دنیا بھر میں سب سے زیادہ استعمال ہونے والے انٹرنیٹ سرچ انجن گوگل نے اس بار بھی نئے سال 2024ء کی صبح کا استقبال منفرد انداز سے کرتے ہوئے اپنے ڈوڈل کی تبدیلی سے کیا ہے۔
ان پُرمسرت لمحات کا خیرمقدم کرنے کے لئے گوگل نے اپنی سابقہ روایات برقرار رکھتے ہوئے ایک خصوصی رنگا رنگ ڈوڈل جاری کیا ہے۔
اس خوبصورت ڈوڈل میں غبارے، رنگ برنگے ربن اور ہنستے گلوب کے ساتھ گوگل نے اپنی مرکزی تصویر کو تبدیل کرکے نئے سال 2024ء کا استقبال کیا۔
یہ تبدیلی آج رخصت ہونے والے 2023ء کو الوداع کہنے اور کل سے شروع ہونے والے نئے سال کے لیے استقبال کا پیغام ہے۔
گوگل سائٹ کی مرکزی شکل جشن کےانداز میں نمودار ہوئی، اسے نئے سال کی شام کا جشن کا عنوان دیا گیا ہے۔
گوگل کے ڈوڈل 31 دسمبر 2024 میں رنگ برنگے ربنز لفظ گوگل پر برس رہے ہیں جب کہ درمیان کے ایک حرف ’زیرو‘ کو لینس کی طرح واضح کیا گیا ہے اور اسے گلوب کی شکل دی گئی ہے۔ یہ گلوب مسکرا رہا ہے گویا دنیا خوش دلی سے نئے سال کا استقبال کر رہی ہے۔
گوگل سائٹ کی مرکزی شکل جشن کےانداز میں نمودار ہوئی۔ اسے "نئے سال کی شام کا جشن” کا عنوان دیا گیا ہے۔ نئے سال کا جشن دنیا بھر میں منایا جاتا ہے اور اس برس سال نو کا آغاز نیوزی لینڈ سے ہوچکا ہے۔
یہ بات قابل ذکر ہے کہ نئے سال کی شام سال کے اختتام کی 31 دسمبر کی رات ہے اور یہ گریگورین کیلنڈر میں سال کا آخری دن ہے اور اس کے بعد آنے والا دن نئے سال میں شمار ہوگا جبکہ دنیا کے کئی ممالک نئے سال کی شام کو سرکاری موقع کے طور پر مناتے ہیں۔
واضح رہے کہ گوگل خصوصی تہواروں، بین الاقوامی و قومی ایام کے مواقع اور نامور شخصیات کو خراج عقیدت اور سلام پیش کرنے کے لئے بھی اپنا ڈوڈل تبدیل کرتا ہے۔
