کراچی: صولت مرزا کےبیان کےبعد تحریک انصاف نےڈاکٹرعشرت العباد کو ہٹانے کا مطالبہ کردیا جس کے بعد گورنرسندھ عشرت العباد کے مستعفی ہونے کی افواہوں کابازار گرم ہوگیا۔

ذرائع کے مطابق عشرت العباد نے مستعفی ہو نے کا فیصلہ کرلیا ہے اور وہ آئندہ اڑتالیس گھنٹوں میں استعفی صدر مملکت کو بھجوا دیں گے۔

ایم کیو ایم کے زرائع نے گورنر سندھ کے استعفے کی خبروں کی تردید کرتے ہوئے کہا ہے کہ پارٹی کی سطح پر استعفیٰ کا معاملہ زیر غور نہیں آیا۔

دوسری جانب گورنرہاؤس کےترجمان کہتےہیں عشرت العباد کہیں نہیں جارہے۔

واضح رہے کہ پاکستان تحریک انصاف نے صولت مرزا کے انکشافات کے بعد گورنر سندھ عشرت العباد کو عہدے سے ہٹانے کا مطالبہ کر دیا، ترجمان پی ٹی آئی شیری مزاری نےاپنے بیان میں کہاہے کہ صولت مرزا کے بیانات کے بعد گورنر سندھ عشرت العباد کا عہدے پر برقرار رہنے کا کوئی جواز نہیں۔

کراچی : گورنرسندھ ڈاکٹرعشرت العباد کا کہنا ہے کہ سانحہ بلدیہ ٹاؤن کے ملزمان کو کیفرکردار تک پہنچانا ناگزیر ہے،مقدمہ عدالت میں ہے، اس پربات کرنے سے گریز کرناچاہیے۔

گورنر سندھ ڈاکٹر عشرت العباد خان کا کہنا ہے کہ سانحہ بلدیہ دلخراش واقعہ تھا، جو بھی ملوث ہو اسے سزا ملنی چاہیئے۔

ڈاکٹر عشرت العباد نے کہا کہ سانحہ بلدیہ کی رپورٹ عدالت میں جمع ہے، اس پر انصاف ہونا چاہیئے۔

انہوں نے کہا کہ بجلی کا مسئلہ سیاسی نہیں بلکہ انتظامی معاملہ ہے، کے الیکٹرک شہر میں سپلائی بہتر کر رہی ہے۔

واضح رہے کہ جے آئی ٹی کی رپورٹ میں انکشاف کیا گیا ہے کہ سانحہ بلدیہ فیکٹری کوآگ بھتہ نہ دینے پرلگائی گئی اور اس واقعے کا مرکزی ملزم ایک سیاسی جماعت کا عہدیدارہے۔