Tag: governor sindh

  • صولت مرزا کے گھروالوں کے کہنے پرسفارش کی، گورنرسندھ

    صولت مرزا کے گھروالوں کے کہنے پرسفارش کی، گورنرسندھ

    کراچی: گورنر سندھ نےتصدیق کرتے ہوئے کہا ہے کہ صولت مرزاکےلیےخط لکھا تھا میرا صدر کو خط بھیجنا کوئی غیر آئینی یہ غیر قانونی اقدام نہیں ہے ۔

    اے آر وائی کے پروگرام پاور پلے میں خصوصی طور پر گفتگو کرتے ہوئے گورنر سندھ ڈاکٹر عشرت العباد کا کہنا تھا کہ صولت مرزا کے اہلخانہ نے رحم کی اپیل کے لئے رابطہ کیا تھا، صولت مرزاکےگھروالوں نےاپیل کی تھی اس لیےصولت مرزاکی سزاکم کرنےکی سفارش کی۔

    انہوں نے کہا کہ صدرنےاختیاراستعمال کرتےہوئےسفارش رد کردی، انہوں نے کہا کہ  یہ صدر کو اپنی صوابدیدہ ہے کہ کس کو سزا دی جائے اور کس کو نہ دی جائے۔

    ایک سوال نے جواب میں انہوں نے کہا کہ صولت مرزا کے الزام پر اس وقت کوئی تبصرہ نہیں کر سکتا،مجھے اپنے رب کو جواب دینا ہے،صولت مرزا نے جو الزام لگایا وہ ان کا ذاتی فعل ہے۔

    انہوں نے کہا کہ جو بھی ہمارے دروازے پر آئے گا اس کی اپیل پر نظر ثانی کی جائےگی، انہوں نے کہا کہ اس سے قبل بھی جب سومالیہ میں لوگ پھنسے تھے تو میں نے اپنا کردار ادا کیا۔

    انہوں نے کہا کہ اس وقت ملک بڑے نازک صورتحال سے گزر رہا ہے ایسے حالات میں میڈیا کو بھی اپنا صحیح کردار ادا کرنا چاہیئے، اور بے بنیاد اور غیر تصدیق شدہ خبروں کو نشر کرنے سے پر ہیز کرنا چاہیئے۔

  • گورنرسندھ کا چوہدری نثار اور ڈی جی رینجرز سے رابطہ

    گورنرسندھ کا چوہدری نثار اور ڈی جی رینجرز سے رابطہ

    کراچی: گورنرسندھ ڈاکٹرعشرت العباد نےوفاقی وزیرداخلہ چوہدری نثار اور ڈی جی رینجرزمیجرجنرل بلال اکبر سےرابطہ کیااورنائن زیرو پر چھاپےاور گرفتاریوں سے متعلق تبادلہ خیال کیا۔

    ایم کیوایم کےمرکزنائن زیرو پر رینجرز کے چھاپہ پر گورنر سندھ ڈاکٹرعشرت العباد نے وفاقی وزیرداخلہ چوہدری نثار اور ڈی جی رینجرز سندھ میجر جنرل بلال اکبر سے رابطہ کیا۔

    گورنر سندھ نے چوہدری نثار کو چھاپے اور گرفتاریوں کے بعد پیداہونے والی صورتحال اور ایم کیو ایم کی قیادت کے تحفظات سے بھی آگاہ کیا۔

    ڈی جی رینجرز سےرابطے میں گورنر سندھ نےگرفتار افرادکےمتعلق تبادلہ خیال کیا، نائن زیرو پر چھاپے کے بعد وزیر اعلی سندھ بھی حرکت میں آئے، واقعےکانوٹس لیتےہوئےآئی جی سندھ سےتفصیلات طلب کر لی۔

    ایڈیشنل آئی جی غلام قادرتھیبونےکہاکہ امن تباہ کرنےکی ہرکوشش کو ناکام بنائیں گے، کسی کو دھمکی ملتی ہے تو پولیس سےرابطہ کرے۔

  • کراچی: اےآروائی کی نشاندہی، قبضہ مافیا سےاسکول چھڑالیا گیا

    کراچی: اےآروائی کی نشاندہی، قبضہ مافیا سےاسکول چھڑالیا گیا

    کراچی: وائی ایم سی اے اسکول کا میدان اب پھر کھیلوں سے سجے گا، گورنر ڈاکٹر عشرت العباد خان کے حکم پر شادی ہالز کا سامان اٹھا لیاگیا۔

    بچوں کے وائی ایم سی اے اسکول پر شادی ہالز پرمافیا کا قبضہ تھا یہ خبر اے آروائی نیوز پرنشر ہونے کے بعد ایم کیو ایم کے قائد الطاف حسین اور گورنر سندھ کی ہدایت پر سرکاری مشنری حرکت میں آگئی۔

    وائی ایم سی اسکول پر شادی ہالز مافیا کے قبضے کے حوالے سے بچوں کا کہنا تھا کہ شادی ہالز کی وجہ سے کھیلنے کی جگہ نہیں تھی اور اسکول میں بدبو آتی رہتی تھی۔

    گورنر سندھ کی ہدایت پر شادی بیاہ کی تقریبات میں استعمال ہونے والا سارا سامان اٹھا یا جانے لگا،جبکہ غیرقانوی دیواروں کو توڑا گیا اور سامان کو ٹرکوں میں لاد کر لے جایا گیا۔

    واقع کا نوٹس لینے کے بعد گورنرسندھ ڈاکٹر عشرت العباد خان نےاسکول کادورہ کیا،اس موقع پر ڈاکٹرعشرت العباد کا کہناتھا کہ نشاندہی پراےآروائی نیوزکاشکرگذار ہوں۔

  • کراچی: وائی ایم سی اے سیکنڈری اسکول پر قبضہ

    کراچی: وائی ایم سی اے سیکنڈری اسکول پر قبضہ

    کراچی : ملک کے سب سے بڑے شہر کراچی میں گورنر ہاؤس کے سامنے وائی ایم سی اے سیکنڈری اسکول کو قبضہ مافیا نے شادی ہال میں تبدیل کردیا، گورنر سندھ نے کمشنر کراچی سے رپورٹ طلب کرلی ہے۔

    کراچی میں بعض سرکاری اسکولوں پر مافیا قابض ہے، حال ہی میں شاہ فیصل کالونی میں سرکاری اسکولوں پر قبضہ کی کوشش کوعوام الناس کے علم میں لانے کے بعد اب گورنر ہاؤس کے سامنے وائی ایم سی اے سیکنڈری اسکول کو شادی ہال میں بدلنے کا واقعہ اے آروائی نیوز منظرعام پر لے کر آیا ہے۔

    کلاس روم میں بچے نہیں کیٹرنگ کا سامان رکھا گیا ہے اور پلے گراؤنڈ میں کھیل نہیں شادی کا کھانا پکتا ہے۔

    اسکول پرنسپل کا کہنا ہے کہ نویں اور دسویں کلاس کو گودام میں تبدیل کر دیا گیا ہے۔

    اسکول کے طلباء اور پرنسپل نے گورنر سندھ سے فوری مداخلت اور چیف جسٹس سے از خود نوٹس لینے کی اپیل کی، گورنر سندھ نے صورتحال کا نوٹس لیتے ہوئے کمشنر کراچی سے رپورٹ طلب کرلی ہے۔

     یاد رہے اس سے قبل کراچی کے علاقے شاہ فیصل کالونی میں واقع سرکاری اسکول کو مسمار کرکے گھر تعمیر کرنے کا گورنر سندھ نے نوٹس لے لیا۔ سرکاری اسکول پر چند ماہ قبل بھی قبضہ کیا گیا تھا۔

    جس کی ایف آئی آر ڈائریکٹر عبدالوہاب عباسی نے کئی ماہ قبل درج کرائی تھی، دو افراد کو نامزد بھی کیا گیا تھا تاہم ان کے خلاف کوئی کارروائی نہیں کی گئی، موسم سرما کی تعطیلات کے بعد جب دوبارہ اسکول کھلے تو اسکول کی عمارت مسمار ہوچکی تھی ، طلبہ و طالبات کھلے آسمان تلے پتھروں پر بیٹھے ہوئے تھے۔

    واضح رہے کہ اے آروائی نیوز ساڑھے پانچ ماہ قبل اسکول پر قبضے کی نشاندھی کرچکا ہے ۔اے آروائی پر خبر نشر ہونے کے بعد ڈائریکٹر اسکولز عبدالوہاب عباسی نے قبضہ مافیا کے خلاف ایف آئی آر درج کرائی۔

  • گورنرسندھ نے سرکاری اسکول مسمارکرنیکا نوٹس لے لیا

    گورنرسندھ نے سرکاری اسکول مسمارکرنیکا نوٹس لے لیا

    کراچی : شاہ فیصل کالونی میں واقع سرکاری اسکول کو مسمار کرکے گھر تعمیر کرنے کا گورنر سندھ نے نوٹس لے لیا۔ سرکاری اسکول پر چند ماہ قبل بھی قبضہ کیا گیا تھا۔

    جس کی ایف آئی آر ڈائریکٹر عبدالوہاب عباسی نے کئی ماہ قبل درج کرائی تھی، دو افراد کو نامزد بھی کیا گیا تھا تاہم ان کے خلاف کوئی کارروائی نہیں کی گئی۔

    موسم سرما کی تعطیلات کے بعد جب دوبارہ اسکول کھلے تو اسکول کی عمارت مسمار ہوچکی تھی ، طلبہ و طالبات کھلے آسمان تلے پتھروں پر بیٹھے ہوئے تھے۔

    گورنر سندھ ڈاکٹر عشرت العباد خان نے صورتحال کا نوٹس لیتے ہوئے شاہ فیصل کالونی مین واقع سرکاری اسکول کا تفصیلی معائنہ کیا ،گورنر سندھ کے ساتھ کمشنر کراچی اور دیگر افسران بھی موجود تھے۔

    گورنر سندھ کاکہنا تھا کہ فوری طور پر اسکول سے قبضہ ختم کرایا جائے، اور اسکول کو فوری طور پر دوبارہ تعمیر کیا جائے گا۔

    اسکول کے دورے کے بعد میڈیا سے گفتگو کرتے ہوئے گورنر سندھ ڈاکٹر عشرت العباد خان کاکہنا تھا کہ اسکول کی عمارت سے قبضہ ختم کرانے کے احکامات جاری کردیے ہیں ۔

    کوشش ہوگی کہ کل سے ہی تعمیراتی کام کا آغازکردیا جائے، انہوں نے کہا کہ محکمہ ورکس ڈپارٹمنٹ کے مطابق ز مین محکمہ تعلیم کی ملکیت ہے۔تعطیلات کے دوران اسکول کی عمارت پر قبضہ کیا گیا ۔

    گورنرسندھ کاکہنا تھا کہ سرکاری اسکول پر قبضہ ناقابل برداشت ہے، گورنر سندھ نے کہا کہ اگر کسی کو کوئی اعتراض تھا تو وہ عدالت سے رجوع کرتا تاہم یہ طریقہ غلط ہے کہ بچوں کو تعلیم سے محروم کردیا جائے۔

    انہوں نے کہا کہ واقعے کی مکمل تحقیقات ہوگی اور اساتذہ کرام اس موجودہ ماحول میں بھی تدریس جاری کرنے کو تیار ہیں۔

    واضح رہے کہ اے آروائی نیوز ساڑھے پانچ ماہ قبل اسکول پر قبضے کی نشاندھی کرچکا ہے ۔اے آروائی پر خبر نشر ہونے کے بعد ڈائریکٹر اسکولز عبدالوہاب عباسی نے قبضہ مافیا کے خلاف ایف آئی آر درج کرائی۔

  • سندھ میں اسکول 12جنوری کو کھولنے کا فیصلہ

    سندھ میں اسکول 12جنوری کو کھولنے کا فیصلہ

    کراچی : گورنر سندھ ڈاکٹرعشرت العباد خان کی زیرِ صدارت گورنر ہاؤس میں نجی اسکولوں کی سیکورٹی کے حوالے سے اعلیٰ سطح اجلاس ہوا۔

    اجلاس میں کراچی کے معروف نجی اسکولز کے سربراہان اور ایسوسی ایشن کے عہدیداروں نے شرکت کی، اجلاس میں فیصلہ کیا گیا کہ تمام سرکاری و غیر سرکاری اسکول بارہ جنوری کو کھول دئیے جائیں گے جبکہ قلیل مدتی سیکورٹی پلان پر اسکول کھلنے سے پہلے عمل درآمد کو یقینی بنایا جائے گا۔

    کمشنر کراچی شعیب احمد صدیقی کی سربراہی میں ایک کمیٹی تشکیل دی گئی ہے، کمیٹی کی کوآرڈی نیٹر رجسٹرار نجی اسکول رافیہ ملاح ہوں گی۔

    کمیٹی تمام اسکولوں کا سیکیورٹی آڈٹ کرے گی، جس میں اسکولوں کے نمائندے بھی شریک ہوں گے اور تمام چھوٹے اور بڑے اسکولوں کی سیکورٹی کو فول پروف بنائے گی۔

  • الطاف حسین کی گورنر سندھ کو مبارک باد

    الطاف حسین کی گورنر سندھ کو مبارک باد

    لندن :متحدہ قومی موومنٹ کے قائدالطاف حسین نے گورنر سندھ ڈاکٹرعشرت العباد خان کوبطورگورنرسندھ کے12 سال مکمل ہونے پر دلی مبارکباد پیش کی ہے۔

    ایک بیان میں الطاف حسین نے کہاکہ ڈاکٹرعشرت العباد ، پاکستان کے پہلے، براعظم ایشیا کے دوسرے اور دنیا بھر میں تیسرے گورنر ہیں جو طویل عرصہ سے گورنرکے منصب پرفائز ہیں۔

    گورنر سندھ ڈاکٹرعشرت العباد نے مسلسل 12 سال تک گورنرکے منصب پر رہتے ہوئے سب سے زیادہ عوامی مسائل سنے اورانہیں حل کرنے کی حتی المقدور کوششیں کیں۔

    الطاف حسین نے کہاکہ گورنر سندھ نے صوبے کے عوام کے درمیان بھائی چارے کے فروغ اور ملک کی ترقی وخوشحالی کیلئے محنت ولگن سے کام کرتے ہوئے بہتر کارکردگی کامظاہرہ کیا ہے جس پر میں انہیں دلی مبارکباد پیش کرتا ہوں ۔

    الطاف حسین نے دعا کی کہ اللہ تعالیٰ گورنر سندھ ڈاکٹر عشرت العباد کو صحت وتندرستی عطا فرمائے اور انہیں اسی طرح اپنے فرائض منصبی دیانتداری سے ادا کرنے کی توفیق دے۔

  • قوم مسلح افواج کے پیچھے کھڑی ہے، گورنر سندھ

    قوم مسلح افواج کے پیچھے کھڑی ہے، گورنر سندھ

    کراچی: گورنرسندھ ڈاکٹرعشرت العباد خان نےدہشت گردی سے نمٹنے کے عزم کااظہارکیا ہے، انکا کہنا تھا کہ قوم متحد ہے اورمسلح افواج کے پیچھے کھڑی ہے۔

    اے آروائی نیٹ ورک کی جانب سے سانحہ پشاورکےشہدا کوخراج عقیدت پیش کرنے کیلئے بینظیربھٹوپارک میں خصوصی تقریب کااہتمام کیاگیا، جس میں سیاسی اورمذہبی رہنماؤں سمیت شہریوں کی بڑی تعداد نے شرکت کی۔

    گورنرسندھ ڈاکٹرعشرت العباد پہنچے تو اے آروائی نیٹ ورک کے صدراور سی ای او سلمان اقبال نے ان کااستقبال کیا۔ اس موقع پر گفتگو کرتے ہوئے گورنرسندھ نے شہداء کے لواحقین سے یکجہتی کااظہارکرتے ہوئے دہشت گردی سے نجات کے عزم کااظہارکیا۔

  • وزیرِاعلیٰ سندھ سید قائم علی شاہ کی گورنرسندھ سے ملاقات

    وزیرِاعلیٰ سندھ سید قائم علی شاہ کی گورنرسندھ سے ملاقات

    کراچی: وزیرِاعلیٰ سندھ سید قائم علی شاہ نے گورنر ہاؤس میں گورنرسندھ ڈاکٹر عشرت العباد خان سے ملاقات کی، اس موقع پر صوبائی بلدیات وزیر شرجیل انعام میمن بھی موجود تھے۔

    گورنر سندھ ڈاکٹر عشرت العباد خان اور وزیراعلیٰ سندھ سیدقائم علی شاہ کے درمیان گورنر ہاؤس میں ہونے والی ملاقات میں اس بات پر اتفاق کیا گیا ہے کہ کراچی میں ہونے والے ٹارگٹڈ آپریشن سے امن وامان کی صورتحال میں خاصی بہتری آئی ہے۔

    انہوں نے کہا کہ بلاتفریق آپریشن جاری رہے گا،اور مجرموں کے ساتھ کسی قسم کی کوئی رعایت نہیں برتی جائے گی، اور تمام سیاسی اکائیوں میں بھی امن وامان کی صورتحال پر اتفاق موجود ہے ۔

    وزیراعلیٰ سندھ اور صوبائی وزیر بلدیات شرجیل انعام میمن نے کراچی میں جاری ترقیاتی منصوبوں کے حوالے سے گورنر سندھ کو آگاہ کیا ۔

    گورنر نے کہا کہ کراچی ملکی معیشت کا حب ہے ، جاری منصوبوں کو جلد از جلد مکمل کرکے عوام کو سہولتیں پہنچائی جائیں۔

  • وزیر داخلہ چوہدری نثار کی گورنرسندھ سے ملاقات

    وزیر داخلہ چوہدری نثار کی گورنرسندھ سے ملاقات

    کراچی: وفاقی وزیر داخلہ چوہدری نثارکاکہناہے کراچی آپریشن بغیرکسی دباؤکے اہداف کے حصول تک جاری رہے گا۔

    کراچی آپریشن میں پیش رفت کاجائزہ لینے کیلئے وزیرداخلہ چوہدری نثار کراچی پہنچ گئے، چوہدری نثار نے گورنرسندھ ڈاکٹرعشرت العباد سےملا قات کی اورکراچی میں امن وامان کی صورتحال پرتبادلہ خیال کیا، دونوں رہنماؤں نے کراچی میں قانون نافذ کرنے والے اداروں کی کارکردگی کوسراہا، وزیرداخلہ چوہدری نثار نے ایک مرتبہ پھر کراچی آپریشن بغیر کسی دباؤ کے اوراہداف کےحصول تک جاری رکھنے کے عزم کااعادہ کیا۔

    ان کا کہنا تھا کراچی میں امن اور ترقی اولین ترجیح ہے، قانون نافذ کرنے والے اداروں کو ہر ممکن وسائل فراہم کریں گے۔امن کیلئےوفاق سندھ حکومت کےساتھ ملکراقدامات کررہاہے،چوہدری نثار نے جرائم پیشہ افرادکےخلاف بلاامتیازکارروائی کرنے کی بھی ہدایت کی۔