ARYNews.tv | Urdu – Har Lamha Bakhabar

Tag: Gmail

  • جی میل صارفین کیلیے جدید طرز کا نیا فیچر متعارف

    جی میل صارفین کیلیے جدید طرز کا نیا فیچر متعارف

    کیلیفورنیا : گوگل نے اینڈروئیڈ صارفین کے لیے جی میل میں دو بڑی اپ ڈیٹس ،متعارف کرائی ہیں جن میں "مارک ایز ریڈ” فیچر اور میٹریل 3 ایکسپریسیو ڈیزائن شامل ہے۔

    9 ٹو 5 گوگل کی رپورٹ کے مطابق میٹریل 3 ڈیزائن کو سب سے پہلے جون میں پیش کیا گیا تھا اور اب اسے جی میل کے سرچ بار کا حصہ بنایا گیا ہے

    چند صارفین کو یہ نیا ڈیزائن دستیاب ہوا تھا، جس میں ان باکس اور ای میلز کو الگ الگ کنٹینرز میں دکھایا گیا اور سوائپ کرنے پر نمایاں اینیمیشن شامل کی گئی تھیں۔

    اس اپ ڈیٹ کے تحت ہیمبرگر بٹن اور پروفائل سوئچر کو براؤزر سے ہٹا کر سرچ ویو کو بہتر بنایا گیا ہے تاکہ صارفین کو زیادہ سہولت مل سکے۔ تاہم یہ نیا ڈیزائن ابھی تمام صارفین کے لیے دستیاب نہیں ہے۔

    دوسری جانب جی میل کی اینڈرائیڈ ایپلی کیشن میں "مارک ایز ریڈ” فیچر گزشتہ ماہ جون کے آخر سے مرحلہ وار جاری کیا جا رہا تھا اور اب تازہ ترین ورژن (2025.08.04.x) میں یہ سہولت تمام ڈیوائسز پر دستیاب ہے۔

    یہ آپشن نوٹیفکیشن میں ڈیلیٹ/آرکائیو اور ریپلائی کے درمیان نظر آتا ہے، جو صارفین کے لیے ایک سہولت بخش اضافہ قرار دیا جا رہا ہے۔

  • جی میل کے بدلے ہوئے ڈیزائن سے پریشان نہ ہوں

    جی میل کے بدلے ہوئے ڈیزائن سے پریشان نہ ہوں

    کیا آپ نے اپنے جی میل کو بدلا ہوا دیکھا ہے اور آپ اس تبدیلی سے پریشان ہیں؟ تو اس کی وجہ جان لیں۔

    بین الاقوامی ویب سائٹ کے مطابق فروری 2022 میں گوگل کی جانب سے جی میل کے نئے یوزر انٹر فیس کو متعارف کروانے کا سلسلہ شروع ہوا تھا، جس میں میٹ، چیٹ اور اسپیسز کو ایک جگہ اکٹھا کردیا گیا تھا۔

    اس وقت صارفین کی مرضی تھی کہ وہ اس نئے ڈیزائن کو استعمال کریں یا پرانے کو ہی برقرار رکھیں۔

    مگر گوگل کی جانب سے پرانے ڈیزائن پر سوئچ کرنے کا آپشن بتدریج ختم کیا جارہا ہے اور بہت جلد تمام صارفین کا اکاؤنٹ بائی ڈیفالٹ نئے یوزر انٹر فیس پر سوئچ کر جائے گا۔

    یہ ڈیزائن گزشتہ یوزر انٹر فیس سے بہت زیادہ مختلف بھی نہیں مگر یہ گوگل کی جانب سے میسجنگ ایپس اور ورک پلیس تک لوگوں کی رسائی کو یقینی بنانے کے لیے تیار کیا گیا ہے۔

    اس نئے ڈیزائن میں میل، میٹ، اسپیسز اور چیٹ کے بٹنز بائیں جانب ایک قطار میں دیے گئے ہیں، گوگل کے مطابق اب آپ اپنی مرضی سے ایپس کو کوئیک سیٹنگز مینیو کا حصہ بنا سکتے ہیں۔

    خیال رہے کہ جی میل کو ہر ماہ ڈیڑھ ارب سے زیادہ افراد استعمال کرتے ہیں اور اس نئے ڈیزائن کا مقصد میٹ اور چیٹ جیسے پروگرامز کو زیادہ بہتر طریقے سے اس ای میل سروس کا حصہ بنانا ہے۔

    گوگل کے مطابق ابھی چند دن تک صارفین کے پاس نئے یوزر انٹر فیس سے پرانے پر سوئچ کرنے کا آپشن سیٹنگز میں دستیاب ہوگا۔

    مگر یہ آپشن زیادہ دن تک موجود نہیں رہے گا کیونکہ گوگل کی جانب سے ہر اکاؤنٹ کو نئے ڈیزائن پر سوئچ کردیا جائے گا۔

  • جی میل صارفین کے لیے نیا فیچر

    جی میل صارفین کے لیے نیا فیچر

    دنیا کی مقبول ترین ای میل سروس جی میل میں اب ون آن ون آڈیو اور ویڈیو کال کا فیچر متعارف کروا دیا گیا جس سے جی میل صارفین کو مزید سہولت میسر ہوگی۔

    گوگل کی جانب سے کافی عرصے سے جی میل کو ای میل میسجز تک محدود رکھنے کی بجائے اسے ہر طرح کے فیچرز سے لیس ہب میں تبدیل کیا جارہا ہے، اسی وجہ سے گوگل نے جی میل یا ورک اسپیس کے لیے ون آن ون وائس اور ویڈیو کالز کا فیچر جی میل ایپ کے لیے متعارف کرا دیا ہے۔

    گوگل کی جانب سے اس فیچر کا اعلان ستمبر میں کیا گیا تھا مگر 6 دسمبر سے گوگل ورک اسپیس، جی سیوٹ یا ذاتی گوگل اکاؤنٹس کے لیے متعارف کرانے کا سلسلہ شروع کردیا ہے۔

    ویسے تو جی میل ایپ میں پہلے بھی کالز کرنا ممکن تھا مگر اس کے لیے گوگل میٹ ویڈیو کانفرنسنگ کالز کا انوائیٹ بھیجنا پڑتا ہے۔ مگر اب اس عمل کو آسان بنا دیا گیا ہے اور ون آن ون چیٹ میں اوپر دائیں جانب فون اور ویڈیو آئیکونز پر کلک کرکے کالز کی جاسکیں گی۔

    یہ ایک نیا اضافہ ہے مگر یہ گوگل کا جی میل کو اپنی کمیونیکشن سروسز کا مرکزی ہب بنانے کے مقصد کی جانب بڑی پیشرفت ہے۔ گوگل نے بتایا کہ اگر صارف گوگل چیٹ ایپ میں کال اسٹارٹ کریں گے تو اسے جی میل ایپ میں ری ڈائریکٹ کردیا جائے گا۔

    جی میل ایپ میں اب ای میلز 4 ٹیبز میں سے ایک ٹیب کا حصہ ہوں گی۔ یہ ٹیبز چیٹ، اسپیسز (گوگل کی میسجنگ سروس) اور میٹ پر مشتمل ہوں گی۔

  • جی میل میں متعدد نئے دلچسپ فیچرز متعارف

    جی میل میں متعدد نئے دلچسپ فیچرز متعارف

    ڈیجیٹل رابطے کے لیے مقبول ترین سروس جی میل میں متعدد نئے فیچرز متعارف کروائے گئے ہیں جس کے بعد اس سروس میں مزید بہتری پیدا ہوگئی ہے۔

    بین الاقوامی ویب سائٹ کے مطابق گوگل نے ایک بلاگ پوسٹ میں جی میل کے ویب ورژن میں متعدد نئے فیچرز متعارف کروانے کا اعلان کیا ہے۔

    اب کسی ای میل میں ٹو، سی سی اور بی سی سی پر رائٹ کلک مینیو سے جس فرد کو ای میل بھیجیں گے اس کا پورا نام اور ای میل کو زیادہ آسانی سے دیکھ سکیں گے، کانٹیکٹ نیم کو ایڈٹ، ای میل ایڈریس کاپی اور اس کا انفارمیشن کارڈ بھی اوپن کیا جاسکے گا۔

    اب آپ کسی دوسرے صارف کو ایڈ کرتے ہوئے اس کے اواتار چپس کو دیکھ کر اس کے بارے میں زیادہ درست اندازہ لگا سکیں گے۔

    کمپنی کی جانب سے ویژول انڈیکیٹرز کو بھی بہتر بنایا گیا ہے تاکہ ای میلز تحریر کرتے ہوئے صارفین کی رہنمائی کی جاسکے۔ ہر صارف کا اپنا ایک اواتار چپ ہوگا جس سے آپ کو یہ شناخت کرنے میں مدد ملے گی کہ آپ کس کو ای میل بھیج رہے ہیں۔

    اسی طرح گوگل کی جانب سے آپ کے دفتری ساتھیوں سے باہر کے کانٹیکٹ کی شناخت کو بھی آسان بنایا گیا ہے اور ایسے افراد کو جی میل میں گہرے زرد رنگ سے ہائی لائٹ کیا جائے گا۔

    اسی طرح اب کسی ایک ادارے کے مختلف ڈومین نیم اب ایکسٹرنل نہیں سمجھیں جائیں گے۔

    صارفین اب ایک چیک مارک کو بھی دیکھیں گے جو ایسے صارف کا عندیہ دیں گے جن کو پہلے ہی ای میل کا حصہ بنایا جاچکا ہے تاکہ ڈپلیکشن نہ ہو۔ درحقیقت جی میل میں اب ڈپلیکیٹ انٹریز کو خود کار طور پر ہٹا دیا جائے گا۔

    اب جی میل میں ای میل ایڈریس درست نہ ہونے پر ای میل کو بھیجنے سے قبل صارفین کو اس سے خبردار کرنے کے لیے ایرر میسج شو کیا جائے گا۔

    یہ فیچرز صارفین کے لیے متعارف کروانے کا سلسلہ شروع ہوگیا ہے مگر کمپنی کا کہنا ہے کہ فی الحال یہ گوگل ورک اسپیس، جی سیوٹ بیسک اور بزنس کسٹمرز کو دستیاب ہوں گے اور پرسنل اکاؤنٹس تک ان کی رسائی نہیں ہوگی۔

  • جی میل استعمال کرنے والوں کے لیے خوشخبری

    جی میل استعمال کرنے والوں کے لیے خوشخبری

    گوگل کی ای میل سروس جی میل دنیا بھر میں استعمال کی جاتی ہے اور اسے ای میل رابطے کے لیے مقبول ترین سروس مانا جاتا ہے، گوگل نے اس میں مزید نئے فیچرز کے اضافے کا اعلان کیا ہے۔

    گوگل نے اعلان کیا ہے کہ اب صارفین جی میل میں مائیکرو سافٹ آفس فائلز کو گوگل ڈرائیو میں محفوظ کیے بغیر بھی تبدیلیاں کر سکیں گے۔

    اس سے قبل گوگل کی جانب سے مائیکرو سافٹ آفس فائلز میں ایڈیٹنگ کی سہولت تو دی گئی تھی مگر اس کے لیے گوگل ڈرائیو کا سہارا لینا پڑتا تھا، اب اس نئی اپ ڈیٹ کے بعد صارفین جی میل کے اندر ہی دستاویزات کو ایڈٹ کرسکیں گے اور گوگل ڈرائیو پر محفوظ کرنے کی ضرورت نہیں ہوگی۔

    یعنی جب کسی صارف کو ای میل میں ورڈ یا ایکسل فائل ملے گی تو سنگل کلک پر وہ اپنی مرضی کی ایڈیٹنگ کرسکیں گے۔ اسی طرح صارفین اوریجنل ای میل تھریڈ پر اپ ڈیٹ فائل کے ساتھ ریپلائی بھی کرسکیں گے۔

    گوگل کی جانب سے یہ بھی اعلان کیا گیا ہے کہ گوگل ڈاکس میں مکس پیج سپورٹ بھی متعارف کرائی جارہی ہے۔ اس سپورٹ کے ساتھ صارفین نئی دستاویز کے ساتھ ورڈ فائلز لینڈ اسکیپ اور پورٹریٹ پیج کے ساتھ ایڈٹ کرسکیں گے۔

    کمپنی کے مطابق اگلے سال وہ گوگل ڈاکس میں ٹیکسٹ اور واٹر مارکس کے پیچھے تصاویر انسرٹ کرنے کی سپورٹ بھی متعارف کرائے گی۔

    علاوہ ازیں ایک اور فیچر صارفین کے لیے پیش کیا جائے گا جس سے ان کے لیے ایکسل سے شیٹس میں منتقل ہونے کا عمل آسان ہوجائے گا۔

  • جی میل استعمال کرنے والے ہوشیار

    جی میل استعمال کرنے والے ہوشیار

    اگر آپ پیغام رسانی کے لیے جی میل استعمال کرنے کے عادی ہیں تو ہوسکتا ہے گوگل کی جانب سے آپ کو کوئی پیغام موصول ہوا ہو، مگر اس پیغام کو کھولنا آپ کی جی میل آئی ڈی کو ہیکرز کا آسان شکار بنا سکتا ہے۔

    جی میل کے لاکھوں صارفین کو گوگل کی جانب سے ای میلز موصول ہورہی ہیں جن سے ساتھ کوئی فائل بھی منسلک ہے۔

    تاہم گوگل نے خبردار کیا ہے یہ میلز دراصل آئی ڈیز ہیک کرنے اور صارفین کا ڈیٹا چرانے کی کوشش ہے جس کے لیے گوگل کو استعمال کیا جارہا ہے۔

    مزید پڑھیں: جعلی خبروں سے بچنے کے لیے گوگل کا اہم فیصلہ

    سماجی رابطوں کی ویب سائٹ ٹوئٹر پر ٹوئٹ کرتے ہوئے گوگل انتظامیہ نے کہا کہ اس جعلسازی کے بارے میں تحقیقات کی جارہی ہیں۔ صارفین اس قسم کی کوئی بھی ای میل کھولنے سے گریز کریں۔

    گوگل کے مطابق ان میلز کے ذریعہ وائرس پھیلائے جارہے ہیں جن کے بعد لوگوں کی آئی ڈیز نہایت غیر محفوظ ہوجائیں گی اور باآسانی ہیک کی جاسکیں گی۔

    ٹوئٹ میں ان افراد کے لیے، جنہوں نے اس میل کو کھول لیا ہے، ہدایات بھی جاری کی گئی ہیں کہ کس طرح وہ اپنی آئی ڈی کو پھر سے محفوظ بنا سکتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جی میل صارفین کیلئے انتہائی تشویشناک خبر

    جی میل صارفین کیلئے انتہائی تشویشناک خبر

    نیویارک: انفارمیشن سکیورٹی کے ماہرین نے  تشویش کا اظہار کیا ہے کہ موبائل فون کے ذریعے جی میل سروس استعمال کرنے والوں کے اکاﺅنٹ کو باآسانی ہیک کیا جاسکتا ہے اور ان کی قیمتی معلومات چرائی جاسکتی ہیں۔

    ماہرین کا کہنا ہے کہ اینڈرائڈ، ویڈوز اور  سمیت تمام موبائل فون آپریٹنگ سسٹم میں یہ خامی پائی جاتی ہے جس کے ذریعے جی میل اکاﺅنٹ ہیک کئے جاسکتے ہیں اور ان کے تجربات میں یہ کوشش 92 فیصد اوقات میں کامیاب رہی۔

    جی میل کے علاوہ دیگر ایپلیکیشن پروگراموں جیسا کہ چیز بینک، ایچ اینڈآر بلاک اور ٹیکس سے متعلق پروگراموں کو بھی ہیک کیا جاسکتا ہے، سات مختلف سافٹ ویئر پر تجربات کئے گئے۔

    جس سے ثابت ہوا کہ سب سے زیادہ امیزون کا سافٹ ویئر محفوظ ہے، جس کو ہیک کرنے کی شرح 48 فیصد رہی، یہ تحقیق یونیورسٹی آف کیلیفورنیا، ریورسائیڈ کالج اور یونیورسٹی آف مشی گن کے ماہرین نے ملکر کی۔