ARYNews.tv | Urdu – Har Lamha Bakhabar

Tag: Government

  • زمبابوے: سیلابی ریلا سونے کی کان میں داخل، 60 کان کن ڈوب گئے

    زمبابوے: سیلابی ریلا سونے کی کان میں داخل، 60 کان کن ڈوب گئے

    ہرارے :  زمبابوے میں سونے کی کان میں پانی بھرنے کے باعث 60 کان کن جاں بحق ہوگئے۔

    تفصیلات کے مطابق زمبابوے کے دارالحکومت ہرارے سے 145 کلومیٹر واقع علاقے کدوما میں غیر قانونی سونے کی کان میں جمعے کے روز سیلابی ریلا کان میں داخل ہوگیا جس کے باعث 60 سے 70 کان کن ہلاک ہوگئے۔

    مقامی حکومت کا کہنا ہے کہ واقعہ اس وقت پیش آیا جب دوسری شفٹ شروع ہورہی تھ کہ اچانک سیلابی ریلا کان میں داخل ہوا اور پانی بھرگیا، واقعے کی اطلاع ملتے ہی رسیکیو عملے نے پانی نکالنے کا شروع کیا تاہم کان کنوں کو بچانے میں ناکام رہے۔

    غیر ملکی خبر رساں ادارے کا کہنا تھا کہ دو روز قبل ہرارے میں شدید بارشوں کے بارش کے باعث قریبی ڈیم کی دیوار توٹنے کے باعث سیلابی ریلا کان میں داخل ہوا۔

    پولیس کا کہنا تھا کہ مذکورہ کان زمبابوے کی ایک نجی کمپنی کے زیر انتظام ہے، واقعے کی تفتیش جاری ہے۔

    غیر ملکی خبر رساں ادارے کا کہنا ہے کہ حکومت نے کان سے پانی نکالنے کےلیے ریسکیو آپریشن، ٹرانسپورٹ اور متاثرہ خاندانوں کے لیے 2 لاکھ ڈالر کا اعلان کیا ہے۔

    مزید پڑھیں : جمہوریہ چیک: کوئلے کی کان میں دھماکا، 13 افراد ہلاک 10 زخمی

    مزید پڑھیں : چین: کوئلے کی کان میں لفٹ گرگئی‘ 17 کان کن ہلاک

    حکومت کی جانب سے حادثے کی شدت کو دیکھتے ہوئے عام شہریوں، ترقیاتی شراکت داروں اور دیگر اداروں سے مالی امداد کرنے کی درخواست کی ہے۔

    غیر ملکی خبر رساں ادارے کا کہنا تھا کہ زمبابوے شدید معاشی بحران کا شکار ہے اور ایک عشرے کے دوران معاشیات کی یہ بدترین صورتحال ہے۔

  • کراچی میں گیس بحران، خواتین لکڑیوں پر کھانا پکانے پر مجبور

    کراچی میں گیس بحران، خواتین لکڑیوں پر کھانا پکانے پر مجبور

    کراچی: شہرقائد کے مختلف علاقوں میں گیس بحران سنگین ہوگیا، خواتین گھروں میں لکڑیوں پر کھانا پکانے پر مجبور ہوگئیں۔

    تفصیلات کے مطابق کراچی کے مختلف علاقوں گیس نہ ہونے کے باعث شہریوں کی زندگی اجیرن بن گئی، گھروں میں چولھے ٹھنڈے پڑ گئے۔

    کراچی کے علاقے اولڈسٹی ایریا، کلفٹن، ڈیفنس،صدر، گلشن اقبال اور گلستان جوہر ایف بی ایریا سمیت پورے شہر میں گیس نایاب ہے۔

    گیس نہ ہونے کے باعث خواتین لکڑیاں جلا کر کھانا پکانے پر مجبور ہیں، گیس کی قلت نے شہریوں کا سن ڈے بھی برباد کردیا۔

    خواتین کے ساتھ ساتھ مرد حضرات کی بھی چھٹی خراب ہوگئی، وہ بھی گھروں میں آتش دان کے لیے لکڑیاں جلاتے نظر آئے۔

    سندھ کی گیس سندھ والوں کو ہی نہیں مل رہی، مراد علی شاہ

    شہریوں نے مطالبہ کیا ہے کہ حکومت گیس بحران کا فوری حال نکالے تاکہ اس پریشانی سے جلد از جلد چھٹکارا حاصل ہو۔

    عوام کا کہنا تھا کہ بجلی کی لوڈ شیڈنگ کی طرح گیس کی بھی لوڈ شیڈنگ ہورہی ہے، کبھی چولھے پر گیس ہوتا ہے تو کبھی غائب ہوجاتا ہے۔

    گذشتہ روز وزیراعلیٰ سندھ سید مراد علی شاہ کا کہنا تھا کہ سندھ کی گیس سندھ والوں کو ہی نہیں مل رہی، دیس کی کمی کے باعث کراچی کے شہری بھی چھٹی کے دن گھر کا کا کھانا کھانے سے محروم رہے۔

    دوسری جانب ایم ڈی سوئی سدرن کا کہنا ہے کہ گیس نہیں ہے سردی سے شارٹ فال دو سو ایم ایم سی ایف ڈی تک پہنچ گیا ہے، ہفتہ میں دو دن ہفتہ اور اتوار کو صنعتی زونز کو گیس کی فراہمی بند کرنا پڑے گی۔

  • سانحہ ساہیوال متاثرین کے وکیل کو ہراساں کرنے والوں پر مقدمہ درج کیا جائے گا: فیصل واوڈا

    سانحہ ساہیوال متاثرین کے وکیل کو ہراساں کرنے والوں پر مقدمہ درج کیا جائے گا: فیصل واوڈا

    کراچی: وفاقی وزیر فیصل واوڈا کا کہنا ہے کہ سانحہ ساہیوال کے متاثرین کے وکیل شہباز بخاری کو ہراساں کرنے والوں پر مقدمہ درج کیا جائے گا۔

    تفصیلات کے مطابق گذشتہ روز سانحہ ساہیوال کے متاثرہ خاندان کے وکیل شہبازبخاری کا کہنا تھا کہ سی ٹی ڈی پنجاب سے جان کو خطرہ ہے، جان سے مارنے کی دھمکیاں دی جارہی ہیں۔

    فیصل واؤڈا نے ساہیوال واقعے پر بات کرتے ہوئے کہا کہ پولیس کو غیر سیاسی کرنے میں وقت لگے گا، آئی جی پنجاب وزیراعلیٰ کے ماتحت ہیں معاملے پر وہی ایکشن لیں گے۔

    سانحہ ساہیوال : پنجاب پولیس کی غفلت نے فرانزک ڈپارٹمنٹ کو پریشانی میں مبتلا کردیا

    ان کا مزید کہنا تھا کہ وکیل کے لیے ایمانداری سے کام کرنے میں کسی قسم کا دباؤ نہیں آنے دیں گے، سانحہ پر شفاف تحقیقات ہوگی۔

    خیال رہے کہ سانحہ ساہیوال میں مقتولین کے ورثا کے وکیل سید شہباز بخاری نے گذشتہ روز پریس کانفرنس کرتے ہوئے کہا تھا کہ سی ٹی ڈی پنجاب سےجان کوخطرہ ہے مقتول خلیل کے بھائی جلیل اور مجھے جان سے مارنےکی دھمکیاں دی جارہی ہیں، ہمیں اپنی جان کی پرواہ نہیں صر ف انصاف چاہیے۔

    واضح رہے کہ 19 جنوری کو ہونے والے سی ٹی ڈی کے مبینہ مقابلے میں 13 سالہ بچی کو ماں سمیت 4 معصوم شہریوں کو انتہائی بیدردی اور سفاکانہ طریقے سے گولیوں سے چھلنی کرکے موت کے گھاٹ اتار دیا تھا۔

  • وینزویلا بحران: سعودی عرب کو تیل کی عالمی منڈی غیر مستحکم ہونے کا خدشہ

    وینزویلا بحران: سعودی عرب کو تیل کی عالمی منڈی غیر مستحکم ہونے کا خدشہ

    ریاض: وینزویلا میں سیاسی بحران کے پیش نظر سعودی عرب کو تیل کی عالمی منڈی غیر مستحکم ہونے کا اندیشہ ہے۔

    تفصیلات کے مطابق ان دنوں جنوبی امریکی ملک وینزویلا میں صدر نکولس مدورو کے خلاف احتجاج جاری ہے جس کے باعث سعودی عرب کو تیل کی تجارت سے متعلق شدید تشویش ہے۔

    غیر ملکی خبر رساں ادارے کے مطابق سعودی حکام کا کہنا ہے کہ اویپک کے رکن ملک وینزویلا میں جاری بحران کے سبب تیل کی بین الاقوامی منڈی عدم استحکام کا شکار ہو سکتی ہے۔

    سعودی حکام کا مزید کہنا تھا کہ سعودی عرب وینزویلا میں ہونے والی پیشرفت پر نظر رکھے ہوئے ہے اور اس کا تیل کی منڈی کے استحکام پر اثر پڑ سکتا ہے۔

    حکام کے مطابق ملکی معاملات کا حل ہونا معیشت کے ساتھ ساتھ تیل کی عالمی منڈی میں بھی مثبت اثرات مرتب کرے گا۔

    دوسری جانب امریکا نے وینزویلا میں تعینات امریکی سفارت کاروں اور اپوزیشن رہنما جون گائیڈو کے خلاف اقدام کرنے پر صدر نکولس ماڈورو کو خطرناک نتائج کی دھمکی دے دی۔

    اپوزیشن رہنما جون گائیڈو کے خلاف اقدامات وینزویلا کو مہنگی پڑے گی، جان بولٹن

    جان بولٹن کا کہنا تھا کہ ’صدر نکولس ماڈورو کا امریکی سفارتکاروں اور جون گائیڈو کے خلاف اقدام قانون کی حکمرانی حملہ تصور کیا جائے گا، اگر ایسا ہوا تو امریکا بھرپور جواب دے گا‘۔

    خیال رہے کہ گزشتہ دنوں فرانس، نیدرلینڈز اور جرمنی سمیت یورپی طاقتوں نے کہا تھا کہ اگر ماڈورو نے آٹھ روز میں دوبارہ انتخابات نہیں کرائے تو یورپی یونین اپوزیشن رہنما جون گائیڈو کو وینزویلا کا صدر تسلیم کرلیں گے۔

  • شامی مہاجرین کا مسئلہ: ترک حکام کا اہم فیصلہ

    شامی مہاجرین کا مسئلہ: ترک حکام کا اہم فیصلہ

    انقرہ: شامی مہاجرین کا مسئلہ حل کرنے کے لیے ترک حکام نے حکمت عملی مرتب کرنا شروع کردی۔

    تفصیلات کے مطابق ترک صدر رجب طیب اردوگان نے فیصلہ کیا ہے کہ شام کے شمالی حصے میں محفوظ علاقے قائم کے جائیں گے جہاں مہاجرین کو منتقل کیا جاسکے۔

    غیر ملکی خبر رساں ادارے کے مطابق ترک صدر رجب طیب اردوگان کا کہنا ہے کہ یہ محفوظ علاقے اس لیے بنائے جا رہے ہیں تاکہ ترکی میں موجود چار ملین مہاجرین شام واپس جا سکیں۔

    شمالی علاقے محفوظ بنانے کے لیے فورسز کی جانب سے آپریشن کیا جائے گا، ان کا کہنا تھا کہ روس اور امریکا سے شام سے متعلق گفتگو مثبت رہی۔

    اردوگان کا مزید کہنا تھا کہ آپریشن کے بعد ان علاقوں میں قانون کی رٹ بحال کرنا چاہتے ہیں تاکہ مہاجرین عسکریت پسندوں کے حملوں سے محٖفوظ رہ سکیں۔

    ترک صدر روس پہنچ گئے، شامی صورت حال پر گفتگو ہوگی

    خیال رہے کہ امریکا نے دسمبر میں شام سے اپنی افواج کے انخلاء کا اعلان کیا تھا، بعد ازاں ترکی نے اپنی سرحد کے ساتھ بیس میل کے فاصلے تک ایسے محفوظ علاقے قائم کرنے کا ارادہ ظاہر کیا تھا جس پر اب عملی اقدامات ہونے ہیں۔

    دونوں ممالک کی طرف سے شام سے امریکی افواج نکالنے کے امریکی صدر ڈونلڈ ٹرمپ کے فیصلے کا خیر مقدم کیا گیا تھا۔تاہم شام سے امریکی فوج کا انخلا عمل میں نہیں لایا گیا۔

    یاد رہے کہ گذشتہ دنوں ترک صدر رجب طیب اردوگان روسی دارالحکومت ماسکو گئے تھے، ہم منصب ولادی میرپیوٹن سے اہم ملاقات کی اور شام کی صورت حال پر تبادلہ خیال کیا تھا۔

  • کراچی کے مختلف علاقوں میں گیس بحران سنگین ہوگیا

    کراچی کے مختلف علاقوں میں گیس بحران سنگین ہوگیا

    کراچی: شہرقائد کے مختلف علاقوں میں گیس بحران سنگین ہوگیا، گھروں کے چولہے ٹھنڈے پڑگئے۔

    تفصیلات کے مطابق کراچی کے مختلف علاقوں میں گیس بحران کے باعث شہریوں کو شدید مشکلات کا سامنا ہے، گھروں میں چولہے ٹھنڈے پڑ ے ہیں۔

    گیس پریشر صفر ہونے کے باعث اولڈ سٹی ایریا سمیت دیگر علاقوں کے مکین پریشانی میں مبتلا ہیں، شہریوں نے مطالبہ کیا ہے کہ انتظامیہ فوری طور پر اس بحران کا حل نکالنے۔

    ایس ایس جی سی نے گیس میں کمی پر گزشتہ شب سی این جی اسٹیشنز بھی بند کر دئیے تھے، کورنگی، سائٹ اور سپر ہائی وے کی صنعتوں کو بھی گیس کی فراہمی نہ ہونے کے برابر ہے۔

    پریشر نہ ہونے کی وجہ سے فیکٹریوں میں کام ٹھپ ہو کر رہ گیا، فیکٹریوں میں روزانہ کی بنیاد پر اجرت حاصل کرنے والے ملازمین ہاتھ پر ہاتھ دہرے بیٹھے ہیں۔

    خیال رہے کہ گذشتہ ہفتے وفاقی وزیراطلاعات فواد چوہدری نے گیس بحران کا ذمہ دار مسلم لیگ ن کو قرار دیا تھا۔

    فواد چوہدری کی وزیرِ اعظم کے خلاف نیب کیس پر تنقید، گیس بحران کا ذمہ دار ن لیگ قرار

    گیس بحران پر وفاقی وزیر اطلاعات نے کہا تھا کہ 2013 میں گیس پر کوئی بھی قرضہ نہیں تھا، شاہد خاقان آئے تو گیس پر قرضہ چڑھ گیا، اب حال یہ ہے کہ سالانہ 57 ارب گیس چوری کا سامنا ہے، محمد زبیر شاہد خاقان عباسی سے پوچھیں کہ گیس کیوں نہیں آرہی؟

    واضح رہے کہ کراچی میں گیس بحران دو ہفتے سے زائد عرصے سے جاری ہے، جس کے بارے میں گزشتہ دنوں انکشاف ہوا تھا کہ یہ مصنوعی بحران ہے، گمبٹ گیس فیلڈ کی خرابی کی خبر غلط تھی اور سندھ کی گیس پنجاب کو فراہم کی جا رہی ہے۔

  • امریکا میں طویل ترین شٹ ڈاؤن، سرکاری ملازمین گھریلو سامان بیچنے پر مجبور

    امریکا میں طویل ترین شٹ ڈاؤن، سرکاری ملازمین گھریلو سامان بیچنے پر مجبور

    واشنگٹن: میکسیکو سرحد پر دیوار کی تعمیر کےلیے فنڈنگ سے انکارپر ڈیڈ لاک نے امریکی حکومت کے جزوی شٹ ڈاؤن کو تاریخ کا طویل ترین شٹ ڈاؤن بنادیا ہے۔

    تفصیلات کے مطابق امریکی صدر ڈونلڈ ٹرمپ اور کانگریس کے درمیان گزشتہ ایک ماہ میکسیکو کی سرحد پر دیوار کی تعمیر کے سلسلے میں فنڈنگ کے معاملے پر ڈیڈ لاک چل رہا ہے جس کے باعث امریکی خفیہ ایجنسی ایف بی آئی سمیت کئی اداروے شٹ ڈاؤن کا شکار ہوگئے ہیں۔

    غیر ملکی خبر رساں ادارے کا کہنا ہے کہ امریکی حکومت کے شٹ ڈاؤن کا مستقبل قریب میں کوئی حل نظر نہیں آتا۔

    غیر ملکی میڈیا کا کہنا ہے کہ شٹ ڈاؤن کے باعث نئے سال کے پہلے ماہ میں 8 لاکھ ملازمین تنخواہوں سے محروم ہوگئے ہیں، جس کے باعث نوبت اپنی چیزیں فروخت کرنے کی آگئی ہیں۔

    مقامی میڈیا کا کہنا ہے کہ حکومتی شٹ ڈاؤن کے نتیجے میں امریکا کے ایک اہم ہوائی اڈے کا ایک ٹرمینل مکمل طور پر بند کرنے پر غور کیا جارہا ہے۔

    امریکی صدر ڈونلڈ ٹرمپ نے کہا ہے کہ اس وقت تک بجٹ کی منظوری نہیں ہوگی جب تک میکسیکو کی سرحد پر دیوار تعمیر کرنے کے لیے فنڈنگ کی منظوری نہیں ہوتی۔

    تنخواہوں سے محروم ملازمین نے سماجی رابطوں کی ویب سایٹس پر اپنی تنخواہوں کی سلپ احتجاجاً شیئر کی۔

    ایک سوشل میڈیا صارف کیٹ ہیفنر نے سماجی رابطے کی ویب سایٹ پر تنخواہ کی سلپ شیئر کرتے ہوئے تحریر کیا ’یہ میرے بھائی کی تنخواہ کی سلپ ہے جس میں دیکھا جاسکتا ہے کہ بطور ایئر ٹریفک کنٹرولر کام کرنے والے ملازم کو صرف ایک سینٹ کی ادائیگی کی گئی ہے۔

    مقامی خبر رساں ادارے کے مطابق ہزاروں افراد نے مالی عدم استحکام کے باعث بے روزگاری کا وظیفہ حاصل کرنے کے لیے درخواستیں داخل کرنا شروع کر دی ہیں۔

    دوسری جانب میامی انٹرنیشنل ایئرپورٹ حکومتی شٹ ڈاؤن کے باعث سکیورٹی ایجنٹس کی کمی کے سبب رواں ہفتے کے اختتامِ پر ایک مکمل ٹرمینل بند کر رہا ہے۔

    غیر ملکی خبر رساں ادارے جزوی شٹ ڈاؤن سنیچر کو اپنے 22ویں دن میں پہنچ کر صدر بل کلنٹن کے دور صدارت میں سنہ 1995-96کے 21 دن کے ریکارڈ شٹ ڈاؤن سے آگے نکل گيا ہے۔

    خیال رہے کہ ایک روز قبل امریکی صدر ڈونلڈ ٹرمپ نے میکسیکو کی سرحد پر دیوار کی تعمیر کےلیے فنڈنگ سے انکار پر ایک مرتبہ پھر ایمرجنسی نافذ کرنے کی دھمکی دی تھی تاہم اگلے ہی روز وہ اپنے بیان سے دستبردار ہوگئے تھے۔

    واضح رہے کہ امریکی صدارتی انتخابات کی مہم کے دوران ڈونلڈ ٹرمپ کی جانب سے میکسیکو کی سرحد پر دیوار تعمیر کرنا اہم وعدوں میں شامل تھا۔

  • افریقہ میں فوجی بغاوت ناکام، صورتحال قابو میں ہے، حکومت

    افریقہ میں فوجی بغاوت ناکام، صورتحال قابو میں ہے، حکومت

    لیبرویل : افریقی ملک گبون فوجی بغاوت کی ناکامی کے بعد ملک کی سیاسی صورتحال دوبارہ بحال ہونا شروع ہوگئی۔

    تفصیلات کے مطاقب افریقی ملک گبون میں کچھ فوجی افسران نے ریڈیو اور ٹیلویژن سمیت کئی سرکاری عمارتوں پر قبضہ کرلیا تھا، باغیوں نے دعویٰ کیا تھا کہ حکومت ختم ہوگئی ہے اور اب تیل کی دولت سے مالامال ملک میں جمہوریت کو دوبارہ بحال کیا جائے گا، جہاں بیمار لیڈر کا خاندان گذشتہ 50 برسوں سے حکومت کررہا ہے۔

    غیر ملکی خبر رساں ادارے کا کہنا تھا کہ گبون کے دارالحکومت لیبرویل میں ٹینک اور مسلح گاڑیاں ( بکتر بند ) گاڑیاں دیکھی جارہے ہیں۔

    گبون حکومت کے ترجمان میپنگو کا کہنا ہے کہ حکام نے چار باغیوں کو گرفتار کرلیا ہے جبکہ پانچواں شخص فرار ہوگیا۔

    حکومتی ترجمان کا کہنا ہے کہ صورتحال معمول پر آگئی ہے، سرکاری ٹی وی اور ریڈیو کی عمارت پر پیادہ فوجیوں نے قبضہ کرلیا تھا لیکن اب صورتحال بہتر ہے۔

    ترجمان کا کہنا ہے کہ ناکام فوجی بغاوت کرنے والے جو افسران فرار ہوئے ہیں کچھ ہی گھنٹوں میں انہیں بھی گرفتار کرلیا جائے گا ملک کے ’علی بونگو‘ ایک مرتبہ پھر ملکی قیادت سنبھالنے میں کامیاب ہوگئے ہیں۔

    غیر ملکی میڈیا کا کہنا ہے کہ پانچ فوجیوں نے سرکاری ریڈیو اسٹیشن پر قبضہ کرکے ’قومی بحالی کونسل‘ کا اعلان کیا تھا۔

    سوشل میڈیا پر وائرل ہونے والی ایک ویڈیو میں دکھا سکتا ہے کہ تین جوان فوجی مسلح ریڈیو اسٹیشن میں موجود ہیں اور اعلان کررہے ہیں۔

    برطانوی خبر رساں ادارے کا کہنا ہے کہ گبون میں فوجی بغاوت نے سب کو حیرت زدہ کردیا، کیوں گبون کی مسلح افواج بونگوں خاندان کی وفادار سمجھی جاتی ہے۔

    عینی شاہدین نے میڈیا کو بتایا کہ دارالحکومت کے بیشتر حصّے میں دوبارہ امن بحال ہوگیا ہے۔

    خیال رہے کہ دیگر افریقی ممالک کے مقابلے میں گبون بہت کم سیاسی افراتفری کا شکار ہوا ہے اور سنہ 1960 سے اب تک صرف تین افراد صدر بنے ہیں۔

    سابق عمر بونگوں نے چار دہائیوں تک گبون کی سیاست پر غلبہ قائم رکھا ہے، گبون تیل پیدا کرنے والا ملک ہے لیکن ملک کی اکثریت غریبی میں زندگی گزر رہی ہے۔

    گبون کی کل آبادی 18 لاکھ اور زندگی کی شرح 62 سال ہےجبکہ نوجوانوں کی بے روزگاری کی ششرح 35 فیصد ہے اور ملک کا قومی نشان سیاہ پی’نتھر‘ ہے۔

  • روس: عمارت میں دھماکا، 9 افراد ہلاک، درجنوں لاپتہ

    روس: عمارت میں دھماکا، 9 افراد ہلاک، درجنوں لاپتہ

    ماسکو: روس میں عمارت دھماکے سے منہدم ہوگئی جس کے نتیجے میں 9 افراد ہلاک اور چھتیس سے زائد لاپتہ ہوگئے۔

    تفصیلات کے مطابق روسی شہر ’مگینی ٹوگورس‘ میں عمارت دھماکے سے منہدم ہونے سے نو افراد ہلاک اور درجنوں لاپتہ ہو گئے۔

    غیر ملکی خبر رساں ادارے کے مطابق روس کے صنعتی علاقے میں واقع اپارٹمنٹ میں گیس لیک ہونے سے دھماکا ہوا جس سے دس منزلہ اپارٹمنٹ کے اڑتالیس فلیٹس تباہ ہوگئے۔

    واقع کی اطلاع ملتے ہی ریسکیو عملہ پہنچ گیا اور بروقت آپریشن کرکے 9 افراد کی لاشیں نکال لیں جبکہ لاپتہ ہونے والوں کی تلاش تاحال جاری ہے۔

    دھماکے کے بعد ملبے تلے 11 ماہ کے بچے کو خوش قسمتی سے زندہ نکال لیا گیا، تاہم جسم کے مختلف حصوں میں شدید زخم کے باعث بچے کی حالت تشویش ناک ہے۔

    حکام کا کہنا ہے کہ ’ایوان‘ نامی بچے کے سر پر گہرے زخم آئے ہیں جبکہ ٹانگوں کی مختلف ہڈیاں ٹوٹ چکی ہیں، خوش قسمتی سے اس واقعے میں بچے کی ماں بھی محفوظ رہی۔

    حکام نے واقعے میں ہلاک ہونے والوں سے تعزیت کرتے ہوئے زخمیوں کو فوری طور پر ہر ممکن سہولیات یقینی بنانے کی ہدایت کی ہے۔

    دوسری جانب ریسکیو ذرائع کا کہنا تھا کہ حادثے کے بعد آپریشن میں شدید مشکلات کا سامنا کرنا پڑا، جبکہ لاپتہ افراد کی تلاش تاحال جاری ہے۔

    غیر ملکی خبر رساں ادارے کے مطابق اسی شہر میں دوسرا واقعہ بھی دھماکے کا پیش آیا، جہاں ایک مسافر بس میں گیس لیکیج کے باعث دھماکے کے نتیجے میں تین افراد ہلاک ہوگئے۔

  • خیبرپختونخواہ میں سیاحت کو فروغ دینے کے لیے تاریخی مقامات کی بحالی کا فیصلہ

    خیبرپختونخواہ میں سیاحت کو فروغ دینے کے لیے تاریخی مقامات کی بحالی کا فیصلہ

    پشاور: خیبر پختونخواہ حکومت نے قبائلی اضلاع میں سیاحت کو فروغ دینے کے لیے تاریخی مقامات کو ازسر نوبحال کرنے کا فیصلہ کرلیا۔

    تفصیلات کے مطابق کے پی کے حکومت نے فیصلہ کیا ہے کہ قبائلی اضلاع میں موجود تاریخی مقامات کو ازسر نوبحال کیا جائے گا تاکہ سیاحت کو زیادہ سے زیادہ فروغ دیا جاسکے۔

    خیبرپختونخواہ کے سینئر وزیر عاطف خان نے قبائلی ضلع خیبر کا دورہ کیا اور وہاں پر سیاحت، کھیل، ثقافت، امور نوجوانان اور آثار قدیمہ کو وسعت دینے کے امکانات کا جائزہ لیا۔ سینئر وزیر نے جمرود میں واقع دوہزارسال پرانے بدھ مت کے شپولہ سٹوپہ کا دورہ بھی کیا۔

    کے پی کے میں بدھا کے مجسمے کی دریافت سے سیاحت کو فروغ حاصل ہوگا، عمران خان

    اس موقع پر ان کا کہنا تھا کہ قبائلی اضلاع میں سیاحت کو فروغ دینے سے مقامی سطح پر لوگوں کو روزگار کے مواقع میسر آئیں گے۔

    خیال رہے کہ نومبر 2017 میں خیبر پختونخواہ میں بدھ مت  کے بانی ’بدھا‘ کا 1700 سال پرانا مجسمہ دریافت ہوا تھا۔

    اُس موقع پر عمران خان کا کہنا تھا کہ بدھا کے طویل القامت مجسمے کے علاوہ بدھا اوربدھ مت سے جڑی دیگر 500 اشیاء بھی دریافت ہوئی ہیں جو کہ بہت اہم دریافت ہیں۔ ان کا یہ بھی کہنا تھا کہ ان اشیا کوجلد سیاحوں کے لیے پیش کیا جائے گا جس سے خیبرپختونخواہ میں سیاحت کو فروغ حاصل ہوگا اور دوسرے ممالک سے بھی لوگ یہاں آئیں گے۔