کراچی(30 اگست 2025): ملک میں آج سونے کی فی تولہ قیمت میں 3600 روپے کا اضافہ ریکارڈ کیا گیا ہے۔
تفصیلات کے مطابق ملک بھر میں سونے کی قیمت میں ان دنوں اضافے کا سلسلہ جاری ہے، کاروباری ہفتے کے آخری روز سونے کی قیمت میں بڑا اضافہ ریکارڈ کیا گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق ملک میں آج سونے کی فی تولہ قیمت میں 3600 روپے اضافہ ہوا ہے، جس کے بعد سونا 3 لاکھ 67 ہزار 400 روپے پر جا پہنچا ہے۔
اس کے علاوہ دس گرام سونے کی قیمت 3172 روہے اضافے سے 3 لاکھ 14 ہزار986 روپے ہوگئی ہے، عالمی مارکیٹ میں سونا 36 ڈالر اضافے سے فی اونس 3447 ڈالر ہوگیا ہے، فی تولہ اور دس گرام چاندی کی قیمت 81 روپے اور 69 روپے اضافے سے 4 ہزار 202 روپے اور 3 ہزار 602 روپے پر پہنچ گئی۔
واضح رہے کہ ہفتہ بھر میں ایک تولہ سونا 7600 روپے اور 10 گرام 6515 روپے مہنگا ہوا ہے، جبکہ عالمی مارکیٹ میں ایک ہفتے میں فی اونس سونے کی قیمت 76 ڈالر بڑھ گئی ہے۔
پاکستان میں آج ڈالر اور دیگر کرنسیوں کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
