Tag: goverment

پاناماجے آئی ٹی پیشیوں پر خرچے اور پروٹوکول، پی ٹی آئی نے وزیراعظم سے جواب مانگ لیا

اسلام آباد : تحریک انصاف نے وزیراعظم نوازشریف سے پاناما جے آئی ٹی پیشیوں پر خرچے اور پروٹوکول سے متعلق جواب مانگ لیا ہے۔

تفصیلات کے مطابق پاکستان تحریک انصاف نے وزیراعظم نوازشریف سے جے آئی ٹی میں پیشی اور پروٹوکول پر اخراجات کی تفصیلات مانگ لیں، پی ٹی آئی کی جانب سے وزیر اعظم کو خط لکھا، جس میں پوچھا گیا کہ الزامات کی تفتیش کیلئے پیشیاں تھیں یا سرکاری دورے؟کس مد میں لاکھوں خرچ کئے؟

خط میں مؤقف اختیار کیا گیا ہے کہ شریف خاندان کے تمام افراد جے آئی ٹی میں ذاتی حیثیت میں پیش ہوئے؟مریم نواز کے پروٹوکول پر لاکھوں روپےخرچ ہوئے، کیا آئین پاکستان قومی دولت کے ایسے ذاتی استعمال کی اجازت دیتا ہے؟

خط میں مزید انکشاف کیا گیا ہے وزیراعظم نوازشریف نے تین سال میں باراک اوباما سے زیادہ بیرون مل کے دورے کئے، بیرون ملک دوروں پرقومی خزانے سےتقریباً 137.8ملین خرچ ہوئے، کیا آپ یہ پیسہ واپس قومی خزانے میں جمع کرایا؟

پی ٹی آئی نے اکیس دن میں سوالات کا جواب مانگتے ہوئے معاملے پر سپریم کورٹ سے ازخود نوٹس لینے کا مطالبہ کیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 14, 2017
سول اورملٹری قیادت ایک صفحے پر ہیں‘چوہدری نثار

اسلام آباد:وفاقی وزیرداخلہ چوہدری نثارنےکہا ہےکہ سول اورملٹری قیادت باہم ہوکر ملک و قوم کی خدمت کر رہی ہیں،انہوں نے کہا کہ کچھ نام نہاد دوستوں کوسویلین اورملٹری کوساتھ کام کرتے نہیں دیکھ کر افسوس ہوتا ہے۔

تفصیلات کےمطابق وفاقی وزیرداخلہ چوہدری نثارنے اپنے خیالات کا اظہار کرتے ہوئے کہا کہ سول اورملٹری تعلقات کی بہتری وقت کا تقاضا ہے کہ سول اور ملٹری قیادت کا باہم ہونا ہی قوم کےمفاد میں ہے۔

مزید پڑھیں:خطرہ سرحدوں کے ساتھ اندر چھپے دشمن سے بھی ہے، چوہدری نثار

وفاقی وزیرنےکہا کہ پاکستان کے دشمن سول اورملٹری کے بہترتعلقات نہیں دیکھنا چاہتے ہیں،کچھ نام نہاد دوستوں کو سویلین اورملٹری کوساتھ کام کرتے نہیں دیکھ کر افسوس ہوتا ہے۔

مزید پڑھیں:دہشت گردی کی لہر کو آہنی ہاتھوں سے کچل دیا جائے گا: چوہدری نثار

انہوں کہا کہ پاکستان کے بہتر کل کے لیے سویلین اورملٹری کو ہم آواز ہوکرمتفقہ طورپرکام کرنا ہوگا،ملک کی ترقی اس ہی کلیہ میں پوشیدہ ہے۔

مزیدپڑھیں:راحیل شریف ہمیشہ فرنٹ پر رہے، چوہدری نثار

واضح رہے گذشتہ سال وفاقی وزیر داخلہ نے سابق آرمی چیف کی خدمات کو سراہاتے ہوئے کہا تھا کہ راحیل شریف ہمیشہ فرنٹ پر رہے اور حکومت نے بھی دہشت گردی کے خلاف جنگ میں ان کا بھرپور ساتھ دیا۔

مارچ 2, 2017
شکایات کاازالہ نہ ہوا تولوگ پارٹی کے خلاف ہوسکتے ہیں، مخدوم امین فہیم

کراچی: پیپلز پارٹی کے رہنما مخدوم امین فہیم کا کہنا ہے کہ پیپلز پارٹی کی حکومت عوام کے مسائل حل نہیں کررہی، پارٹی اور قیادت سے کوئی اختلاف نہیں ہے۔

پیپلز پارٹی کے شریک چیئرمین آصف علی زرداری سے ملاقات کے بعد میڈیا سے گفتگو کرتے ہوئے مخدوم امین فہیم کا کہنا تھا کہ آصف زرداری سے عوامی مسائل پر بات ہوئی اور انہیں صوبے میں بد انتظامی سے آگاہ کیا جبکہ شریک چیرمین کو یہ بھی بتایا کہ لوگوں کے مسائل حل نہیں ہورہے اور پیپلزپارٹی کی حکومت سے لوگوں کو شکایات ہیں۔ انہوں نے کہا کہ اگر پارٹی میں کسی معاملات پرتبادلہ خیال کیا جائے تو اسے اختلافات نہ سمجھا جائے، پیپلزپارٹی اور ہمارا چولی دامن کا ساتھ ہے تاہم پارٹی میں جہاں اصلاح کی ضرورت ہوگی تو ضرور بات کروں گا۔

انہوں نے کہا کہ آصف زرداری سے عوامی مسائل پر بات چیت ہوئی ہے کیونکہ عوام کو سندھ کی حکومت سے شدید شکایات ہیں مگر وزیر اعلیٰ سندھ قائم علی شاہ کیخلاف کوئی تحریک عدم اعتماد نہیں لائی جا رہی۔ ان کا کہنا تھا کہ صوبے میں بد انتظامی اور بدحالی عروج پر ہے اور اس معاملے پر حکومت کو اقدامات کرنا ہوں گے۔

سابق صدر آصف علی زرداری کی زیر صدارت اجلاس میں مخدوم امین فہیم،مخدوم جمیل،وزیراعلیٰ سندھ قائم علی شاہ ،شیری رحمان اورشرجیل میمن نے شرکت کی ۔

جنوری 4, 2015
حکومت پی ٹی آئی مذاکرات، ڈیڈ لاک برقرار

اسلام آباد : پاکستان تحریک انصاف اور حکومت کے درمیان مذاکرات کا دوسرا دور بھی بے سود رہا۔ اسلام آباد میں پی ٹی آئی کے رہنما جہانگیر ترین کی رہائش گاہ پر ہونے والے حکومت اور پی ٹی آئی کے مابین مذاکرات کا خفیہ دور اختتام پذیر ہوگیا۔

اجلاس میں دھاندلی کی تاریخ پر پیدا شدہ ڈیڈ لاک پر بات چیت ہوئی, مذاکرات میں پی ٹی آئی اور حکومت کی جانب سے شاہ محمود قریشی ، جہانگیر ترین ، اسد عمر، احسن اقبال اور اسحاق ڈار شریک ہوئے۔

مذاکرات میں پی ٹی آئی اور حکو مت کے آئینی اور قانونی ماہرین نے بھی شرکت کی جبکہ مذاکرات کے دوسرے دور میں ڈیڈ لاک برقرار رہا۔

علاوہ ازیں تحریک انصاف کے رہنما جہانگیر ترین نے کہا ہے کہ ہم نے مذاکرات میں بہت لچک کا مظاہرہ کیا ہے، اب گیند حکومت کے کورٹ میں ہے،اب حکومت کا کام ہے کہ وہ بھی اپنئے رویئے میں لچک کا مظاہرہ کرے، وہ میڈیا سے گفتگو کررہےتھے۔

دسمبر 27, 2014
حکومت اور تحریک ا نصاف کے درمیان خفیہ مذاکرات شروع

اسلام آباد/لاہور/کراچی: کیا حکومت اور تحریک انصاف کے درمیان خفیہ مذاکرات شروع ہو چکے ہیں؟ گزشتہ روز جب اس حوالے سے شاہ محمود قریشی سے بات کی گئی تو وہ واضح جواب دینے سے گریز کرتے رہے۔

حکومت اورتحریک انصاف کے رہنماؤں کی باڈی لینگویج میں تبدیلی آنہیں رہی بلکہ آچکی ہے۔ اسی لیے تو اسحاق ڈار نے دوبارہ مذاکرات کا ڈول ڈالنے کی خواہش کرتے نظر آتے ہیں، جبکہ شاہ محمود قریشی اسکی تردید یا تصدیق سے گریزاں نظر آتے ہیں۔

گزشتہ روز اسلام آباد میں اسحاق ڈار نے شاہ محمود قریشی اور اسدعمر سے ملاقا ت کی ہے لیکن شاہ محمود قریشی نے کہہ دیا کہ وہ کچھ نہیں کہیں گے۔ شاہ محمود قریشی تمام وقت اصل سوال کا جواب دینے کے بجائے ادھر ادھر کی باتیں کرتے رہے۔

اے آر وائی کی جانب سے بار بار سوال پر ان کا کہنا تھا کہ جو کچھ ہو گا سب کے سامنے ہوگا۔ ادھر کپتان نے پھرعزم ظاہر کیا ہے کہ وہ پلان سی پر عملدر آمد کیلئے اپنے ارادوں پر قائم ہیں۔

کل کی ملاقات میں کیا ہوا، اسکے بارے میں دونوں فریقین نے لب نہیں کھولے ہیں۔ شاید دونوں اب میں نہ مانوں والے مرحلے سے باہر آچکے ہیں تاہم دیکھیئے آگے کیا ہوتا ہے؟

دسمبر 6, 2014
پی ٹی آئی جلسہ: سیکیورٹی اہلکار اسلام آباد پہنچنا شروع، بڑی تعداد میں کنٹینرز لگ گئے

اسلام آباد: تحریک انصاف کے تیس نومبر کے جلسے اور متوقع احتجاج پر اسلام آباد کی چون سالہ تاریخ میں پہلی مرتبہ اتنی بڑی تعداد میں کنٹینرلگادیے گئے ہے اوردوسرے شہروں سے سیکیورٹی اہلکاربڑی تعداد میں اسلام آباد پہنچنا شروع ہو گئے ہیں۔

جو ں جو ں تیس نو مبر کی تاریخ قریب آتی جا رہی ہے ملک کے سیا سی درجہ حرارت میں اضا فہ ہو تا جا رہا ہے، اسلا م آباد ایک مرتبہ پھر سیاسی پنجہ آزما ئی کی زد میں ہے۔ حکومت ملکی دارالخلا فہ کو کنٹینرز کے حصار میں لینے پر کمر بستہ نظر آتی ہے اور مختلف شاہراہوں کی بندش بھی حکومتی حکمت عملی کا حصہ ہے۔

ایک جا نب ایوان اقتدار کی غلا م گردشو ں میں بیٹھکیں جا ری ہیں کہ کس طرح کپتان کے جلسے اور احتجا ج کو روکا جائے، حکومتی تیاریوں میں پی ٹی آئی کارکنا ن کی پکڑدھکڑ شہر میں دفعہ ایک سو چوالیس نافذ اور پو لیس کی مزید نفری طلبی بھی شامل ہے۔

حکومتی ذرائع کے مطابق ہنگا مہ آرائی کی صورت میں واٹر کینن، شیلنگ، ربر کی گو لیوں اور لا ٹھی چارج کے استعما ل پر بھی غور و خو ص جا ری ہے لیکن حقیقت یہ ہے کہ احتجا جی عوام اپنارویہ، راستہ اور حکمت عملی خود طے کرتے ہیں اور کنٹینر، گرفتاریاں اور تشدد سے احتجا ج رک نہیں پا تا یہ عمل تحریک کو جلا بخشتا ہے۔

دوسری جانب پنجاب پولیس اور ایف سی کے دوہزار اہلکار اسلام آباد پہنچ گئے ہیں۔ پولیس کے مزید اہلکار آج رات اور کل رات تک اسلام آباد پہنچ جائیں گے۔ اسلام آباد پولیس نے پنجاب پولیس سے تین ہزار اہلکار، آزاد کشمیر پولیس سے ایک ہزار اہلکار اور ایف سی سے تین ہزار ایف اہلکار وں کی درخواست کی تھی۔

نومبر 27, 2014
مہمندایجنسی: صحت مراکز کے فنڈز میں غبن کا انکشاف

پشاور: مہمندایجنسی میں صحت کے بنیادی مراکز میں ایک کروڑ روپے سے زائد کے غبن کاانکشاف ہوا ہے اور حکومت نے ذمہ داروں کے خلاف کاروائی کاحکم بھی دیدیا گیا ہے۔

سرکاری ذرائع نے اے آروائی نیوز کو بتایا ہے کہ مہمندایجنسی کے مختلف علاقوں میں قائم چوالیس صحت کے مراکز کے لیے مختص فنڈزمیں غبن کی گئی ہے، سرکاری اہل کاروں نے ایک کروڑساٹھ لاکھ روپے کی رقم ہڑپ کرلی ہے جبکہ ملازمین کوتنخواہیں بھی ادا نہیں کی گئی ہیں۔

ایڈیشنل چیف سیکرٹری فاٹا اعظم خان نے صحت کے بنیادی مراکز میں غبن کا نوٹس لیتے ہوئے ذمہ داروں کی نشاندہی اورخردبرد کئے گئے سرکاری فنڈزکی ریکوری کاحکم بھی دے دیا ہے۔

نومبر 25, 2014
چیف الیکشن کمیشن تقرری کیس کی سماعت آج ہوگی

اسلام آباد: پاکستان کا نیا چیف الیکشن کمیشنر کون ہوگا؟ سپریم کورٹ کی تیسری ڈیڈ لائن بھی ختم ہو نے کو ہے جبکہ حکومت اور اپوزیشن فیصلہ نہ ہوسکیں۔ چیف جسٹس آف پاکستان کی سربراہی میں سپریم کورٹ کا تین رکنی بینچ آج چیف الیکشن کمیشن تقرری کیس کی سماعت کرے گا۔

تفصیلات کے مطابق چیف جسٹس ناصر الملک کی سربراہی میں جسٹس گلزاراحمد اور اے آر وائی

اے آر وائی نیوز

arپرمشتمل تین رکنی بینچ آج چیف الیکشن کمیشن تقرری کیس کی سماعت کرےگا۔ وزیر اعظم نوازشریف اورقائد حزب اختلاف سید خورشید شاہ اس اہم آئینی عہدے پر کسی نام پر متفق نہیں ہوسکے.

تیرہ نومبر کو سپریم کورٹ نے وفاقی حکومت کو چیف الیکشن کمشنر کی تقرری کے لئے ڈیڈ لائن دیتے ہوئے خبردار کیا تھا کہ اگر چیف الیکشن کمشنر کی تقرری نہ کی گئی تو قائم مقام چیف الیکشن کمیشن جسٹس انور ظہیر جمالی کی تقرری واپس لے لی جائے گی۔ حکومت کی طرف سےچیف الیکشن کمشنرکی تقرری کےلیےمزید مہلت لیے جانےکاامکان ہے۔

اس اہم عہدے کے لیے جسٹس ریٹائرڈ ناصر اسلم اور جسٹس ریٹائرڈ طارق پرویز کا نام فیورٹ قرار دیا جارہاہے۔

دوسری جانب سپریم کورٹ کی جانب سے دومرتبہ مہلت کے باوجود حکومت چیف الیکشن کمشنر کاتقررنہیں کرسکی۔سپریم کورٹ کی چوبیس نومبرکی ڈیڈلائن آج ختم ہورہی ہے۔ چیف الیکشن کمشنر کی تقرری کے معاملے میں حکومت کیلئے ایک نئی مشکل کھڑی ہو گئی۔ سپریم کورٹ کی دی گئی دس روز کی دوسری مہلت آج ختم ہورہی ہے۔ حکومت اس معاملے میں خاموشی سے کام کرنے کی کوشش کررہی ہے کیو نکہ جس نام پر بھی حکومت اور اپوزیشن میں اتفاق ہوتا ہے، عمران خان دھرنے یا جلسے میں اس پر اعتراض کر دیتے ہیں۔

اسی لیے چیف الیکشن کمشنر کی تقرری کیلئے حکومت اپوزیشن مشترکہ کمیٹی کا اجلاس چپ چاپ ہوتا رہا ہے۔ اور اس معاملے کی پیش رفت کو اِن کیمرہ رکھا جا رہا ہے۔ اب تک اس معاملے میں حکومت اور اپوزیشن کے درمیان کیا طے ہوا ہے سامنے نہیں آ سکا۔

نومبر 24, 2014
ماڈل ٹائون کیس: جے آئی ٹی کی تشکیل کو عوامی تحریک نے مسترد کردیا

لاہور: ماڈل ٹائون لاہور میں پولیس فائرنگ سے پاکستان عوامی تحریک کے کارکنوں کی مبینہ اموات کی تفتیش کیلئے جی آئی ٹی تشکیل دےدی گئی، رحیق عباسی کا کہنا ہے کہ انہیں جے آئی ٹی پر اعتماد نہیں۔

ماڈل ٹاؤن فائرنگ کیس کی تحقیقات کیلئےپانچ رکنی جوائنٹ انوسٹی گیشن ٹیم تشکیل دے دی گئی جس کی سربراہی سی سی پی او کوئٹہ عبدالرزاق چیمہ کرینگے، جے آئی ٹی میں آئی ایس آئی کے نمائندے بھی شامل ہونگے، جوائنٹ انوسٹی گیشن ٹیم نواز شریف، شہباز شریف سمیت وفاقی اور صوبائی وزراء سے تفتیش کرے گی، پاکستان عوامی تحریک کے سربراہ ڈاکٹر طاہرالقادری نے سانحہ ماڈل ٹاؤن کی تحقیقات کیلئے جے آئی ٹی کا مطالبہ کیا تھا۔

پاکستان عوامی تحریک کے رہنما رحیق عباسی نے حکومت کی جے آئی ٹی کو مسترد کرتے ہوئے کہا ہے کہ وہ اس ٹیم سے مطمئن نہیں، انکا کہنا تھا کہ عوامی تحریک نے حکومت کو بتادیا تھا کہ اسے عبدالرزاق چیمہ پر اعتماد نہیں، عوامی تحریک کا مطالبہ تھا کہ جے آئی ٹی میں آئی ایس آئی اور ایم آئی دونوں کوشامل کیاجائے،رحیق عباسی نے کہا کہ پولیس قاتل ہے ہے اس کی تفتیش پر اعتماد نہیں کیاجاسکتا۔

نومبر 13, 2014
پاکستان کسی لانگ مارچ کے نتیجہ میں نہیں بنا، شہبازشریف

لاہور: وزیر اعلی پنجاب شہباز شریف نے کہا ہے مڈ ٹرم الیکشن کا سوال ہی پیدا نہیں ہوتا ۔

لاہور میں میڈیا سے گفتگو میں کہنا تھا ملک میں تبدیلی صرف انتخابات کے ذریعے ہی آسکتی ہے ، مڈ ٹرم الیکشن کا سوال ہی پیدا نہیں ہوتا، ان کا کہنا تھا پاکستا ن کےعوا م ہرلانگ مارچ کو نا کام بنا دیں گے،پاکستان کسی لانگ مارچ کے نتیجہ میں نہیں بنا،چودہ اگست تجدیدعہد کادن ہے، ان کا کہنا تھا لانگ مارچ کا مقصد معیشت کو ترقی کے سفرسےروکناہے۔

اگست 9, 2014