ابو ظہبی: پاکستانی فلم انڈسٹری کی معروف اداکار جوڑی سجل علی اور احد رضا میر رشتہ ازدواج میں منسلک ہوگئی، سجل نے انسٹاگرام پر اپنا نام بھی تبدیل کرلیا۔
تفصیلات کے مطابق معروف اداکارہ سجل علی اور اداکار احد رضا میر شادی کے بندھن میں بندھ گئے۔ احد رضا میر کی متعدد تصاویر سوشل میڈیا پر وائرل ہوگئیں تاہم سجل علی کی اب تک کوئی تصویر منظر عام پر نہیں آئی۔
ایک تصویر میں دلہا احد اپنے والد آصف رضا میر اور والدہ کے ساتھ موجود ہیں، ان کے نکاح کی ویڈیو بھی سوشل میڈیا پر وائرل ہے۔
View this post on Instagram
Nikahfied!!! #AhadRazaMir says Qabool Hai!!! #AhadSajalKiShadi #AbuDhabi #MashaAllah
دوسری جانب سجل نے سماجی رابطے کی ویب سائٹ انسٹاگرام پر اپنا نام سجل علی سے تبدیل کر کے سجل احد میر رکھ لیا۔
یاد رہے کہ احد رضا میر اور سجل علی کی منگنی گزشتہ سال جولائی میں ہوئی تھی، دونوں کی شادی کی تقریبات کا آغاز گزشتہ ہفتے ہوا تھا۔
سجل اور احد اب تک کئی ڈراموں میں کام کرچکے ہیں، جن میں سے کچھ میں وہ ایک ساتھ بھی جلوہ گر ہوچکے ہیں۔ سجل علی نے کئی فلموں میں بھی کام کیا ہے جس میں بالی ووڈ فلم ’مام‘ بھی شامل ہے، اس فلم میں سجل نے آنجہانی اداکارہ سری دیوی کی بیٹی کا کردار ادا کیا تھا۔
