ARYNews.tv | Urdu – Har Lamha Bakhabar

Tag: GHQ

  • وزیراعظم عمران خان کا جی ایچ کیو کا دورہ

    وزیراعظم عمران خان کا جی ایچ کیو کا دورہ

    راولپنڈی : وزیراعظم عمران خان پاک فوج کے ہیڈکوارٹر جی ایچ کیو پہنچ گئے، جہاں ان کو دفاع اور سیکیورٹی صورتحال پر بریفنگ دی جارہی ہے۔

    تٖفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر بیان میں کہا کہ وزیراعظم عمران خان نے جی ایچ کیو پہنچے ، جہاں آرمی چیف جنرل قمر جاوید باجوہ نے وزیراعظم کا استقبال کیا۔

    ڈی جی آئی ایس پی آر کا کہنا تھا کہ جی ایچ کیو میں وزیراعظم کو دفاع، داخلی سیکیورٹی اور پیشہ ورانہ امور پر بریفنگ دی جارہی ہے۔

    میجر جنرل آصف غفور نے مزید کہا کہ وزرائے دفاع پرویز خٹک ، وزیر خارجہ شاہ محمود قریشی ، وزیرخزانہ اسد عمر، وزیراطلاعات فواد چودھری اور وزیر مملکت داخلہ بھی وزیراعظم عمران خان کے ہمراہ ہیں۔

    مزید پڑھیں : وزیر اعظم عمران خان سے آرمی چیف کی ملاقات

    یاد رہے 3 روز قبل  وزیراعظم عمران خان نے پاک فوج کے سربراہ جنرل قمر جاوید باجوہ سے ملاقات کی تھی، ملاقات میں ملک میں پائیدار امن اور استحکام کے عزم کا اظہار کیا گیا جبکہ خطےمیں امن کے لیے کوششیں جاری رکھنے کے عزم کا اعادہ بھی کیا گیا تھا۔

    خیال رہے کہ پاکستان تحریک انصاف کے الیکشن جیتنے، نئی حکومت بننے اور عمران خان کے بطور وزیر اعظم حلف اٹھانے کے بعد دونوں شخصیات کی یہ پہلی باضابطہ ملاقات تھی۔

  • کرغزستان کے سفیر کی آرمی چیف سے ملاقات، علاقائی سکیورٹی صورت حال پر تبالہ خیال

    کرغزستان کے سفیر کی آرمی چیف سے ملاقات، علاقائی سکیورٹی صورت حال پر تبالہ خیال

    راولپنڈی: کرغزستان کے خصوصی سفیر ایرک بیشمبیو نے آرمی چیف جنرل قمر جاوید باجوہ سے ملاقات کی اور علاقائی سکیورٹی صورت حال پر تبادلہ خیال کیا۔

    پاک فوج کے شعبہ تعلقات عامہ (آئی ایس پی آر) کے مطابق کرغزستان کے خصوصی سفیر ایرک بیشمبیو نے جی ایچ کیو کا دورہ کیا، اور آرمی چیف جنرل قمر جاوید باجوہ سے ملاقات کی۔

    آئی ایس پی آر کا کہنا تھا کہ ملاقات میں باہمی دلچسپی اور علاقائی سکیورٹی صورت حال پر تبادلہ خیال کیا گیا، جبکہ کرغزستان کے سیفر نے علاقائی امن واستحکام کے لیے پاکستان کی قربانیوں کی تعریف کی۔

    آرمی چیف سے افغان سفیر کی ملاقات، ملکی صورت حال پر گفتگو

    قبل ازیں 3 اگست کو آرمی چیف جنرل قمر جاوید باجوہ سے مالدیپ کے سفیر احمد سلیم نے ملاقات کی تھی، اس موقع پر مالدیپ کے سفیر نے خطے میں امن اور استحکام کے لیے پاکستان کے کردار کی تعریف بھی کی تھی۔

    بعد ازاں 7 اگست کو روسی نائب وزیر دفاع کرنل جنرل الیگزینڈر فومن نے آرمی چیف سے جی ایچ کیو میں ملاقات کی تھی، ڈی جی آئی ایس پی آر نے کہا تھا کہ اس اہم ملاقات میں علاقائی سکیورٹی کی صورت حال، باہمی دلچسپی کے امور پر تفصیلی گفتگو ہوئی۔

    خیال رہے کہ گذشتہ سال جنرل قمر جاوید باجوہ نے افغان سفیر ڈاکٹر عمر اور امریکی نائب وزیر خارجہ ایکس ویلز سے بھی ملاقات کی تھی۔

  • آرمی چیف سے قازقستان کے سفیر کی ملاقات، سیکیورٹی امور پر تبادلہ خیال

    آرمی چیف سے قازقستان کے سفیر کی ملاقات، سیکیورٹی امور پر تبادلہ خیال

    راولپنڈی: آرمی چیف جنرل قمر جاوید باجوہ سے قازقستان کے سفیر ’بارلی بیسادی‘ نے ملاقات کی، اس دوران علاقائی سیکیورٹی امور پر تبادلہ خیال کیا گیا۔

    تفصیلات کے مطابق قازقستان کے سفیر بارلی بیسادی کی آرمی چیف جنرل قمر جاوید باجوہ سے جی ایچ کیو میں ملاقات ہوئی، ملاقات میں مختلف اہم امور پر بھی تبادلہ خیال کیا گیا۔

    پاک فوج کے شعبہ تعلقات عامہ (آئی ایس پی آر) کا کہنا ہے کہ اس ملاقات میں دونوں ملکوں کی باہمی دلچسپی سمیت اہم موضوع زیر غور آئے۔

    خیال رہے کہ 11 جون کو آذربائیجان کے سفیر نے آرمی چیف جنرل قمر جاوید باجوہ سے ملاقات کی تھی، ملاقات میں باہمی دلچسپی اور علاقائی سیکیورٹی صورتحال پر تبادلہ خیال کیا گیا تھا۔

    آرمی چیف سے امریکی نائب وزیر خارجہ کی ملاقات، باہمی تعاون پر تبادلہ خیال

    آذربائیجان کے سفیر نے دہشتگردی کے خاتمے میں پاک فوج کی کوششوں کی تعریف کی تھی جبکہ جنرل قمر جاوید باجوہ نے کہا تھا کہ پاک فوج دہشتگردی کے خاتمے تک اپنی کوششیں جاری رکھے گی۔

    یاد رہے کہ رواں سال مئی میں آرمی چیف جنرل قمر جاوید باجوہ سے متحدہ عرب امارات کے سفیر حماد عبید ابراہیم اور ترک چیف آف جنرل سٹاف جنرل ہولوسی نے الگ الگ ملاقاتیں کی تھی۔

    بعد ازاں آرمی چیف جنرل قمر جاوید باجوہ نے فنانشنل ایکشن ٹاسک فورس میں پاکستان کی حمایت پر ترکی کا شکریہ ادا کیا تھا، جی ایچ کیو راولپنڈی آمد پر ترک چیف آف جنرل سٹاف نے یادگار شہداء پر پھول چڑھائے اور گارڈ آف آنر کا معائنہ بھی کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آرمی چیف سے افغان سفیر کی ملاقات، ملکی صورت حال پر گفتگو

    آرمی چیف سے افغان سفیر کی ملاقات، ملکی صورت حال پر گفتگو

    راولپنڈی: آرمی چیف جنرل قمر جاوید باجوہ نے افغان سفیر ڈاکٹر عمر سے ملاقات کی اس دوران ملکی صورت حال پر تبادلہ خیال کیا گیا۔

    تفصیلات کے مطابق پاک فوج کے سپہ سالار جنرل قمر جاوید باجوہ سے افغانستان کے سفیر ڈاکٹر عمر نے ملاقات کی، اس دوران افغان سفیر نے دونوں ملکوں کے درمیان تعلقات میں بہتری پر آرمی چیف کا شکریہ ادا کیا۔

    آرمی چیف سے افغان سفیر کی ملاقات جی ایچ کیو راولپنڈی میں ہوئی، ملاقات میں دوطرفہ تعلقات میں مزید بہتری پر زور دیا گیا اور دونوں ملکوں کے درمیان باہمی اعتماد پر اتفاق کیا گیا۔

    آرمی چیف سے امریکی نائب وزیر خارجہ کی ملاقات، باہمی تعاون پر تبادلہ خیال

    خیال رہے کہ گذشتہ روز آرمی چیف سے امریکی نائب وزیر خارجہ ایلس ویلز نے ملاقات کی تھی، ملاقات میں باہمی دلچسپی، علاقائی سیکیورٹی اور باہمی تعاون پر تبادلہ خیال کیا گیا تھا۔

    پاک فوج کے شعبہ تعلقات عامہ (آئی ایس پی آر) کے مطابق امریکی نائب وزیر خارجہ ایلس ویلز نے دہشت گردی کے خلاف جاری جنگ میں پاک فوج کی قربانیوں کو سراہا۔

    عالمی امن کے لیے پاکستانی امن دستوں نے بے پناہ قربانیاں دیں، اقوام متحدہ

    اس موقع پر امریکی نائب وزیر خارجہ ایلس ویلز نے کہا تھا کہ دہشت گردی کے خلاف پاک فوج اور عوام کی قربانیاں قابل تحسین ہیں، دہشت گردی کے خلاف پاکستانی قوم نے جرأت اور استقامت کا مظاہرہ کیا۔

    یاد رہے کہ یو این انڈر سیکریٹری جنرل جین پیری نےگزشتہ روز جی ایچ کیو کا دورہ کرتے ہوئے آرمی چیف سے بھی ملاقات کی تھی، آرمی چیف جنرل قمر جاوید باجوہ نے اس موقع پر کہا تھا کہ پاکستان اقوام متحدہ کے تحت عالمی امن کے لیے تعاون جاری رکھے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جی ایچ کیو: مادر وطن کیلئے قربانیاں دینے والےشہدا کےاعزازمیں تقریب

    جی ایچ کیو: مادر وطن کیلئے قربانیاں دینے والےشہدا کےاعزازمیں تقریب

    راولپنڈی: گورنمنٹ ہیڈ کوارٹر (جی ایچ کیو) میں مادرِ وطن کا دفاع کرنے اور جام شہادت نوش کرنے والے شہداء اور غازیوں کے اعزاز میں تقریب کا انعقاد کیا گیا جس میں آرمی چیف آف اسٹاف جنرل قمر جاوید باجوہ، عسکری حکام، غازیوں اور شہدا کے اہلخانہ نے شرکت کی۔

    جنرل ہیڈ کوارٹرز میں منعقدہ تقسیم اعزازات کی تقریب میں آرمی چیف جنرل قمر جاوید باجوہ مہمان خصوصی تھے، علاوہ ازیں اس پروگرام میں عسکری حکام، غازیوں اور شہدا کے اہلخانہ نے شرکت کی۔

    آرمی چیف جنرل قمر جاوید باجوہ نے فوجی جوانوں اور افسروں کو عسکری اعزازات سے نوازا، تقریب میں 32 افسران کو ستارہ امتیاز ملٹری سے نوازا گیا۔

    دو افسران کو تمغہ جرات اور 33 افسرا و جوانوں کو تمغہ بسالت سے نوازا گیا، 4 افسروں و جوانوں کو یو این میڈل بھی دیا گیا، شہدا کے اعزازات اہل خانہ نے وصول کیے۔

    مزید پڑھیں: جی ایچ کیو: فوجی جوانوں میں اعزاز تقسیم کرنے کی پروقار تقریب

    واضح رہے کہ 6 اپریل کو آپریشنز میں میں بہادری کی داستان رقم کرنے والے فوجی جوانوں میں اعزازات تقسیم کئے گئے تھے، اس موقع پر 3 افسروں اور 21 جوانوں کو تمغہ بسالت سے نوازا گیا تھا جبکہ شہدا کے اعزازات ان کے اہلخانہ نے وصول کیے تھے۔

    ترجمان پاک فوج کا کہنا تھا کہ 76 افسران کو ستارہ امتیاز ملٹری، اور 110 کو تمغہ امتیاز ملٹری سے نوازا گیا جبکہ 76 افسران کو ستارہ امتیاز ملٹری سے نوازا گیا، اس موقع پر ملٹری کور کمانڈر راولپنڈی نے شہدا کی قربانیوں کو شاندار خراج عقیدت پیش کیا تھا۔

    ترجمان کا کہنا تھا کہ پاک فوج نے ملک میں قربانیوں کے ذریعے امن قائم کیا، بہادر جوانوں نے کامیاب آپریشن کے ذریعے ملک کو دہشت گردوں سے پاک کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جی ایچ کیو: فوجی جوانوں میں اعزاز تقسیم کرنے کی پروقار تقریب

    جی ایچ کیو: فوجی جوانوں میں اعزاز تقسیم کرنے کی پروقار تقریب

    اسلام آباد: ملک سے دہشت گردوں کا خاتمہ کرنے اور مختلف فوجی آپریشن میں بہادری کی داستان رقم کرنے والے فوجی جوانوں کے لیے اعزازات تقسیم  کرنے کی پر وقار تقریب جی ایچ کیو میں منعقد ہوئی۔

    پاک فوج کے شعبہ تعلقات عامہ (آئی ایس پی آر) کے مطابق آپریشنز میں بہادری کی داستان رقم کرنے والوں میں اعزازت تقسیم کئے گئے اس موقع پر تین افسروں اور اکیس جوانوں کو تمغہ بسالت سے نوازا گیا جبکہ سولہ شہدا کے اعزازت ان کے اہلخانہ نے وصول کئے۔

    ترجمان پاک فوج کا کہنا تھا کہ 76 افسران کو ستارہ امتیاز ملٹری اور ایک سو دس کو تمغہ امتیاز ملٹری سے نوازا گیا جبکہ 76 افسران کو ستارہ امتیاز ملٹری، 110 کو  تمغہ امتیاز دیے گئے، اس موقع پر ملٹری کور کمانڈر راولپنڈی نے شہدا کی قربانیوں کو شاندار خراج عقیدت پیش کیا۔

    آرمی چیف کا دورہ جنوبی وزیرستان، ترقیاتی منصوبوں کا افتتاح، نقیب کے والد سے ملاقات

    ترجمان کا کہنا تھا کہ پاک فوج کی پاک نے ملک میں قربانیوں کے ذریعے امن قائم کیا، بہادر جوانوں نے کامیاب آپریشنز کے ذریعے ملک کو دہشت گردوں سے پاک کیا جبکہ کور کمانڈر راولپنڈی نے افسران اور جوانوں کو اعزازات سےنوازا۔

    خیال رہے کہ آج آرمی چیف جنرل قمر جاوید باجوہ نے جنوبی وزیرستان کا دورہ کیا، اس موقع پر انہوں نے مختلف ترقیاتی منصوبوں کا افتتاح کیا اور کراچی میں پولیس گردی کا نشانہ بننے والے نقیب اللہ محسوس کے والد سے ملاقات بھی کی۔

    باجوہ ڈاکٹرائن اگر ہے تو وہ سیکیورٹی اورامن کے لیے ہے: ڈی جی آئی ایس پی آر

    اس موقع پر آرمی چیف کا کہنا تھا کہ ملکی ترقی، استحکام کے لیے فاٹا کو قومی دھارے میں شامل کرنا ضروری اور قبائلیوں کی دیرینہ خواہش ہے، قبائلی کسی کوبھی امن تباہ کرنےنہ دیں۔ آرمی چیف آف اسٹاف کا کہنا تھا کہ قبائلیوں نے امن کے لیے بھاری قیمت ادا کی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نئےایئرچیف مارشل مجاہد انورخان نے جی ایچ کیو کا دورہ کیا

    نئےایئرچیف مارشل مجاہد انورخان نے جی ایچ کیو کا دورہ کیا

    راولپنڈی : ایئرچیف مارشل مجاہد انور خان نے جی ایچ کیو کا دورہ کیا، جنرل قمرجاوید باجوہ نے عہدہ سنبھالنے پر انہیں مبارکباد پیش کی۔

      پاک فوج کے شعبہ تعلقات عامہ (آئی ایس پی آر) کے مطابق پاک فضائیہ کے نئے سربراہ ایئرچیف مارشل مجاہد انور خان نے راولپنڈی

    میں جنرل ہیڈ کوارٹر کا دورہ کیا، جی ایچ کیو آمد پر ان کا پرتپاک استقبال کیا گیا۔

    ایئر چیف مجاہد انور کو ان کے اعزاز  میں گارڈ آف آنر بھی پیش کیا گیا، اس موقع پر انہوں نے یادگار شہداء پرحاضری دی اور پھول چڑھائے۔

    ڈی جی آئی ایس پی آر کے مطابق بعد ازاں آرمی چیف جنرل قمرجاوید باجوہ سے ایئرچیف نے ملاقات کی، ملاقات میں باہمی دلچسپی امور پر تبادلہ خیال کیا گیا۔

    اس موقع پر جنرل قمرجاوید باجوہ نے ایئرچیف مجاہد انورخان کو فضائیہ کی کمان سنبھالنے پر مبارکباد دی، انہوں نے نئے ایئر چیف کیلئے نیک خواہشات کا بھی اظہار کیا۔

    مزید پڑھیں: ائیر چیف مارشل مجاہد انور خان نے پاک فضائیہ کی کمانڈ سنبھال لی

    یاد رہے کہ ائیر چیف مارشل مجاہد انور خان نے گزشتہ روز پاک فضائیہ کی کمانڈ سنبھال لی تھی، سابق ایئر چیف سہیل امان نے پاک فضائیہ کی کمان ایئر چیف مارشل مجاہد انور خان کو سونپی، پاک فضائیہ میں کمان کی تبدیلی کی پروقارتقریب میں سہیل امان نے نئے ایئر چیف مارشل مجاہد انور خان کو بیجز بھی لگائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آرمی چیف سے جاپانی وزیرخارجہ کی اہم ملاقات، امن واستحکام کیلئے پاکستان کی کاوشوں کی تعریف

    آرمی چیف سے جاپانی وزیرخارجہ کی اہم ملاقات، امن واستحکام کیلئے پاکستان کی کاوشوں کی تعریف

    راولپنڈی : آرمی چیف جنرل قمرجاوید باجوہ سےجی ایچ کیو میں جاپانی وزیرخارجہ نے اہم ملاقات کی، جاپانی وزیرخارجہ نے کہا کہ علاقائی امن واستحکام کیلئے پاکستان کی کاوشیں لائق تحسین ہیں۔

    پاک فوج کے شعبہ تعلقات عامہ آئی ایس پی آر کے مطابق جاپانی وزیرخارجہ تاروکونو نے جی ایچ کیو راولپنڈی کا دورہ کیا اور آرمی چیف جنرل قمرجاوید باجوہ سے اہم ملاقات کی۔

    آئی ایس پی آر کے مطابق جاپانی وزیرخارجہ نے گفتگو میں کہا علاقائی امن واستحکام کیلئے پاکستان کی کاوشیں لائق تحسین ہیں، جاپان انسداددہشت گردی سمیت سیکیورٹی تعاون کاخواہاں ہے۔

    ترجمان پاک فوج نے بتایا ملاقات میں جاپانی وزیرخارجہ سے متاثرین کی بحالی اوربارڈرکراسنگ کیلئے آلات کی فراہمی پر تبادلہ خیال ہوا۔

    آرمی چیف کا جاپان کے تعاون پراظہار تشکر کیا اور کہا کہ دہشت گردی سےجنگ میں پاکستان کی قربانیوں کے اعتراف پر شکریہ ادا کرتے ہیں۔

    جاپانی وزیرخارجہ نے یادگارشہداء پرحاضری دی اور پھول بھی چڑھائے۔

    اس سے قبل جاپانی وزیرخارجہ نے وزیرخارجہ خواجہ آصف سے بھی ملاقات کی، دفترخارجہ میں ہونے والی ملاقات میں باہم تعلقات، تجارت، خطےکی صورتحال اور عالمی امور پر بات چیت کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آرمی چیف کی زیرصدارت کور کمانڈر کانفرنس: سیکیورٹی صورت حال پر غور

    آرمی چیف کی زیرصدارت کور کمانڈر کانفرنس: سیکیورٹی صورت حال پر غور

    راولپنڈی: آرمی چیف کی زیرصدارت ہونے والی کور کمانڈر کانفرنس میں جیواسٹریٹیجک صورت حال اور داخلی سیکیورٹی پر غور کیا گیا۔

    آئی ایس پی آر کے مطابق جے ایچ کیو میں منعقدہ اس اجلاس میں آج ہونے والے نیشنل سیکیورٹی کمیٹی کے اجلاس سے متعلق مختلف امور پر تبادلہ خیال کیا گیا ہے۔

    واضح رہے کہ امریکی صدر ڈونلڈ ٹرمپ کی پاکستان کو دی جانے والی دھمکی سے متعلق قومی سلامتی کمیٹی کا ہنگامی اجلاس آج ہورہا ہے۔

    امریکی سفیر کی دفتر خارجہ طلبی، ٹرمپ کے بیان پر شدید احتجاج

    وزیر اعظم نے یہ اجلاس بدھ کو طلب کیا تھا، مگر بدلتے حالات کی وجہ سے اب اسے آج طلب کر لیا گیا ہے۔ اجلاس میں وزیردفاع، وزیرخارجہ، چیئرمین جوائنٹ چیف آف اسٹاف کمیٹی، مسلح افواج کے سربراہ اور دیگر اعلیٰ عہدے دار شریک ہوں گے۔

    ٹرمپ کا پاکستان مخالف بیان‘ وفاقی کابینہ کا اجلاس آج ہوگا

    آیس ایس پی آر کے مطابق آرمی چیف کی زیرصدارت کورکمانڈرز کانفرنس میں نیشنل سیکیورٹی کمیٹی کےاجلاس سے تبادلہ خیال اور جیو اسٹریٹیجک صورت حال،داخلی سیکیورٹی معاملات پربات چیت ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • آرمی چیف قمر جاوید باجوہ نے اسپیشل کور کمانڈرز کانفرنس آج طلب کرلی

    آرمی چیف قمر جاوید باجوہ نے اسپیشل کور کمانڈرز کانفرنس آج طلب کرلی

    راولپنڈی : آرمی چیف نے جنرل قمر جاوید باجوہ اسپیشل کور کمانڈرز کانفرنس آج طلب کرلی ہے، کانفرنس میں اہم امور کا جائزہ لیا جائے گا۔

    زرائع کے مطابق آرمی چیف نے جنرل قمر جاوید باجوہ اسپیشل کور کمانڈرز کانفرنس آج طلب کرلی ہے، کورکمانڈرز کانفرنس میں اہم اندرونی و بیرونی امورکا جائزہ لیا جائے گا۔

    ذرائع کے مطابق اسپیشل کورکمانڈرز کانفرنس میں آرمی چیف کے دورہ ٔافغانستان اور داخلی سلامتی کی صورت حال پر بات چیت کی جائے گا جبکہ ورکنگ باونڈری پر بھارتی فوج کی فائرنگ سے شہریوں کی شہادت اورپیدا ہونے والی صورتحال کا بھی جائزہ لیا جائے گا۔

    یاد رہے کہ دو روز قبل آرمی چیف جنرل قمر جاوید باجوہ نے افغان صدرکی دعوت پر افغانستان کا اہم ترین دورہ کیا تھا۔

    مزید پڑھیں : آرمی چیف قمرباجوہ اور افغان صدر کے درمیان کابل میں اہم ملاقات

    دورے کے دوران جنرل قمر جاوید باجوہ نے افغان صدر اشرف غنی سے ون آن ون ملاقات کی ، ملاقات میں دوطرفہ تعلقات،علاقائی سلامتی کی صورتحال پرتبادلہ خیال کیا گیا اور فریقین نے بہتر مستقبل کیلئےٹھوس اقدامات پراتفاق کیا۔

    ملاقات میں خطے میں سیکیورٹی کی صورتحال، انسداد دہشت گردی کے معاملات سے نمٹنے کیلئے اطلاعات کے تبادلے اور تعاون کے امور پر غور کیا گیا جبکہ دہشت گردی کےخلاف اقدامات اور اعلیٰ سطح پرملاقاتوں کاسلسلہ جاری رکھنے پربھی اتفاق کیا گیا۔

    جنرل قمر جاوید باجوہ نے افغان فورسز کی استعدادکاربڑھانے اور تربیت دینے کی پیشکش کی۔

    س موقع پر افغان صدر اشرف غنی کا کہنا تھا کہ جنرل قمرجاوید باجوہ سے ملاقات تعلقات کے نئے دورکا آغاز ہے جس کے لیے دونوں ملکوں کو دستیاب مواقع سے فائدہ اٹھانا چاہیے کیوں کہ افغانستان میں امن و استحکام دونوں ملکوں کے مفاد میں ہے اور امن واستحکام سے دونوں ملکوں کو غربت سے چھٹکارا پانے میں مدد مل سکے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔