Tag: goverment decided

اسلام آباد: حکومت نے یمن جنگ میں شرکت نہ کرنے کا اصولی فیصلہ کرلیا ، خورشید شاہ کی تجویز پر کُل جماعتی کانفرنس بلائی جائے گی۔

ذرائع کے مطابق حکومت پاکستان نے یمن جنگ میں براہ راست فریق نہ بننے کا اصولی فیصلہ کرلیا ہے، ایوان میں اپوزیشن لیڈر کی تجویزبھی کام کرگئی، جس کے بعد حکومت نے جلد کُل جماعتی کانفرنس بلانے پر غور کیا جارہا ہے۔

پارلیمان کے مشترکہ اجلاس میں اراکین نے اپنی تقاریر میں جنگ کا حصہ نہ بننےاور ثالثی کا کردار ادا کرنے پر زور دیا ۔

وزیراعظم نوازشریف نےاراکین کی تقاریراور تجاویزکو سننے کے بعد کہہ ڈالا کہ کچھ نہیں چھپایا جا رہا، پارلیمنٹ کا جو فیصلہ ہوگا من وعن عمل کیا جائے گا۔

دو روز سے جاری پارلیمنٹ کے مشترکہ اجلاس میں ابھی تک کسی جماعت نے فوج بھیجنےکی حمایت نہیں کی۔ سب یہی کہہ رہے ہیں، ثالثی کا کردار ادا کیا جائے۔ ماضی سے سبق سیکھیئے غیروں کی جنگ کی آگ سے اپنے گھر کو بچا کر رکھیے۔