پاکستانی اداکارہ وینا ملک نے حیران کن انکشاف کرتے ہوئے کہا ہے کہ شادی میری زندگی کا افسوس ناک فیصلہ تھا۔
وینا ملک ایک بے باک اور بولڈ پاکستانی مشہور شخصیت ہیں، وینا ملک اکثر اپنے بولڈ بیانات اور پوڈ کاسٹ کے دوران اپنی کھلی گفتگو کی وجہ سے سرخیوں میں رہتی ہیں۔
حال ہی میں انہوں نے ایک پوڈکاسٹ میں شرکت کی جہاں انہوں نے اپنی ذاتی زندگی، ناکام شادی اور مالی خود مختاری سے متعلق کھل کر گفتگو کی۔
وینا ملک نے بتایا کہ ان کی شادی طے شدہ تھی اور یہ رشتہ ان کے والدین کے ذریعے طے پایا تھا، 2013 میں میری زندگی ایک ایسے موڑ پر تھی جہاں شہرت، دولت اور ہر چیز میرے بس سے باہر ہو چکی تھی، میں سب کچھ چھوڑ کر غائب ہو جانا چاہتی تھی۔
انہوں نے کہا کہ یہ شادی میرے لیے ایک قسم کی راہ فرار تھی، لیکن بعد میں یہ میری زندگی کی سب سے بڑی پشیمانی بن گئی، میں نے دولت اور شہرت کی خواہش کی تھی، لیکن یہ سب اتنا زیادہ مل گیا کہ میں اس بوجھ کو سنبھال نہیں سکی، اس وقت میں ذہنی طور پر انتہائی دباؤ میں تھی اور اسی دباؤ میں میں نے شادی کا فیصلہ کیا اور یہ میری زندگی کا سب سے مشکل وقت تھا۔
وینا ملک نے انکشاف کیا اور بتایا کہ IVF کے ذریعے میں 2 بچوں کی ماں بنی، جو میری زندگی کا سب سے خوبصورت پہلو تھا لیکن شادی میری سب سے بڑی غلطی تھی، یہ ایک ناسمجھی بھرا فیصلہ تھا، جس پر آج بھی مجھے افسوس ہے۔
وینا ملک نے اپنی مالی خود مختاری پر فخر کا اظہار کرتے ہوئے کہا کہ میں نے 14 سال کی عمر کے بعد کبھی والدین سے پیسے نہیں لیے، نہ میں کسی سے تحفے لیتی ہوں، نہ دیتی ہوں، میں آج بھی مالی طور پر مکمل طور پر خود کفیل ہوں۔
View this post on Instagram
