کراچی : سونے کی قیمت میں گزشتہ دنوں ہونے والی بڑی کمی سامنے آنے کے بعد یہ سلسلہ آج بھی جاری ہے جبکہ عالمی مارکیٹ میں بھی قیمت میں نمایاں کمی سامنے آئی ہے۔
تفصیلات کے مطابق ملک بھر کے صرافہ بازاروں میں آج بھی سونے کی فی تولہ قیمت1300روپے کم ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے مطابق ایک ہزار تین سو روپے کمی کے بعد ملک میں فی تولہ سونے کا بھاؤ 2 لاکھ 20 ہزار روپے تک ہوگیا ہے۔
اس کے علاوہ دس گرام سونے کی قمیت ایک ہزار 115 روپے کم ہوکر ایک لاکھ 88 ہزار 614 روپے ہے۔
ایسوسی ایشن کے مطابق عالمی بازار میں سونے کی فی اونس قیمت 12 ڈالر کم ہوکر 2 ہزار 62 ڈالر ہے جبکہ پاکستان میں یہ قیمت 20 ڈالر پریمیم شامل کرکے 2 ہزار 82 ڈالر ہے۔
واضح رہے کہ اس سے قبل گزشتہ دو روز قبل بھی سونے کی قیمت میں بالترتیب 1900 اور 900 روپے کا نمایاں اضافہ سامنے آیا تھا۔