(13 جولائی 2025) فیصل آباد میں ڈگرانواں روڈ پر دوستی نہ کرنے پر دو ملزمان کی فائرنگ سے ویٹرس قتل جبکہ ساتھی زخمی ہوگئی۔
تفصیلات کے مطابق فیصل آباد کی مقامی ریسٹورنٹ میں ملازم ویٹرس اسماء اپنی ساتھی مریم کے ساتھ جا رہی تھی کہ ڈگراواں روڈ پر موٹرسائیکل سوار ملزمان احد اور فہد نے ان پر فائرنگ کر دی۔
پولیس کا کہنا ہے کہ اسماء موقع پر جاں بحق ہو گئی جبکہ مریم زخمی ہو گئی، ملزمان فائرنگ کے بعد فرار ہو گئے، تھانہ ڈی ٹائپ کالونی پولیس نے مقتولہ کی لاش اور زخمی مریم کو الائیڈ اسپتال منتقل کیا۔
پولیس نے مختلف مقامات پر چھاپے مار کر دونوں ملزمان احمد اور فہد کو گرفتار کر کے ان کے خلاف مقدمہ درج کر لیا، ملزم احمد نے بتایا کہ دوستی نہ کرنے پر اسماء پر فائرنگ کی ہے۔
سانپ کے ڈسنے سے 10 سالہ بچہ جاںبحق
خیرپور کی تحصیل نارا میں سانپ کے ڈسنے سے 10 سالہ بچہ انتقال کر گیا، ورثا کا کہنا ہے کہ بچےکو اسپتال منتقل کیا تو ویکسین نہ ہونے پر نجی اسپتال بھیجا گیا۔
ورثا نے بتایا کہ تشویشناک حالت میں اسپتال منتقل کیے جانے کے دوران بچہ انتقال کر گیا، چونڈکو کے سرکاری اسپتال میں ویکسین نہ ہونے سے بچہ فوت ہوا، پہلے سرکاری اسپتال گئے، ویکسین نہ ملی پھر بچےکو نجی اسپتال منتقل کیا گیا۔
