Tag: Governor Punjab

لاہور : گورنر پنجاب چوہدری سرور کا کہنا ہے کہ ایف اے ٹی ایف پرکوئی پریشانی ہوئی تو ذمے دار اپوزیشن ہوگی، ایف اے ٹی ایف قانون کا منظور ہونا پاکستان کے مفاد میں ہے۔

تفصیلات کے مطابق گورنر پنجاب چوہدری سرور نے میڈیا سے گفتگو کرتے ہوئے کہا احتساب کا عمل سب کیلئے ایک ہوگا سوفیصد لوگ متفق ہیں کہ کرپشن کینسر بن چکی ہے۔

گورنرپنجاب کا کہنا تھا کہ کرپشن سےپاکستان کی خوشحالی اوراستحکام کوشدیدنقصان پہنچاہے ، ان کے بارے میں سوچنا ہے، جن کے پاس وسائل نہیں ، وزیراعظم کا ویژن ہے ، احتساب سب کیلئے برابر ہے ، لوگوں کے پاس روزگار اور تعلیم نہیں جس کی جڑ کرپشن ہے۔

چوہدری سرور نے کہا کہ ہمیں 5سال کا مینڈیٹ عوام نے دیا ہے ، عوام جب چاہیں کسی بھی حکومت کوگھر بھیج سکتے ہیں۔

محرم الحرام کے حوالے ان کا کہنا تھا کہ علما کو دل کی گہرائیوں سے مبارکباد دینا چاہتا ہوں، فرقہ واریت کو ختم کرنے کیلئے علما نے تاریخی کردار ادا کیا، دہشت گردی ختم کرنے میں سیکیورٹی اداروں کے ساتھ علما کا بھی کردارہے ، عاشورہ سے متعلق انتظامات سے مطمئن ہیں۔

گورنرپنجاب نے کہا کہ اگرنیب میں ریفارمزکی ضرورت ہےتوہونی چاہیے، ایف اے ٹی ایف اور نیب کا موازنہ کرنا زیادتی ہے ، ہمیشہ اپوزیشن کے ساتھ بیٹھنے کو تیار ہیں۔

شہر قائد کی صورتحال سے متعلق چوہدری سرور کا کہنا تھا کہ کراچی میں مشکل وقت ہے، کوشش ہے سندھ کے بھائیوں کی مدد کریں، پنجاب کےمخیرحضرات امداد لے کرجائیں گے، قرآن پرعمل کرناشروع کردیں توبہت سےمسائل حل ہوجائیں گے۔

انھوں نے مزید کہا ہمیں ملک کی خوشحالی اورترقی کے لئے مل کرکام کرنا چاہئے، ایف اے ٹی ایف پرکوئی پریشانی ہوئی تو ذمے دار اپوزیشن ہوگی، ایف اے ٹی ایف قانون کا منظورہونا پاکستان کے مفاد میں ہے، اپوزیشن کوقومی معاملات پر حکومت کا ساتھ دینا چاہیے۔

لاہور : گورنر پنجاب چوہدری سرور کا کہنا ہے کہ ملک کودیوالیہ ہونے سے بچانے کا کریڈٹ ہماری حکومت کو ہی جاتا ہے ، پارٹی چٹان جیسی مضبوطی سے وزیر اعظم عمران خان کیساتھ ہے، اپوزیشن آئے روز آس لگانا چھوڑ دے کیونکہ حکومت کہیں جانیوالی نہیں۔

تفصیلات کے مطابق گورنر پنجاب چوہدری سرور سے صوبائی وزرا عبدالعلیم خان اورمحمود الرشید کی ملاقات ہوئی ، ملاقات میں چوہدری سرور نے کہا
پارلیمنٹ،حکومت،وزیراعظم اپنی آئینی مدت پوری کریں گے، پارٹی چٹان جیسی مضبوطی سےوزیر اعظم عمران خان کیساتھ ہے۔

گورنر پنجاب کا کہنا تھا کہ اپوزیشن آئے روز آس لگانا چھوڑ دے کیونکہ حکومت کہیں جانیوالی نہیں، ملک کودیوالیہ ہونے سے بچانے کاکر یڈٹ ہماری حکومت کو ہی جاتا ہے۔

انھوں نے مزید کہا کہ کورونا کے بحران میں بھی عوام کو ریلیف دینے کیلئے اقدامات کر رہے ہیں، کورونا سے بچاؤ کی جنگ میں بھی سب کو اپنا کردار ادا کر نا چاہیے۔

سینئر وزیر عبد العلیم خان کا کہنا تھا کہ عوام سے عام انتخابات میں کیے جانیوالے وعدے پورے کریں گے، مرکز اور پنجاب میں ہم نے ٹیکس فری بجٹ دیا ہے۔

صوبائی وزیرہاؤسنگ محمود الرشید نے کہا کہ عوام نے تحر یک انصاف کو2023تک حکومت کر نےکا مینڈ یٹ دیا، عمران خان ہمیشہ سے اصولی سیاست کر رہے ہیں۔