Tag: governor sindh

  • اسماعیلی کمیونٹی کے وفد کی ڈاکٹر عشرت العباد خان سے ملاقات

    اسماعیلی کمیونٹی کے وفد کی ڈاکٹر عشرت العباد خان سے ملاقات

    کراچی : اسماعیلی کمیونٹی کے ایک وفد نے سلطان علی الانہ کی قیادت میں آج شام گورنر ہاؤس میں گورنر سندھ ڈاکٹر عشرت العباد خان سے ملاقات کی۔

    اس موقع پر گورنر سندھ نے سانحہ صفوراچورنگی پر افسوس کا اظہار کرتے ہوئے اسے ایک شرمناک واقعہ قرار دیا، انہوں نے کہا کہ آج پوری قوم اشکبار ہے اور پوری قوم نے اس اندوہناک سانحہ کی مذمت کی ہے۔

    انہوں نے یقین دلایا کہ جو عناصر بھی اس میں ملوث ہیں انہیں بہت جلد گرفتار کرکے کیفرکردار تک پہنچایا جائے گا انہو ں نے کہا کہ اسماعیلی کمیونٹی پاکستان میں بسنے والی پُرامن کمیونٹی ہے جس کا اعتراف برملا کیا جاتا ہے۔

    انہو ں نے کہا کہ اس کمیونٹی کے ساتھ کسی کی دشمنی بعید از خیال ہے، لہذا اس کمیونٹی کے اوپر اس ظلم کی کوئی وجہ نظر نہیں آتی۔

    انہو ں نے کہا کہ وفاقی و صوبائی حکومت اس بات کا تہیہ کرچکی ہے کہ اس شہر اور ملک بھر سے دہشت گردی کو یکسر ختم کرکے دم لیں گے۔

    انہوں نے کہا کہ دہشت گرد پسپائی اختیار کررہے ہیں لہٰذا وہ اپنی شکست کا بدلہ لینے کیلئے معصوم لوگوں کی جان لے کر خوف کی فضا قائم کرنا چاہتے ہیں۔

    گورنر سندھ نے وفد کو یقین دلایا کہ وفاقی و صوبائی حکومتیں اسماعیلی برادری کو تحفظ فراہم کرنے کے لئے ہر سطح پر اقدامات اٹھائیں گی تاکہ آئندہ اس قسم کے واقعات کا اعادہ نہ ہو ۔

    دریں اثناء گورنر سندھ ڈاکٹر عشرت العباد خان نے پرنس کریم آغا خان سے ٹیلیفونک رابطہ کیا اور ان سے سانحہ پر افسوس کا اظہار کرتے ہوئے کہا کہ پوری قوم غمزدہ خاندانوں کے ساتھ ہے اور سانحہ میں ملوث عناصر کو کیفر کردار تک پہنچایا جائے گا ۔

  • مقامی حکومتوں کا قیام انتہائی نا گزیرہے، ڈاکٹرعشرت العباد خان

    مقامی حکومتوں کا قیام انتہائی نا گزیرہے، ڈاکٹرعشرت العباد خان

    کراچی : گورنر سندھ ڈاکٹر عشرت العباد خان نے کہا ہے کہ مقامی حکومتیں کسی بھی جمہوریت کی بنیاد ہوتی ہیں عوام کو نچلی سطح تک فوائد پہنچانے کے لئے مقامی حکومت کا ہونا انتہائی نا گزیرہے سپریم کورٹ کے احکامات کے مطابق صوبے میں مقامی حکومتوں کے انتخابات اس سال متوقع ہیں ۔

    انہوں نے کہا کہ منتخب مقامی حکومتوں کی تشکیل سے نہ صرف عوام کو فوائد حاصل ہو نگے بلکہ انفرا اسٹرکچر ڈویویلپمنٹ میں بھی تیزی آئے گی ساتھ ہی پورے صوبے میں ترقیاتی کاموں کا جال پھیل جائے گا ۔

    انہوں نے کہا کہ مردم شماری نہ ہونے کی وجہ سے آبادی کا صحیح اندازہ لگانا مشکل ہے یہی وجہ ہے کہ عوام تک ضروری سہولیات فراہم کرنا مشکل ہورہا ہے ۔

    انہوں نے کہا کہ مردم شماری اور ڈی لمیٹیشن سے آبادی کا نہ صرف صحیح اندازہ ہوگا بلکہ عوامی نمائندگی کا بھی معاملہ حل ہو سکتا ہے ۔ یہ بات انہوں نے گورنر ہاؤ س میں کینیڈین ہائی کمشنر سے گفتگو کرتے ہوئے کہی ۔

    گورنر سندھ نے کہا کہ کراچی شہر اوسطاً آبادی سے زائد نمو حاصل کررہا ہے جس کی بنیادی وجہ پورے ملک سے لوگوں کا روزگار کے حصول کے لئے کراچی آنا ہے جہا ں اس شہر میں وسائل ہیں وہیں جرائم بھی ہیں وفاقی و صوبائی حکومتیں اور قانون نافذ کرنے ادارے یکسو ہیں کہ اس شہر سے بلا تفریق جرائم کا خاتمہ کیا جائے ۔

    انہوں نے کہا کہ قانون نافذ کرنے والے اداروں کی کا وشوں سے صو رتحال میں کافی بہتری آئی ہے جس کا اعتراف ہر سطح پر کیا جارہا ہے ۔

    انہوں نے کہا کہ کراچی استعداد کے لحاظ سے موزوں ترین شہر ہے جہاں کم لاگت میں کا روبار ، تجارت اور صنعت کاری کی جا سکتی ہے کیونکہ یہ پورٹ سٹی ہے اور یہاں دو بندرگاہیں بھی موجود ہیں لہذا یہاں سامان کی ترسیل و اشیاء کی برآمدگی آسان ہے۔

    انہوں نے کہا کہ انفرا اسٹرکچر کا شعبہ فراہمی و نکاسی آب کے منصوبے توجہ طلب ہیں جس میں مفید سرمایہ کاری ممکن ہے جبکہ زراعت کے شعبے میں ویلیو ایڈیشن سے بھاری منافع حاصل کیا جاسکتا ہے ۔

    انہوں نے کہا کہ کراچی میں صنعتوں کو بجلی کی فراہمی تسلسل سے کی جارہی ہے یہی وجہ ہے کراچی کی صنعتیں ملک کی دیگر صنعتوں سے بہتر پر فارم کررہی ہیں ۔

    انہوں نے کہا کہ جیسے جیسے سیکیورٹی کے حالات میں بہتری آرہی ہے سرمایہ کار بھی اس شہر کا رخ کررہے ہیں ہماری کو شش ہے کہ غیر ملکی سرمایہ کا ر شہر کے استعداد سے بھرپور فائدہ حاصل کریں ۔

    انہوں نے کہا کہ حکومت نے ملکی و غیر ملکی سرمایہ کاروں کے لئے خطے کے دیگر ممالک کے مقابلے میں سہل شرائط رکھی ہیں تاکہ سرمایہ کار بلا جھجک و خوف موزوں ترین حالات کا فائدہ حاصل کرسکیں ۔

    اس موقع پر کینیڈین ہائی کمشنر نے سرمایہ کاری کے حوالے سے دلچسپی کا اظہار کرتے ہوئے کہا کہ ان کی پوری کوشش ہو گی کہ کینیڈین سرمایہ کار ان مواقع کا بھرپور فائدہ حاصل کریں ۔

  • الطاف حسین گورنر سندھ کوغیر جانبدار ثابت کرنا چاہتے ہیں، خورشید شاہ

    الطاف حسین گورنر سندھ کوغیر جانبدار ثابت کرنا چاہتے ہیں، خورشید شاہ

    اسلام آباد : پیپلزپارٹی کے رہنما خورشید شاہ نےکہا ہے ہو سکتا ہے الطاف حسین گورنر سندھ کوغیر جانبدار ثابت کرنا چاہتے ہوں۔ ان خیالات کا اظہار انہوں نے اسلام آباد میں صحافیوں سے بات چیت کرتے ہوئے کیا۔

    اپوزیشن لیڈر خورشید شاہ نے کہا کہ الطاف حسین کی گورنر سندھ سےناراضگی کی دو وجوہات ہوسکتی ہیں ۔ ہوسکتا ہے وہ گورنر سندھ سے سچ مچ ناراض ہوں یا پھر ضمنی انتخاب کے موقع پرگورنر کو غیر جانبدار ثابت کرنا چاہتے ہوں۔

    واضح رہے کہ ایم کیو ایم کے قائد الطاف حسین نے گورنر سندھ ڈاکٹر عشرت العباد سے لاتعلقی کا اظہار کیا ہے، الطاف حسین کا کہنا ہے کہ گورنر سندھ ڈاکٹر عشرت العباد کا اب ایم کیوایم سے کوئی واسطہ نہیں رہا وہ ایم کیوایم کے نمائندے نہیں ہیں۔

    الطاف حسین نے کہا گورنرسندھ کی موجودگی میں کارکنان کا ماورائے عدالت قتل کیا جاتا رہا، کارکنان کو گھروں سے گرفتار کیا جاتا رہا ہے۔

    ان کے گھر بھی چھاپہ مارا گیا لیکن گورنرسندھ نے نہ کوئی مذمت کی اور نہ ہی قانون نافد کرنے والے اداروں کی کارروائی کا نوٹس لیا۔

    ایم کیو ایم کے قائد نے کہا کہ گورنر سندھ وفاق اور اسٹیبلشمنٹ کے نمائندے ہیں، ایم کیوایم کے نہیں، میری نظر میں گورنرسندھ کی کوئی اب کوئی حیثیت نہیں۔

  • الطاف حسین کی پی ٹی آئی کو ریلی کے لئے معاونت کی پیشکش

    الطاف حسین کی پی ٹی آئی کو ریلی کے لئے معاونت کی پیشکش

    کراچی:متحدہ قومی موومنٹ کے قائد الطاف حسین نےتحریکِ انصاف کوجناح گراؤنڈمیں جلسےکی پیشکش کردی تاہم ان کا کہنا ہے کہ تحریک انصاف یادگار شہداء کے تقدس کا خیال رکھے۔

    ایک بیان میں ایم کیو ایم کے قائد الطاف حسین نےکہا کہ جناح گراونڈ میں گزشتہ روز پیش آنے والے واقعے پر انہیں دلی صدمہ ہوا ہے، تحریک انصاف جناح گراونڈ میں شوق سے جلسہ کرے لیکن یاد گار شہدا کے تقدس کا خیال رکھا جائے۔

    الطاف حسین نے کہا کہ تحریک انصاف جناح گراونڈ کے علاوہ کہیں اور جلسہ کرنا چاہے تو تعاون کیلئے تیار ہیں۔

    ایم کیو ایم کے قائد نے کہا کہ وہ پرامن اورمنصفانہ الیکشن کاانعقادچاہتے ہیں دونوں جماعتیں پرامن طریقےسےالیکشن میں حصہ لیں۔

    الطاف حسین نے کہا کہ گورنرسندھ دونوں جماعتوں سےمل کر الیکشن کے حوالے سے ضابطۂ اخلاق بنائیں۔

  • ایم کیوایم اورتحریکِ انصاف کا گورنرہاؤس میں اجلاس شروع

    ایم کیوایم اورتحریکِ انصاف کا گورنرہاؤس میں اجلاس شروع

    کراچی: متحدہ قومی موومنٹ اور تحریک انصاف کے درمیان بڑھے ہوئے سیاسی درجہ حرارت ک کم کرنے کے لیے گورنرسندھ نے اجلاس طلب کرلیا۔

    تفصیلات کے مطابق گورنر سندھ ڈاکٹر عشرت العباد کی زیرِصدارت دونوں جماعتوں کے وفود گورنر ہاؤس پہنچ چکے ہیں ۔


    ایم کیو ایم نے پی ٹی آئی رہنماؤں کیخلاف مقدمہ درج کرادیا


    اجلاس میں کراچی کے اندر دونوں جماعتوں کے درمیان حد سے بڑھے درجہ حرارت کو کم کرنے کے لئے ضابطہ اخلاق وضع کیا جائے گا۔

    ایم کیوایم کی جانب سے وفد میں کنور نوید اور خالد مقبول صدیقی جبکہ تحریک انصاف کی جانب سے عمران اسمعیل، فردوس نقوی، عارف علوی اور خرم شیر زمان شامل ہیں۔

     اجلاس میں کمشنر کراچی شعیب احمد صدیقی سمیت پولیس کے اعلیٰ افسران بھی شریک ہیں۔

    دونوں جماعتیں این اے 246 میں ہونے والے ضمنی انتخابات کے انعقاد کے لیے خوشگوار ماحول پیدا کرنے کی کوشش کریں گی۔

    واضح رہے کہ گزشتہ روز تحریک انصاف کے کارکنوں کی جناح گراؤنڈ آمد کے موقع پر اشتعال انگیز نعرے بازی کے نتیجے میں ہاتھا پائی کی نوبت آگئی تھی جس کے بعد دونوں جماعتوں کی جانب سے ایک دوسرے کے رہنماؤں کے خلاف مقدمے درج کرائے گئے تھے۔

  • حکومت اور گورنر کی تبدیلی کے کوئی آثار نہیں، نثارکھوڑو

    حکومت اور گورنر کی تبدیلی کے کوئی آثار نہیں، نثارکھوڑو

    کراچی : سینئر صوبائی وزیر سندھ نثار کھوڑو نے کہا ہے کہ حکومت اور گورنر کی تبدیلی کے کوئی آثار نہیں ہیں، اگر کوئی رات میں خواب دیکھے کہ گورنر سندھ تبدیل ہوجائے تو وہ الگ بات ہے۔

    یہ بات انہوں نے پاکستان کسٹم کے تحت اولڈ کسٹم ہاؤس میں سیمینار سے خطاب کرتے ہوئے کہی.

    اس موقع پر نثار کھوڑو کا کہنا تھا کہ منشیات کی اسمگلنگ ،انسانی اسمگلنگ اور اسلحہ کی اسمگلنگ سمیت دیگر جرائم معاشرے کیلئے چیلنج بنتے جارہے ہیں، کراچی پاکستان کا معاشی حب ہے اسے محفوظ بنانے کی ضرورت ہے۔

    انہوں نے کہا کہ جدید ٹیکنالوجی کی مدد سے جرائم کو کنٹرول کیا جاسکتا ہے، انتخابات میں ووٹنگ شفاف ہوتو ووٹرز کو حق رائے دہی سے نہیں روکا جاسکتا۔

    پاکستان کے بہت سے پولنگ اسٹیشنز ایسے ہیں جہاں بہت کچھ ہوتا ہے، حکومت دو ہزار تیرہ میں بھی تبدیل ہوئی تھی۔

  • استعفے کی خبریں بے بنیاد ہیں، گورنرسندھ ڈاکٹرعشرت العباد

    استعفے کی خبریں بے بنیاد ہیں، گورنرسندھ ڈاکٹرعشرت العباد

    کراچی: گورنر سندھ ڈاکٹر عشرت العباد خان نے کہا ہے کہ میرے استعفے کے حوالے سے افواہوں میں کوئی صداقت نہیں ہے  وزیراعظم کی صدارت ایسا کوئی اجلاس نہیں ہوا جس میں شرکت نہ کی ہو۔

    گورنر سندھ ڈاکٹر عشرت العباد خان نے ڈاؤ یونیورسٹی آف ہیلتھ سائنسز اوجھا کیمپس میں پوسٹ گریجوٹس میڈیکل سائنس ریسرچ سینٹراور جدید آپریشن تھیٹر کی افتتاحی تقریب کے موقع پر میڈیا سے گفتگو کرتے ہوئے کہا کہ آپ کو ذیادہ پتہ ہوگا کہ میں استعفیٰ دے رہا ہوں یا نہیں۔

    گورنر سندھ کاکہنا تھا کہ بعض اجلاسوں میں کئی شخصیات شرکت نہیں کرتیں، انہوں نے کہا کہ میرے خیال میں امن وامان کے متعلق کوئی اجلاس نہیں ہوا اور استعفے کے متعلق مجھے کچھ علم نہیں ہے، میرے استعفے کے حوالے سے افواہیں چل رہی ہیں۔

    گورنر سندھ نے ڈاؤ یونیورسٹی آف ہیلتھ سائنسز کے تعلیمی و تحقیقی منصوبوں کے حوالے سے کہا کہ ترقیاتی منصوبوں ، صحت ،تعلیم، علاج و معالجے کیلئے اہمیت کے حامل ہیں، جدید آپریشن تھیٹر کے قیام سے غریب مریضوں کو علاج کی سہولت حاصل ہوگی۔

  • امن وامان کے حوالے سے اعلیٰ سطحی اجلاس، گورنرسندھ کو مدعو نہیں کیا گیا

    امن وامان کے حوالے سے اعلیٰ سطحی اجلاس، گورنرسندھ کو مدعو نہیں کیا گیا

    کراچی : امن وامان کے مسئلہ پر سول حکومتوں کا اجلاس ایئرفورس بیس کراچی میں ہوا۔ گورنر سندھ کو اجلاس میں نہیں بلایا گیا۔

    تفصیلات کے مطابق فیصل بیس کراچی میں وزیر اعظم سے کور کمانڈر کراچی لیفٹیننٹ جنرل نوید مختار اورڈی جی رینجرز میجر جنرل بلال اکبرنے ملاقات کی جس میں انہیں کراچی آپریشن کے حوالے سے آگاہ کیا گیا۔

    جس کے بعد وزیر اعلیٰ سندھ سید قائم علی شاہ بھی اجلاس میں شریک ہو گئے۔اجلاس میں وفاق کے نمائندے گورنر سندھ کو نہیں بٹھایا گیا۔

    صولت مرزاکے ویڈیو بیان کے بعد پہلی مرتبہ ایسا ہوا ہے کہ امن و امان کے حوالے سے اجلاس وزیر اعظم کی صدارت میں ہوا ہے، جس میں گورنر سندھ موجود نہیں تھے۔

    ذرائع کے مطابق امن و امان کا یہ اجلاس گورنر ہاؤس میں ہونا تھا تاہم نہ گزیر وجوہات کی بناء پر وزیراعظم نے فیصل بیس پر ہی اجلاس کیا۔

    اجلاس سے خطاب میں وزیراعظم کا کہنا تھا کہ کراچی میں آپریشن تمام جماعتوں کی مشاورت سے شروع کیا گیا۔

    علاوہ ازیں کراچی اسٹاک ایکسچینج کی تقریب سےخطاب کرتےہوئےوزیراعظم محمد نواز شریف کا کہنا تھا کہ کراچی آپریشن سے جرائم کو روکنے میں کامیاب ہوئے ہیں۔

    شہر میں ٹارگٹ کلنگ میں کمی ہوئی ہے۔ وزیر اعظم کا کہنا تھا کہ کراچی کی ترقی کے لیےدہشت گردی کا خاتمہ ضروری ہے۔

    وزیر اعظم محمد نواز شریف نے ایک بار پھر اپنے اس عزم کا اعادہ کیا کہ جو کام شروع کیا ہے اسے ختم کر کے ہی دم لیں گے۔

  • یوم پاکستان: گورنر سندھ نے مختلف شخصیات کو اعزازات سے نوازا

    یوم پاکستان: گورنر سندھ نے مختلف شخصیات کو اعزازات سے نوازا

    کراچی : گورنرسندھ ڈاکٹر عشرت العباد خان نے آج یوم پاکستان کے موقع پر گورنر ہاؤس کے دربار ہال میں منعقد ایک پروقار تقریب میں اپنے اپنے شعبوں میں نمایاں کارکردگی دکھانے والے 27 افراد کو ستارہ امتیاز، صدارتی تمغہ برائے حسن کارکردگی اور تمغہ امتیاز دیئے۔

    تقریب میں سینئر صوبائی وزیر تعلیم نثار احمد کھوڑو، ڈپٹی اسپیکر شہلا رضا، کورکمانڈر لیفٹننٹ جنرل نوید مختار ، پاک بحریہ کے کمانڈر کراچی وائس ایڈمرل عارف اللہ حسینی، پاک فضائیہ کی سدرن کمانڈ کے کمانڈر ائر وائس مارشل اظہر حسن رضوی کے علاوہ اعلیٰ حکام ، عمائدین شہر اور ایوارڈز حاصل کرنیوالوں کے اقرباء نے شرکت کی۔

    چیف سیکریٹری سندھ محمد صدیق میمن نے تقریب کی نظامت کی ۔ گورنر سندھ ڈاکٹر عشرت العبادخان نے پانچ افراد کو ستارہ امتیاز، 12 افراد کو صدارتی اعزاز برائے حسن کارکردگی اور دس افراد کو صدر پاکستان کی جانب سے  تمغئہ امتیاز دیا۔

    تمغئہ امتیاز پانیوالوں میں پروفیسر ڈاکٹر عبد القادر مغل (تعلیم)، یوسف کمال شکیل (فن،اداری)، پروفیسر نثار احمد صدیقی (خدماتِ عامہ)، نجیب دانہ والا(خدمات عامہ)، محمد صدیق شیخ (خدمات عامہ) شامل ہیں۔

    صدارتی تمغہ برائے حسن کارکردگی حاصل کرنے والوں میں ڈاکٹر رخسانہ مغل (صحت)، پروفیسر شہناز اسماعیل (بصری آرٹس، تعلیم) مہر افروز (فن، پینٹنگ)، مسمات پری (فن، فراسی بنائی)، صلاح الدین تنیو (فن، اداکاری)، عبدالکریم سولنگی (فن، مجسمہ سازی)، محمد بخش عرف نجش مھرانوی(فنون لطیفہ)، ولی رام ولبھو(ادب)، ڈاکٹر علی شوق (ادب و تعلیم)، محمد سلیم کوثر (ادب)، محمد ادریس بختیار (صحافت)، اور عقیل خان (کھیل، ٹینس) شامل ہیں۔

    جب کہ تمغئہ امتیاز حاصل کرنیوالوں میں ڈاکٹر سید ریاض باقر (سائنسی تحقیق)، محمد ظفر عادل ملک (انجینئرنگ)، پروفیشر ذکریا ساجد (صحافت)، علامہ غلام رسول سعیدی (تعلیم)، پروفیسر ڈاکٹر محمد شکیل اوج شہید،بعداز وفات(تعلیم)، انواراحمد خان مرحوم ، بعد از وفات (کھیل، ھاکی)، عبدالوحید خان (کھیل، ھاکی)، نجم الثاقب حمید (سماجی خدمات)، مہتاب الدین چاؤلہ (سماجی خدمات)، اور سید عتیق الرحمان (سماجی خدمات) شامل ہیں۔

  • مزارِقائد پریومِ پاکستان کی تقریب، گورنر، وزیراعلیٰ کی شرکت

    مزارِقائد پریومِ پاکستان کی تقریب، گورنر، وزیراعلیٰ کی شرکت

    کراچی :بانی پاکستان کے مزار پریومِ پاکستان کی پروقارتقریب میں وزیراعلیٰ سندھ سید قائم علی شاہ اورگورنر سندھ ڈاکٹر عشرت العباد خان نے مزارقائد پرحاضری دی اوربانی پاکستان کو خراجِ عقیدت پیش کیا۔

    بانی پاکستان قائد اعظم محمد علی جناح کے مزار پریوم پاکستان کی پروقارتقریب کا انعقاد کیاگیا، پاک فضائیہ کے دستے نے گارڈ کے فرائض سنبھالے جبکہ تینوں مسلح افواج کے نمائندوں نے بھی مزارقائد پرحاضری دی۔

    یوم پاکستان کے موقع پروزیراعلیٰ سندھ سید قائم علی شاہ اورگورنر سندھ ڈاکٹر عشرت العباد خان نے بھی مزارپرحاضری دی اور فاتحہ پڑھی۔

    gov

    بعدازاں دونوں شخصیات نے مہمانوں کی کتاب میں اپنے تاثرات تحریر کیے۔

    یوم پاکستان کو شایان شان طریقے سے منانے کیلئے مختلف شعبہ ہائے زندگی سے تعلق رکھنے والے افراد اورشہریوں نے بھی مزار قائد پرحاضری دی اوراپنی محبت کا اظہار کیا۔

    شہریوں کاکہنا ہے کہ یوم پاکستان شایان شان طریقے سے مناکر ہم اپنے بھرپوراتحاد کا مظاہرہ کرتے ہیں۔یوم پاکستان اس عزم کی تجدید کے ساتھ منایا گیا کہ پاکستان کے روشن اور تابناک مستقبل کیلئے معاشرے کے تمام افراد کو اپنا کردار ادا کرنا ہوگا۔