Tag: governor house

  • گورنر ہاؤس میں 100 اونٹوں کی قربانی کا سلسلہ شروع

    گورنر ہاؤس میں 100 اونٹوں کی قربانی کا سلسلہ شروع

    کراچی: گورنر ہاؤس سندھ میں 100 اونٹوں کی قربانی کا سلسلہ شروع ہو گیا ہے۔

    تفصیلات کے مطابق کراچی میں گورنر ہاؤس میں سو اونٹوں کی قربانی کا سلسلہ شروع ہو گیا، گورنر سندھ کامران خان ٹیسوری نے اپنے سامنے اونٹ نحر کرائے۔

    متحدہ قومی موومنٹ کے کنوینیر ڈاکٹر خالد مقبول صدیقی، متحدہ عرب امارات کے قونصل جنرل بخیط عتیق الرومیتھی بھی اس موقع پر موجود تھے، آج عید کے پہلے دن 50 اونٹ نحر کیے جائیں گے۔

    کامران ٹیسوری نے عوام کو عید کی مبارک باد دیتے ہوئے کہا کہ قربانی کا گوشت سفید پوش اور مستحق افراد میں تقسیم کیا جائے گا، ہم گوشت غربا میں تقسیم کر رہے ہیں۔

    ان کا کہنا تھا کہ سفید پوش اور مستحق افراد میں راشن اور گوشت کی تقسیم کا علم آج 3 بجے سے شروع کیا جائے گا، انھوں نے مزید کہا کہ ’’میں عید الاضحیٰ کی خوشیوں میں مستحق افراد کو شامل کرنا چاہتا ہوں۔‘‘

  • خاتون نے فریاد لے کر گورنر ہاؤس کے باہر لگی گھنٹی بجا دی

    خاتون نے فریاد لے کر گورنر ہاؤس کے باہر لگی گھنٹی بجا دی

    کراچی: گورنر ہاؤس کے باہر لگی گھنٹی شہریوں کی امید بن گئی ہے، کراچی کے علاقے بفرزون کی رہائشی فریاد لے کر گورنر ہاؤس پہنچ گئی۔

    تفصیلات کے مطابق کراچی میں گورنر ہاؤس کے باہر لگی گھنٹی کا مقصد پورا ہونے لگا ہے، ایک خاتون نے فریاد لے کر گورنر ہاؤس کے باہر لگی گھنٹی بجا دی۔

    خاتون نے گورنر سندھ سے شکایت کی کہ انھیں پولیس کی مدد سے گھر سے زبردستی بے دخل کر دیا گیا ہے، شکایت پر گورنرسندھ نے متعلقہ حکام سے رابطہ کیا، بعد ازاں تیموریہ تھانے میں مقدمہ درج کروا دیا۔

    گورنر سندھ کامران ٹیسوری نے خاتون کو گھر سے بے دخل کرنے والوں کے خلاف کارروائی کی ہدایت کی، جس پر فوری طور پر عمل کیا گیا اور متاثرہ خاتون کو دوبارہ گھر میں رہائش کروائی گئی۔

    گورنر سندھ کا کہنا تھا کہ دو دن کے دوران 40 سے زائد شکایات آ چکی ہیں، تقریباً 17 سے زائد شکایات کا ازالہ کر دیا گیا ہے، انھوں نے کہا کہ جب تک کرسی پر ہوں میں اور گورنر ہاؤس عوام کے لیے حاضر رہے گا۔

  • پاور بریک ڈاؤن نے کے الیکٹرک کی قلعی کھول دی، حکام گورنر ہاؤس طلب

    پاور بریک ڈاؤن نے کے الیکٹرک کی قلعی کھول دی، حکام گورنر ہاؤس طلب

    کراچی: پاور بریک ڈاؤن نے کے الیکٹرک کی قلعی کھول دی ہے، حکام کو گورنر ہاؤس طلب کر لیا گیا۔

    تفصیلات کے مطابق رات 10 بجے کی ڈیڈ لائن کے باوجود کراچی کا بیش تر حصہ بجلی سے محروم رہا، جس پر گورنر سندھ کامران ٹیسوری نے نوٹس لیتے ہوئے آج کے الیکٹرک حکام کو گورنر ہاؤس طلب کر لیا ہے۔

    انھوں نے کہا وفاق کی جانب سے ملنے والی بجلی منقطع ہونے کے بعد پورا کراچی کیسے بجلی سے محروم ہو گیا، کے الیکٹرک کا بجلی کا اپنا سسٹم ہے جو موجود ہے، اس کو استعمال کیوں نہیں کیا گیا؟

    بجلی بریک ڈاؤن سے متاثر تمام گرڈ اسٹیشنز بحال کر دیے گئے، پاور ڈویژن

    گورنر سندھ کامران ٹیسوری نے کے الیکٹرک انتظامیہ سے جواب طلب کیا ہے کہ کے الیکٹرک اپنے سسٹم سے کتنے فی صد شہر کے حصے کو بجلی فراہم کر رہی ہے؟

    ان کا کہنا تھا کہ بجلی کے بریک ڈاؤن نے شہر میں پانی کی قلت بھی پیدا کر دی، اور اس پاور بریک ڈاؤن نے سفید ہاتھی نما کے الیکٹرک کی قلعی کھول دی ہے۔

  • ڈاکٹر فردوس عاشق اعوان کیا کرنے جارہی ہیں؟

    ڈاکٹر فردوس عاشق اعوان کیا کرنے جارہی ہیں؟

    لاہور: وزیراعلیٰ پنجاب کے معاون خصوصی کے عہدے سے مستعفی ہونے والی ڈاکٹر فردوش عاشق اعوان نے اپنے سیاسی مستقبل سے متعلق بڑا فیصلہ کیا ہے۔

    ذرائع کے مطابق ڈاکٹرفردوس عاشق اعوان نے گورنرہاؤس لاہور سےاپنا تمام سامان اٹھا لیا ہے، معاون خصوصی برائے وزیراعلیٰ پنجاب کا عہدہ سنبھالنے کے بعد سے فردوس عاشق گورنر ہاؤس میں رہائش پذیر رہیں۔

    تاہم ذرائع کا کہنا ہے کہ اب فردوس عاشق اعوان نے گورنرہاؤس میں سرکاری رہائشگاہ کو خالی کردیا ہے، فردوس عاشق اعوان اب زیادہ وقت اپنےحلقےسیالکوٹ میں گزاریں گی۔

    دوسری جانب فردوس عاشق اعوان کی معاون خصوصی کے عہدے سے استعفیٰ دینے کی اندرونی کہانی سامنے ‏آگئی ہے، نمائندہ اے آر وائی نیوز نے اپنے ذرائع کے حوالے سے بتایا کہ فردوس عاشق اور وزیراعلی آفس ‏میں تعلقات بیس جولائی سےسردمہری کاشکار تھے۔

    فردوس عاشق نےسیالکوٹ الیکشن سےقبل حکومت کویقین دلانےکے لیےاستعفےکی پیشکش کی ‏تھی جب کہ سیالکوٹ کی تنظیم نے پارٹی عہدیداروں کو فردوس عاشق کی عدم دلچسپی سے آگاہ ‏کیا تھا۔

    یہ بھی پڑھیں: پنجاب اسمبلی میں داخلے سے کس کی ایما پر روکا گیا؟ فردوس عاشق اعوان نے بڑا دعویٰ کردیا

    ضمنی الیکشن جیتنےکے تین دن بعد ایوان وزیراعلیٰ نے فردوس عاشق کو استعفےکی ہدایت کی تھی ‏اور چھ اگست استفعیٰ لینے کا آخری دن مقرر کیا گیا۔

    فردوس عاشق نےاستعفےسے پہلے وزیراعظم ہاؤس سےاسائنمنٹ لینے کی کوشش کی اور چھ اگست ‏کو استعفےسے قبل تینگھنٹے تک وزیراعلی کا انتظار کرتی رہیں، وزیراعلیٰ سے مختصر ملاقات کے ‏بعد فردوس عاشق نے استعفیٰ دے دیا۔

    فردوس عاشق نےاستعفے کے بعد وزیراعظم سے ملنے کی بھی کوشش کی تاہم وزیراعظم سے ‏ملاقات میں خاطر خواہ نتائج حاصل نہ کرسکیں۔

  • وزیر اعظم کی کراچی آمد سے قبل گورنر ہاؤس میں اہم بیٹھک

    وزیر اعظم کی کراچی آمد سے قبل گورنر ہاؤس میں اہم بیٹھک

    کراچی: وزیر اعظم عمران خان کی کراچی آمد سے پہلے گورنر ہاؤس میں اہم بیٹھک ہوئی، اجلاس میں کراچی میں تعمیراتی کام تیزی سے مکمل کرنے پر غور کیا گیا۔

    تفصیلات کے مطابق ذرائع کا کہنا ہے کہ وزیر اعظم عمران خان کی کراچی آمد سے پہلے گورنر ہاؤس میں سندھ انفراسٹرکچر ڈویلپمنٹ کمپنی کا اجلاس ہوا جس میں تحریک انصاف ارکان اور حکام شریک ہوئے۔

    حکام کا کہنا تھا کہ کراچی وسطی میں 3 فلائی اوورز کی تکمیل میں مزید تاخیر ہو سکتی ہے۔

    مذکورہ 3 فلائی اوورز فائیو اسٹار، کے ڈی اے اور سخی حسن چورنگی پر وفاقی فنڈز سے زیر تعمیر ہیں۔ فلائی اوورز منصوبوں کو ستمبر 2019 میں مکمل ہونا تھا۔ گورنرسندھ نے فروری کے شروع میں فلائی اوورز مکمل ہونے کا عندیہ دیا تھا۔

    ذرائع کے مطابق فلائی اوورز کی تعمیر کا منصوبہ مارچ 2020 تک مکمل ہوگا، 3 فلائی اوورز کا 30 فیصد تعمیراتی کام باقی ہے۔ فلائی اوورز کے ساتھ منسلک خستہ حال روڈز کی تعمیر بھی نہیں ہوسکی۔

    ذرائع کے مطابق اجلاس میں تحریک انصاف ارکان اسمبلی نے سڑکوں کی تعمیر سے پہلے فلائی اوورز کھولنے کی تجویز دی۔ ارکان کا کہنا تھا کہ 25 فروری سے پہلے منصوبے ہر صورت مکمل کیے جائیں۔

    ارکان اسمبلی نے کہا کہ بقیہ تعمیراتی کام میں بھی تیزی لائی جائے۔

    خیال رہے کہ وزیر اعظم پاکستان عمران خان ایک روزہ دورے پر کراچی پہنچ رہے ہیں۔ دورے کے دوران وزیر اعظم کو سندھ کے امن و امان پر بریفنگ دی جائے گی جبکہ جی ڈی اے کے وفد کی وزیر اعظم سے ملاقات بھی شیڈول ہے۔

    وزیر اعظم گورنر ہاؤس میں کامیاب نوجوان پروگرام کا افتتاح بھی کریں گے جبکہ شوکت خانم میموریل کینسر اسپتال کی فنڈ ریزنگ تقریب میں بھی شریک ہوں گے۔

  • وزیراعظم عمران خان کی کراچی آمد، بغیرپروٹوکول گورنر ہاؤس پہنچے

    وزیراعظم عمران خان کی کراچی آمد، بغیرپروٹوکول گورنر ہاؤس پہنچے

    کراچی : وزیراعظم عمران خان کراچی پہنچ گئے، ائیرپورٹ سے بغیر پروٹوکول گورنر ہاؤس روانہ ہوئے۔

    تفصیلات کے مطابق بلوچستان میں نیو گوادر انٹرنیشنل ایئرپورٹ کا سنگ بنیاد رکھنے کی تقریب کے بعد وزیراعظم عمران خان سندھ کے دورے پر کراچی پہنچ گئے، قائد اعظم انٹرنیشنل ایئر پورٹ پر ان کا استقبال پی ٹی آئی سندھ کے اعلیٰ عہدیداران نے ان کا پرتپاک استقبال کیا۔

    وزیراعظم عمران خان ائیرپورٹ سے بغیر پروٹوکول گورنر ہاؤس پہنچے، ذرائع کے مطابق گورنر سندھ عمران اسماعیل وزیر اعظم عمران خان کےاعزازمیں عشائیہ دیں گے۔

    وزیر اعظم گورنر ہاوس میں صنعت کاروں، کاروباری شخصیات اور پی ٹی آئی ارکان اسمبلی سمیت دیگر وفود سے ملاقات کریں گے، وزیر اعظم کو گورنر ہاوس میں شہر قائد کے ترقیاتی کاموں تجاوزات کے خلاف جاری آپریشن اور دیگر امور پر بریفنگ دی جائے گی، وزیر اعظم عمران خان کی متحدہ قومی موومنٹ پاکستان کے وفد سے بھی ملاقات متوقع ہے۔

    وزیراعظم30مارچ کو گھوٹکی کے لئے روانہ ہوں گے، وزیر اعظم کی زیر صدارت سندھ کی اپوزیشن جماعتوں کا مشترکہ اجلاس 30مارچ کو گھوٹکی میں ہوگا۔

    گھوٹکی میں سردار علی گوہر مہر وزیراعظم کے اعزاز میں استقبالیہ دیں گے، اس موقع پر وزیراعظم سندھ کی اہم شخصیات سے صوبے کی سیاسی صورتحال پر مشاورت کریں گے۔

  • گورنر ہاؤس میں پاکستان کے نامور کھلاڑیوں میں تقریب تقسیم ایوارڈ کا انعقاد

    گورنر ہاؤس میں پاکستان کے نامور کھلاڑیوں میں تقریب تقسیم ایوارڈ کا انعقاد

    کراچی : مختلف کھیلوں میں پاکستان کا نام روشن کرنے والے کھلاڑیوں کو اعزازات سے نوازا گیا، گورنر ہاؤس میں تقسیم ایوارڈکی   منعقدہ تقریب میں وسیم اکرم، سرفراز احمد اور شعیب ملک نے ایوارڈ تقسیم کیے۔

    تفصیلات کے مطابق گورنر ہاؤس کراچی میں پاکستان اسپورٹس ایوارڈ کی پروقار تقریب کا انعقاد کیا گیا، صدر مملکت ڈاکٹر عارف علوی، غیرملکی مندوبین اور مختلف ملکوں کے سفیروں سمیت اہم شخصیات نے شرکت کی۔

    آئی کون ایوارڈ کیٹیگری ٹینس میں اعصام الحق کو اعزاز سے نوازا گیا، یہ ایوارڈ وسیم اکرم اور ان کی اہلیہ شنیرا وسیم نے دیا، اس موقع پر کراچی کنگز کے صدر وسیم اکرم کا کہنا تھا کہ پہلی بار بھرپور حوصلہ افزائی کے ایوارڈ دئیے جارہے ہیں، یہ سلسلہ جاری رہنا چاہیے۔

    باکسنگ کیٹیگری میں حسین شاہ، اسنوکر کیٹیگری میں محمد یوسف اور ایتھلیٹ کیٹگری میں نسیم حمید ایوارڈ کی حقدار ٹھہریں، اسپیشل ایبلٹی اسپورٹس پرسن کیٹیگری کا ایوارڈ بلائنڈ کرکٹ ٹیم کے اسٹار عامر اشفاق، اسپورٹس جرنلسٹ کیٹیگری کا ایوارڈ رشید شکور، بیسٹ کمنٹیٹر کا ایوارڈ رمیز راجا اور بیسٹ اسپورٹس اینکر کا ایوارڈ زینب عباس کو دیا گیا۔

    قومی کرکٹ ٹیم کے کپتان سرفرازاحمد نے اسپورٹس آف دی ویمن ایوارڈ نرگس ہزارہ کو دیا، سرفرازاحمد کا کہنا تھا کہ فائنل کی بھرپور تیاری ہے۔

    لائف ٹائم اچیومنٹ ایوارڈ جہانگیر خان کو دیا گیا، کرکٹ اسٹار شعیب ملک کا کہنا تھا ملک کا نام روشن کرنے والوں کی خدمات کا اعتراف خوش آئند ہے، ایوارڈز کے ایکسکلوسیو میڈیا پارٹنر اے آر وائی نیوز اور اے آر وائی ڈیجیٹل ہیں۔

  • لاہور ہائی کورٹ کے نئے چیف جسٹس نے اپنے عہدے کا حلف اٹھا لیا

    لاہور ہائی کورٹ کے نئے چیف جسٹس نے اپنے عہدے کا حلف اٹھا لیا

    لاہور: چیف جسٹس لاہور ہائی کورٹ محمد انوار الحق کے ریٹائر ہونے کے بعد نئے چیف جسٹس سردار محمد شمیم خان نے اپنے عہدے کا حلف اٹھا لیا۔

    تفصیلات کے مطابق حلف برداری کی تقریب آج صبح گورنر ہاوس میں ہوئی، گورنر پنجاب چوہدری محمدسرور نے نئے چیف جسٹس سردار محمد شمیم خان سے عہدے کا حلف لیا۔

    تقریب میں صوبائی حکومتی عہدیداران، جسٹس مامون رشید شیخ، جسٹس محمد فرخ عرفان خان سمیت دیگر ججز، لاء افسر اور وکلاء رہنماء شریک ہوئے۔

    خیال رہے کہ ریٹائر ہونے والے چیف جسٹس محمد انواز الحق کے اعزاز میں گذشتہ روز ایک تقریب منعقد کی گئی جہاں ان کی پیشہ ورانہ خدمات کو خوب سراہا گیا۔

    لاہورہائی کورٹ کے نئے چیف جسٹس انوارالحق نے حلف اٹھا لیا

    تقریب میں صدر سپریم کورٹ بار امان اللہ کنرانی، وائس چئیرمین پاکستان بار، وائس چئیرمین پنجاب بار، صدر لاہور ہائیکورٹ بار اور علاقائی بنچز کے صدور کے علاوہ دیگر وکلاء رہنماء شریک ہوئے۔

    خیال رہے کہ گذشتہ سال اکتوبر کو جسٹس محمد انوارالحق نے لاہور ہائی کورٹ کے 47ویں چیف جسٹس کے عہدے کا حلف اٹھایا تھا۔

    قبل ازیں سابق چیف جسٹس لاہور ہائی کورٹ محمد یاور علی مدت ملازمت مکمل ہونے پر ریٹائر ہوئے تھے۔

  • وزیراعظم کا گورنر ہاؤس کی دیورایں گرانے کا حکم

    وزیراعظم کا گورنر ہاؤس کی دیورایں گرانے کا حکم

    لاہور: وزیراعظم پاکستان عمران خان نے گورنر ہاؤس پنجاب کی دیورایں گرانے کا حکم دے دیا.

    تفصیلات کے مطابق وزیراعطم نے انتخابی مہم کے دوران کیا جانے والا وعدہ پورا کرتے ہوئے گورنرہاؤس کی دیورایں گرانے کا حکم جاری کر دیا.

    وزیر اطلاعات پنجاب فیاض الحسن چوہان نے کہا ہے کہ آئندہ 72 گھنٹے میں گورنر ہاؤس کی دیواریں گرادی جائیں گی.

    فیاض الحسن چوہان نے مزید کہا کہ وزیراعظم نے مہنگائی کنٹرول کرنے کے لیے کہا ہے، تمام صوبائی وزرا کو اپنی کارکردگی رپورٹ جمع کرانے کی ہدایت کی گئی ہے۔

    انھوں نے کہا کہ انتخابی مہم میں عوام سےجو وعدہ کیاتھا، وہ ہر صورت پورا کریں گے، گورنرہاؤس کو میوزیم یا کوئی تعلیمی ادارہ بنانے کا ارادہ ہے.

    وزیر اطلاعات پنجاب نے کہا کہ وزیراعظم پنجاب حکومت کی کارکردگی سے مطمئن ہیں.


    گورنر ہاؤس پنجاب اتوار کے روز صرف فیمیلز کے لیے کھولا جائے گا، ہدایات جاری

    واضح رہے کہ عمران خان نے انتخابی مہم میں‌ گورنر ہاؤسز سمیت حکومتی عمارتوں سے متعلق کئی وعدے کیے تھے۔ وزیر اعظم کا حلف اٹھانے کے بعد عمران خان کے احکامات پر گورنر ہاؤس پنجاب کو عوام کے لیے کھول دیا گیا.

    عوام کی جانب سے اِس فیصلے کو خوش آیند قرار دیا گیا، البتہ گورنر ہاؤس کا رخ کرنے والے شہریوں کی غیر ذمے داری کے باعث صفائی ستھرائی کے سنگین مسائل سامنے آئے.

  • سندھ کابینہ میں توسیع ، رحمان ملک کا بیٹا معاون خصوصی مقرر

    سندھ کابینہ میں توسیع ، رحمان ملک کا بیٹا معاون خصوصی مقرر

    کراچی : سندھ کابینہ میں توسیع پیپلزپارٹی کے سنیئر رہنماء و سینیٹر رحمان ملک کے صاحبزادے عمر رحمان کو معاونِ خصوصی مقرر کردیاگیا۔

    تفصیلا ت کے مطابق سندھ کابینہ میں توسیع کے حوالے سے گزشتہ روز وزیر اعلیٰ سندھ مراد علی شاہ اور چیئرمین پیپلزپارٹی بلاول ہاؤس کے سندھ کابینہ میں توسیع کے حوالے سے تبادلہ خیال کیا گیا، بلاول بھٹو زرداری نے سندھ کابینہ میں توسیع کے لیے 8 وزراء اور 11 معاونین کے ناموں پر منظوری دے دی۔

    چیئرمین کی منظوری کے بعد کابینہ میں شامل ہونے والے وزراء کی تقریب حلف برداری آج شام 4 بجے گورنر ہاؤس میں منعقد کی جارہی ہے، جہاں گورنر سندھ وزراء سے حلف لیں گے، کابینہ میں توسیع بعد وزراء اور مشیروں کی تعداد 24 تک جا پہنچے گی۔

    پڑھیں :   نئے وزیراعلیٰ سندھ کا نیا دور صرف تین دن میں ہی پرانا، وزراء غائب

    سندھ حکومت کے ذرائع نےمعاونین کے ناموں کی تصدیق کرتے ہوئے کہا ہے کہ کابینہ میں شامل ہونے والے نئے معاونین میں شاہد تھھیم، عابد بھیو، ذوالفقار بیہن، قاسم نوید، تیمور تالپر، ریحانہ لغاری بابر آفندی جبکہ دیگر معاونین میں امداد پتافی،فیاض بٹ،طارق مسعود آرائیں اور ممتاز جکھرانی شامل ہیں۔

    مزید پڑھیں :  بیورو کریسی وزیراعلیٰ سندھ کو بیوقوف بنا رہی ہے، خواجہ اظہار الحسن

    تمام وزراء اور اراکین وزیر اعلیٰ ہاوس پہنچنا شروع ہوگئے جہاں وہ سندھ کابینہ کی تقریبِ حلف برداری میں شرکت کے لیے وزیر اعلیٰ سندھ مراد علی شاہ کی قیادت میں گورنر ہاوس پہنچیں گے۔

    سندھ حکومت کی جانب سے وزراء اور معاونین کا نوٹیفیکشن حلف برداری کی تقریب کے بعد جاری کیا جائے گا۔