Tag: governor sindh

  • الیکشن کے نتائج پر شدید تحفظات ہیں، عہدے سے مستعفی ہورہا ہوں، گورنر سندھ

    الیکشن کے نتائج پر شدید تحفظات ہیں، عہدے سے مستعفی ہورہا ہوں، گورنر سندھ

    کراچی : گورنر سندھ محمد زبیر نے کہا ہے کہ الیکشن کے نتائج پر شدید تحفظات ہیں، آرٹی ایس سسٹم بیٹھ گیا تھا یا بٹھایا گیا تھا، میں سیاست نہیں صرف عہدہ چھوڑ رہا ہوں۔ ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، گورنر سندھ نے کہا کہ یہ پریس کانفرنس اپنے استعفے کا اعلان کرنے کے لیے بلائی ہے، قوم کو اپنے مستعفی ہونے کی وجوہات بتانا چاہتا ہوں، الیکشن2018پر میرے بہت زیادہ تحفظات ہیں، یہ انتخابات صرف پارٹی کو جتوانے کیلئے کرائے گئے، پشاور سے کراچی تک ووٹوں کی گنتی کو مینج کیا گیا۔ گورنر ہاؤس میں ہونے والی پریس کانفرنس میں محمد زبیر کا کہنا تھا کہ ہمارے ہاں جمہوری روایت کا پاس ہونا ضروری ہے، اگر الیکشن ہو جائیں تو گورنرز کو ویسے ہی رہنا چاہیے، وفاق کا اختیار ہونا چاہئے کہ جسے چاہے گورنر بنائے، میں سیاست نہیں چھوڑرہا، صرف گورنر سندھ کا عہدہ چھوڑ رہا ہوں، میں اپنے قائد نوازشریف کا شکرگزار ہوں کہ انہوں نے مجھے گورنرسندھ بنایا۔ انہوں نے مزید کہا کہ الیکشن کمیشن کو8بجے ہی بتانا چاہئے تھا کہ آر ٹی ایس سسٹم بیٹھ گیا ہے، سیاسی جماعتوں کےاحتجاج کے بعد بتایا گیا کہ آرٹی ایس نظام بیٹھ گیا، سوال یہ پیدا ہوتا ہے کہ یہ سسٹم بیٹھ گیا تھا یا بٹھایا گیا تھا۔ محمد زبیر نے کہا کہ پاکستان کی تاریخ میں پولنگ ڈے پر سب سے زیادہ مسئلہ دیکھا جاتا ہے، پولنگ اسٹیشن میں موبائل فون کا جانا سمجھ سے باہر ہے، پیپلز پارٹی، پی ایس پی اور شہبازشریف نے الیکشن میں تحفظات پر پریس کانفرنس کی، کہیں پر دوبارہ گنتی کی اجازت دی جارہی ہے کہیں نہیں، عمران خان کہہ دیں کہ جہاں دوبارہ گنتی کاکہاں جارہاہے کردیں، سسٹم اس طرح آگے کیسے چلے گا؟ محمد زبیر کا مزید کہنا تھا کہ الیکشن سے پہلے ہی مسلم لیگ ن کے لئے مشکلات پیدا کی گئیں، ن لیگ کے بہت سے لوگوں کو الیکشن سے پہلے نااہل کردیا گیا، الیکشن میں سب کو مہم چلانے اور عوام تک نظریہ پہنچانے کا حق ہے، طلال چوہدری کومہم کےدوران باربارسپریم کورٹ جاناپڑتاتھا، ان پر پوری الیکشن مہم کے دوران نااہلی کی تلوار لٹکی تھی۔ پہلے میاں نوازشریف کا عدالت میں روز کیس لگتا ہے، ان کے خلاف فیصلہ آنے کے بعد اب کیس کی سماعت روزانہ نہیں ہورہی۔ پاکستان میں جمہوریت اورجمہوری اقدار پر کم ہی عمل درآمد کیا جاتا ہے، جس طرح چیئرمین سینیٹ بنایا گیا کیا اس سے دنیا میں ہمارا مقام بڑھاہے؟ مصطفیٰ کمال نے کہا کہ فیصل واوڈا اور فاروق ستار کے ہارنے والا حلقہ کھول دیں، آپ صرف یہ دو حلقے کھول دیں، سب کو پتہ چل جائے گا، عمران خان اور پی ٹی آئی قیادت دوبارہ گنتی کے لئے بیان دیں۔
    

  • الیکشن سبوتاژ ہوا تو غیر جمہوری قوتیں فائدہ اٹھاسکتی ہیں، گورنر سندھ

    الیکشن سبوتاژ ہوا تو غیر جمہوری قوتیں فائدہ اٹھاسکتی ہیں، گورنر سندھ

    کراچی: گورنر سندھ محمد زبیر نے کہا ہے کہ ہم سب کو مل کر کوشش کرنی چاہیے 25 جولائی کو الیکشن سبوتاژ نہ ہوں اگر ایسا ہوا تو غیر جمہوری قوتیں فائدہ اٹھا سکتی ہیں۔

    ان خیالات کا اظہار انہوں نے پاک سرزمین پارٹی کی دعوتِ افطار میں شرکت کے بعد میڈیا سے گفتگو کرتے ہوئے کیا۔ گورنر سندھ کا کہنا تھا کہ الیکشن ملتوی ہونے سے غیر جمہوری قوتیں فائدہ اٹھا سکتی ہیں لہذا ہم سب کو مل کر الیکشن کے انعقاد کو یقینی بنانا ہوگا۔

    اُن کا کہنا تھا کہ عوام کس کو پسند کرتے ہیں اس کا فیصلہ الیکشن کے ذریعے ہی ممکن ہے، جو بھی اتنخابات میں فتح حاصل کرے گا عوام کو یقینی طور پر اُس سے امیدیں وابستہ ہوں گی، ان ساری چیزوں کے ساتھ احتساب کے عمل کو بھی جاری رہنا چاہیے۔

    واضح رہے کہ قومی اسمبلی کی آئینی مدت ختم ہونے کے بعد یکم جون کو حکومت اور اپوزیشن کی جانب سے مشترکہ طور پر نامزد کیے جانے والے جسٹس (ر) ناصر الملک نے نگراں وزیر اعظم کا حلف اٹھایا تھا۔

    انہوں نے اپنے عہدے کی حلف برداری کے بعد غیر رسمی گفتگو کرتے ہوئے کہا تھا کہ جو میرا مینڈیٹ ہے اس کے مطابق کام کروں گا،  شفاف انتخابات کا انعقاد اولین ترجیح ہے۔

    انہوں نے کہا کہ آج پہلا دن ہے آج سے ہی کام شروع کر رہا ہوں، انشا اللہ عام انتخابات بر وقت ہی ہوں گے، شاہد خاقان کے لیے نیک خواہشات کا اظہار کرتا ہوں۔

    قبل ازیں بلوچستان اسمبلی میں الیکشن مؤخر کرنے کی قرار داد منظور ہوئی تھی جبکہ کچھ حلقوں کی جانب سے انتخابات ملتوی کرنے کے مطالبات بھی سامنے آرہے ہیں،

    بلوچستان اسمبلی میں پیش کی جانے والی قرارداد  میں کہا گیا تھا کہ ماہ جولائی میں گرمی کی شدت بہت زیادہ ہوگی جس کی وجہ سے ووٹنگ کا ٹرن آؤٹ متاثر ہونے کا خدشہ ہے اس کے علاوہ حج سیزن کے باعث شہریوں کی بڑی تعداد فریضہ حج کی ادائیگی کے لیے بھی جاتی ہے، اس طرح سینکڑوں ووٹرز اپنا حق رائے دہی استعمال نہیں کر سکیں گے۔

    علاوہ ازیں الیکشن کمیشن نے لاہور ہائیکورٹ بھی کاغذات نامزدگی کے فارم میں ترامیم کالعدم قرار دینے کے فیصلے کے بعد آئندہ عام انتخابات کے لیے امیدواروں کے کاغذات نامزدگی وصول کرنے کا عمل روک چکا۔

    جس کے بعد نگراں وزیر اعظم جسٹس ریٹائرڈ ناصر الملک نے لاہور ہائیکورٹ کے فیصلے کے خلاف فوری طور پر اپیل دائر کرنے کی ہدایت کی ہے ان کا کہنا ہے کہ اپیل دائر کرنے کا مقصد انتخابات کا بروقت انعقاد یقینی بنانا ہے۔

    دوسری جانب الیکشن کمیشن نے واضح طور پر اعلان کیا ہے کہ عام انتخابات اپنی مقررہ تاریخ یعنی 25 جولائی کو ہی ہوں گے، اس کے علاوہ گزشتہ روز چیف جسٹس آف پاکستان جسٹس ثاقب نثار نے بھی اتنخابات کے بروقت انعقاد کی یقین دہانی کروائی اُن کا کہنا تھا کہ اگر الیکشن ملتوی ہوئے تو پھر آپ خود ایکشن دیکھیں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں وفاق کے تحت 75 ارب کے ترقیاتی کام کیے جائیں گے، گورنر سندھ

    کراچی میں وفاق کے تحت 75 ارب کے ترقیاتی کام کیے جائیں گے، گورنر سندھ

    کراچی: گورنر سندھ محمد زبیر عمر نے کہا ہے کہ کراچی میں وفاق کے تحت 75 ارب کے ترقیاتی کام کیے جائیں گے۔

    تفصیلات کے مطابق کراچی کے میئر وسیم اختر نے گورنر سندھ محمد زبیر عمر سے گورنر ہاؤس میں ملاقات کی جس میں وفاق کے تحت کراچی میں جاری ترقیاتی منصوبوں پر تبادلہ خیال کیا گیا۔

    ملاقات کے دوران کراچی ترقیاتی پیکج، عوامی فلاح و بہبود کے دیگر امور پر بھی گفتگو ہوئی، گورنر سندھ نے کہا کہ کراچی روشنیوں کا شہر بن رہا ہے، ترقیاتی کام وقت کی ضرورت ہیں۔

    انھوں نے میئر کراچی کو یقین دلاتے ہوئے کہا کہ کراچی کی ترقی میں وفاق کا تعاون جاری رہے گا، ایک طرف لیاری ایکسپریس وے منصوبہ مکمل ہوچکا ہے تو دوسری طرف کراچی ترقیاتی پیکج کے تحت چار بڑے منصوبوں کا اعلان کردیا گیا ہے۔

    میئر کراچی کا شہر کے مختلف علاقوں کا دورہ، ترقیاتی کاموں کا جائزہ

    اس موقع پر میئر کراچی وسیم اختر کا کہنا تھا کہ شہر کے مکین وفاق کے تعاون کو قدر کی نگاہ سے دیکھتے ہیں، وفاق کے تعاو ن سے شہر کی ترقی یقینی ہے، انھوں نے گورنرسندھ کی کوششوں کو قابل ستائش قرار دیا۔

    وفاقی بجٹ میں کراچی کے لیے کوئی اسکیم نہیں رکھی گئی: میئر کراچی

    واضح رہے کہ میئر کراچی نے قومی بجٹ کے اعلان کے بعد یہ شکایت کی تھی کہ وفاقی بجٹ میں کراچی کے لیے کوئی اسکیم نہیں رکھی گئی، ہم نے کئی اسکیمیں پیش کیں لیکن افسوس کہ انہیں شامل نہیں کیا گیا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چین سے اچھا دوست کوئی نہیں، قدم قدم پر اس نے ہمارا ساتھ دیا: گورنر سندھ

    چین سے اچھا دوست کوئی نہیں، قدم قدم پر اس نے ہمارا ساتھ دیا: گورنر سندھ

    کراچی: صوبہ سندھ کے گورنر محمد زبیر کا کہنا ہے کہ چین سے اچھا دوست کوئی نہیں، قدم قدم پر اس نے ہمارا ساتھ دیا۔ ایسی پالیسیاں بنانی ہیں جن سے سرمایہ کاری آئے۔

    تفصیلات کے مطابق گورنر سندھ محمد زبیر نے پاک چین اقتصادی راہداری پر چین کے تکنیکی تعلیمی اداروں کی نمائش کا دورہ کیا۔

    اس موقع پر ان کا کہنا تھا کہ ایسی پالیسیاں بنانی ہیں جن سے سرمایہ کاری آئے۔

    انہوں نے کہا کہ کراچی سمیت ملک میں ماحول بدل گیا ہے، امن آگیا ہے۔ چین سے اچھا دوست کوئی نہیں، قدم قدم پر اس نے ہمارا ساتھ دیا۔

    گورنر سندھ کا کہنا تھا کہ ڈالر کے عدم توازن کو کنٹرول کرنے کے اقدامات کیے جارہے ہیں۔ تجارتی توازن کے لیے برآمدات میں اضافہ از حد ضروری ہے۔ شرح تبادلہ میں رد و بدل سے برآمدات میں بہتری آئی ہے۔

    انہوں نے بتایا کہ اس سال 4 ہزار ارب روپے کے ٹیکس جمع ہوئے ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آئی ایم ایف سے قرضہ لینا کوئی بری بات نہیں، گورنر سندھ

    آئی ایم ایف سے قرضہ لینا کوئی بری بات نہیں، گورنر سندھ

    کراچی: گورنر سندھ محمد زبیر نے کہا ہے کہ پاکستان کو پیسوں کی ضرورت ہے تو آئی ایم ایف کے پاس جانا اور قرضہ لینا کوئی بری بات نہیں ہے، ہم مستقبل میں ایک مضبوط ملک بننے جارہے ہیں۔

    کراچی میں میڈیا سے گفتگو کرتے ہوئے گورنر سندھ کا کہنا تھا کہ سیاسی و دیگر صورتحال کی وجہ سے اسٹاک مارکیٹ میں مندی کا رجحان پیدا ہوا ورنہ 2017 میں پی ایس ایکس نے 50 ہزار پوائنٹس کی نئی تاریخ رقم کی تھی۔

    مزید پڑھیں:  آئی ایم ایف کی پاکستان کے قرضوں میں ہوشربا اضافے کی پیشگوئی

    اُن کا کہنا تھا کہ  دھرنا، پاناما کرائسز نے 2017 میں ملکی معیشت پر منفی اثرات مرتب کئے، سپریم کورٹ سے منتخب وزیراعظم کے خلاف آنے والے فیصلے کے بعد سرمایہ کار بھی بہت محتاط نظر آنے لگے۔

    محمد زبیر کا مزید کہنا تھا کہ پاکستان مستقبل میں ایک مضبوط معاشی ملک بننے جارہا ہے، عام انتخابات کے بعد ملکی معیشت کے اعداد و شمار میں بہت زیادہ بہتری کی امید ہے۔

    گورنر سندھ کا کہنا تھا کہ پاکستان کو قرضے اور پیسوں کی ضرورت ہےتو آئی ایم ایف کےپاس جانا کوئی بری بات نہیں، ایک وقت آئے گا جب ہم قرضوں سے جان چھڑا لیں گے، اُن کا مزید کہنا تھا کہ اسٹاک مارکیٹ میں مندی کی سب سے بڑی وجہ سیاسی عدم استحکام ہے، اب وقت ہے کہ اسٹاک ایکسچینج کے لیے نئی پروڈکٹس متعارف کرائی جائیں۔

    یہ بھی پڑھیں:  پاکستان نے آئی ایم ایف سے گیس اور بجلی مہنگی کرنے کا وعدہ کرلیا

    واضح رہے کہ آئی ایم ایف نے 16 مارچ کو ایک رپورٹ جاری کی تھی جس میں پاکستان کے قرضوں میں ہوشربا اضافے کا انکشاف سامنے آئی تھا، رپورٹ کے مطابق سن 2020 تک پاکستان پر قرضوں کا حجم 114 ارب ڈالر تک بڑھ جائے گا۔

    انٹرنیشنل مانیٹری فنڈ (آئی ایم ایف) نے کی رپورٹ کے مطابق رواں برس 2018 میں قرضوں کا حجم 93 ارب 27 کروڑ ڈالر تک پہنچ سکتا ہے جبکہ رواں برس پاکستان کو 7 ارب 73 کروڑ ڈالر کی قرضۃ اقساط کی ادائیگیاں بھی کرنی ہیں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان سپر لیگ پاکستان کا فخر ہے، پی ایس ایل فائنل سے کراچی میں خوشی کی لہر ہے،گورنرسندھ

    پاکستان سپر لیگ پاکستان کا فخر ہے، پی ایس ایل فائنل سے کراچی میں خوشی کی لہر ہے،گورنرسندھ

    کراچی : گورنرسندھ محمد زبیر کا کہنا تھا کہ پاکستان سپر لیگ پاکستان کا فخر ہے، پی ایس ایل فائنل سے بڑی چیز نہیں ہوسکتی تھی، پی ایس ایل فائنل سے کراچی میں خوشی کی لہر ہے۔

    تفصیلات کے مطابق کراچی میں گورنر سندھ محمد زبیر نے میڈیا سے گفتگو کرتے ہوئے پی ایس ایل فائنل سےکراچی میں خوشی کی لہرہے، پی ایس ایل فائنل سے بڑی چیز نہیں ہوسکتی تھی، پی ایس ایل کی کامیابی کے لئے سب کوملکر کام کرناچاہئے۔

    گورنر سندھ کا کہنا تھا کہ کراچی اسٹیڈیم میں8نوسال سےمیچ نہیں ہوئے، تین چار ماہ سے اسٹیڈیم کو بہتر کرنے کیلئے سب ملکر کام کر رہے ہیں، پاکستان کرکٹ بورڈ زبردست کام کررہاہے، پاکستان سپر لیگ پاکستان کا فخر ہے۔

    محمد زبیر نے کہا کہ کراچی میں کرکٹ کی بحالی کے لئے کام کررہے ہیں ، پی سی بی بہت زبردست کام کررہا ہے، پی ایس ایل کسی بھی فیلڈ کیلئےایک ٹیسٹ کیس ہے، گزشتہ پی ایس ایل کی طرح یہ بھی کامیاب ہوگا۔

    انکا کہنا تھا کہ نیشنل اسٹیڈیم کو 2 فیز میں مکمل کیا جارہا ہے ، فیز ٹودسمبر تک مکمل ہوجائے گا، اسٹیڈیم میں اوربھی انٹرنیشنل میچزکرانے کا ارادہ ہے۔

    گورنر سندھ نے مزید کہا کہ کراچی میں بڑےکرائم تقریبا ختم ہوچکےہیں، خواہش ہوتی ہے ہمیشہ پاکستان جیتے ، کراچی کی ٹیم زبردست کھیلی ہے اقور 2 میچز جیتی ہے، ٹورنامنٹ وہی اچھا ہوتا ہے جس میں آخرتک پتہ نہ چلے کون جیتے گا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سی پیک منصوبہ پاک چین تعلقات کا عظیم الشان مظہر ہے، گورنرسندھ

    سی پیک منصوبہ پاک چین تعلقات کا عظیم الشان مظہر ہے، گورنرسندھ

    کراچی : گورنر سندھ محمد زبیر نے کہا ہے کہ قانون نافذ کرنے والے اداروں کی قربانیوں کو کسی صورت ضائع نہیں ہونے دیں گے، سی پیک منصوبہ پاک چین تعلقات کا عظیم الشان مظہر ہے۔

    یہ بات انہوں نے پاک نیوی وار کالج کے کمانڈنٹ ریئرایڈمرل نوید احمد سے ملاقات میں گفتگو کرتے ہوئے کہی، اس موقع پر دونوں شخصیات کے درمیان باہمی دلچسپی کے امور پر بھی تبادلہ خیال کیا گیا۔

    گورنر سندھ نے کہا کہ دنیا کے امن کے لئے پاکستان کا کردار نہایت اہمیت کا حامل ہے، مسلح افواج نے دہشت گردی کی جنگ میں بے مثال قربانیاں دیں، آپریشن ردالفساد، آپریشن ضرب عضب کا ہی تسلسل ہے۔

    ان کا کہنا تھا کہ حکومت آپریشن ضرب عضب کےنتائج ضائع نہیں ہونےدیگی، آپریشن کی بدولت ملک میں سرمایہ کاری، معاشی واقتصادی سرگرمیوں میں اضافہ ہورہا ہے، عوامی سطح پر پائے جانے والےخوف وہراس کا بھی خاتمہ ہوچکا ہے۔

    محمد زبیرنے مزید کہا کہ آپریشنز میں قانون نافذ کرنے والےاداروں کے اہلکاروں  نے بےمثال قربانیاں دیں، ان قربانیوں کو کسی صورت ضا ئع نہیں ہونے دیا جائے گا، سی پیک منصوبہ پاک چین تعلقات کاعظیم الشان مظہرہے۔


    مزید پڑھیں: ملکی خوشحالی کےلیےکراچی کا امن ناگزیرہے‘ گورنرسندھ


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

     

  • گورنر سندھ کے انتقال کو ایک برس بیت گیا

    گورنر سندھ کے انتقال کو ایک برس بیت گیا

    کراچی: سندھ کے اکتسویں گورنر جسٹس سعید الزماں صدیقی کے انتقال کو ایک برس گزر گیا، وہ گزشتہ برس 11 جنوری 2017 کو طویل علالت کے بعد حرکت قلب بند ہونے کے باعث انتقال کرگئے تھے۔

    تفصیلات کے مطابق جسٹس سعید الزماں صدیقی نے گورنر سندھ کے عہدے کا حلف 11 نومبر 2016 کو اٹھایا تاہم طبیعت کی ناسازی کے باعث وہ زیادہ متحرک کردار ادا نہیں کرسکے تھے۔

    سعید الزماں صدیقی کو ایک ماہ اسپتال میں داخل رہنے کے بعد گھر منتقل کیا گیا تھا مگر 11 جنوری کو اُن کے سینے میں درد اٹھا اور سانس لینے میں دشواری کا سامنا ہوا تو انہیں کلفٹن میں واقع نجی اسپتال منتقل کیا گیا۔

    اسپتال منتقل کیے جانے کے بعد ڈاکٹرز نے سابق گورنر کو بچانے کی سر توڑ کوشش کیں مگر وہ جانبر نہ ہوسکے، اُن کو سرکاری اعزاز کے ساتھ رخصت کیا گیا اور تدفین کراچی کے علاقے گزری قبرستان میں ہوئی۔

    سعید الزماں صدیقی کا نماز جنازہ مفتی تقی عثمانی نے پولو گراؤنڈ میں پڑھایا

    جسٹس سعید الزماں صدیقی 1 دسمبر 1938ء کو لکھنؤ میں پیدا ہوئے،انہوں نے ابتدائی تعلیم لکھنئو سے حاصل کی،سال 1954ء میں انہوں نے جامعہ ڈھاکا سے انجنیرنگ میں گریجویشن کیا، جامعہ کراچی سے انہوں نے 1958ء میں وکالت کی تعلیم حاصل کی۔

    آپ 5 نومبر 1990ء سے21 نومبر 1992ء تک چیف جسٹس سندھ ہائی کورٹ کے عہدے پرفائض ہوئے اور اپنے امور بخوبی سرانجام دیے بعد ازاں یکم جولائی 1999ء کو پاکستان کے 15 ویں چیف جسٹس مقرر ہوئے جس کی مدت 26 جنوری 2000ء کو ختم ہوئی۔

    انہوں نے سال 2008 میں سابق صدر جنرل(ر) پرویز مشرف کے مستعفی ہونے کے بعد مسلم لیگ (ن) کے ٹکٹ پر صدارتی انتخاب بھی لڑا جس میں آپ کو شکست کا سامنا رہا، آپ نے مشرف دور میں پی سی او کے تحت حلف نہیں اٹھایا جس کی پاداش میں نوکری سے برطرف کرتے ہوئے آپ کو اہل خانہ سمیت نظر بند کیا گیا۔

    واضح رہے کہ جسٹس ریٹائرڈ سعید الزماں صدیقی کو 9 نومبر کو عشرت العباد کی معزولی کے بعد گورنر کے عہدے پر تعینات کیا گیا تھا، عشرت العباد کو  طویل عرصے تک پاکستان کے پہلے اور ایشیا کےدوسرے گورنر رہنے کا اعزاز بھی حاصل رہا۔

    موجودہ گورنر سندھ محمد زبیر نے جسٹس (ر) سعید الزماں صدیقی کی پہلی برسی پر اُن کے اہل خانہ سے ملاقات کرتے ہوئے کہا کہ سعیدالزمان صدیقی کی بحیثیت جج اور گورنر  خدمات  یادرکھی جائیں گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گورنر سندھ سے اے این پی کے وفد کی ملاقات

    گورنر سندھ سے اے این پی کے وفد کی ملاقات

    کراچی: گورنر سندھ محمد زبیر کا کہنا ہے کہ میرے دروازے تمام سیاسی جماعتوں کے لیے کھلے ہیں۔ پائیدار امن کے لیے اسٹیک ہولڈرز سے مشاورت کرتا رہوں گا۔

    تفصیلات کے مطابق گورنر سندھ محمد زبیر سے عوامی نیشنل پارٹی کے وفد نے ملاقات کی۔ وفد کی قیادت اے این پی سندھ کے صدر سینیٹر شاہی سید نے کی۔

    ملاقات میں سیاسی سرگرمیوں، ترقیاتی منصوبوں اور دیگر امور پر تبادلہ خیال کیا گیا۔

    اس موقع پر گورنر سندھ کا کہنا تھا کہ میرے دروازے تمام سیاسی جماعتوں کے لیے کھلے ہیں۔ پائیدار امن کے لیے اسٹیک ہولڈرز سے مشاورت کرتا رہوں گا۔

    انہوں نے کہا کہ مسائل کا حل اور معاشی سرگرمیوں میں اضافہ اولین ترجیح ہے۔ کراچی پیکج سے شہریوں کے مسائل حل کرنے میں مدد ملے گی۔

    دوسری جانب شاہی سید کا کہنا تھا کہ عوامی مسائل کے حل میں گورنر سندھ سے تعاون کریں گے۔

    انہوں نے مزید کہا کہ انتخابات میں ن لیگ کے ساتھ تعاون پر بات چیت جاری ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بچوں نے جان قربان کرکے دہشتگردوں کے عزائم کو ناکام بنایا، گورنر سندھ

    بچوں نے جان قربان کرکے دہشتگردوں کے عزائم کو ناکام بنایا، گورنر سندھ

    کراچی: گورنرسندھ محمد زبیر کا کہنا ہے کہ بچوں نےجان قربان کرکےدہشتگردوں کے عزائم کو ناکام بنایا،بچوں کی عظیم قربانی قوم کو ہمیشہ یاد رہے گی۔

    تفصیلات کے مطابق گورنر سندھ محمد زبیر نے سانحہ اے پی ایس کی برسی پر شہداء کو خراج تحسین پیش کرتے ہوئے کہا کہ عظیم قربانی نے قوم کو سیسہ پلائی ہوئی دیوار کی طرح متحد کیا، بچوں نے جان قربان کرکے دہشتگردوں کے عزائم کو ناکام بنایا۔

    گورنر سندھ بچوں کی عظیم قربانی قوم کو ہمیشہ یاد رہے گی، آج کا دن دہشت گردی کے خلاف ہمارے عزم کو پختہ کرتا ہے۔

    یاد رہے کہ 16 دسمبر 2014 کی صبح جب پشاور کے آرمی پبلک اسکول میں خون کی ہولی کھیلی گئی اور خود کو بہادر سمجھنے والے بزدل دہشتگردوں نے بچوں پر حملہ کیا سانحےمیں132طلبہ سمیت141افرادشہید ہوئے جبکہ اس بزدلانہ حملے میں متعدد طلبا زخمی ہوئے، واقعے نے پوری قوم کو جھنجھوڑ کر رکھ دیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔