خیبر پختونخوا کے ضلع بنوں میں کے ایک نوجوان لڑکے اور لڑکی کو قتل کردیا گیا۔
تفصیلات کے مطابق خیبر پختونخوا کے ضلع بنوں کے تھانہ میراخیل کی حدود میں ایک افسوسناک واقعہ پیش آیا ہے، جہاں لڑکا اور لڑکی کو قتل کردیا گیا۔
بنوں کے ایس ایچ او کا کہنا ہے کہ لڑکا اور لڑکی پسند کی شادی کرنا چاہتے تھے، دونوں کو غیرت کے نام پر قتل کیا گیا ہے۔
https://urdu.arynews.tv/chiniot-honor-killing/
یاد رہے کہ گزشتہ سال بھی خیبر پختونخوا کے شمالی ضلع کولئی پالس کوہستان کے دورافتادہ علاقے برپارو میں ایک نوجوان لڑکے اور لڑکی کو فائرنگ اور کلہاڑیوں کے وار کر کے ہلاک کیا گیا تھا۔
پولیس کا کہنا تھا کہ پولیس جائے وقوعہ پر پہنچی تو دو لاشیں خون میں لت پت پڑی ملیں، لڑکا اور لڑکی چپرگئی کے رہائشی تھے۔
پولیس نے ایف آئی آر میں دعویٰ کیا تھا کہ ’ابتدائی معلومات کے مطابق مقتولہ کے بھائی اور والد نے فائرنگ کر کے دونوں کو قتل کیا اور یہ بظاہر غیرت کے نام پر قتل کا واقعہ معلوم ہوتا ہے جس کے بعد ملزمان فرار ہو گئے ہیں۔‘
پولیس نے ایف آئی آر میں لڑکی کے دوسرے بھائی کو بھی شامل کیا تھا اور دعویٰ کیا گیا ہے کہ دونوں قتل اُن کے صلاح مشورے پر کیے گئے تھے۔
