اسلام آباد : حکومت نے نیشنل سیونگ کے بچت کھاتوں کی چیکنگ کا فیصلہ کرلیا ، بچت کھاتوں کے لیے رقم کہاں سے آئی ،منافع کہاں گیا ، ہر کھاتا جانچا جائے گا۔
تفصیلات کے مطابق حکومت نے نیشنل سیونگ کی جانچ پڑتال کا فیصلہ کرتے ہوئے نوٹیفکیشن جاری کردیا ، جس میں کہا کہ بائیو میٹرک ،رقم کہاں سے آئی ، منافع کہاں گیا ،ہر کھاتا جانچا جائے گا۔
نیشل سیونگ میں بھی منی لانڈرر ڈھونڈنے کے لیے نوٹی فکیشن جاری کیا گیا، نوٹی فکیشن میں کہا گیا ہے کہ قومی بچت اکاؤنٹ ہولڈرز کی رسک اسسمنٹ کی جائے گی اور کھاتے اداروں کی مکمل تصدیق کی جائے گی اور کھاتے داروں کے منافع کے اصل حق دار کی جانچ پڑتال بھی ہوگی۔
نوٹی فکیشن کے مطابق تمام کھاتے داروں کے لیے کمپوٹرائز شناختی کارڈ لازمی قرار دیا گیا ہے جبکہ مشکوک ٹرانزیکشن نیشنل ایگزیکٹو کمیٹی کو پیش کی جائے گی۔
یاد رہے حکومت نے ایف اے ٹی ایف کی شرط پر عملدرآمد کرتے ہوئے قومی بچت سکیموں میں سرمایہ کاری کرنے والے کلعدم تنظیموں اور منسلک افراد کی نشاندہی کیلئے سپروائزری بورڈ تشکیل دے دی تھی۔
سپروائزری بورڈ نیشنل سیونگ رولز کی خلاف ورزی کرنے والوں کے خلاف ایکشن لے گا اور قومی بچت اسکیموں میں مشکوک سرمایہ کاری کو بحق سرکار ضبط اور ملوث افراد کے خلاف کاروائی ہو گی جبکہ سپروائزری بورڈ منی لانڈرنگ اور ٹیرر فنانسنگ کیلئے اسسمنٹ رپورٹ مرتب کرے گا۔
