کراچی : عالمی مارکیٹ میں سونے کی قیمت میں کمی کے باعث پاکستان میں بھی سونے کی قیمت میں 200 روپے کی کمی آگئی۔
تفصیلات کے مطابق عالمی بلین مارکیٹ میں گزشتہ روز سونے کے نرخ میں 6 ڈالر کی کمی دیکھی گئی اور فی او نس سونے کی قیمت 1346 ڈالر ہوگئی ، بین الاقوامی مارکیٹ میں سونے کے نرخوں میں کمی کے باعث مقامی سطح پر بھی سونے کی قیمتیں گھٹ گئیں۔
آل پاکستان سپریم کونسل جیولرز ایسوسی ایشن کی رپورٹ کے مطابق جمعرات کو ملکی صرافہ مارکیٹوں میں فی تولہ سونے کی قیمت میں 200 روپے کی کمی دیکھی گئی جس کے بعد کراچی ،حیدرآباد،لاہور،ملتان ،فیصل آباد، اسلام آباد،راولپنڈی اور کوئٹہ کی صرافہ مارکیٹوں میں فی تولہ سونے کی قیمت 53 ہزار300 روپے سے گھٹ کر 53 ہزار 100 روپے ہوگئی۔
اسی طرح 171 روپے کی کمی سے 10 گرام سونے کی قیمت 45 ہزار 514 روپے ریکارڈ کی گئی جبکہ چاندی کی فی تولہ قیمت 750 روپے کی سطح پر برقرار رہی۔
