کابل : آرمی چیف جنرل راحیل شریف کا کہنا ہے کہ افغانستان کےدشمن پاکستان کےدشمن ہیں۔ یہ بات انہوں نے وزیر اعظم نواز شریف کے ہمراہ افغانستان کے دورے کے موقع پر کہی۔
آئی ایس پی آر کے بیان کے مطابق جنرل راحیل شریف نےا یف ڈبلیو او کو طور خم جلال آباد کیرج وے منصوبے پرایک ہفتے کے اندر کام شروع کرنے کی ہدایت دی ہے۔
آرمی چیف نےا یف ڈبلیو او سے کہا ہےکہ منصوبے کو جلد مکمل کیا جائے۔منصوبہ کئی برس سے تعطل کا شکارہے۔واضح رہے کہ پاک فوج کے سپہ سالار وزیر اعظم کے ہمراہ کابل کے دورے پر ہیں۔
کراچی : آرمی چیف جنرل راحیل شریف کا کراچی کے قریب ایئر ڈیفنس فائرنگ رینج کا دورہ ایف ایم 90 کروز میزائل سمیت ہر ٹارگٹ کو نشانہ بنا سکتاہےْ
آئی ایس پی آر کی جانب سے اعلامیے کے مطابق آرمی چیف نے ایف ایم 90ایئرڈ یفنس میزائل سسٹم سے فائرنگ کا مشاہدہ کیا ہےْ
ایف ایم 90ایئرڈ یفنس میزائل سسٹم کو حال ہی میں فوج میں شامل کیا گیا ہے، ایف ایم 90 ایئرڈیفنس سسٹم، ڈرونز اور گائیڈڈ میزائل سمیت کئی اہداف کو نشانہ بنا سکتاہے۔
آئی ایس پی آر کے مطابق تجربے کےساتھ ہی نئے میزائل دفاعی سسٹم کی تربیت مکمل ہوگئی۔
گلگت : وزیراعظم نواز شریف اور آرمی چیف جنرل راحیل شریف نے نلتر ہیلی کاپٹرحادثےمیں قیمتی جانوں کی ضیاع پرافسوس کااظہارکیاہے۔حادثے پروزیراعظم نے ایک روزہ سوگ کا بھی اعلان کیا۔
تفصیلات کے مطابق وزیر اعظم میاں نواز شریف نے گلگت کی وادی نلتر میں ہیلی کاپٹرکےاندوہناک حادثے میں شہید پائلٹس اور دوست ممالک کے سفرا کےسوگواران سےاظہارِ تعزیت کیا۔ انھوں نے حادثےکےزخمیوں کے بہترین علاج کی ہدایت بھی دی ۔
ترجمان وزیراعظم کا کہنا ہے کہ افسوسناک حادثے کی اطلاع ملتے ہی وزیراعظم نے دورہ نلتر منسوخ کردیا اورواپس اسلام آباد آگئے۔
دوسری جانب پاک فوج کے سربراہ جنرل راحیل شریف نے ہیلی کاپٹر حادثے پر دکھ اور افسوس کا اظہار کیا ہے۔ پاک فوج کے سربراہ جنرل راحیل شریف کا کہنا ہے کہ ہیلی کاپٹر حادثہ الم ناک اور افسوس ناک ہے جس سے انہیں دکھ پہنچا ہے۔
انہوں نے کہا کہ وہ حادثے میں ہلاک و زخمی ہونے والوں کے ورثاء کے غم میں برابر کے شریک ہیں۔اور دکھ کی اس گھڑی میں ورثاء کے ساتھ ہیں۔
ترجمان دفتر خارجہ کے مطابق تیس سے زائد ممالک کےسفیروں اور ان کی بیگمات کو سی ون تھرٹی طیارے سے گلگت پہنچایا گیا، جہاں سے چار ہیلی کاپٹرز کے ذریعے انہیں نلتر لے جایا جارہا تھا جہاں لینڈنگ کے دوران ایم آئی سترہ ہیلی کاپٹر حادثے کا شکار ہوا۔
راولپنڈی : آرمی چیف جنرل راحیل شریف نے کہا ہےکہ آخری دہشت گرد کے خاتمے تک پاک فوج کا آپریشن جاری رہےگا۔
یہ بات انہوں نے وادی تیراہ میں شہید ہونےوالے کیپٹن قاسم کی تدفین کے موقع پر کہی۔ آرمی چیف جنرل راحیل شریف نےشہید کیپٹن کی نماز جنازہ میں شرکت کی اور شہید کیپٹن کو خراج عقیدت پیش کیا۔
انہوں نے شہید کیپٹن کی قبر پر پھول چڑھائے اور فاتحہ پڑھی، اس موقع پر مسلح افوا ج کے چاق و چوبند دستے نے شہید کیپٹن کو سلامی پیش کی۔
نماز جنازہ میں، پاک بحریہ کے سربراہ ایڈمرل محمد ذکا اللہ سمیت اعلی فوجی حکام اور شہید کے عزیزواقارب نے شرکت کی۔
کراچی : متحدہ قومی موومنٹ کی رابطہ کمیٹی نے وضاحت کی ہے کہ الطاف حسین نےعسکری قیادت پرکوئی تنقید نہیں کی بلکہ جنرل راحیل شریف کی تعریف کی ہے۔
تفصیلات کے مطابق ترجمان پاک فوج کےسخت ردعمل کے بعد ایم کیوایم کی رابطہ کمیٹی نےاپنےقائد کی تقریرپروضاحتی بیان جاری کیاہے۔
رابطہ کمیٹی کا کہناہے کہ الطاف حسین نےپاک آرمی پرتنقید نہیں کی بلکہ سپہ سالارپراعتماد کا اظہار کرتےہوئےان سےمداخلت کی اپیل کی ہے۔
رابطہ کمیٹی کے مطابق الطاف حسین نےآرمی چیف جنرل راحیل شریف کومخاطب کر تےہوئےکہا تھا کہ وہ ایم کیو ایم کے ساتھ انصاف کریں اور آپریشن ضرب عضب جاری رکھنے کے ساتھ ملکی دولت لوٹنے والوں کیخلاف بھی کارروائی کریں۔
رابطہ کمیٹی نے کہا کہ الطاف حسین نے ہمیشہ اپنےخطابات میں پاک فوج کےکردارکوسراہاہے۔رابطہ کمیٹی نےکہاکہ ایم کیو ایم نے پاک فوج کی حمایت میں نہ صرف ملین مارچ کیابلکہ اپنےلاکھوں کارکنان کو فوج کےلئےوقف کرنےکا اعلان بھی کیا۔جوعوام میں فوج کا مورال بڑھانےکا سبب توہو سکتا ہےنفرت پھیلانےکا نہیں۔
کراچی : آرمی چیف جنرل راحیل شریف نے کورہیڈ کوارٹرکراچی کا دورہ کیا، اس موقع پرآرمی چیف کوکراچی میں امن و امان کی صورتحال سے آگاہ کیا گیا۔ کورکمانڈرکراچی اورڈی جی رینجرز نےآرمی چیف کوبریفنگ دی۔
آرمی چیف جنرل راحیل شریف نے کراچی آپریشن پراطمینان کا اظہار کیا۔ انہوں نے این اے دو سو چھیالیس میں پرامن ضمنی الیکشن پربھی اطمینان کا اظہار کیا۔
آرمی چیف نے سبین محمود کی ٹارگٹ کلنگ کی تفتیش کو تیز کرنےکی ہدایات دیں،آرمی چیف کا کہنا تھا کہ حالیہ ٹارگٹ کلنگ کےواقعات میں انٹیلی جنس ادارے اپنا کردارادا کریں۔
ان کا کہنا تھا کہ کراچی میں حالیہ ٹارگٹ کلنگ کے پیچھے مخصوص عزائم ہیں،اقتصادی ترقی کیلئے کراچی میں امن و امان کا قیام اوّلین ترجیح ہے۔ ۔
آرمی چیف کا کہنا تھا کہ کراچی آپریشن سےٹارگٹ کلنگ اور بھتہ خوری میں کمی آئی ہے،آرمی چیف نے حکومت اورعوام کی مدد سے کراچی میں مافیا کے خاتمے کے عزم کا بھی اظہار کیا اور کہا کہ کراچی آپریشن کومنطقی انجام تک پہنچایاجائےگا۔
راولپنڈی:آرمی چیف جنرل راحیل شریف نے کابہاولپورکادورہ کیا آرمی چیف نے وہاں پاک فوج کےجوانوں سے ملاقات کی، آرمی چیف نے دہشت گردی کے خلاف جوانوں کےحوصلے کی تعریف کی ۔
تفصیلات کے مطابق آرمی چیف جنرل راحیل شریف نے کہا ہے کہ آپریشن ضرب عضب کے باعث ملک میں استحکام لوٹ آیا ہے۔ فاٹا میں دہشت گردوں کا تعاقب کرتے رہیں گے۔
ان خیالات کا اظہارآرمی چیف جنرل راحیل شریف نے بہاولپورکےدورے کے موقع پر کیا۔ آرمی چیف نے بہاولپور میں پاک فوج کےجوانوں سے ملاقات کی۔
اس موقع پر جنرل راحیل شریف نےدہشت گردی کے خلاف جوانوں کے بلند حوصلے کی تعریف کی۔ آرمی چیف نے جوانوں سے خطاب کرتے ہوئے کہا کہ آپریشن ضرب عضب کے باعث ملک میں استحکام لوٹ آیا ہے۔
ان کا کہنا تھا کہ دہشت گردی کے خلاف کوششیں کامیابی سےہمکنارہوں گی۔ جنرل راحیل شریف نے واضح کیا فاٹامیں دہشت گردوں کاتعاقب کرتےرہیں گے۔ آرمی چیف نے کہا دہشت گردی کا خاتمہ ہمیشہ کے لئے یقینی بنایا جائے گا۔
راولپنڈی : جی ایچ کیو میں آرمی چیف کی جانب سے آپریشن ضرب عضب میں حصہ لینے والے افسران میں اعزازات کی تقسیم۔
تفصیلات کے مطابق آرمی چیف جنرل راحیل شریف نے فوج کے چونسٹھ افسروں اور جوانوں میں تمغے اور فوجی اعزازات تقسیم کئے۔
پاک وطن کی حفاظت کرتے ہوئے جرات اور بہادری کی مثالیں قائم کرنے والوں کو اعلیٰ اعزازات سے نوازا گیا ۔
اس حوالے سے جی ایچ کیو راولپنڈی میں آپریشن ضرب عضب کے افسران میں تقسیم اعزازات کی تقریب منعقد ہوئی۔
آئی ایس پی آر کے مطابق تقریب میں آرمی چیف جنرل راحیل شریف نے پاک فوج کے تیس افسروں اور جوانوں کو تمغہ بسالت، تینتیس افسران کو ستارہ امتیاز اور ایک سپاہی کو اقوام متحدہ میڈل دیا۔
تقریب میں فوجی افسران ، شہداء اور غازیوں کے اہل خانہ نے شرکت کی۔ اس موقع پر شہداء کے اعزازات ان کے لواحقین نے وصول کئے۔
میرانشاہ: آرمی چیف جنرل راحیل شریف کاکہنا ہے کہ آپریشن ضرب عضب میں فضائیہ اور زمینی افواج کی ہم آہنگی متاثرکن ہے،دہشتگردوں کے مکمل خاتمے تک آپریشن جاری رہےگا۔
آرمی چیف جنرل راحیل شریف اور ائیرچیف مارشل طاہر رفیق بٹ نے شمالی وزیرستان کا اکھٹےدورہ کیا اور افسروں اور نوجوانوں سے ملاقات کی۔
عسکری قیادت نےشمالی وزیرستان میں جاری آپریشن کی پیشرفت کاجائزہ لیااور انہیں شدت پسندوں کیخلاف جاری آپریشن سے متعلق امورپربریفنگ دی گئی۔
آئی ایس پی آر کے مطابق جنرل راحیل شریف نے آپریشن ضرب عضب میں پاک فضائیہ اور زمینی دستوں ہم آہنگی کو سراہتے ہوئے کہا کہ دہشتگرد بھاگ رہے ہیں لیکن انہیں کہیں چھپنے نہیں دیا جائے گا اور دہشتگردوں کے پاک دھرتی سے خاتمے تک آپریشن جاری رہے گا۔
آرمی چیف نے افسران کو ہدایت بھی کہ جنوبی وزیرستان کے متاثرین کی سترہ اور شمالی وزیرستان کے متاثرین کی واپسی اکتیس مارچ تک یقینی بنائی جائے۔
کاکول : چیف آف آرمی اسٹا ف جنرل راحیل شریف نے کہا ہے کہ پاکستانی قوم کے تعاون سے ملک سے دہشت گردی کے خاتمے اور امن وامان کو یقینی بنائیں گے۔
یہ بات انہوں نے پاکستان ملٹری اکیڈمی کے دورے کے موقع پر جوانوں سے خطاب کرتے ہوئے کہی ، تفصیلات کے مطابق آرمی چیف جنرل راحیل شریف نے پاکستان ملٹری اکیڈمی کا دورہ کیااورنوجوان افسران کو اپنی صلاحتیں بھرپورانداز میں نکھارنے کی ہدایت کی ۔
آرمی چیف جنرل راحیل شریف نے پی ایم اے کاکول کے دورے کے دوران زیر تربیت افسران سے ملاقات کی اور انہیں اپنی صلاحیتیں مزید نکھارنے کا مشورہ دیا۔
آئی ایس پی آر کے مطابق ان کا مزید کہناتھاکہ ملک کو دہشت گردی کا مسئلہ درپیش ہے ایسی صورت حال میں نوجوان افسران کو خوداپنی مہارت میں اضافہ کرنا ہوگا۔
آرمی چیف نے کہا کہ پاک فوج ایک منظم فوج ہے جو قوم کی توقعات پر پورا اترے گی، اورقوم کے بھرہور تعاون سے پاکستان سے دہشت گردی کا خاتمہ اور امن وامان کا قیام ہماری اولین ترجیح ہے۔