ایک ایسی ویڈیو سامنے آئی ہے جس میں ایک بکرے کے ساتھ مضحکہ خیز صورت حال پیدا ہوئی، کچھ ہی دیر قبل بکرا ٹرک پر سوار تھا اور پھر اگلے لمحے بجلی کے تار سے لٹک رہا تھا۔
یہ واقعہ روس کا ہے، جہاں ایک ٹرک میں بکرا لے جایا جا رہا تھا، لیکن کھلی چھت والے ٹرک سے بکرے کے سینگ سڑک کے اوپر گزرنے والی الیکٹرک وائر میں پھنس گئے، اور وہ مضحکہ خیز انداز میں ہوا میں لٹک کر جھولنے لگا۔
ویڈیو میں دیکھا جا سکتا ہے کہ بکرا سینگوں سے بجلی کے تار سے لٹک رہا ہے، جہاں وہ کئی منٹ تک جھولتا رہا، تاہم بعد میں بحفاظت اتار لیا گیا۔
خیال رہے کہ بکرے کی خوراک گھاس پھوس، پودوں اور اناج پر مشتمل ہوتی ہے، علاوہ ازیں وہ پھل اور سبزیاں بھی کھا سکتے ہیں۔
ماہرین کے مطابق بکروں کے اندر کھانے پینے کی اشیا کے حوالے سے تجسس پایا جاتا ہے لہٰذا وہ کسی کھانے کی چیز کو دیکھ کر اسے چکھنے کی کوشش ضرور کر سکتے ہیں، البتہ وہ اسے پسند آنے کی صورت میں ہی کھاتے ہیں۔
مدھیہ پردیش: بھارت میں ایک غریب گھرانے کے ہاں بکری نے ایک ایسا غیر معمولی بچہ جنا ہے جس کا چہرہ انسان کے چہرے سے ملتا جلتا ہے۔
تفصیلات کے مطابق انٹرنیٹ پر ایک ویڈیو وائرل ہو گئی ہے، جس میں انسان کے چہرے جیسے چہرے والا ایک میمنا دکھائی دیتا ہے، لوگ جوق در جوق اسے دیکھنے کے لیے امڈ پڑے۔
ویڈیو میں دیکھا جا سکتا ہے کہ بکری کا چہرہ عجیب طور سے انسانی چہرے سے مشابہت رکھتا ہے، اس ویڈیو کا تعلق بھارتی ریاست مدھیہ پردیش سے ہے، جہاں ایک بکری نے ایک غیر معمولی شکل والی بکری کو جنم دیا۔
عجیب الخلقت میمنے کو جنم دینے والی بکری ودیشہ کی سرونج تحصیل کے سیمل کھیڑی گاؤں کے ایک دیہاتی نواب خان کی ملکیت ہے، ویڈیو میں دیکھا جا سکتا ہے کہ میمنے کی دونوں آنکھیں ابھری ہوئی ہیں، اور ایک دوسرے کے قریب ہیں، اور گھنی سفید کھال سے گھری ہوئی ہیں، یہاں تک کہ بکری کے سر کی شکل نے بھی گاؤں والوں میں تشویش پیدا کی، جو بالکل انسانوں کی طرح ابھری ہوئی ہے۔
🐐 #नवाब_खान_की_बकरी ने एक बच्चे (Goat born with human like face) को जन्म दिया है जिसका चेहरा इंसानों जैसा है.#मध्यप्रदेश के विदिशा में सिरोंज तहसील के सेमल खेड़ी गांव ने इन दिनों वहां के नागरिकों को हैरान कर दिया है. 👁️बकरी की आंखें अजीबोगरीब हैं👁️#अजब_अनोखाpic.twitter.com/5j4aaoDdur
یہ خبر پھیلتے ہی گاؤں کے لوگ مویشی پالنے والے نواب خان کے گھر کے گرد جمع ہو گئے، یہ بھی انکشاف ہوا کہ نواب خان کے کسی جانور نے پہلی بار کسی بچے کو جنم دیا ہے۔
اصل ماجرا کیا ہے؟
جانوروں کے ڈاکٹر نے بتایا کہ دراصل نوزائیدہ بکری ایک قسم کی بیماری کا شکار ہے، جو ہر 50 ہزار جانوروں میں سے ایک میں ہوتا ہے، یہ حالت عام طور پر مویشیوں میں پائی جاتی ہے لیکن بکریوں میں شاذ و نادر ہی ہوتی ہے۔
یہ حالت جانوروں کے سر میں غیر معمولی سوجن سے ہوتی ہے، جسے ’ہائیڈرو سیفالس‘ کے نام سے جانا جاتا ہے، جانوروں میں یہ حالت پیدائش کے وقت سے ہوتی ہے جب ماں میں یا تو وٹامن اے کی کمی ہو یا حمل کے دوران اسے غلط دوا دی گئی ہو، عام آدمی کی اصطلاح میں اس طرح کے جانور کے دماغ میں سیال کا جمع ہونا ہے۔
بعض افراد انوکھی سیلفیز بنانے کے اس قدر شوقین ہوتے ہیں کہ وہ اس کے لیے خطرہ مول لینے کو بھی تیار ہوجاتے ہیں، ایسی ہی ایک خاتون کی ویڈیو سوشل میڈیا پر وائرل ہورہی ہے جو سیلفی لینے کے چکر میں بکری کے غصے کا نشانہ بن گئیں۔
سماجی رابطے کی ویب سائٹ ٹویٹر پر پوسٹ کی گئی اس ویڈیو میں دیکھا جاسکتا ہے کہ ایک خاتون بکری کے قریب موجود ہیں اور بکری کا پاؤں بندھا ہوا ہے۔
ابتدا میں بکری نرمی سے ان کے قریب آنے کی کوشش کرتی ہے، لیکن رسی کی وجہ سے پہنچ نہیں پاتی اور شاید اسی وجہ سے طیش میں آجاتی ہے۔
دوسری دفعہ وہ حملہ کرنے کے ارادے سے خاتون کی طرف بڑھتی ہے لیکن ناکام رہتی ہے، خاتون کو بھی بکری کے عزائم کا ارادہ ہوجاتا ہے۔
تیسری دفعہ بالآخر بکری اپنے ارادے میں کامیاب رہتی ہے اور اچھل کر خاتون پر حملہ کردیتی ہے، بکری کے سینگ خاتون کے سر اور چہرے پر لگتے ہیں اور وہ گر جاتی ہیں جبکہ کیمرا بھی ان کے ہاتھ سے چھوٹ جاتا ہے۔
کراچی: مویشی پالنے کا کام عموماً مرد ہی کرتے دکھائی دیتے ہیں لیکن کراچی کی ایک 19 سالہ طالبہ پڑھنے کے ساتھ ساتھ اپنا فارم بھی چلا رہی ہیں۔
تفصیلات کے مطابق 19 سالہ ثانیہ منیف نے اے آر وائی نیوز کے مارننگ شو باخبر سویرا میں شرکت کی اور اپنے گلابی بکروں کے بارے میں بتایا۔
ثانیہ نے بتایا کہ ان کے والد کو گھر میں پالتو جانور رکھنے کا شوق تھا، انہوں نے گھر میں گھوڑے، کتے اور سانپ وغیرہ پال رکھے تھے۔ انہیں بھی جانوروں کا شوق تھا اور آخر کار انہوں نے بکرے پالنے شروع کردیے۔
ثانیہ نے بتایا کہ گلابی بکرے، بکروں کی ایک قسم ہے جو دیگر بکروں سے مختلف ہوتی ہے، یہ اپنے مالک کو پہچانتی ہیں۔ علاوہ ازیں یہ مہنگے بھی ہوتے ہیں۔
انہوں نے بتایا کہ اس وقت ان کے فارم پر 650 بکرے موجود ہیں جو کراچی لا کر فروخت کیے جانے ہیں، کچھ ان کے پالتو بکرے بھی ہیں جو ان کے ساتھ گھر میں رہتے ہیں۔
ثانیہ کے مطابق ان کے بکروں کی قیمت 50 ہزار سے شروع ہو کر 2 لاکھ تک جاتی ہے، 2 لاکھ روپے کا بکرا 3 سے 4 من کا نہایت بھاری بھرکم ہوتا ہے۔
انہوں نے مزید کہا کہ جانور پالنے کے لیے صرف سرمایہ کاری ہونا کافی نہیں بلکہ تھوڑا بہت تجربہ بھی ضروری ہے ورنہ نقصان ہوسکتا ہے۔
نئی دہلی: بھارت میں ایک کسان نے غریب کسانوں کی مدد کرنے کے لیے نقد رقم کی جگہ بکریاں قرض پر دینے کا منصوبہ شروع کیا، قرض لینے والا شخص بکری کے 4 بچے واپس کرنے کا پابند ہوتا ہے۔
مقامی میڈیا کے مطابق بھارتی ریاست مہاراشٹر میں ایک کسان نے ایک دلچسپ بینک شروع کیا ہے، اس میں پیسے بطور قرض نہیں دیے جائیں گے بلکہ اگر کسی کو بکری چاہیئے ہوگی تو اسے یہ بطور قرض دی جائے گی۔
اس کسان نے مربوط زراعت (انٹگریٹیڈ فارمنگ) کو فروغ دینے کے لیے بکری بینک شروع کیا ہے اور اس کا نام ہے گوٹ بینک آف کرکھیڑا، ایک چھوٹے سے ضلع کے گاؤں میں کھولے جانے والے اس بینک ک پوری ریاست میں تعریف ہورہی ہے۔
بینک کھولنے والے کسان کا نام نریش دیشمکھ ہے، 52 سالہ نریش پنجاب راؤ زراعت اسکول سے گریجویٹ ہیں اور جولائی سنہ 2018 میں انہوں نے بکری بینک لانچ کیا تھا۔
قرض کے خواہش مند کسان کو 12 سو روپے کی رجسٹریشن فیس ادا کر کے معاہدہ کرنا ہوتا ہے، معاہدہ کے مطابق ایک کسان ایک بکری حاصل کر سکتا ہے۔ بکری لینے والے شخص کو 40 مہینے کی مدت میں بکری کے 4 بچے یعنی میمنے واپس کرنے ہوتے ہیں۔
نریش دیشمکھ کا کنا ہے کہ وہ دیکھتے تھے کہ گاؤں میں معاشی طور پر کمزور لوگ لائیو اسٹاک کی مدد کی سے اپنے معاشی حالات کو بہتر کرسکتے تھے۔ انہوں نے بکریاں پالنے والے خاندانوں کا جائزہ لینے کے بعد بکری بینک قائم کرنے کا فیصلہ لیا۔
انہوں نے بتایا کہ انہوں نے اپنی بچت سے 40 لاکھ روپے کی سرمایہ کاری کی اور 340 بکریاں خریدیں، اس کے بعد 340 بکریاں پالنے والے خاندانوں کی رجسٹریشن کر کے ان میں بکریوں کو تقسیم کیا۔
اس منصوبے کے تحت بکریاں پالنے والی ہر خاتون کو تقریباً 2 لاکھ روپے سے زائد کا فائدہ ہوگا، دیشمکھ کے اس اقدام کو نہایت سراہا جارہا ہے۔
امریکی ریاست وسکونسن میں ایک فارم پر دو سروں والے بکری کے بچے کی پیدائش ہوئی ہے، مالکان اس غیر معمولی میمنے کو دیکھ کر نہایت خوش ہیں۔
فارم کی مالکہ کا کہنا ہے کہ اس انوکھے میمنے کی پیدائش 5 اپریل کو ہوئی اور انہوں نے اس کا نام دو سروں والے رومی دیوتا جینس کے نام پر رکھا ہے۔
ان کے مطابق میمنے کے دو سر اور چار آنکھیں ہیں اور وہ بالکل صحت مند ہے۔
ان کا کہنا ہے کہ انہیں نہیں لگتا کہ میمنے کی درمیانی آنکھیں دیکھ سکتی ہیں تاہم انہیں امید ہے کہ باہر کی طرف والی آنکھیں یقیناً تندرست ہوں گی۔
مالکہ نے بتایا کہ جب انہوں نے اس میمنے کی تصاویر سوشل میڈیا پر اپ لوڈ کیں تو بہت سے لوگ اسے دیکھنے چلے آئے۔
انہوں نے مزید کہا کہ وہ گزشتہ 6 برس سے بکریوں کا فارم چلا رہی ہیں اور انہوں نے دو سروں والی گائے یا چھپکلی کے بارے میں تو سنا تھا لیکن یہ نہیں جانتی تھیں کہ ان کے اپنے فارم پر بھی دو سروں والی بکری پیدا ہوجائے گی۔
میلبرن: آسٹریلیا میں ایک معذور بکری کے بچے کے لیے وہیل چیئر بنا لی گئی جس کے بعد اب وہ کچھ دقت سے ہی، مگر چلنے پھرنے کے قابل ہوگیا ہے۔
آسٹریلیا کے ایک جانوروں کی دیکھ بھال کرنے والے نجی ادارے کی جانب سے بنائی جانے والی یہ وہیل چیئر اس معصوم بچے کے لیے نئی زندگی ثابت ہوئی۔
فروسٹی دی سنو گوٹ نامی یہ بکری کا بچہ جانوروں کی ایک ’جوائنٹ ال‘ نامی بیماری کا شکار تھا۔
یہ بیماری بچھڑوں اور بکری کے چھوٹے بچوں میں ہوجاتی ہے۔ اس بیماری میں جوڑوں میں ایک انفیکشن پھیل جاتا ہے جس کے باعث جوڑ سوج جاتے ہیں اور حرکت کے قابل نہیں رہتے۔
فروسٹی کے پچھلے دونوں پاؤں اس بیماری کا شکار تھے جس کے باعث وہ چلنے پھرنے سے قاصر تھا۔
ادارے کے مطابق جب یہ بچہ انہیں ملا اس وقت یہ کیڑوں سے بھرا ہوا اور پیاسا تھا کیونکہ یہ حرکت نہیں کرسکتا تھا۔ انہوں نے اس کی دیکھ بھال شروع کی لیکن وہ چاہتے تھے کہ وہ خود سے حرکت کر سکے تاکہ وہ اپنے اوپر آنے والی مشکلات کا سامنا کرسکے۔
اس کے بعد مختلف ماہرین کی مدد سے فروسٹی کے سائز کی خصوصی وہیل چیئر تیار کی گئی۔
ادارے کی سربراہ کے مطابق جیسے ہی انہوں نے یہ وہیل چیئر فروسٹی کو لگائی وہ فوراً ہی اپنی اگلی ٹانگوں کو حرکت دیتے ہوئے اس کے ساتھ چلنے پھرنے لگا۔
ان کے مطابق فروسٹی دنیا دیکھنے کا بہت شوقین نکلا اور اب وہ اپنے وزن سے بھاری وہیل چیئر کے ساتھ گو کہ دقت سے حرکت کر رہا ہے لیکن اس کے باوجود پورے ادارے میں گھوم پھر کر لوگوں اور جانوروں سے مل رہا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کیلورگلین: جنوب مغربی آئرلینڈ کے چھوٹے سے قصبے میں لوگوں نے کچھ روز کے لیے اپنے علاقے کا سربراہ بکرے کو مقرر کردیا۔
تفصیلات کے مطابق جنوب مغربی آئرلینڈ کے گیلورگلین نامی قصبے میں ’پاک ویر‘ کے نام سے ایک میلہ منعقد کی گیا جس میں میلے کی ملکہ اور مقامی باشندوں کی بڑی تعداد نے شرکت کی۔
اس موقع پر ’جدی بادشاہ‘ نامی بکرے کو قصبے کا بادشاہ (گورنر) منتخب کیا گیا، میلے کی ملکہ نے مقرر کیے جانے والے گورنر کو تاج پہنایا اور کچھ روز کے لیے علاقے کا نام بھی تبدیل کرنے کا اعلان کیا۔
تاج پوشی کی تقریب میں گورنر منتخب ہونے والا جدی شروع میں تو کافی گھبرایا ہوا نظر آیا تاہم کچھ دیر بعد اُس نے اپنے آپ کو ماحول میں ڈھالا اور پرسکون ہوگیا، تاج پوشی کے بعد لوگوں نے فرداً فرداً نومنتخب گورنر سے ملاقات بھی کی۔
خبررساں ادارے کے نمائندے سے بات کرتے ہوئے مقامی شخص نے کہا کہ ’’میں خود یہ تقریب 11 سال سے دیکھتا آرہا ہوں، اس فیسٹیول میں کچھ عجیب نہیں تاہم باہر سے آنے والے لوگ یہ پروگرام دیکھ کر حیران رہ جاتے ہیں‘‘۔
اطلاع کے مطابق جنوب مغربی آئرلینڈ میں یہ میلہ 17 ویں صدی سے منعقد کیا جارہا ہے، میلے کے موقع پر موسیقی کی خصوصی محفل بھی سجائی جاتی ہے جبکہ مختلف اسٹالز اور گھوڑوں کی نمائش بھی منعقد کی جاتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
