھا کہ قومی منصوبوں اور قدرتی آفات میں بھی انجینئرز کور کا کردار قابل قدر ہے۔

  • آرمی چیف جنرل قمر باجوہ ایران پہنچ گئے

    آرمی چیف جنرل قمر باجوہ ایران پہنچ گئے

    راولپنڈی : آرمی چیف جنرل قمر جاوید باجوہ ایران کے دورے پر تہران پہنچ گئے ہیں، انہوں نے ایرانی مسلح افواج کے چیف آف اسٹاف سے اہم ملاقات کی۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ ایران کے دورے پر تہران پہنچ گئے ہیں۔

    آرمی چیف نے ایرانی مسلح افواج کے چیف آف اسٹاف سے ملاقات کی، ملاقات میں خطے میں سکیورٹی کی صورتحال پر تبادلہ خیال کیا گیا۔

    باہمی دفاعی تعاون کو فروغ دینے اور خطے میں امن واستحکام کے فروغ پر بھی گفتگو کی گئی ملاقات میں پاک ایران بارڈر سیکیورٹی میکنزم پر بھی بات چیت کی گئی۔

    ایرانی مسلح افواج کے چیف آف اسٹاف نے خطے میں امن و امان کیلئے پاک فوج کی کوششوں کو سراہا۔

    مزید پڑھیں: آرمی چیف سے ایرانی وزیر خارجہ کی ملاقات، خطے کی صورت حال پر تبادلہ خیال

    واضح رہے کہ رواں سال مئی میں ایرانی وزیر خارجہ جواد ظریف نے پاکستان کے دورے کے موقع پر آرمی چیف جنرل قمر جاوید باجوہ سے ملاقات کی تھی، اس موقع پر آرمی چیف کا کہنا تھا کہ جنگ کسی کے مفاد میں نہیں ہے، سب فریقین کو جنگ سے دور رہنے کی کوشش کرنی چاہئے۔ ایرانی وزیر خارجہ نے خطے میں امن و استحکام کے لیے پاکستان کے کردار کو سراہا۔

  • آرمی چیف کی سانحہ تیزگام میں جاں بحق ہونے والے افراد کے لیے فاتحہ خوانی

    آرمی چیف کی سانحہ تیزگام میں جاں بحق ہونے والے افراد کے لیے فاتحہ خوانی

    راولپنڈی : آرمی چیف جنرل قمر جاوید باجوہ سے رائیونڈ کے تبلیغی عمائدین کے وفد اور چینی پیپلز لبریشن آرمی کے ڈپٹی کمانڈر نے ملاقات کی۔

    پاک فوج کے شعبہ تعلقات عامہ آئی ایس پی آر کے مطابق چیف آف آرمی اسٹاف جنرل قمر جاوید باجوہ سے تبلیغی جماعت کے اکابرین نے ملاقات کی۔

    ملاقات میں آرمی چیف نے سانحہ تیزگام میں جاں بحق ہونے والے افراد کے لیے فاتحہ خوانی کی اس موقع پر زخمیوں کی جلد صحت یابی کے لیے دعا بھی کی گئی ۔

    واضح رہے کہ سانحہ تیز گام میں 74افراد جاں بحق ہوئے تھے جن میں اکثریت تبلیغی جماعت سے تعلق رکھنے والے افراد کی تھی۔

    علاوہ ازیں چینی پیپلز لبریشن آرمی کے ڈپٹی کمانڈر نے جی ایچ کیو کا دورہ کیا، اس حوالے سے آئی ایس پی آر نے بیان جاری کیا ہے کہ دوسرے کے موقع پر آرمی چیف جنرل قمر جاوید باجوہ سے چینی ڈپٹی کمانڈر نے ملاقات کی۔

    مزید پڑھیں: لیاقت پور، تیزگام کی 3 بوگیوں میں آگ لگ گئی، 74 افراد جاں بحق

    ملاقات میں باہمی دلچسپی کے امور پر تبادلہ خیال کیا گیا، آئی ایس پی آر کے مطابق اس موقع پر آرمی ٹو آرمی اسٹاف مذاکرات پر بھی بات چیت ہوئی۔

  • ہم کشمیری بھائیوں کو کسی صورت تنہانہیں چھوڑیں گے، آرمی چیف جنرل قمر باجوہ

    ہم کشمیری بھائیوں کو کسی صورت تنہانہیں چھوڑیں گے، آرمی چیف جنرل قمر باجوہ

    راولپنڈی : چیف آف آرمی اسٹاف جنرل قمر جاوید باجوہ نے کہا ہے کہ ہم کشمیریوں کو کسی صورت تنہا نہیں چھوڑیں گے، وادی کے لوگ بھارتی مظالم کا بہادری سے سامنا کررہے ہیں۔

    ان خیالات کا اظہار انہوں نے ایل اوسی کے دورے کے موقع پر گفتگو کرتے ہوئے کیا۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاوید باجوہ نے لائن آف کنٹرول (ایل اوسی ) کا دورہ کیا۔

    اس موقع پر فوجی حکام نے آرمی چیف کو ایل او سی کی موجودہ صورتحال اور بھارت کی جانب سے سیز فائر کی خلاف ورزیوں پر بریفنگ دی۔

    بریفنگ میں بھارت کی جانب سے شہری آبادی کو نشانہ بنانے پر پاک فوج کی جوابی کارروائی سے بھی آگاہ کیا گیا۔

    آرمی چیف جنرل قمرجاوید باجوہ نے اس موقع پر گفتگو کرتے ہوئے کہا کہ مقبوضہ کشمیر کے لوگ بھارتی مظالم کا بہادری سے سامنا کررہے ہیں۔

    ہم کشمیری بھائیوں کو کسی صورت تنہانہیں چھوڑیں گے، کشمیریوں کیلئے ہرقیمت پراپنا بامقصد کردار ادا کرتے رہیں گے۔

  • مقبوضہ کشمیر کی بگڑتی صورتحال خطے کے امن کیلئے خطرہ ہے، آرمی چیف جنرل قمر باجوہ

    مقبوضہ کشمیر کی بگڑتی صورتحال خطے کے امن کیلئے خطرہ ہے، آرمی چیف جنرل قمر باجوہ

    راولپنڈی : آرمی چیف جنرل قمر جاوید باجوہ نے کہا ہے کہ مقبوضہ کشمیر کی بگڑتی صورتحال خطے کے امن کیلئے خطرہ ہے، قوم نے آج کشمیر آور منا کر دنیا کو بھر پور پیغام پہنچایا۔

    ان خیالات کا اظہار انہوں نے گوجرانوالہ کور ہیڈ کوارٹرز کا دورے کے موقع پر گفتگو کرتے ہوئے کیا۔ تفصیلات کے مطابق آرمی چیف جنرل قمر جاوید باجوہ نے گوجرانوالہ کور ہیڈ کوارٹرز کا دورہ کیا، متعلقہ افسران نے سربراہ پاک فوج کو تمام تر آپریشنل تیاریوں سے آگاہ کیا۔

    پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل آصف غفور کے مطابق آرمی چیف جنرل قمر جاوید باجوہ نے گوجرانوالہ کور ہیڈ کوارٹرز کے دورے پر پہنچے تو ان کا شاندار استقبال کیا گیا۔

    آئی ایس پی آر کے مطابق اس موقع پر آرمی چیف کو گوجرانوالہ کور کی آپریشنل تیاریوں پر بریفنگ دی گئی، آرمی چیف جنر قمر باجوہ نے پاک فوج کی تیاریوں اور مستعدی کی صورتحال پر اطمینان کا اظہار کیا۔

    آرمی چیف نے اپنی گفتگو میں کہا کہ قوم نے کشمیر آور منا کر کشمیری بھائیوں سے بھرپور اظہار یکجہتی کیا ہے، کشمیر آور کے دوران قوم نے آج دنیا کو بھر پور پیغام پہنچایا، آرمی چیف کا مزید کہنا تھا کہ مقبوضہ کشمیر کی بگڑتی صورتحال خطے کے امن کیلئے خطرہ ہے۔