وہ کون ہے؟ بیڈ روم میں بچے کی پراسرار توجہ دیکھ کر باپ بوکھلا گیا، جی ہاں سوشل میڈیا پر ایک خوفناک ویڈیو وائرل ہو رہی ہے۔
اس ویڈیو میں ایک ننھا سا بچہ اپنی مردہ دادی کی روح کو سامنے دیکھ کر اسے اشارے کررہا ہے، بچہ اپنے باپ سے پوچھتا ہے کہ وہ کون ہے؟ لیکن اس کا باپ نہیں سمجھ پاتا۔
حال ہی میں سوشل میڈیا وائرل ہونے والی ایک ویڈیو میں ایک سو سالہ بچے کو اپنی مردہ دادی کے آسیب کو دیکھ کر خوشی سے کھلکھلاتے ہوئے دیکھا جا سکتا ہے۔
غیر ملکی خبر رساں ادارے کی رپورٹ کے مطابق 30سالہ جیمی بونٹ رات کے وقت اپنے دو سالہ بیٹے لوکی بونٹ کے ساتھ بستر پر لیٹے ہوئے تھے کہ بچے نے اچانک لیمپ شیڈ کی طرف اشارہ کرنا شروع کردیا۔
بچہ پہلے حیران ہوا اور پھر اس نے اچانک زور زور سے ہنسنا شروع کر دیا، بچہ کمرے کے ایک خالی کونے کی جانب ہاتھ ہلا کر ہنس رہا تھا۔ بچہ پوچھتا ہے کہ وہ کون ہے؟ لیکن اس کا باپ اس کی بات نہیں سمجھ پاتا۔
30سالہ جیمی نے میڈیا سے گفتگو کرتے ہوئے انکشاف کیا ہے کہ اس کے بیٹے نے شاید اپنی مردہ دادی ازابیل میتھرز کو دیکھا تھا جو رواں سال کے آغاز میں87 سال کی عمر میں کینسر سے لڑتے ہوئے جان کی بازی ہار گئی تھیں۔
سکاٹ لینڈ کے رہائشی جیمی نے کہا یہ بات واضح ہے کہ بچہ کونے میں کسی کی طرف اشارہ کر کے اسے ہیلو کہہ رہا تھا مجھے یقین ہے کہ وہ کسی کو ہیلو نہیں کہے گا جب تک کہ وہ کوئی قریبی نہ ہو۔
جس طرح لوکی مسکرا رہا تھا اور ہاتھ لہرا رہا تھا ہم صرف ایک ہی شخصیت کے بارے میں سوچ سکتے ہیں اور وہ ہیں اس کی دادی جن کا حال ہی میں انتقال ہوا ہے اور وہ ان کے قریب بھی تھا۔
بچے کے والد نے کہا کہ میں یہ نہیں کہوں گا کہ میں پہلے روحانی چیزوں پر یقین رکھتا تھا لیکن میرے عقائد میں تھوڑا سا بدلاؤ آگیا ہے۔
