ARYNews.tv | Urdu – Har Lamha Bakhabar

Tag: geneva

  • پولیو: عالمی ادارہ صحت کا پاکستان پرعالمی سفری پابندیاں برقرار رکھنے کا فیصلہ

    پولیو: عالمی ادارہ صحت کا پاکستان پرعالمی سفری پابندیاں برقرار رکھنے کا فیصلہ

    جنیوا: ورلڈ ہیلتھ آرگنائزیشن نے پاکستان پرعالمی مشروط سفری پابندیوں میں مزید توسیع کر دی ہے، پاکستان پر یہ پابندیاں اب مزید تین ماہ کے لیے برقرار رہیں گی۔

    تفصیلات کے مطابق پاکستان پر سفری پابندیوں میں توسیع ڈبلیو ایچ او کی پولیو سے متعلق ایمرجنسی کمیٹی کی سفارش کے بعد کی گئی ہے۔

    قبل ازیں سویٹزرلینڈ کے شہر جنیوا میں عالمی ادارہ صحت کے سربراہ کی زیر صدارت خصوصی اجلاس میں کہا گیا کہ پولیو وائرس کاعالمی پھیلاؤ صحت عامہ کے لیے بدستور خطرہ ہے۔

    اجلاس کے اعلامیے کے مطابق پاکستان اور افغانستان بدستور پولیو وائرس کے پھیلاؤ میں ملوث ہیں، پاک افغان سرحدی مہاجرین پولیو پھیلاؤ کا سبب بن رہے ہیں۔

    اعلامیے میں کہا گیا ہے کہ کراچی، پشاور اور کوئٹہ بلاک سے وائرس کا پھیلاؤ ہورہا ہے، تاہم اس سلسلے میں پاکستان کی انسداد پولیو سے متعلق کارکردگی کو قابل ستائش قرار دیا گیا۔

    پولیو کا مرض اپنے خاتمے کے قریب ہے: وزیر اعظم

    ڈبلیو ایچ او نے پولیو کے خلاف پاک افغان اعلیٰ سطحی تعاون کی تعریف کی جب کہ اجلاس میں پاک افغان دوطرفہ تعاون کو مزید بہتر بنانے کی بھی سفارش کی گئی۔

    عالمی ادارہ صحت نے اجلاس میں اعلامیہ جاری کیا کہ دنیا پولیو کے خاتمے کے قریب پہنچ چکی ہے، اس لیے عالمی برادری کو پولیو وائرس کے مکمل خاتمے کے لیے مؤثر کردار ادا کرنا ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

  • بھارتی اداکارہ سونم کپور نے اپنا شریک حیات چن لیا، جلد شادی متوقع

    بھارتی اداکارہ سونم کپور نے اپنا شریک حیات چن لیا، جلد شادی متوقع

    ممبئی: بالی ووڈ کی معروف اداکارہ سونم کپور نے اپنا شریک حیات چن لیا جلد رشتہ ازدواج میں بندھ جائیں گی، شادی کی تقریب کے لیے تیاریاں جاری ہیں۔

    تفصیلات کے مطابق انوشکا شرما اور ویرات کوہلی کی شادی کے بعد اب بالی ووڈ انڈسٹری میں خبریں زیر گردش ہیں کہ سونم کپور معروف تاجر آنند کے ساتھ رشتہ ازدواج سے منسلک ہونے جارہی ہیں۔

    بھارتی میڈیا ذرائع کے مطابق سونم کپور رواں سال مئی میں اپنے بوائے فرینڈ آنند آہوجا کے ساتھ شادی کے بندھن میں بندھ جائیں گی جبکہ شادی تقریب سوئٹزر لینڈ کے شہر جینیوا میں ہو گی جس میں سنگیت اور مہندی سمیت تمام رسمیں ادا کی جائیں گی۔

    ارجن اور سونم کپور کی پرانی تصویر سوشل میڈیا پر وائرل

    ذرائع کا کہنا تھا کہ شادی کے لیے  تاریخ اور وینیو بھی منتخب کر لیا گیا ہے جس کے بعد بیرون ملک روانگی کے لیے  بڑے پیمانے پر ٹکٹس بک کی جارہی ہیں جبکہ سونم کپور کے والد انیل کپور ذاتی طور پر فون کرکے مہمانوں کو دعوت دے رہے ہیں۔

    خیال رہے کہ سونم کپور کا شمار بولی ووڈ کے مشہور سلیبریٹی کے طور پر ہوتا ہے اور وہ نجی زندگی سے متعلق پوچھے گئے سوالات کو بخوبی گھمانے کی بھی مہارت رکھتی ہے جو ان کی ایک الگ پہچان ہے۔

    کترینہ کو فیشن کا علم نہیں، سونم کپور

    واضح رہے کہ انہوں نے ہمیشہ  اپنے بوائے فرینڈ آنند سے متعلق بات کرنے سے گریز کیا ہے التبہ ان کا یہ رویہ کچھ عرسوں تک برقرار رہا تاہم آنند آہوجا کی جانب سے انسٹا گرام پر تصویروں شیئر کرنے کے بعد کے حقیقت لوگوں کے سامنے آگئیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سب سے زیادہ درختوں والے شہر

    سب سے زیادہ درختوں والے شہر

    دنیا بھر میں کچھ شہر اپنی بلند و بالا عمارتوں، جھلملاتی روشنیوں، اور مصنوعی آرائش کی وجہ سے مشہور ہوتے ہیں جہاں دنیا بھر کے لوگ آنا اور سیاحت کرنا پسند کرتے ہیں۔

    تاہم آج ہم کو ایسے شہروں کے بارے میں بتانے جارہے ہیں جو نہایت سرسبز ہیں اور ان کا زیادہ تر حصہ درختوں پر مشتمل ہے۔

    ایمسٹر ڈیم

    یورپی ملک نیدر لینڈز کے دارالحکومت ایمسٹر ڈیم کا 20.6 فیصد حصہ جنگلات اور درختوں پر مشتمل ہے۔ یہاں کی حکومت نے اس سبزے میں اضافے کے لیے صرف سنہ 2015 میں 34 لاکھ ڈالرز خرچ کیے۔

    جنیوا

    سوئٹزر لینڈ کا شہر جنیوا سرسبز پارکس کا شہر کہلایا جاتا ہے جس کا 21.4 فیصد رقبہ سبزے پر مشتمل ہے۔

    فرینکفرٹ

    جرمنی کے شہر فرینکفرٹ کا 21.5 فیصد حصہ درختوں اور جنگلات پر مشتمل ہے۔

    سیکریمنٹو

    امریکی ریاست کیلی فورنیا کے شہر سیکریمنٹو میں دا ٹری فاؤنڈیشن نامی تنظیم اسے شہری جنگل بنانے کا ارادہ رکھتی ہے اور اب تک شہر کے 23.6 فیصد حصے پر درخت اگائے جاچکے ہیں۔

    مزید پڑھیں: شہری زراعت ۔ مستقبل کی اہم ضرورت

    یہاں کے خشک موسم کی وجہ سے اکثر و بیشتر جنگلات میں آگ بھی لگ جاتی ہے جو جانی و مالی نقصان کا سبب بنتی ہے۔

    جوہانسبرگ

    جنوبی افریقہ کے شہر جوہانسبرگ کا بھی 23.6 فیصد سبزے پر مشتمل ہے۔ پورا شہر 60 لاکھ درختوں سے ہرا بھرا ہے۔

    ڈربن

    جنوبی افریقہ کا ایک اور شہر ڈربن بھی اپنے رقبے کا 23.7 فیصد حصہ سبزے کے لیے مختص کر چکا ہے۔

    یہاں کی آبادی بھی مختصر سی ہے لہٰذا ایک تحقیق کے مطابق اگر اس شہر کے سبز رقبے کو لوگوں کی ملکیت میں دیا جائے تو ہر شخص کے حصے میں 187 اسکوائر میٹر سبز رقبہ آئے گا۔

    کیمبرج

    امریکی ریاست میساچوسٹس کا شہر کیمبرج 25.3 فیصد جنگلات پر مشتمل ہے۔ یہاں موجود ایک آئی ٹری کمپنی گوگل میپس کے ذریعے درختوں کی دیکھ بھال کرتی ہے۔

    وین کور

    کینیڈا کے شہر وین کور کا 25.9 فیصد حصہ سبزے پر محیط ہے۔ یہاں کی مقامی حکومت چاہتی ہے سنہ 2020 تک جب یہاں کے لوگ چہل قدمی کے لیے نکلیں تو ہر 5 منٹ کے فاصلے پر انہیں سبزہ نظر آئے۔

    سڈنی

    آسٹریلیا کے شہر سڈنی میں 400 پارکس کے علاوہ مختلف مقامات پر 188 ایکڑ کے سبزے کے ساتھ 25.9 فیصد حصہ رقبہ سبزے پر مشتمل ہے۔

    سنگاپور

    پہلے نمبر پر سنگاپور ہے جہاں کا 29.3 فیصد رقبہ سر سبز اور جنگلات پر مشتمل ہے۔ سنہ 2030 تک یہاں کی 85 فیصد آبادی سرسبز و شاداب مقامات پر رہنے لگے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دنیا کا سب سے بڑا گلابی ہیرا

    دنیا کا سب سے بڑا گلابی ہیرا

    جنیوا: دنیا کے سب سے بڑے گلابی ہیرے دا پنک راج کو سوئٹزر لینڈ کے شہر جنیوا میں نیلامی کے لیے پیش کیا جائے گا۔

    دنیا کا سب سے بڑا گلابی ہیرا ہونے کا اعزاز رکھنے والا یہ ہیرا 37 قیراط وزن کا حامل ہے۔ فی الحال اس ہیرے کو نمائش کے لیے رکھا گیا ہے جس کی چمک دمک اور خوبصورتی دیکھنے والوں کی آنکھوں کو خیرہ کر رہی ہے۔

    اس کی نمائش اگلے ہفتے جینوا میں کی جائے گی اور ماہرین کے مطابق یہ 3 کروڑ ڈالرز تک نیلام ہوسکتا ہے۔

    اپنی نوعیت کے سب سے بڑے ہیرے کو سوتھ بے نیلام گھر کی جانب سے پیش کیا جا رہا ہے۔ ہیرے کی خرید و فروخت کرنے والے اس انوکھے اور نادر و نایاب ہیرے کی نیلامی کا شدت سے انتظار کر رہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنیوا کی سڑکوں پر کہانیاں سناتی دیو ہیکل دادی اماں

    جنیوا کی سڑکوں پر کہانیاں سناتی دیو ہیکل دادی اماں

    آپ دادی کی اپنے پوتوں پوتیوں کو چاند پر چرغہ کاٹنے والی ایک بڑھیا کی کہانی سنانے کے بارے میں تو جانتے ہوں گے، ہوسکتا ہے یہ کہانی آپ نے بھی بچپن میں اپنی دادی سے سنی ہوگی۔ اب ایسی ہی ایک دیوہیکل سی دادی اپنے شہر کے باسیوں کے یہ کہانی سنانے کے لیے دنیا بھر میں سفر کر رہی ہیں۔

    ایک فرانسیسی تھیٹر گروپ کی جانب سے بنائی جانے والی یہ دیو ہیکل دادی اور پوتی جہاں جاتی ہیں، وہاں لوگ انہیں دیکھنے کے لیے سڑکوں پر امڈ آتے ہیں۔

    اٹھارہ فٹ بلند پوتی اور چھڑی کے سہارے چلتی دادی اماں آج کل سوئٹزر لینڈ کے شہر جینوا میں ہیں اور اس منفرد ترین پتلی تماشے کو دیکھنے کے لیے لوگ جوق در جوق آرہے ہیں۔

    جنیوا کی سڑکوں کا کچھ سفر دیو ہیکل دادی اماں نے وہیل چیئر پر بھی طے کیا۔ دوسری جانب پوتی بھی لالی پاپ کھاتی رہی اور تماشائیوں کو محظوظ کرتی رہی۔

    ان دونوں دیو ہیکل کٹھ پتلیوں کو کرین کے ذریعہ رسیوں کی مدد سے حرکت دی جاتی ہے۔

    اس منفرد ترین کٹھ پتلی تماشہ بنانے والے تھیٹر گروپ کا کہنا ہے کہ دیو ہیکل دادی اماں کہانیاں بھی سنائیں گی۔

    ان دیوہیکل پتلیوں کو تیار کرنے میں اس گروپ کو 3 سال کا عرصہ لگا۔ اس سے قبل یہ کٹھ پتلیاں لندن اور مونٹریال میں بھی اپنے فن کا مظاہرہ کر چکی ہیں جہاں انہیں بے حد پذیرائی حاصل ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنیوا میں بھارت سے مقبوضہ کشمیر، ناگا لینڈ اور تری پورہ کی آزادی کے بینر

    جنیوا میں بھارت سے مقبوضہ کشمیر، ناگا لینڈ اور تری پورہ کی آزادی کے بینر

    جنیوا: مقبوضہ کشمیرمیں ریاستی دہشت گردی کرنے والے بھارت کو اپنے ہی ملک میں آزادی کی درجنوں تحریکوں کا سامنا ہے۔ بھارت سے آزادی کے بینرز سوئٹرز لینڈ میں بھی لگ گئے۔

    بھارت کے نہتے کشمیریوں کی آزادی کی تحریک طاقت سے دبانے کا ہرحربہ ناکام ہوگیا۔

    مقبوضہ کشمیرکے علاوہ متعدد دوسری ریاستیں بھارت کے غاصبانہ تسلط سے آزادی کی جدوجہد کررہی ہیں۔ اس سلسلے میں سوئٹرز لینڈ کے شہر جنیوا میں بسوں اور ٹرام پر مقبوضہ کشمیر، ناگا لینڈ اور تری پورہ کی آزادی کے بینرز لگ گئے۔

    ان بینروں نے بھارت کا مکروہ اورغاصبانہ چہرہ دنیا کے سامنے بے نقاب کردیا۔ بھارت میں آسام، ناگا لینڈ، میزو لینڈ، تری پورہ اور خالصتان سمیت متعدد علاقے بھارت سے آزادی چاہتے ہیں لیکن بھارت کی ہٹ دھرمی برقرار ہے۔

    یاد رہے کہ چند روز قبل بھی جنیوا میں بڑے پیمانے پر بھارت کے خلاف ایک احتجاج کیا گیا تھا جس میں مظاہرین نے اقلیتوں پر مظالم اور خواتین سے زیادتی کے خلاف بینرز اٹھا رکھے تھے۔

    مزید پڑھیں: بھارت میں اقلیتوں اور خواتین سے زیادتی کے خلاف جنیوا میں احتجاج

    اس دوران مظاہرین نے ’بھارت رک جاؤ، بھارت ظلم بند کرو، بھارت اقلیتوں کو تحفظ دو‘ کے نعرے بھی لگائے۔

    احتجاج کے دوران جنیوا کی مختلف سڑکوں پر بینرز بھی لگائے گئے تھے جن میں عالمی برادری سے بھارت کے اندر اقلیتوں سے انسانیت سوز مظالم، مسجدیں گرانے، گرجا گھر جلانے اور خواتین سے زیادتی کے واقعات بند کروانے کا مطالبہ کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سوئٹرزلینڈ میں آزاد بلوچستان کے اشتہار، پاکستان کا شدید احتجاج

    سوئٹرزلینڈ میں آزاد بلوچستان کے اشتہار، پاکستان کا شدید احتجاج

    جینوا : پاکستان کے خلاف بھارت کی ایک اور گھناؤنی سازش سامنے آگئی، سوئٹرزلینڈ کے شہر جینیوا میں آزاد بلوچستان کے اشتہار لگ گئے، جس پر پاکستان نے سوئٹرزلینڈ سے شدید احتجاج کیا۔

    تفصیلات کے مطابق بھارت کی پاکستان کے خلاف ایک اور مذموم سازش ، کالعدم تنظیم بلوچستان لبریشن آرمی اوربھارتی گٹھ جوڑکھل کرسامنے آگیا، جنیوا میں بسوں اور الیکڑونک بورڈ پر آزاد بلوچستان کے اشتہارات لگ گئے۔

    پاکستان نے گھناؤنی اشتہاری مہم پر شدید احتجاج کیا، اقوام متحدہ جینوا میں پاکستان کے مستقل مندوب فرخ عامل نے سوئس ہم منصب کو مراسلہ کیا، جس میں پاکستانی سفیر نے اشتہاری مہم کی مذمت کرتے ہوئے سوئس حکومت سے مہم میں ملوث دہشتگردوں کے خلاف کارروائی کا مطالبہ کیا ہے۔

    مراسلے کے مطابق سوئٹرزلینڈ میں آزادبلوچستان کا نعرہ پاکستان کی سالمیت وخود مختاری پرحملہ ہے، پاکستان کیخلاف سوئس سرزمین کا استعمال باعث تشویش ہے، کالعدم بلوچ لبریشن آرمی دہشتگرد تنظیم ہے، جو سیکورٹی فورسز،شہریوں پر حملوں میں ملوث ہے، برطانیہ میں اس تنظیم اور امریکا میں اس کے کئی نمائندوں کو دہشتگرد قراردیا گیا ہے۔

    پاکستان نے سوئس حکومت سے بی ایل اے اور اشتہاری کمپنی کیخلاف قانونی کارروائی کا مطالبہ کرتے ہوئے کہا کہ اس بات کویقینی بنایا جائے کہ مستقبل میں ایسا نہ ہو۔

    پاکستان نے مستقل مشن اورسفارتکاروں کوبھی تحفظ فراہم کرنے کا بھی مطالبہ کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت میں اقلیتوں اور خواتین سے زیادتی کے خلاف جنیوا میں احتجاج

    بھارت میں اقلیتوں اور خواتین سے زیادتی کے خلاف جنیوا میں احتجاج

    جنیوا: بھارت میں اقلیتوں پر جاری مظالم اور خواتین سے زیادتی کے خلاف سوئٹزر لینڈ کے شہر جنیوا میں بڑے پیمانے پر احتجاج کیا گیا۔

    دنیا کی سب سے بڑی سیکولر ریاست ہونے کا دعویٰ کرنے والے ملک بھارت میں مظالم کی شکار اقلیتیں پکار پکار کر عالمی ضمیر جگانے کی کوشش میں مصروف ہیں۔

    جنیوا میں بڑے پیمانے پر کیے گئے احتجاج کے دوران مظاہرین نے بینرز اٹھا رکھے تھے جن پر درج تھا کہ بھارت میں نہ تو اقلیتوں کو تحفظ حاصل ہے اور نہ ہی خواتین کی عزتیں محفوظ ہیں۔

    مظاہرین نے ’بھارت رک جاؤ، بھارت ظلم بند کرو، بھارت اقلیتوں کو تحفظ دو‘ کے نعرے بھی لگائے۔

    جنیوا کی سڑکوں پر لگے بینرز میں عالمی برادری سے بھارت کے اندر اقلیتوں سے انسانیت سوز مظالم، مسجدیں گرانے، گرجا گھر جلانے اور خواتین سے زیادتی کے واقعات بند کروانے کا مطالبہ کیا گیا۔

    یاد رہے کہ بھارتی کرائم ریکارڈ بیورو کے مطابق بھارت میں اس وقت خواتین سے زیادتی چوتھا بڑا اور عام جرم بن چکا ہے۔

    مزید پڑھیں: بھارت میں کاشتکار خواتین جنسی زیادتی کا نشانہ بننے پر مجبور

    اعداد و شمار کے مطابق سنہ 2013 میں لگ بھگ 25 ہزار خواتین کو زیادتی کا نشانہ بنایا گیا۔

    ہر سال پیش آنے والے زیادتی کے واقعات میں سے صرف 5 سے 6 فیصد ایسے ہیں جو رپورٹ ہو پاتے ہیں۔ ان میں بھی ملزمان آزاد ہوجاتے ہیں اور زیادتی کا شکار متاثرہ لڑکی اور اس کا خاندان انصاف کے حصول میں بری طرح ناکام رہتے ہیں۔

    دوسری جانب مودی کے بر سر اقتدار میں آنے کے بعد اقلیتوں خصوصاً مسلمانوں کے ساتھ ظلم و ستم کے واقعات میں اضافہ ہوا۔

    مزید پڑھیں: گائے کا گوشت رکھنے کے جرم میں7 افراد پر ہجوم کا بدترین تشدد

    اس ضمن میں گائے سب سے بڑی وجہ تنازعہ بنی اور گائے کا گوشت کھانے، یا گائے کے ساتھ دیکھے جانے متعدد مسلمان افراد کو مشتعل ہندوؤں کے ہجوم نے بہیمانہ تشدد کا نشانہ بنا کر مار ڈالا۔

    علاوہ ازیں عیسائیوں کے گرجا گھروں اور مسلمانوں کی مسجدیں جلانے کے واقعات میں بھی اضافہ ہوا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اقوام متحدہ نے میانمارفوج کے خلاف تحقیقات کا فیصلہ کرلیا

    اقوام متحدہ نے میانمارفوج کے خلاف تحقیقات کا فیصلہ کرلیا

    جنیوا : روہنگیا مسلمانوں کے ساتھ مقامی فوج کے مظالم کا اقوام متحدہ نے نوٹس لے لیا، اقوام متحدہ کی کونسل برائے انسانی حقوق نے فیصلہ کیا ہے کہ وہ روہنگیا مسلمانوں کے خلاف ملک کی فوج کی جانب سے مبینہ طور پر کیے جانے والے مظالم کی تفتیش کرے گی۔

    یورپی یونین کی جانب سے پیش کی جانے والی قرار داد کو اقوام متحدہ میں متفقہ طور پر منظور کر لیا گیا تھا جس کے مطابق ’حقائق تلاش کرنے کے لیے ایک آزاد مشن بھیجا جائے جس کے تحت ظلم ڈھانے والوں کا بھرپور احتساب ہوگا اور ان مظالم کا شکار بننے والوں کے ساتھ مکمل انصاف کیا جائے گا۔

    برطانوی نشریاتی ادارے بی بی سی کے مطابق میانمار حکومت کے ترجمان کا کہنا ہے کہ یہ فیصلہ قطعی نامنظور ہے کیونکہ میانمار کی حکومت خود اس معاملے کی تفتیش کر رہی ہے۔

    اس حوالے سے بھارت اورچین نے بھی اقوام متحدہ کے اس فیصلے کی حمایت نہیں کی ہے۔ دونوں ملکوں نے کہا ہے کہ وہ اس تفتیش سے خود کو الگ کر لیں گے۔

    واضح رہے کہ گذشتہ چھ ماہ میں 70،000 سے زائد روہنگیا مسلمان ملک چھوڑ کر پناہ کی تلاش میں بنگلہ دیش بھاگ چکے ہیں اور اقوام متحدہ نے ان افراد سے جنسی استحصال اور بڑے پیمانے پر قتل و غارت کے واقعات سنے ہیں۔

    روہنگیا مسلمانوں کے مطابق میانمار کی سرکاری فوج باغیوں کے خلاف کارروائی کرنے کے بہانے ملک کی رکھائن ریاست میں ان کو نشانہ بنا رہی ہے، فوجی کارروائی پچھلے سال اکتوبر میں شروع ہوئی تھی جب بارڈر پولیس کے نو اہلکاروں کو ہلاک کر دیا گیا تھا۔

  • ڈبلیوایچ اوکی سربراہی کیلئے پاکستانی خاتون مضبوط امیدوار

    ڈبلیوایچ اوکی سربراہی کیلئے پاکستانی خاتون مضبوط امیدوار

    جنیوا : عالمی ادارہ صحت کے نئے سربراہ کیلئے پری پول انتخابی سروے میں پاکستانی ڈاکٹر ثانیہ نشترموسٹ فیورٹ قرار پائی ہیں، سائرہ افضل تارڑ نے پاکستانی امیدوارکی انتخابی مہم چلائی۔

    تفصیلات کے مطابق عالمی ادارہ صحت (ڈبلیوایچ او) کے نئے سربراہ کیلئے انتخابی عمل کا پہلامرحلہ جاری ہے جس میں ری پول انتخابی سروے کیا گیا ، سروے کے مطابق پاکستان سے تعلق رکھنے والی ڈاکٹرثانیہ نشتر واضح مارجن سے کامیاب قرار پائی ہیں اور انہیں عہدے کیلئے موسٹ فیورٹ قرار دیا گیا ہے۔

    وزیرمملکت برائے نیشنل ہیلتھ سروسز سائرہ افضل تارڑ نے جینیوا میں پاکستانی امیدوار ڈاکٹر ثانیہ نشتر کی انتخابی مہم بھرپور انداز میں چلائی، سائرہ افضل تارڑ نے ڈبلیو ایچ او کے ایگزیکٹیو بورڈ ممبران کے اعزاز میں استقبالیہ دیا۔

    پاکستان کی جانب سے دیئے گئے استقبالیہ میں عالمی مندوبین نے کثیر تعداد میں شرکت کی۔ اس موقع پر اپنے خطاب میں بورڈ ممبران سے پاکستانی امیدوارکو کامیاب کرانے کی اپیل کی۔

    سائرہ افضل تارڑ کا کہنا تھا کہ دنیا کو مہاجرین اور صحت عامہ کے مسائل کا سامنا ہے، اس حوالے سے ڈاکٹر ثانیہ نشترکو صحت عامہ کے مسائل کا وسیع تجربہ ہے، لہٰذا ڈبلیو ایچ او کے سربراہ کیلئے ڈاکٹر ثانیہ نشترسب سے موزوں اور مضبوط امیدوار ہیں۔

    واضح رہے کہ انتخاب کے پہلے مرحلے میں 34 رکنی ایگزیکٹیو بورڈ کا اجلاس جنیوا میں ہو گا، اجلاس میں ڈبلیو ایچ او سربراہ کیلئے 5 امیدواروں کو منتخب کیا جائیگا، ڈبلیوایچ او کے نئے سربراہ کا انتخاب رواں برس مئی میں ہوگا۔