Tag: Governor Punjab

وزیراعظم اورصدر سمیت سیاسی رہنماؤں کا ائیرچیف مارشل اصغرخان کےانتقال پر اظہارتعزیت

اسلام آباد : صدرممنون حسین اور وزیراعظم نے ائیرچیف مارشل اصغرخان کے انتقال پر اظہار تعزیت کرتے ہوئے کہا کہ قومی دفاع اورفضائیہ کیلئےاصغرخان کی خدمات کویاد رکھا جائیگا۔

تفصیلات کے مطابق صدرممنون حسین سمیت سیاسی رہنماؤں وزیراعلیٰ پنجاب شہباز شریف، طاہرالقادری نے ائیرچیف مارشل اصغرخان کے انتقال پر تعزیت کا اظہار کیا۔

صدرممنون حسین نے ائیرچیف مارشل اصغرخان کے انتقال پر اظہار تعزیت کرتے ہوئے کہا اصغرخان ایمانداراور بہادر شخصیت تھے، قومی دفاع اورفضائیہ کیلئےاصغرخان کی خدمات کو یاد رکھا جائیگا۔

صدرممنون حسین نے اصغرخان کے درجات کی بلندی کے لئے دعا بھی کی۔

وزیراعظم شاہد خاقان عباسی نے اصغرخان کے انتقال پر اظہارافسوس کرتے ہوئے اصغرخان کو فضائیہ کے لئے خدمات کو خراج عقیدت پیش کیا۔

وزیراعلیٰ پنجاب شہباز شریف نے ایئرمارشل (ر) اصغر خان کے انتقال پر اظہارافسوس کرتے ہوئے کہا کہ اصغر خان کی پاک فضائیہ کے لئے خدمات ناقابل فراموش ہیں، اصغر خان محب وطن اور سچے پاکستانی تھے۔

گورنرپنجاب رفیق رجوانہ نے بھی ائیرمارشل(ر)اصغرخان کی وفات پر افسوس کا اظہار کرتے ہوئے مرحوم کےدرجات کی بلندی اورلواحقین کیلئے صبرجمیل کی دعا کی اور کہا کہ اصغر خان فرض شناس آفیسراورمحب وطن سیاستدان تھے، اصغرخان کی خدمات مدتوں یاد رکھی جائیں گی۔

پاکستان عوامی تحریک کے سربراہ طاہرالقادری نے ایئرمارشل(ر)اصغرخان کے انتقال پر اظہار افسوس کرتے ہوئے کہا کہ اصغر خان محب وطن پاکستانی،ایک سیاسی عہدکی تاریخ تھے۔

پاک سرزمین پارٹی کے سربراہ مصطفی کمال نے ایئرمارشل (ر) اصغر خان کے انتقال پر افسوس کا اظہار کرتے ہوئے کہا کہ اصغر خان کی ملک کےلیے خدمات ہمیشہ یاد رکھی جائیں گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جنوری 5, 2018
گورنر پنجاب نے علامہ اقبال ؒ کے شعرکا حلیہ ہی بگاڑدیا

فیصل آباد : گورنر پنجاب رفیق رجوانہ نے بھی شعر کی ٹانگ توڑ دی۔ ایک تقریب میں وہ علامہ اقبالؒ کا مشہورشعر ہی بھول گئے، شہبازشریف اور قائم علی شاہ بھی اس فن میں ماہرہیں، اس سے قبل وزیراعلیٰ پنجاب اور وزیراعلیٰ سندھ بھی شاعری کے ساتھ دو دو ہاتھ کر چکے ہیں۔

تفصیلات کے مطابق فیصل آباد گورنمنٹ کالج یونیورسٹی کے کنووکیشن کی تقریب میں گورنر پنجاب رفیق رجوانہ کو شعر کہنے کی سوجھی لیکن وہ اس میں کامیاب نہ ہو سکے۔

گورنر پنجاب اپنی تقریر کے دوران علامہ اقبالؒ کا بہت مشہور شعر ہی بھول گئے کہ اصل شعر تھا کیا؟ کبھی زمین تو کبھی مٹی کو ذرخیز کہتے رہے۔

یاد رہے کہ چند ماہ قبل اسی شعر کے ساتھ یہی سلوک وزیراعلیٰ پنجاب میاں شہباز شریف نے بھی ماڈل ٹاؤن میں ایک تقریب سے خطاب کے دوران کیا تھا۔

اس کے علاوہ سابق وزیراعلیٰ سندھ سید قائم علی شاہ بھی شعر کے معاملے پر خاصے بھلکڑ واقع ہوئے ہیں، سیاستدانوں کی شعر و شاعری سے یہ چھیڑخانی اکثر سننے والوں کے چہروں پر مسکراہٹیں بھی بکھیردیتی ہے۔

دسمبر 20, 2016
پنجاب کے نجی اسکول من مانی فیسیں نہیں بڑھاسکیں گے

لاہور: صوبہ پنجاب میں نجی اسکول اب سالانہ 8 فیصد سے زائد فیس نہیں بڑھا سکیں گے،پنجاب حکومت نے آرڈی ننس کی سمری تیار کرکے گورنر ہاؤس ارسال کردی۔

Punjab bans desired increase in school fees by arynews

اطلاعات کے مطابق صوبے بھر میں نجی اسکولوں کی جانب سے من مانی فیسیں وصول کرنے اور ہر سال 15 تا 20 فیصد فیسیں بڑھانے کے جبری اقدامات جاری ہیں جس کے سبب بھاری فیسیں ادا کرنے والے والدین شدید پریشانی کا شکار ہیں۔

پنجاب اسمبلی نے اس ضمن میں آرڈی ننس منظور کرکے سمری دستخط کے لیے گورنر پنجاب کو ارسال کردی ہے، منظوری کی صورت میں چار ہزار روپے سے زائد فیس وصول کرنے والے اسکول اب فیس میں سالانہ 8 فیصد سے زیادہ اضافہ نہیں کرسکیں گے تاہم 4ہزار روپے سے کم فیس وصول کرنے والے اسکولوں پر یہ قانون لاگو نہیں ہوگا۔

8 فیصد سے زائد فیس بڑھانے کے لیے اسکول انتظامیہ کو ڈسٹرکٹ رجسٹرنگ اتھارٹی کو درخواست دینی ہوگی اور اضافے کی یہ درخواست 3ماہ قبل دی جائےگی۔

ذرائع کا کہنا ہے کہ ڈسٹرکٹ رجسٹرنگ اتھارٹی 2ماہ میں یہ درخواست مسترد یا منظور کرسکتی ہے، حکومت تمام اضلاع میں 5 افراد پر مشتمل ڈسٹرکٹ کمیٹیاں بنائےگی۔

اگست 15, 2016
تعلیمی معیارکو بہتر بنانا اولین ترجیح ہے، گورنر پنجاب رفیق رجوانہ

لاہور: گورنر پنجاب رفیق رجوانہ نے کہا ہے کہ صوبے میں اعلی تعلیم کا فروغ حکومت پنجاب کی اولین ترجیحات میں شامل ہے۔

ان خیالات کا اظہار انہوں نے گورنر ہاؤس میں منعقدہ ہائر ایجوکیشن کمیشن کے اجلاس سے خطاب کرتے ہوئے کیا۔

رفیق رجوانہ نے کہا کہ ’’تعلیم کے بغیر ترقی کا خواب کبھی پورا نہیں ہوسکتا، تعلیم و تحقیق کی سہولتیں دیے بغیر معاشرتی ترقی حاصل کرنا ناممکن ہے۔

انہوں نے مزید کہا کہ ترقی یافتہ دور میں دنیا کا مقابلہ کرنے کے لیے معیاری تعلیم اوراس کی اہمیت کو اجاگر کرنا بے حد ضروری ہے۔

تعلیمی اداروں میں جدید سہولیات کی فراہمی اور بالخصوص ان کی سیکورٹی کو یقینی بنانے کے حوالے سے حکومتِ پنجاب خصوصی توجہ دے رہی ہے۔

آپریشن ضرب عضب سے حاصل ہونے والی کامیابیوں پر تبصرہ کرتے ہوئے گورنر پنجاب کا کہنا تھا کہ سیکورٹی اداروں نے دہشت گردوں کا مقابلہ کرتے ہوئے اپنی قیمتی جانوں کا نذرانہ پیش کیا۔

رفیق رجوانہ نے کہا کہ آپریشن ضرب عضب شروع ہونے کے بعد سے پاک فوج کو ناقابل فراموش کامیابیاں حاصل ہوئی ہیں اس کے علاوہ دہشت گردی کے واقعات میں نمایاں حد تک کمی واقع ہوئی ہے۔

انہوں نے کہا کہ ملک میں امن و امان کی صورتحال کو دیکھتے ہوئے بیرونی سرمایہ کاری میں خاطر خواہ اضافہ ہوا ہے۔

مئی 25, 2016
عمران خان نے حکومت کی اقتصادی پالیسی پر سوالات اٹھا دیے

اسلام آباد: چیئرمین تحریک انصاف عمران خان نے حکومت کی اقتصادی پالیسی پر سولات اٹھا دیے،عمران خان نے کہا کہ حکومت کی معاشی پالیسی ایک خاص اور چھوٹے طبقے کو فائدہ پہنچا رہی ہیں ۔

پاکستان تحریک انصاف کے چیئرمین عمران خان نے کہا کہ حکومتی پالیسیوں سے عام آدمی کی زندگی اجیرن ہو چکی ہے حکومت براہِ راست ٹیکس اکھٹا کرنے میں ناکام ہو چکی ہے، اوربالواسطہ ٹیسکز سے عوام پر بوجھ ڈال رہی ہے۔

عمران خان کا کہنا تھا کہ پیٹرولیم مصنوعات میں حالیہ اضافے کی کوئی ضرورت نہیں تھی،عمران خان نے سوال کیا کہ حکومت ایل این جی کی قیمتوں پر پارلیمنٹ کو اعتماد میں لینے سے کیوں گھبرا رہی ہے، پیٹرولیم مصنوعات اور ٹیکسز میں اضافے کے خلاف پی ٹی آئی پارلیمنٹ سمیت ہر فورم پر احتجاج کرے گی۔

عمران خان نے مزید کہا کہ پی ٹی آئی حکومت کی معاشی حماقتوں کو میڈیا اور پارلیمنٹ میں سامنے لاتی رہے گی۔

نومبر 4, 2015
عمران خان کو الزامات کی سیاست سے باہر آنا چاہیئے، ملک رفیق

لاہور : گورنر پنجاب ملک رفیق رجوانہ نے کہا ہے کہ عمران خان کو الزامات کی سیاست سے باہر آنا چاہیئے، پی ٹی آئی کے سربراہ نے دھرنے کے اختتام کا اعلان شادی کے بعد کیا تھا، اب طلاق کے بعد اگلے دھرنے کا وہ اور ان کی مطلقہ ہی بتا سکتے ہیں۔

لاہور میں یونیورسٹی آف اینیمل سائسنز کے زیراہتمام غذائی ضروریات کانفرنس سے خطاب کے بعد میڈیا سے گفتگو کرتے ہوئے گورنر پنجاب ملک رفیق رجوانہ کا کہنا تھا کہ ہر الیکشن کے بعد دھاندلی کے الزامات عائد کرنا اچھا رویہ نہیں۔

تحریک انصاف کو الزامات کی سیاست سے باہر آنا چاہیئے۔ جیتنے اور ہارنے والے ملکی مفادات کیلئے کام کریں۔ بہاؤالدین زکریا یونیورسٹی کے غیر قانونی کیمپس کے حوالے سے انہوں نے کہا کہ نیب اس معاملے کی تحقیقات کر رہی ہے، طلباء کے مستقبل کے بارے میں ہمدردانہ غور کیا جانا چاہیئے۔

انہوں نے والدین سے اپیل کی کہ وہ بچوں کے داخلے سے پہلے تعلیمی ادارے کی قانونی حیثیت سے متعلق تحقیقات کر لیا کریں۔

اس سے پہلے کانفرنس سے خطاب کرتے ہوئے گورنر پنجاب کا کہنا تھا کہ پنجاب فوڈ اتھارٹی نے غذائی تحفظ کیلئےاچھے اقدامات کئے ہیں، میڈیا کو بھی فوڈ سکیورٹی پر عوام کی رہنمائی کرنی چاہیئے۔

نومبر 3, 2015
حکومت آزادی صحافت پر یقین رکھتی ہے، رفیق رجوانہ

لاہور : گورنر پنجاب ملک رفیق رجوانہ نے کہا ہے کہ حکومت آزادی صحافت پر یقین رکھتی ہے، آج میڈیا جس قدر آزاد ہے اس کی مثال نہیں ملتی۔

لاہور میں پریس کونسل آف پاکستان کے چیئرمین ڈاکٹر رانا محمد شمیم سے ملاقات میں گورنر پنجا ب نے کہا کہ حکومت میڈیا کی مثبت تنقید پر نہ صرف یقین رکھتی ہے بلکہ اس پر اعتماد بھی کرتی ہے۔

انہوں نے کہا کہ میڈیا ریاست کا اہم ستون ہونے کے باعث ملک کو درپیش مسائل کی نشاندہی کومؤثر طریقے سے اجاگر کرنے اہم کردار ادا کر رہا ہے۔

انہوں نے کہا کہ حکومت صحافت کے شعبے سے وابستہ افراد کی فلاح و بہود کو یقینی بنانے کے لئے ہر ممکن اقدامات کو یقینی بنائے گی۔

اس موقع پرڈاکٹر شمیم نے گورنر پنجاب کو نئی ذمہ داریاں سنھبالنے پر مبارکباد دیتے ہوئے کہا کہ جنوبی پنجاب کے لوگوںکے مسائل کو دور کرنے میں اہم کردار ادا کر سکیں گے۔

جون 12, 2015
گورنر پنجاب کا بھاری بھرکم پروٹو کول کے ساتھ ملتان کا دورہ

ملتان : مراعات نہ لینے کا وعدہ کرنے والے گورنر پنجاب ملک رفیق رجوانہ ملتان میں بھاری پروٹوکول کے ساتھ گھومتے رہے۔

، اپنے گورنر کو دیکھ کر ملتانی عوام دنگ رہ گئے، با ادب با ملاحظہ اور ہوشیار کے مصداق گورنر پنجاب کی شاہی سواری بھاری بھرکم پروٹوکول ساتھ ملتان پہنچی تو ایک دو نہیں بلکہ گورنرپنجاب کے ساتھ پولیس موبائلوں کی لمبی قطاریں لگی ہوئی تھیں ۔

پولیس اہلکار شاہ سے زیادہ شاہ کے وفادار کی علامت بنے ہوئے تھے، مراعات نہ لینے کا اعلان کرنے والے گورنر صاحب بھول گئے کہ عوام کے ساتھ انہوں نے کبھی کوئی وعدہ کیا تھا۔

Governor Punjab Rafiq Rajwana Protocol by arynews

مئی 24, 2015
فوج اور رینجرز دہشتگردی کے خاتمے کیلئے کوشاں ہیں،گورنرپنجاب

سیالکوٹ : پنجاب کے نئے گورنر رفیق رجوانہ نے مزار اقبال پر حاضری دی اور فاتحہ پڑھی، انہوں نے دعا کی کہ اللہ تعالٰی حکمرانوں کو شاعر مشرق کے خوابوں کی تعبیر پانے میں مدد فرمائے۔

گورنر پنجاب رفیق رجوانہ نے ڈی جی رینجرز میجر جنرل عمر فاروق برکی کے ہمراہ مزارِ اقبال پر حاضری دی اور فاتحہ پڑھی۔ گورنر پنجاب نے مزار پر پھولوں کی چادر چڑھائی اور مہمانوں کی کتاب میں تاثرات بھی درج کئے۔

اس موقع پر میڈیا سے گفتگو کرتے ہوئے گورنر پنجاب رفیق رجوانہ کا کہنا تھا کہ فوج اور رینجرز پاکستان میں دہشتگردی کے خاتمے اور امن کے لیے کوشاں ہیں، قوم کو اپنے حساس اداروں کیلئے دعا کرنی چاہیئے۔

انہوں نے نیا عہدہ ملنے پر خدا کا شکر ادا کرتے ہوئے کہا کہ انہیں اپنی نئی ذمہ داری کا احساس ہے۔

مئی 12, 2015
ملک رفیع رجوانہ نے گورنر پنجاب کے عہدے کا حلف اٹھالیا

لاہور : ملک رفیع رجوانہ نے پنجاب کے چھتیسویں گورنر کی حیثیت سے عہدے کا حلف اٹھالیا،حلف برداری کی تقریب گورنر ہاؤس لاہور کے سبزہ زار میں منعقد ہوئی چیف جسٹس لاہور ہائیکورٹ منظور احمد ملک نے رفیق رجوانہ سے چھتیسویں گورنر کےعہدے کا حلف لیا۔

اس موقع پر وزیراعلیٰ پنجاب میاں شہباز شریف ،سینیٹ مین قائد ایوان راجہ ظفر الحق، سینیٹراقبال ظفر جھگڑا ، نہال ہاشمی ،تہمینہ دولتانہ، وفاقی وزیر بلیغ الرحمان ، فاٹا ، پنجاب ، بلوچستان اور خیبر پختونخوا سے مختلف جماعتوں کے سینیٹرز ، اور دیگر قائدین بھی موجود تھے۔

تقریب میں وکلاء اور مسلم لیگ ن کے کارکنوں کی بڑی تعداد نے شرکت کی، گورنر کے خاندان کے افراد بھی تقریب میں موجود تھے۔

بعد ازاں نومنتخب گورنر پنجاب ملک رفیق رجوانہ نے لاہور میں حضرت داتا گنج بخش کے دربار پر حاضری دی اورپھولوں کی چادر چڑھائی۔

گورنر ہاؤس پنجاب میں حلف برداری کی تقریب کے بعد گورنرملک رفیق رجوانہ کارکنوں کے ہمراہ داتا دربار حاضری کے لئے پہنچے جہاں انھوں نے پھولوں کی چادر چڑھائی اور فاتحہ خوانی کی۔

اس موقع پر ان کے بیٹے ملک آصف رجوانہ بھی ان کے ہمراہ موجود تھے۔گورنر پنجاب نے داتا دربار میں حاضری کے موقع پرملک و قوم کی خوشحالی اور ترقی کے لئے خصوصی طور پر دعا مانگی۔

مئی 10, 2015