Tag: GHQ

  • پاکستان افغانستان میں دیرپا امن کے لئے کوشاں ہے: آرمی چیف  جنرل قمر جاوید باجوہ

    پاکستان افغانستان میں دیرپا امن کے لئے کوشاں ہے: آرمی چیف جنرل قمر جاوید باجوہ

    راولپنڈی: آرمی چیف جنرل قمر جاوید باجوہ نے کہا ہے کہ پاکستان افغانستان میں دیرپا امن کے لئے کوشاں ہے.

    پاک فوج کے شعبہ برائے تعلقات عامہ (آئی ایس پی آر) کے مطابق آج  آرمی چیف سے افغانستان میں امریکی فوج کے سربراہ جنرل آسٹن اسکاٹ نے ملاقات کی.

    [bs-quote quote=”افغانستان میں امن پاکستان کے لئے خصوصی اہمیت رکھتا ہے” style=”style-7″ align=”left” author_name=”آرمی چیف”][/bs-quote]

    اس اہم ملاقات میں افغانستان میں جاری مصالحتی عمل کےامور  بھی زیر غور آئے اور افغانستان کی صورت حال کے سیاسی حل پربھی تبادلہ خیال کیا گیا.

    آئی ایس پی آر کے مطابق ملاقات میں دہشت گردی کے خاتمے، مؤثربارڈر مینجمنٹ کے لئے جامع کوششوں پرغور کیا گیا.


    مزید پڑھیں: ہمیں میڈیا کے ذریعے سرجیکل اسٹرائیک اور سائبر جنگ کے لئے تیار رہنا ہوگا: آرمی چیف

    اس موقع پر آرمی چیف جنرل قمرجاوید باجوہ نے کہا کہ پاکستان افغانستان میں دیرپا امن کے لئے کوشاں ہے، افغانستان میں امن پاکستان کے لئے خصوصی اہمیت رکھتا ہے.

    یاد رہے کہ گذشتہ دونوں آرمی چیف جنرل قمر جاوید باجوہ نے کہا تھا کہ پاکستان امن دوست ملک ہے اور  امن پر یقین رکھتا ہے، ان خیالات کا اظہار انھوں نے نیول اکیڈمی کراچی میں پاسنگ آؤٹ پریڈ کے موقع پر خطاب کرتے ہوئے کیا تھا۔

  • آرمی چیف سے چینی نائب وزیرخارجہ کی ملاقات

    آرمی چیف سے چینی نائب وزیرخارجہ کی ملاقات

    راولپنڈی: آرمی چیف جنرل قمر جاوید باجوہ سے چینی نائب وزیرخارجہ نے ملاقات کی ہے.

    پاک فوج کے شعبہ برائے تعلقات عامہ (آئی ایس پی آر) کے مطابق چین کے نائب وزیر خارجہ کونگ ژوان یو نے جی ایچ کیو میں‌سپہ سالار سے ملاقات کی.

    [bs-quote quote=”دہشت گردی کے خلاف پاکستانی عوام اور فوج کی قربانیاں قابل قدر ہیں” style=”style-7″ align=”left” author_name=”چینی نائب وزیر خارجہ”][/bs-quote]

    اس ملاقات میں دوطرفہ تعاون بڑھانے پربات چیت ہوئی، باہمی دل چسپی اور علاقائی سیکیورٹی امورپر تبادلہ خیال کیا.

    ڈی جی آئی ایس پی آر کے مطابق اس موقع آرمی چیف جنرل قمر  جاوید باجوہ نے کہا کہ پاک چین مثالی تعلقات باہمی اعتماد پرمبنی ہیں.


    مزید پڑھیں: وزیر خارجہ شاہ محمود قریشی سے چین کے معاون وزیر خارجہ کی ملاقات

     چینی نائب وزیرخارجہ کونگ ژوان یو نے اس موقع پر کہا کہ دہشت گردی کے خلاف پاکستانی عوام اور فوج کی قربانیاں قابل قدر ہیں.

    یاد رہے کہ آج وزیر خارجہ شاہ محمود قریشی اور چین کے نائب وزیر خارجہ کی ملاقات ہوئی تھی، جس میں علاقائی سیکیورٹی سمیت باہمی دلچسپی کے امور پر تبادلہ خیال کیا گیا۔

  • آرمی چیف سے امریکی ناظم الامورپال جونز کی ملاقات

    آرمی چیف سے امریکی ناظم الامورپال جونز کی ملاقات

    اسلام آباد:  آرمی چیف جنرل قمر جاوید باجوہ سے امریکی ناظم الامورپال جونز  نے آج ملاقات کی.

    پاکستان فوج کے شعبہ برائے تعلقات عامہ (آئی ایس پی آر) کے مطابق پال جونز نے اور جنرل قمر جاوید باجوہ کی یہ ملاقات جی ایچ کیو راولپنڈی میں ہوئی.

    [bs-quote quote=”اس ملاقات میں پڑوسی ملک افغانستان کی موجودہ صورتحال پر تفصیلی تبادلہ خیال ہوا” style=”style-7″ align=”left”][/bs-quote]

    اس اہم ملاقات میں پڑوسی ملک افغانستان کی موجودہ صورتحال پر تفصیلی تبادلہ خیال ہوا.

    آرمی چیف اور امریکی ناظم الامور کی اس ملاقات میں باہمی دلچسپی،علاقائی سیکیورٹی کےامورپر گفتگو کی گئی.

    یاد رہے کہ گذشتہ دنوں آرمی چیف جنرل قمرجاوید باجوہ نے اٹلی کا دورہ کیا تھا، جہاں انھوں نے اٹلی کے وزیردفاع، آرمی چیف اور سیکریٹری دفاع سے ملاقاتیں کیں۔

    مزید پڑھیں: قوم کی قربانیوں اورحمایت سے دہشت گردی کوشکست دی،آرمی چیف

    مزید پڑھیں: پال جونز نے امریکی سفارت خانے میں بطور قائم مقام سفیر ذمہ داریاں سنبھال لیں

    اس موقع پر انھوں نے کہا تھا کہ پاکستان امن کا خواہاں ہے، قوم کی قربانیوں اور حمایت سے دہشت گردی کوشکست دی ۔

    واضح رہے کہ رواں برس ستمبر کے اواخر میں پال جونز نے امریکی سفارتخانے میں ناظم الامورکی ذمہ داریاں سنبھال لیں، وہ اس سے پہلے بھی پاکستان میں خدمات سرانجام دے چکے ہیں.

  • یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    اسلام آباد : آج ملک بھر میں یوم دفاع وشہدا ملی جوش و جذبے سے منایا جارہا ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

      مرکزی تقریب رات آٹھ بجے جی ایچ کیو میں ہوگی جس کے مہمان خصوصی وزیر اعظم عمران خان ہوں گے، چھ ستمبر ملکی سرحدوں کے دفاع اور تجدید عہد وفا کا دن ہے،  وہ دن جب دشمن ناپاک ارادوں کے ساتھ ارض پاک میں گھسا۔

    وہ دن جب پاک فوج نے دشمن کے ناپاک قدموں کو پسپا کردیا۔ اس سلسلے میں ہمیں پیار ہے پاکستان کے نام سے آئی ایس پی آر کی خصوصی مہم جاری ہے۔

    شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

    واضح رہے کہ چھ ستمبر انیس سوپینسٹھ وہ دن ہے جب دشمن نے اُس قوم کو للکارا جس کی اساس شجاعت اور بہادری ہے۔ بھارت کی پندرہویں بکتر بند ڈویژن رات کی تاریکی میں پاکستان پر حملہ آور ہوئی۔

    طاقت کے نشے میں چور بھارتی فوج نے بے خبری میں حملہ اور صبح تک لاہور میں ناشتہ کا دعویٰ کیا لیکن انہیں معلوم نہ تھا کہ سرحدوں کی رکھوالی خالد بن ولید اور ٹیپو سلطان کے جانشین کررہے تھے۔

    پاک فوج نے اپنے سے کہیں بڑی فوجی طاقت کا غرور خاک میں ملادیا۔ بھارت چونڈہ کا مقام کبھی نہیں بھولے گا جسے پاک فوج کے جوانوں نے بھارتی ٹینکوں کا قبرستان بنایا۔

    بی آر بی کے مقام پر میجر راجہ عزیز بھٹی شہید نے دشمن کی صفوں میں گھس کر انہیں بھاگنے پر مجبور کیا۔ کوہ میں دشت میں صحرا میں پاک فوج کے جوان ہر محاذ پر بہادری سے لڑے، پاک فضائیہ کے مٹھی بھر جنگی جہازوں نے ملک کی فضاؤں کو محفوظ بنایا۔

    ایم ایم عالم کو کیسے کوئی بھول سکتا ہے۔ تیس سیکنڈ میں دشمن کےچھ جہاز ڈھیر کردیئے، جنہیں لاہور میں ناشتہ کرناتھا وہ اپنے علاقے بھی چھوڑ کر بھاگ رہے تھے۔

    غیر ملکی اخباروں میں پاک فوج کے کارنامے بیان کیے جارہے تھے۔ پاکستانی قوم بھی وطن کے دفاع کے لیے فوج کے شانہ بشانہ کھڑی تھی، شہریوں کا ڈنڈے اٹھائے سرحدوں پر جانا، چندے اکٹھے کرنا اور نور جہاں کا ریڈیو پر ملی نغموں سے سے جوانوں کا جذبہ بڑھانا، یہ وہ سترہ دن تھے جب اٹھارہ سال پہلے بننے والے ملک نے ایک قوم بن کر اور یک جان ہوکر اپنا دفاع کیا۔

     

  • یومِ دفاع کی مرکزی تقریب، وزیراعظم مہمانِ خصوصی ہوں گے: فواد چوہدری

    یومِ دفاع کی مرکزی تقریب، وزیراعظم مہمانِ خصوصی ہوں گے: فواد چوہدری

    اسلام آباد : وزیر اطلاعات فواد چوہدری کا کہنا ہے کہ وزیراعظم عمران خان یوم دفاع کی مرکزی تقریب میں بطور مہمان خصوصی شریک ہوں گے۔

    تفصیلات کے مطابق وزیر اطلاعات فواد چوہدری نے سماجی رابطے کی ویب سائٹ ٹویٹر پر جاری کردہ اپنے پیغام میں کہا  ہے کہ یوم دفاع کی مرکزی تقریب کل 6 ستمبر 2018 کو جی ایچ کیومیں منعقد ہوگی، وزیراعظم عمران خان یوم دفاع کی مرکزی تقریب میں بطور مہمان خصوصی شریک ہوں گے۔

    خیال رہے کہ ملک بھر میں افواجِ پاکستان ، حکومت اور عوام کی جانب سے یوم دفاع و شہداء بھرپور جوش و خروش سےمنانے کے لئے تیاریاں عروج پر ہیں۔

    گذشتہ روز پاک فوج کے سربراہ جنرل قمر جاوید باجوہ نے کہا تھا کہ شہداء کی قربانیوں خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی عظیم قربانیوں کا احترام اور اعتراف کریں۔

     ڈی جی آئی ایس پی آر میجر جنرل آصف غفور نے اعلان کیا تھا کہ ہمیں پیار ہے پاکستان سے‘ کے نام سے یوم دفاع وشہداء منایا جائے گا، کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

    انہوں نے قوم سے بھرپور شمولیت کی درخواست کرتے ہوئے کہا تھا کہ آئیے زندہ قوم کی طرح اپنے شہداءکو یاد رکھیں ، ہمارےشہداء نے اپنا آج ہمارے محفوظ کل کے لیے قربان کیا ، شہید ہمارے اصل ہیرو ہیں۔

  • فیلڈ فارمیشن  افسران شہداء کے خاندانوں سے مل کر ان کی قربانیوں کا اعتراف کریں،آرمی  چیف کی ہدایت

    فیلڈ فارمیشن افسران شہداء کے خاندانوں سے مل کر ان کی قربانیوں کا اعتراف کریں،آرمی چیف کی ہدایت

    راولپنڈی : آرمی چیف جنرل قمرجاوید باجوہ نے یوم دفاع پر شہداء پر فیلڈ فارمیشن افسران کو ہدایت کی کہ شہدا کے گھروں میں جائیں اور ان کی عظیم قربانیوں کا احترام اور اعتراف کریں۔

    پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت جی ایچ کیو میں 213 ویں کور کمانڈرز کانفرنس ہوئی، کانفرنس میں آپریشن ردالفساد میں پیش رفت کا جائزہ لیا گیا اور خطے کی جیو اسٹریٹیجک صورتحال پر تبادلہ خیال کیا گیا۔

    آئی ایس پی آر کے مطابق کورکمانڈرز نے یوم دفاع پر شہداء کو زبردست خراج تحسین بھی پیش کیا۔

    اس موقع پر پاک فوج کے سربراہ جنرل قمر جاوید باجوہ کا کہنا تھا کہ شہداء کی قربانیوں   خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی عظیم قربانیوں کا احترام اور اعتراف کریں۔

    یاد رہے  ڈی جی آئی ایس پی آر میجر جنرل آصف غفور نے اعلان کیا تھا کہ ہمیں پیار ہے پاکستان سے‘ کے نام سے یوم دفاع وشہداء منایا جائے گا، کوئی شہادت بھولی نہیں جائے گی اور  وطن کی حفاظت کے لیے جانیں دینے والوں کو سلام پیش کیا جائے گا۔

    پاک فوج کی جانب سے   یوم دفاع وشہداء پر شہیدوں ، غازیوں کو خراج تحسین پیش کرنے کا سلسلہ جاری ہے۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    میجر آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں۔

  • آرمی چیف سے ایرانی وزیر خارجہ کی ملاقات

    آرمی چیف سے ایرانی وزیر خارجہ کی ملاقات

    راولپنڈی : آرمی چیف جنرل قمر جاوید باجوہ نے ایرانی وزیر خارجہ جواد ظریف سے ملاقات کی ، ایرانی وزیرخارجہ نے کہا کہ خطے میں امن واستحکام کیلئے پاکستان کا کردار قابل قدر ہے۔

    پاک فوج کے شعبہ تعلقات عامہ (آئی ایس پی آر) کے مطابق ایرانی وزیرخارجہ جواد ظریف نے جی ایچ کیو کا دورہ کیا اور مسلح افواج کے سربراہ آرمی چیف جنرل قمر جاوید باجوہ سے ملاقات کی، ملاقات میں علاقائی سیکیورٹی اور باہمی دلچسپی کے امور پر بات چیت کی گئی۔

    اس موقع پر ایرانی وزیرخارجہ نے کہا خطے میں امن واستحکام کیلئے پاکستان کا کردار قابل قدر ہے۔

    آرمی چیف کا کہنا تھا کہ پاکستان خطےمیں سیکیورٹی اورامن کیلئے سنجیدہ کوششیں کررہا ہے۔

    اس سے قبل ایرانی وزیر خارجہ نے وفد کے ہمراہ دفتر خارجہ کا دورہ کیا، وزیر خارجہ شاہ محمود قریشی نے ایرانی وزیر خارجہ کا دفتر خارجہ میں استقبال کیا، اس موقع پر میڈیا سے گفتگو کرتے ہوئے کہا تھا کہ پاکستان کے وفد کے ساتھ بہت مثبت ملاقات ہوئی، ایران پاکستان کےساتھ کام کرکے بہت خوش ہے۔

    مزید پڑھیں : وزیر خارجہ کی ایرانی ہم منصب سے ملاقات

    جواد ظریف کا کہنا تھا کہ پاکستان ہمارا خاص ہمسایہ ملک ہے، پاکستان کے ساتھ بہت اچھے تعلقات ہیں پاکستان کے باہمی اورکثیر القومی تعاون موجود ہے۔ خطے کی سیکیورٹی اور امن کےلئے مل کرکام کریں گے۔

    وزیر خارجہ شاہ محمود قریشی کا کہنا تھا کہ ایران اورپاکستان ہمسائیہ ملک ہیں۔ ہمارے چیلنجز مشترکہ ہیں آگے بڑھنے کےلئے خیالات کا تبادلہ اہم ہے ملاقات میں مسائل کے حل کے لئے بات چیت ہوئی مقصد صرف امن ،استحکام اور خوشحالی ہے۔

    خیال رہے کہ ایران کے وزیر خارجہ  محمد جواد ظریف کل پاکستان پہنچے تھے ، پاکستانی دفتر خارجہ کے اعلیٰ حکام کی جانب سے ان  کا ایئرپورٹ پر شاندار استقبال کیا گیا تھا۔

    دفتر خارجہ کے اعلیٰ حکام کے مطابق جواد ظریف دورہ پاکستان کے دوران ملک کے نو منتخب وزیر اعظم عمران خان سے بھی ملاقات کریں گے۔،

  • اداروں میں قریبی تعاون سے چیلنجز پر قابو پایا جاسکتا ہے: فواد چوہدری

    اداروں میں قریبی تعاون سے چیلنجز پر قابو پایا جاسکتا ہے: فواد چوہدری

    اسلام آباد: وزیر اطلاعات فواد چوہدری نے کہا ہے کہ اداروں میں قریبی تعاون سے چیلنجز پر قابو پایا جاسکتا ہے، وزیر اعظم کا جنرل ہیڈکوارٹرز کا دورہ زبردست رہا۔

    ان خیالات کا اظہار انہوں نے اپنے جاری کردہ بیان میں کیا، فواد چوہدری کا کہنا تھا کہ وزیر اعظم اور ان کی کابینہ کو دنیا کی بہترین فوج کی کمانڈ پر فخر ہے ، وزیر اعظم کا دورہ جی ایچ کیو بہت اچھا رہا۔

    انہوں نے کہا کہ دورہ کے موقع پر وزیر اعظم کو گارڈ آف آنر پیش کیا گیا، عمران خان سے جی ایچ کیو میں تمام پرنسپل اسٹاف آفیسرز کا تعارف کروایا گیا۔

    وزیر اطلاعات کا کہنا تھا کہ وزیر اعظم کے ساتھ دفاع، خارجہ، داخلہ، خزانہ اور اطلاعات کے وزرا بھی موجود تھے، عمران خان نے یاد گار شہدا پر پھول رکھے اور شہیدوں کو خراج عقیدت پیش کیا۔

    عمران خان جی ایچ کیو میں اجلاس کی صدارت کرنے والے پہلے وزیرِ اعظم بن گئے

    خیال رہے کہ آج وزیر اعظم عمران خان نے جنرل ہیڈکوارٹر (جی ایچ کیو) کا دورہ کیا، اس موقع پر ان کا کہنا تھا کہ پاکستان کو اندرونی و بیرونی سطح پر چیلنجز کا سامنا ہے، قوم کے تعاون اور قومی حکمت عملی سے چیلنجز پر قابو پالیں گے۔

    اس موقع پر آرمی چیف جنرل قمر جاوید باجوہ کا کہنا تھا کہ ملک کی حفاظت کے لئے پاک فوج قوم کی توقعات پر پورا اترے گی، ہر قیمت اور قربانی دے کر مادر وطن کا دفاع یقینی بنایا جائے گا۔

    پاکستان اندرونی و بیرونی خطرات کا شکار ہے، قوم کے تعاون سے چیلنجز پر قابو پالیں گے: وزیراعظم

    واضح رہے کہ عمران خان پاکستانی تاریخ کے پہلے وزیرِ اعظم ہیں جنھوں نے جی ایچ کیو میں اجلاس کی صدارت کی، یہ وزیرِ اعظم عمران خان کا ایک اور اعزاز ہے جو انھیں حاصل ہوا۔

  • عمران خان جی ایچ کیو میں اجلاس کی صدارت کرنے والے پہلے وزیرِ اعظم بن گئے

    عمران خان جی ایچ کیو میں اجلاس کی صدارت کرنے والے پہلے وزیرِ اعظم بن گئے

    راولپنڈی: عمران خان پاکستانی تاریخ کے پہلے وزیرِ اعظم ہیں جنھوں نے جی ایچ کیو میں اجلاس کی صدارت کی، یہ وزیرِ اعظم عمران خان کا ایک اور اعزاز ہے جو انھیں حاصل ہوا۔

    تفصیلات کے مطابق پاکستان کے وزیرِ اعظم عمران خان نے عوامی مقبولیت کے بعد پاک فوج میں بھی مقبولیت کا اعزاز حاصل کرلیا ہے، جی ایچ کیو پہنچنے پر انھوں نے اجلاس کی بہ طور وزیرِ اعظم صدارت کی۔

    ماضی میں اس سے پہلے جتنے وزرائے اعظم گزرے ہیں وہ آرمی چیف کے ساتھ اجلاسوں کی مشترکہ صدارت کرتے تھے، تاہم عمران خان نے اس سلسلے میں نئی تاریخ رقم کر دی۔

    خیال رہے کہ 2018 کے بارے میں کہا جا رہا تھا کہ یہ تبدیلی کا سال ہے، ڈی جی آئی ایس پی آر میجر جنرل آصف غفور نے بھی کہا تھا کہ یہ تبدیلی کا سال ہے، تو جی ایچ کیو میں بھی تبدیلی آگئی ہے۔


    اسے بھی پڑھیں:  وزیراعظم عمران خان کا جی ایچ کیو کا دورہ

    پاکستان اندرونی و بیرونی خطرات کا شکار ہے، قوم کے تعاون سے چیلنجز پر قابو پالیں گے: وزیراعظم


    عمران خان جی ایچ کیو پہنچے تو ان کا پرتپاک استقبال کیا گیا، اس سے قبل کسی منتخب وزیرِ اعظم کا اس طرح پرجوش استقبال نہیں کیا گیا۔

    واضح رہے کہ اجلاس کے دوران عمران خان کرسیٔ صدارت پر متکمن تھے جب کہ آرمی چیف ان کے دائیں طرف پہلی نشست پر براجمان تھے۔

    پہلی بار دیکھنے میں آیا کہ سیاسی اور عسکری قیادت ایک پیج پر آ چکی ہے، وفاقی وزیرِ اطلاعات کا بھی کہنا تھا کہ اب سیاسی اور عسکری قیادت ایک پیج پر ہے اور کتاب بھی ایک ہی ہے۔

    دورے سے متعلق ڈی جی آئی ایس پی آر کا کہنا تھا کہ جی ایچ کیو میں وزیراعظم کو دفاع، داخلی سیکورٹی اور پیشہ ورانہ امور پر بریفنگ دی گئی۔

  • پاکستان اندرونی و بیرونی خطرات کا شکار ہے، قوم کے تعاون سے چیلنجز پر قابو پالیں گے: وزیراعظم

    پاکستان اندرونی و بیرونی خطرات کا شکار ہے، قوم کے تعاون سے چیلنجز پر قابو پالیں گے: وزیراعظم

    راولپنڈی: وزیراعظم عمران خان نے کہا ہے کہ دہشت گردی کے خلاف پاک فوج کی قربانیاں اور کردار قابل قدر ہے.

    پاک فوج کے شعبہ برائے تعلقات عامہ (آئی ایس پی آر) کے مطابق ان خیالات کا اظہار وزیراعظم نے جی ایچ کیو کے دورے کے موقع پر کیا.

    وزیراعظم کا کہنا تھا کہ پاکستان کو اندرونی و بیرونی سطح پرچیلنجزکاسامنا ہے، قوم کے تعاون اور قومی حکمت عملی سے چیلنجزپرقابو پالیں گے.

     اس موقع پر آرمی چیف کاپاک فوج پراعتمادکےاظہارپروزیراعظم سے اظہار تشکر کیا۔

     آرمی چیف نے کہا کہ ملک کی حفاظت کے لئے پاک فوج قوم کی توقعات پر پورا اترے گی. ہرقیمت اورقربانی دے کر مادروطن کا دفاع یقینی بنایا جائے گا.

    آئی ایس پی آر کے مطابق دورے کےموقع پر وزرائے دفاع، خارجہ، خزانہ، اطلاعات بھی وزیراعظم کے ہمراہ تھے. وزیرمملکت برائے داخلہ اور سیکریٹری دفاع بھی اس موقع پر موجود تھے.

    ڈی جی آئی ایس پی آر کے مطابق وزیراعظم کاپرنسپل اسٹاف آفیسرزسےتعارف کرایا گیا. وزیراعظم کوآپریشن ردالفساد،خوشحال بلوچستان پروگرام اور کراچی کی صورتحال سمیت مختلف امورپربریفنگ دی گئی.

    اس موقع پر وزیراعظم نے پاک فوج کی آپریشنل تیار یوں، پیشہ وارانہ مہارتوں کو سراہا اور فوج کوضروری وسائل فراہم کرنے کی یقین دہانی کروائی۔

    وزیراعظم کاپرنسپل اسٹاف آفیسرزسے تعارف کرایا گیا، وزیراعظم نےجی ایچ کیومیں یادگارشہداپرپھول چڑھائے.