ARYNews.tv | Urdu – Har Lamha Bakhabar

Tag: ghost teachers

  • سندھ میں 4 سال سے تنخواہیں لینے والے گھوسٹ اساتذہ برطرف

    سندھ میں 4 سال سے تنخواہیں لینے والے گھوسٹ اساتذہ برطرف

    کراچی: صوبہ سندھ کے محکمہ تعلیم نے سنہ 2018 سے تنخواہیں لینے والے 19 گھوسٹ اساتذہ کو نوکری سے برطرف کردیا۔

    تفصیلات کے مطابق محکمہ تعلیم سندھ نے بڑی کارروائی کرتے ہوئے 19 گھوسٹ اساتذہ کو نوکریوں سے برطرف کردیا، ڈائریکٹر پرائمری ایجوکیشن لاڑکانہ نے برطرفیوں کا نوٹیفکیشن جاری کر دیا۔

    ڈائریکٹر پرائمری ایجوکیشن کا کہنا ہے کہ برطرف 19 اساتذہ کا تعلق ضلع شکار پور سے ہے، کارروائیاں وزیر تعلیم سردار شاہ کی ہدایات پر کی گئیں۔

    ڈائریکٹر کے مطابق برطرف اساتذہ 2018 سے گھر بیٹھے تنخواہیں لے رہے تھے۔

    انہوں نے مزید کہا کہ ڈویژن میں مزید انکوائری چل رہی ہے، گھوسٹ ملازمین کے خلاف مزید کارروائیاں کی جائیں گی۔

  • سندھ کے سرکاری اسکولوں میں 2 سال سے غیر حاضر استاد برطرف

    سندھ کے سرکاری اسکولوں میں 2 سال سے غیر حاضر استاد برطرف

    کراچی: محکمہ تعلیم سندھ نے سرکاری اسکولوں میں 2 سال سے غیر حاضر 8 اساتذہ کو برطرف کردیا، مذکورہ اساتذہ اسکول آئے بغیر تنخواہیں وصول کر رہے تھے۔

    تفصیلات کے مطابق محکمہ تعلیم سندھ نے بیرون ملک مقیم اساتذہ کے خلاف سخت ایکشن لے لیا، گھر بیٹھے تنخواہیں وصول کرنے والے 8 اساتذہ کو نوکری سے برطرف کردیا گیا۔

    محکمے نے اساتذہ کی برطرفی کا نوٹیفکیشن بھی جاری کردیا۔

    سیکریٹری تعلیم کا کہنا ہے کہ بر طرف اساتذہ 2 سال سے اسکول نہیں آرہے تھے۔

    سیکریٹری کا مزید کہنا تھا کہ متعلقہ ایجوکشن افسران گھوسٹ اساتذہ کی نشاندہی کر رہے ہیں، جو اساتذہ اسکول نہیں آئیں گے وہ سیدھا گھر جائیں گے۔

  • گھوسٹ ملازمین کی جواٸننگ پر تعلقہ اور ڈسٹرکٹ ایجوکیشن افسر آمنے سامنے

    گھوسٹ ملازمین کی جواٸننگ پر تعلقہ اور ڈسٹرکٹ ایجوکیشن افسر آمنے سامنے

    کراچی: شہر قائد میں گھوسٹ ملازمین کی جواٸننگ پر تعلقہ اور ڈسٹرکٹ ایجوکیشن افسران آمنے سامنے آ گئے۔

    تفصیلات کے مطابق تعلقہ ایجوکیشن افسر سوبھو لغاری کا کہنا ہے کہ ڈسٹرکٹ ایجوکیشن افسر ویسٹ گھوسٹ اساتذہ کی بھرتی کر رہے ہیں۔

    تعلقہ افسر ویسٹ منگھوپیر سوبھو لغاری نے اس سلسلے میں سیکریٹری تعلیم اور ڈائریکٹر اسکولز ایجوکیشن کو شکایتی خط لکھ دیا ہے، جس میں انھوں نے کہا ہے کہ گھوسٹ اساتذہ اور ملازمین کو محکمہ تعلیم کے اعلیٰ افسر کی سر پرستی حاصل ہے۔

    انھوں نے لکھا کہ ڈسٹرکٹ ایجوکیشن افسر ویسٹ نے گھوسٹ اساتذہ کو اسکول جواٸن کرنے کی اجازت دی ہے، ان میں ہاٸر اسکول ٹیچرعلی بخش جوکھیو، پراٸمری ٹیچر عابدہ پروین بروہی، اور چوکیدار منظور علی جلبانی شامل ہیں۔

    منگھوپیر تعلقہ افسر کا کہنا تھا کہ یہ ملازمین طویل عرصے سے بغیر کسی اطلاع کے اپنی ڈیوٹی سے غائب رہے ہیں، تاہم اب ڈی ای او نے انھیں بغیر کسی قانونی طریقہ کار یا جواز کے ڈیوٹی جوائن کرنے کی اجازت دے دی ہے۔

  • عائشہ گلالئی کی والدہ کا گھوسٹ ملازم ہونے کا انکشاف

    عائشہ گلالئی کی والدہ کا گھوسٹ ملازم ہونے کا انکشاف

    اسلام آباد: تحریک انصاف کی رکن قومی اسمبلی عائشہ گلالئی کی والدہ کے محکمہ تعلیم میں گھوسٹ ملازم ہونے کا انکشاف ہوا ہے۔ یہ انکشاف قومی اسمبلی کے اجلاس کے دوران ہوا تاہم اسپیکر ایاز صادق نے عائشہ گلالئی کے موجود نہ ہونے پر اراکین کو اس موضوع پر بات کرنے سے روک دیا۔

    تفصیلات کے مطابق قومی اسمبلی کا اجلاس اسپیکر سردار ایاز صادق کی زیر صدارت ہوا جس میں رکن اسمبلی نعیمہ کشور کے سوال پر پارلیمانی سیکرٹری سیفران شاہین اشفاق نے ایک چشم کشا انکشاف کیا کہ تحریک انصاف کی رکن قومی اسمبلی عائشہ گلا لئی کی والدہ محکمہ تعلیم کی گھوسٹ ملازمہ ہیں۔

    انہوں نے بتایا کہ عائشہ گلا لئی کی والدہ ایف آر بنوں میں سرکاری اسکول کی استانی ہیں، شاہین اشفاق کا کہنا تھا کہ پی ٹی آئی رکن اسمبلی کی والدہ گھر بیٹھے تنخواہ لیتی ہیں۔

    اس موقع پراسپیکر ایاز صادق کا اپنے ریمارکس میں کہنا تھا کہ کیونکہ رکن قومی اسمبلی عائشہ گلا لئی اس وقت ایوان میں اپنے دفاع کیلیے موجود نہیں ہیں لہٰذا ان کا نام لے کر کوئی بات یا الزام نہ لگایا جائے۔

  • محکمہ تعلیم نے قمبر شہداد کوٹ میں 794 جعلی اساتذہ کو بے نقاب کردیا

    محکمہ تعلیم نے قمبر شہداد کوٹ میں 794 جعلی اساتذہ کو بے نقاب کردیا

    کراچی : محکمہ تعلیم سندھ نے انکشاف کیا ہے کہ قمبر شہداد کوٹ میں سات سو چورانوے اساتذہ جعلی بک سروس پر کام کررہے ہیں، ڈپٹی اکاؤنٹنٹ جنرل ایجوکیشن کے قمبرشہداد کوٹ میں اساتذہ کی تقرری میں جعلسازی سے متعلق اہم انکشافات نے تہلکہ مچا دیا،۔

    تفصیلات کےمطابق محکمہ تعلیم سندھ نے قمبرشہداد کوٹ میں 794 گھوسٹ اساتذہ کی فہرست جاری کردی ہے،جبکہ 794جعلی ا ساتذہ کے نام قومی اخبارات میں بھی شائع کرا دیئے گئے ہیں۔

    جعلی گھوسٹ اساتذہ کی نشاندہی ڈپٹی اکاونٹنٹ جنرل ایجوکیشن آفس اے جی سندھ کراچی کی سربراہی میں شعبہ جاتی کمیٹی برائے امتحانات اور سیکیورٹی نے کی ہے۔

    تحقیقات کے دوران سات سو چورانوے اساتذہ تقرری کا اصل ریکارڈ،سروس بک،اسنادنہ مل سکیں۔ محکمہ تعلیم نے اساتذہ کو ہدایت کی ہے ذاتی طورپرپیش ہوکراصلی دستاویزات فوری طور پرجمع کرائیں۔

    مذکورہ جعلی اساتذہ مذکورہ دستاویزات فراہم نہیں کر رہے ہیں اور ان اساتذہ کو آخری وارننگ دی گئی ہے جو جلد سے جلد اپنی اصل دستاویزات جمع کرائیں۔

    محکمہ تعلیم کی جانب سے اساتذہ کی بائیو میٹرک کا عمل شروع ہونے کے نتیجے میں جعلی اساتذہ کی نشاندہی کا سلسلہ جاری ہے۔ محکمہ نے جعلی اساتذہ کے نام اخبارمیں شائع کرادیئےہیں۔

  • محکمہ تعلیم سندھ کا گوسٹ اساتذہ کیخلاف کاروائی کا آغاز

    محکمہ تعلیم سندھ کا گوسٹ اساتذہ کیخلاف کاروائی کا آغاز

    کراچی: محکمہ تعلیم سندھ نے صو بے بھر میں گھوسٹ اساتذہ کے خلاف کارروائی کرتے ہو ئے پہلے مرحلے میں وزیر اعلی سندھ کے حلقہ انتخاب خیر پور کے77اساتذہ کو معطل کردیا ہے جبکہ آئندہ چند روز میں کئی ہزار گھوسٹ اساتذہ کو معطل کیا جائے گا۔

    حکمرانوں کے تعلیم کے بارے میں غیر سنجیدہ رویئے کا اندازہ اس با ت سے لگا یا جا سکتا ہے ملک بھر میں ایسے اساتذہ موجود ہیں جو تنخواہ تو لیتے ہیں لیکن اسکو ل نہیں جا تے ہیں۔ محکمہ تعلیم سندھ کی جانب سے وزیراعلی قائم علی شاہ کے آبائی حلقے میں ستتر ایسے اساتذہ کو نوٹس جاری کئے گئے ہیں جو گھو سٹ ہیں۔ اسی طرح کی مہم ماضی میں ملک کے تمام صوبوں میں چلتی رہی ہیں لیکن سیاست اور طاقت کے ہتھیا روں سے لیس گھوسٹ اساتذہ کیخلاف کارروائی کے بجا ئے انہیں ترقیوں سے نوازا جاتا رہا ہے۔

    اب دیکھنا یہ ہے صو بہ سندھ میں چلنے والی حالیہ کارروائی کا کو ئی نتیجہ برآمد ہو تا ہے یا یہ مہم بھی محکمہ پولیس کی ہتھیاروں کی برآمد گی مہم کی مانند اپنی موت آپ مرجاتی ہے۔