کراچی: گوگل متعارف کروانے جارہاہے منفرد سمارٹ فون جسے صارفین خراب ہونے کی صورت میں خود ٹھیک کرسکیں گے۔
گوگل کے نئے سمارٹ فون پراجیکٹ آرا کے صرف بیٹری کے اجزا ہی واحد حصے نہیں جنھیں صارفین نکال اور بدل سکیں گے۔
سمارٹ فون میں اسکرینز، کیمرے، سنسرز اور دیگر تمام حصے بھی صارفین اپنی مرضی کے مطابق بدل سکیں گے اور ان تمام موڈیول کو گوگل کے فراہم کردہ ہر سائز کے فریم میں استعمال کیا جاسکتا ہے۔
صارف گوگل سمارٹ فون کی شکل بھی اپنی مرضی کے مطابق ڈھال سکتے ہیں۔
نیویارک: گوگل ٹرانسلیٹ موبائل ایپ کی مدد سے اب مختلف زبانیں بولنے والے باآسانی گفتگو کرسکیں گے۔
گوگل بہت جلد ایسی سروس متعارف کروانے جارہا ہے، جس سے دنیا بھر میں زبانوں کا فرق ختم ہو جائے گا، گوگل ٹرانسلیٹ نامی موبائل ایپ کو اپ گریڈ کر رہی ہے، جس کی مدد سے مختلف زبانوں میں لکھی ہوئی تحریر یا آواز کو تحریر کی شکل میں ترجمہ کر کے موبائل فون کے زریعے کسی بھی زبان بولنے والے فرد سے بات کی جاسکے گی۔
یہ موبائل ایپ نوے زبانوں کو ترجمہ کرسکے گی۔
گوگل کا کہنا ہے کہ اس کی ایپ10 کروڑ سے زائد مرتبہ ڈاون لوڈ کی جا چکی ہے اور ان میں سے بیشتر صارفین نئی سہولت سے فائدہ اٹھا سکیں گے تاہم یہ نہیں بتایا گیا کہ سروس کا آغاز کب سے کیا جائے گا۔
سان فرانسسکو : انٹرنیٹ پر صارفین ہاٹ میل، یاہو اور جی میل کی ویب سائٹوں اور مختلف قسم کی سوشل میڈیا ویب سائٹوں پر جب نیا اکاﺅنٹ بناتے ہیں تو آخر میں کہا جاتا ہے کہ ثابت کریں کہ آپ کمپیوٹر یا روبوٹ نہیں بلکہ انسان ہیں اور ساتھ ہی آپ کو ایک تصویر میں انتہائی غیر واضح اور ٹیڑھے میڑھے نمبر یا حروف دکھائے جاتے ہیں اور انہیں دی گئی جگہ پر ٹائپ کرنے کو کہا جاتا ہے۔
ہم سب کو یہ سخت ناپسندیدہ اور کوفت والی بات لگتی ہے کیونکہ اکثر انٹرنیٹ صارفین کو انہیں سمجھنا اور واضح طور پر دیکھنا مشکل ہوتا ہے، بالآخر گوگل کو انٹرنیٹ صارفین کی تکلیف کا اندازہ ہوگیا ہے گوگل نے صارفین کو اس مشکل سے نکالنے کے لئے ایک آسان طریقہ متعارف کروایا گیا ہے کہ آپ کو یقین نہیں آئے گا۔ اب سمجھ میں نہ آنے والی تصویر کی بجائے آپ کے سامنے صرف یہ لکھا ہوگا “ (میں روبوٹ نہیں ہوں) اور آپ اس کے سامنے چھوٹے سے ڈبے میں ٹک کا نشان لگائیں گے اور آپ کا کام ختم ہوگیا ۔
کچھ صورتوں میں مزید سکیورٹی کیلئے جانوروں یا پرندوں کی تصاویر دکھا کر ایک جیسی تصویروں پر کلک کرنے کو کہا جاسکتا ہے۔ یہ نیا طریقہ متعدد ویب سائٹوں پر متعارف کروایا جا چکا ہے اور گوگل کا کہنا ہے کہ 2015ء تک اسے سب ویب سائٹوں پر متعارف کروا دیا جائے گا۔
گوگل کینسر اور دل کے دورے کا پتہ لگانے والی ڈیوائس تیارکرے گا۔
گوگل کے لائف اینڈ سائنسز شعبے کی جانب سے آلے کی تیاری میں نینو ٹیکنالوجی سے مدد لی جا رہی ہے،انتہائی چھوٹے مقناطیسی ذرات کو خون کے ذریعے جسم میں داخل کیا جائے گا اوراسکا جائزہ کلائی پرباندھنے والے گھڑی نما آلے سے لیا جائے گا۔
یہ آلہ جسم میں کینسر،دل کے ممکنہ دورے اور فالج کے حملے اور دوسری بیماریوں کا سراغ لگائے گا۔
نیویارک :دنیا کا سب سے بڑا سرچ انجن گوگل روزانہ اربوں انسانوں کو ان کی مطلوبہ معلومات اور ویب سائٹس ڈھونڈ کر دیتا ہے، یہ سرچ انجن اس قدر پیچیدہ اور بڑی مقدار میں ڈیٹا اور معلومات کو اربوں انسانوں تک پہنچاتا ہے کہ اس کی طاقت اور رفتار کو دیکھ کر انسانی عقل دنگ رہ جاتی ہے۔
گوگل کے کچھ دلچسپ حقائق اور راز ایسے ہیں کہ جنہیں جان کر آپ یقیناً حیران رہ جائیں گے، جب آپ گوگل پر کوئی معلومات سرچ کرتے ہیں تو گوگل ایک سیکنڈ میں جواب دے دیتا ہے، اگرچہ اس دوران یہ تقریباً 200 عوامل کو مدنظر رکھتے ہوئے اربوں ممکنہ نتائج کی چھان بین کرتا ہے۔
گوگل کی کئی ویب سائٹوں کا نام اس کے نام کے غلط ہجوں سے بنایا گیا ہے جیسا کہ وغیرہ۔
گوگل پر ہر سیکنڈ میں 20 لاکھ معلومات کی سرچ کی جاتی ہے۔
گوگل کے مالکان لیری پیج اور سرجی برن نے پہلا گوگل ڈوڈل 1998ءمیں بنایا۔
گوگل پر سرچ کئے جانے والے سوالات کا ڈیٹا 100,000,000 گیگا بائٹ سے بھی زیادہ ہے۔
گوگل وہ واحد ویب سائٹ ہے، جس کی کوشش ہوتی ہے کہ لوگ اس پر کم از کم وقت صرف کریں۔
گوگل سٹریٹ ویو نقشوں کیلئے 50 لاکھ میل لمبی سڑکوں کی تصاویر لی گئی ہیں۔
گوگل ہر مہینے تقریباً تین نئی کمپنیوں کو خرید لیتا ہے۔
گوگل کی ملکیت یوٹیوب پر ہر ماہ 6 ارب گھنٹوں کی ویڈیوز دیکھی جاتی ہیں
گوگل نے ایک ایسے منصوبے کا اعلان کیا ہے جو انٹرنیٹ استعمال کرنے والوں کو اشتہارات کے بغیر ویب سائٹیں دیکھنے کی سہولت فراہم کرتا ہے۔
کنٹری بیوٹر نامی سروس کو صارفین ایک سے تین ڈالر کی ماہانہ فیس دے کر اشتہارات کے بغیر ویب سائٹیں دیکھ سکیں گے،اس سہولت کو استعمال کرنے والے صارفین جب اس سکیم کے ساتھ جڑی ہوئی کس بھی ویب سائٹ کا دورہ کریں گے تو اشتہارات کے بجائے انھیں پکسلیٹڈ یا مختلف حصوں میں تقسیم ہوئے نمونے کی صورت نظر آئیں گے۔
آزمائشی بنیاد پردیگر ویب سائٹس،وکی پیڈیا،میش ایبل بھی اس پروجیکٹ میں شامل ہیں۔
انٹرنیٹ کی دنیا میں مقابلے کی جنگ جاری ہے،بہت سی ویب سائٹ بنائی گئیں اور ختم کردی گئی لیکن چند ویب سائٹس نے اپنے قدم مضبوطی سے جمالیے ہیں، ویب سائٹس کی ریٹنگ بتانے والی ویب سائٹ ایلگزا کے مطابق ٹاپ 10 ویب سائٹس مندرجہ ذیل ہیں۔
گوگل: ۔
گوگل نے انٹرنیٹ کی دنیا میں دھوم مچا رکھی ہے بچہ بڑا ہر کوئی گوگل سے واقف ہے ، دنیا بھر میں سب سے زیادہ سرچ ہونے والی ویب سائٹس میں گوگل نمبر 1 پر ہے ۔ ویڈوز کی مشہور ویب سائٹ یوٹوب اور بلاگر کا مالک بھی گوگل ہی ہے ۔گوگل نے سرچ انجن میں بہت سی آسانیاں دی ہیں اور ساتھ ہی جی میل جیسے مشہور میل سروس کی سہولت بھی دی ہے، موبائل فون کے اوپر سوشل نیٹ ورکنگ کی چیزیں متعارف کروائی۔ گوگل پر دنیا کی ہر اقسام کی لاتعداد تصویریں ،ویڈیوز ، آرٹیکل صرف ایک کلک پر حاصل ہوجاتی ہیں ۔
فیس بک:۔
فیس بک انٹرنیٹ کی دنیا میں انقلاب برپا کرنے والی ویب سائٹ ہے، دنیا میں سب سے زیادہ سرچ ہونے والی ویب سائٹس میں فیس بک دوسرے نمبر پر ہے ،سماجی رابطے کے لئے مارک زوکربرگ نے 2004 میں اسے متعارف کروایا تھا ۔ ابتداء میں یہ صرف کالج کے حد تک محدود تھی لیکن اب دنیا بھر سے اس کے ایک ارب صارفین موجود ہیں یہ ویب سائٹ ایک دوسرے سے رابطے ، تصویروں کو ایک دوسرے سے شیئر کرنے کے کام آتی ہے۔
یوٹیوب:۔
یوٹیوب کو ویڈیوز کی دنیاکا بادشاہ کہیں تو غلط نہ ہوگا، ویڈیوز دیکھنے اور ایک دوسرے کو دیکھانے کی سب سے مشہور اور بہترین سائٹ ہے ۔ یوٹوب پر صارفین آسانی سے ویڈیوز اپ لوڈ اور ڈاون لوڈ کرسکتے ہیں، اس پر دنیا جہاں کی ویڈیوز دیکھ کردنیا بھر میں شیئر کرسکتے ہیں۔ یوٹیوب کو 2005 میں پے پال کی تین سابق ملازمین نے متعارف کروایا تھا بعد ازاں2006 میں اسے گوگل نے ایک ارب ڈالر میں خرید لیا تھا۔دنیا میں سب سے زیادہ سرچ ہونے والی ویب سائٹ میں اس کا تیسرا نمبر ہے ۔
:Yahoo
یاہو، ایک تیز ترین اور عمدہ سہولت فراہم کرنے والی ویب سائٹ ہے یاہو بھی ایک مشہور اور مقبول سرچ انجن ہے، یہ انٹرنیٹ کی دنیا کا ایک اہم ستون ہے جو مختلف سہولیات فراہم، کرتا ہے جیسے ای میل ، میسنجر، اور مختلف عنونات پر آرٹیکل ۔
بیدو:۔
بیدو چائینیز زبان کی سرچ انجن ویب سائٹ ہے ،بیدو آسان اور قابل اعتماد ویب سائٹ ہے جو کہ چائینیز زبان میں ہے ، اس پر دنیا جہاں کی چیزیں ڈاون لوڈ کرسکتے ہیں یہ ویب سائٹ موبائل پر با آسانی استعمال کی جاسکتی ہے ۔ بیدو اپنے صارفین کو 50سے زائد سہولیات فراہم کرتا ہے ۔
ویکیپیڈیا:۔
ویکیپیڈیا ایک جدید انسائیکلوپیڈیا جیسا ہے لیکن اس میں ایک بڑی خامی یہ ہے کہ اس میں کوئی بھی صارف کسی چیز میں باآسانی اپنی رائے کا اضافہ کرسکتا ہے۔ اس میں 30لاکھ سے زائد مضامین 287 زبان میں موجود ہیں ،اس کے علاوہ کوئی بھی اس میں رضاکارانہ طور پراپنی معلومات شامل کرسکتا ہے، یہ ویب سائٹ 2001 میں متعارف کراوائی گئی۔
ٹینسنٹ:۔
ٹینسنٹ بھی چائنا کی ویب سائٹ ہے جو پیغام رساں کا کام ادا کرتی ہے اس کے علاوہ اس پر سرچ انجن اور میل کی سہولیات بھی موجود ہیں،اس پر 6 لاکھ سے زائد صارفین موجود ہیں ، اس ویب سائٹ کے ذریعے شاپنگ اور اپنے من پسند لوگوں سے ملاقات بھی کرسکتے ہیں، یہ ویب سائٹ چائنا میں انٹرنیٹ شاپنگ کا سب سے بڑا ذریعہ ہے ۔
لنکڈ ان:۔
جب سماجی رابطے کی ویب سائٹ فیس بک اور ٹویٹر نے مقبولیت حاصل کی تو اسی جیسی ایک اور ویب سائٹ لنکڈ ان منظر عام پر آئی، لنکڈ ان بھی سماجی رابطے کی ویب سائٹ ہے جس کے ذیعے دنیا بھر کے ہر طبقے کے عوام سے رابطہ کیا جاسکتا ہے، یہ سائٹ نوکری تلاش کرنے اور انتخاب کرنے کے لئے بہترین ہے۔
تاوٗباوٗ:۔
تاوٗباوٗ ایک صارف تا صارف کی تجارتی ویب سائٹ ہے ، یہ سائٹ چائنا میں خرید و فروخت کے لئے بہت مشہور ہے۔ 2013 کے اعدادو شمار کے مطابق اس ویب سائٹ پر 760 لاکھ سے زیادہ اشیاء خرید وفروخت کے لئے موجود ہوتی ہے ۔ایگزا کے کے مطابق دنیا بھر میں سرچ ہونے والی ویب سائٹ میں اس کا نواں نمبر ہے ۔
ٹوئٹر :۔
دنیا میں سب سے زیادہ سرچ ہونے والی ویب سائٹ میں ٹوئٹر دسویں نمبر پر ہے، ٹوئٹر ایک مایکرو بلاگنگ ویب سائٹ ہے اس کے علاوہ معومات کی فراہمی کے لئے بہترین اور تیز ذریعہ ہے ۔
موجودہ دور میں گوگل سب بتاتا ہےیہاں تک کہ کون ،کتنا ، کب مشہور تھا، 2014 میں گوگل پر سب سے زیادہ سرچ کی جانے والی اداکاراوں کی لسٹ مندرجہ ذیل ہیں۔
رواں برس برٹنی سپئیر گوگل پر سب سے ذیادہ سرچ ہونے والی اداکاراوں میں پہلے نمبر پر ہیں ،حالانکہ وہ کچھ عرصے کے لئے انڈسٹری سے غائب بھی رہیں،بعد ازاں انہوں نے جارحانہ کم بیک کرکے اپنا نام دوبارہ کمایا۔
اداکارہ ،فیشن ڈیزائنر اور گلوکارہ ریہانا نے کئی میگزین کے فرنٹ پیج کی زینت بنی، جوشیلی آرٹسٹ گوگل پر سرچ ہونے والی اداکاراوں میں دوسرے نمبر پر رہیں۔
جرمن ٹیلی ویژن کی دلکش میزبان اور ماڈل لینا جیکی اپنے کام میں مہارت رکھنے والی آرٹسٹ ہیں ، گوگل پر سرچ ہونے والی سیلبرٹیز میں لینا تیسرے نمبر پر ہیں۔
گلوکارہ ، کمپوزر، ماڈل اور ڈانسر شکیرا مشہور خواتین اداکاروں میں سے ایک ہیں ،گوگل پر سرچ ہونے والی سیلبرٹیز میں شکیرا چوتھے نمبر پر ہیں۔
میلی سائرس کا نام اگر اس لسٹ میں نہ ہوتا تو یہ ان کے ساتھ نا انصافی ہوتی ۔
یہ تمام نام 2014 میں تمام انٹرٹینمنٹ میگزین اور ویب سائٹس پر نظر آئے جس کی وجہ سے گوگل پر سرچ ہونے والوں کی لسٹ میں بھی یہی نام ہیں ۔
