اسلام آباد: غازی رشید قتل کیس میں سابق صدر پرویز مشرف کی حاضری سے استثنی کی درخواست مسترد کردی گئی، عدالت نے سابق صدر کو چودہ اکتوبر کو پیش ہونے کا حکم دے دیا ہے۔
اسلام آباد سپریم کورٹ میں غازی رشید قتل کیس کی سماعت ہوئی، جس میں عدالت نے پرویز مشرف کی طرف سے ایک دن کی حاضری سے استثنیٰ کی درخواست مسترد کر دی ۔
پرویز مشرف کے وکیل کا کہنا تھا کہ سابق صدر پرویز مشرف کی طبیعت ٹھیک نہیں ہیں، جس کی وجہ سے وہ عدالت میں پیش نہیں ہوسکتے۔
عدالت نے درخواست مسترد کرتے ہوئے آئندہ سماعت میں پرویز مشرف کو پیش ہونے کا حکم دے دیا ہے، عدالت نے ریمارکس میں کہا ہے کہ اگر آئندہ سماعت پر پرویز مشرف پیش نہ ہوئے تو ضامنوں کیخلاف کاروائی کی جائے گی۔
غازی رشید قتل کیس کی سماعت چودہ اکتوبر تک ملتوی کردی گئی ہے۔
