ARYNews.tv | Urdu – Har Lamha Bakhabar

Tag: governor sindh

  • اونٹ کی ٹانگ کاٹنے کا انسانیت سوز سلوک، گورنر سندھ کا اہم اعلان

    اونٹ کی ٹانگ کاٹنے کا انسانیت سوز سلوک، گورنر سندھ کا اہم اعلان

    کراچی: گورنر سندھ نے سانگھڑ میں مبینہ بااثر وڈیرے کے ظلم کے شکار شہری کو 2 اونٹ دینے کا اعلان کر دیا ہے۔

    تفصیلات کے مطابق سندھ کے ضلع سانگھڑ میں ایک وڈیرے نے کھیت میں داخل ہونے پر اونٹ کی ٹانگ کاٹ دی تھی، اس واقعے کی ویڈیو وائرل ہونے پر پانچ افراد کو حراست میں لے لیا گیا ہے۔

    گورنر سندھ کامران خان ٹیسوری نے اس سلسلے میں متاثرہ شہری کو دو اونٹ دینے کا اعلان کیا ہے، انھوں نے کہا کہ کھیت میں داخل ہونے پر اونٹ کی ٹانگ کاٹ دینا انسانیت نہیں، جانوروں سے ایسا سلوک کیا جانا کسی انسان کو زیب نہیں دیتا۔

    گورنر سندھ نے کہا اونٹ کی ٹانگ کاٹ کر غریب شخص سے اس کی روزی بھی چھینی گئی، قربانی کا مہینہ دوسروں کے دکھ درد کا احساس جگانے کی کوشش ہے، میں دورہ حیدرآباد کے دوران سانگھڑ کے متاثرہ شخص کو اونٹ دوں گا۔

    سانگھڑ : کھیت میں گھسنے پر وڈیرے نے اونٹ کی ٹانگ کاٹ دی ، ویڈیو وائرل

    کامران ٹیسوری نے کہا کہ پولیس واقعے کے اصل ذمہ داروں کے خلاف کارروائی کرے، اور مظلوم شہری کو انصاف دیا جائے۔

  • گورنر سندھ کا 50 ہزار آئی ٹی اسٹوڈنٹس کے ساتھ میچ دیکھنے کا اعلان

    گورنر سندھ کا 50 ہزار آئی ٹی اسٹوڈنٹس کے ساتھ میچ دیکھنے کا اعلان

    کراچی: امریکا میں جاری ٹی 20 ورلڈ کپ میں آج پاک بھارت ٹاکرا ہوگا، گورنر سندھ نے 50 ہزار آئی ٹی اسٹوڈنٹس کے ساتھ مل کر میچ دیکھنے کا اعلان کیا ہے۔

    تفصیلات کے مطابق گورنر سندھ کی جانب سے آج شام کو گورنر ہاؤس میں پاک بھارت میچ دیکھنے کے لیے بڑی اسکرین لگائی جائے گی، جس کے لیے انھوں نے تمام آئی ٹی اسٹوڈنٹس کو میچ سے قبل گورنر ہاؤس آنے کی دعوت دے دی ہے۔

    گورنر سندھ کامران ٹیسوری نے کہا ہے کہ تمام آئی ٹی طلبہ کو میچ دیکھنے کی دعوت دی جا رہی ہے، جتنے آئی ٹی اسٹوڈنٹس ہیں وہ گورنر ہاؤس ساڑھے 7 بجے سے پہلے پہنچ جائیں، سب کے لیے ریفریشمنٹ کا انتظام بھی کیا گیا ہے۔

    انھوں نے کہا کہ سب ساتھ بیٹھ کر میچ دیکھیں گے، اور جیت کا جشن مل کر منائیں گے، گورنر سندھ کا کہنا تھا کہ اس طرح اپنی ٹیم کو سپورٹ بھی کریں گے اور ورلڈ کپ بھی انجوائے کریں گے۔

  • ’’پولیس کو ماتحت کر دیں، پھر دیکھتا ہوں موٹر سائیکل یا فون کیسے چِھنتے ہیں‘‘

    ’’پولیس کو ماتحت کر دیں، پھر دیکھتا ہوں موٹر سائیکل یا فون کیسے چِھنتے ہیں‘‘

    کراچی: گورنر سندھ کامران ٹیسوری نے شہر میں موٹر سائیکلیں اور موبائل فونز چِھننے کے واقعات پر سخت ردِ عمل ظاہر کرتے ہوئے کہا ہے کہ اگر پولیس کو ان کے ماتحت کر دیا جائے، تو پھر وہ دیکھیں گے کہ کسی سے موٹرسائیکل یا فون کیسے چِھنتے ہیں۔

    تفصیلات کے مطابق گورنر سندھ کامران ٹیسوری نے گزشتہ رات میڈیا سے گفتگو کرتے ہوئے شہریوں سے موٹر سائیکلیں اور موبائل فونز چِھننے پر سخت رد عمل ظاہر کیا، انھوں نے کہا حکومت سندھ اور وزیر داخلہ کی ذمے داری ہے کہ وہ عوام کی موٹر سائیکلیں اور فون بازیاب کرائیں۔

    انھوں نے کہا ’’کیا مجھے نہیں پتا کہ موٹر سائیکل کہاں کھل کر بکتی ہیں، کیا مجھے نہیں معلوم کہ چوری کے موبائل فون کہاں خریدے اور بیچے جاتے ہیں۔‘‘

    کامران ٹیسوری نے کہا ’’میں پہلے بھی کہہ چکا ہوں کہ پولیس کو میرے ماتحت کر دیں، اس کے بعد دیکھتا ہوں کہ کیسے کوئی موٹر سائیکل یا موبائل فون چِھن جائے۔‘‘

    گورنر سندھ نے سخت لہجے میں کہا کہ تھانہ ایس ایچ اوز کا کام عوام کی خدمت اور سیکیورٹی ہے، ان کو میں انسان کا بچہ بناؤں گا۔

  • گورنر سندھ نے صوبے میں ٹرانسفر پوسٹنگ پر تحفظات کا اظہار کر دیا، یونس دھاگا کے انکشافات؟

    گورنر سندھ نے صوبے میں ٹرانسفر پوسٹنگ پر تحفظات کا اظہار کر دیا، یونس دھاگا کے انکشافات؟

    کراچی: گورنر سندھ نے صوبے میں ٹرانسفر پوسٹنگ پر تحفظات کا اظہار کر دیا، کامران ٹیسوری نے کہا کہ کئی جگہوں پر ٹرانسفر پوسٹنگ صحیح نہیں ہوئی ہے۔

    تفصیلات کے مطابق گورنر سندھ کامران ٹیسوری نے اے آر وائی نیوز سے خصوصی گفتگو کرتے ہوئے کہا ہے کہ یونس دھاگا نے مجھ سے ملاقات میں سسٹم اور کئی معاملات پر اہم انکشافات کیے، نگراں وزیر اعلیٰ سے پوچھوں گا کہ جو یونس دھاگا کا انکشافات ہیں، ان میں کتنی سچائی ہے اور کیا انھیں اس کا پتہ ہے۔

    کامران ٹیسوری کا کہنا تھا کہ نگراں وزیر اعلیٰ سندھ نے جب یونس دھاگا کو وزارت سے ہٹایا تو خود وزیر اعلیٰ کو بھی کئی باتوں کا علم نہیں تھا، میں جب ان سے جب ملاقات کروں گا تو پوچھوں گا کہ یونس دھاگا سے وزارت کیوں واپس لی؟

    گورنر سندھ نے کہا ’’سندھ میں جو ٹرانسفر پوسٹنگ ہوئی ہے اس پر متحدہ سمیت بحیثیت گورنر مجھے بھی شدید تحفظات ہیں، کئی جگہوں پر یہ ٹرانسفر پوسٹنگ صحیح نہیں ہوئی ہے، ان پر نظر ثانی کی ضرورت ہے، اس حوالے سے نگراں وزیر اعلیٰ اور الیکشن کمیشن حکام سے بھی بات کروں گا۔‘‘

    انھوں نے کہا ’’سسٹم اور مافیا اس کوشش میں ہیں کہ مل کر مجھے کمزور کریں، لیکن مجھے پروا نہیں ہے، وہ دن دور نہیں جب مافیا کے سرغنہ جیلوں کے اندر دکھائی دیں گے، تارکین وطن اور غیر قانونی طور پر مقیم افغانیوں کے خلاف وہ آپریشن ہوگا کہ معلوم ہو جائے گا، ان سب کو واپس جانا ہوگا۔‘‘

    افغانیوں کے مسئلے پر کامران ٹیسوری نے مزید کہا ’’پچھلے دو ہفتوں میں ضلع ایسٹ سے 80 افغانیوں کو گرفتار کیا گیا، پورے شہر میں ان کے ٹھکانوں اور ان کی تعداد کے حوالے سے فہرست تیار کی جا رہی ہے۔‘‘

    الیکشن کی تاخیر کے خدشات کے حوالے سے گورنر سندھ نے کا کہ بلاول بھٹو کو بھی سمجھ آ گئی ہے کہ ایک سسٹم ہے اور اس کو ختم ہونا چاہیے، الیکشن ہونے چاہیئں اور جو آئین و قانون کہتا ہے اس کے مطابق ہونے چاہیئں، ایسا الیکشن جو سب کو قابل قبول ہو۔

  • ایس ایس یو کی موجودہ پیشہ ورانہ مہارت مثالی ہے: گورنر سندھ

    ایس ایس یو کی موجودہ پیشہ ورانہ مہارت مثالی ہے: گورنر سندھ

    کراچی: گورنر سندھ کامران ٹیسوری نے کہا ہے کہ ایس ایس یو کی موجودہ پیشہ وارانہ مہارت مثالی ہے، انھوں نے آج اسپیشل سیکیورٹی یونٹ ہیڈ کوارٹرز کا دورہ کیا۔

    تفصیلات کے مطابق گورنر سندھ محمد کامران خان ٹیسوری نے اسپیشل سیکیورٹی یونٹ ہیڈ کوارٹرز کا دورہ کیا، اس موقع پر ڈی آئی جی سیکیورٹی اینڈ ایمرجنسی سروسز ڈویژن کراچی ڈاکٹر مقصود احمد نے ان کا ستقبال کیا، جب کہ ایس ایس یو کے خصوصی دستے نے ان کی آمد کے موقع پر سلامی پیش کی۔

    ترجمان ڈی آئی جی سیکیورٹی اینڈ ایمرجنسی سروسز ڈویژن کراچی کے مطابق گورنر سندھ نے ڈی آئی جی کے ہمراہ ہ اسلحہ خانہ، فائرنگ رینج اورایس ایس یو کے مختلف شعبوں کا دورہ کرتے ہوئے ایس ایس یو کی موجودہ پیشہ وارانہ مہارت اور انتظامات کو مثالی قرار دیا۔

    ڈی آئی جی ڈاکٹر مقصود احمد نے گورنر سندھ کو ایس ایس یو کے قیام سے لے کر جدت سے آراستہ یونٹ کی تشکیل تک کے سفر کے بارے میں آگا ہ کیا۔ انھو ں نے مزید بتایا کہ ملک میں پہلی مرتبہ ایس ایس یو سندھ پولیس میں S.W.A.T ٹیم قائم کی گئی ہے، جس میں کمانڈوز بشمول لیڈی کمانڈوز تربیت یافتہ اور جدید ہتھیاروں سے لیس ہیں، جو کسی بھی ناخوش گوار حالات سے نمٹنے کے لیے ہمہ وقت تیار رہتے ہیں۔

    انھوں نے بتایا کہ کمانڈوز کی پیشہ وارانہ مہارت میں مزید اضافے کے لیے پاکستان آرمی مختلف ٹریننگ انسٹیٹیوٹ میں تربیت فراہم کر رہی ہے۔ ڈی آئی جی سیکیورٹی اینڈ ایمرجنسی سروسز ڈویژن کراچی نے سندھ پولیس کے ذیلی ادارے مددگار 15 میں کی جانے والی اصلاحات اور اپ گریڈیشن کے بارے میں آگاہ کیا کہ مددگار 15 جس کا کسی بھی ایمرجنسی صورت حال میں ریسپانس ٹائم 30-40 تھا، اب محدود ہو کر 07-10 ہو گیا ہے۔

    کامران خان ٹیسوری نے ایس ایس یو کے انتظامی، سیکیورٹی اور انسداد دہشت گردی امور میں اعلیٰ پیشہ ورانہ معیار کو سراہا اور سندھ پولیس کے شہدا کو خراج تحسین پیش کرتے ہوئے کہا کہ شہر اور صوبے کا امن برقرار رکھنے میں سندھ پولیس اہم کردار ادا کر رہی ہے۔

    دورے کے موقع پر گورنر سندھ نے S.W.A.T ٹیم کی جانب سے دہشت گردوں سے نمٹنے کے لیے مشقوں کا مشاہدہ کیا۔ ڈی آئی جی سیکیورٹی ڈاکٹر مقصود احمد نے مہمان کو اعزازی شیلڈ بھی پیش کی۔

  • کراچی واٹر اینڈ سیوریج کارپوریشن بل گورنر سندھ کے پاس پہنچ گیا

    کراچی واٹر اینڈ سیوریج کارپوریشن بل گورنر سندھ کے پاس پہنچ گیا

    کراچی: واٹر اینڈ سیوریج کارپوریشن بل گورنر سندھ کامران ٹیسوری کے پاس پہنچ گیا، گورنر کی منظوری سے واٹر اینڈ سیوریج بورڈ کو کارپوریشن کا درجہ مل جائے گا۔

    کراچی واٹر اینڈ سیوریج بورڈ کارپوریشن کا چیئرمین میئر کراچی ہوگا، یہ بل گورنر کی منظوری سے نافدالعمل ہوگا، اور اس سے میئر کے اختیارات میں اضافہ ہو جائے گا۔

    وزیر اعلیٰ سندھ مراد علی شاہ، چیف سیکریٹری، مشیر قانون اور سندھ اسمبلی بل کی منظوری پہلے ہی دے چکے ہیں۔

  • گورنرسندھ کی جانب سے مفت ہیلتھ کارڈ کا اعلان

    گورنرسندھ کی جانب سے مفت ہیلتھ کارڈ کا اعلان

    کراچی : سندھ کے گورنر کامران ٹیسوری نے سندھ کے عوام کو ان کو صحت کی سہولیات کی فراہمی کیلئے بڑا فیصلہ کیا ہے جس کے تحت مفت صحت کارڈ فراہم کیا جائے گا۔

    تفصیلات کے مطابق گورنرسندھ نے شہریوں کیلئے مفت ہیلتھ کارڈ کے اجرا کا اعلان کردیا, as اس بات کا اعلان انہوں نے گورنر ہاؤس کراچی میں بڑے پیمانے پر جانوروں کی قربانی کے موقع پر گفتگو کرتے ہوئے کیا۔

    انہوں نے بتایا کہ صوبے کے 35سے 40 ہزار روپے تنخواہ دار طبقے کیلئے مفت ہیلتھ کارڈ کا اجراء عید کے بعد کیا جائے گا، ان کا کہنا تھا کہ اس سہولت کا تعلق وفاقی یا صوبائی حکومت سے نہیں بلکہ مخیر حضرات کے تعاون سے اسے عوام کیلئے لایا جارہا ہے، ان کا مزید کہنا تھا کہ  گورنر ہاﺅس ہو یا میرا اپنا گھر، عوام سے تعلق جڑا رہے گا۔

    ان کا کہنا تھا کہ ہیلتھ کارڈ کے ذریعے5 لاکھ روپے تک کی ہیلتھ انشورنس مفت فراہم کی جائے گی، ہیلتھ کارڈ کے اخراجات مخیرحضرات کے تعاون سے کئےجائیں گے، کم آمدنی والے ہیلتھ کارڈ سے اچھے اسپتالوں میں علاج کرواسکیں گے۔

  • گورنر سندھ کی جانب سے فلاحی ادارے کو نایاب نسل کے 4 بیل عطیہ

    گورنر سندھ کی جانب سے فلاحی ادارے کو نایاب نسل کے 4 بیل عطیہ

    کراچی: گورنر سندھ کامران ٹیسوری نے کراچی کے ایک فلاحی ادارے کو نایاب نسل کے چار بیل عطیہ کر دیے۔

    تفصیلات کے مطابق گورنر سندھ نے ایک فلاحی ادارے کو سبی کے نایاب اونچی نسل کے چار بیل عطیہ کیے ہیں، ایک بیل کی قیمت 14 لاکھ روپے ہے۔

    فلاحی ادارے کو مستحقین کے لیے قربانی کے جانوروں کا تحفہ دینے کے موقع پر میڈیا سے گفتگو کرتے ہوئے گورنر سندھ کامران ٹیسوری نے کہا کہ گورنر ہاؤس میں عید کے تینوں دن 100 اونٹوں کی قربانی ہوگی۔

    انھوں نے کہا ’’قربانی کا سارا گوشت مستحقین میں تقسیم کیا جائے گا، جہاں جہاں میں تعاون کر سکتا ہوں کروں گا۔‘‘

    جے ڈی سی کے صدر دفتر کا دورہ کرتے ہوئے انھوں نے کہا کہ جے ڈی سی کی عید الاضحیٰ پر تیاری انتہائی شان دار ہوتی ہے، مجھے مستحق افراد کے لیے قربانی کے کام میں حصہ لینے پر خوشی ہے۔

    عمران خان پر تنقید کرتے ہوئے انھوں نے کہا کہ یہودی لابی پاکستان کی ایٹمی قوت اور سی پیک کی کامیابی نہیں دیکھ سکتی، اس لیے عمران خان کو لائسنس کیا گیا، جس کا اعتراف ڈاکٹر اسرار اور عبدالستار ایدھی نے بھی کیا۔

    گورنر سندھ نے کہا کہ تحریک انصاف چھوڑ کر جانے والے جب تک سچی توبہ اور دل سے معافی مانگ کر عمران سے مکمل اظہار لاتعلقی نہ کر لیں اس وقت تک سیاسی پارٹیاں پلٹ کر آنے والے ان سیاسی مداریوں کو قبول نہ کریں۔

  • "جب سوئی گیس ہی نہیں تو بل کس بات کے؟”

    "جب سوئی گیس ہی نہیں تو بل کس بات کے؟”

    کراچی میں سحری و افطار کے دوران گیس کی بندش سے لوگ شدید ذہنی اذیت میں مبتلا ہیں، لوڈ شیڈنگ کے باوجود ہزاروں روپے کے بلز ملنے پر شہریوں نے گورنرسندھ سے رجوع کرلیا۔

    گورنر سندھ کامران ٹیسوری نے معاملے کا نوٹس لیتے ہوئے ایم ڈی سوئی سدرن سے2دن میں پلان طلب کرلیا،

    اے آر وائی نیوز سے خصوصی گفتگو کرتے ہوئے گورنر سندھ کا کہنا تھا کہ اب تک گورنر ہاؤس میں12ہزار گیس کے بلز شہریوں نے جمع کرائے ہیں، لوگ روزانہ کی بنیاد پر سحری و افطاری میں گیس کے بلز بھجوا رہے ہیں۔

    اپنی شکایات میں شہریوں کا کہنا ہے کہ بل باقاعدگی سے آرہا ہے لیکن کھانا بنانے کیلئے گیس نہیں مل رہی، گورنرسندھ نے کہا کہ میری ایم ڈی سوئی سدرن گیس سے اس مسئلے پر بات ہوئی ہے۔

    انہوں نے کہا کہ ایم ڈی سوئی سدرن کو واضح طور پر کہا ہے کہ پلان بتائیں وہ چاہتے کیا ہیں، ان کو پابند کیا ہے کہ ایک سے دو روز میں آکر بتائیں، سحری اور افطاری میں گیس کی فراہمی کو یقینی کیسے بنائیں گے؟

    گورنرسندھ نے کہا کہ اگر کراچی کے شہریوں کو گیس کی فراہمی نہیں ہوتی تو میں اپنے اعلان پر قائم ہوں، ایم ڈی سوئی سدرن کو کہا ہے کہ جب گیس نہیں تو سب کے بلز زیرو کیے جائیں۔

    انہوں نے مزید کہا کہ جب سوئی گیس ہی نہیں تو بل کس بات کے؟۔ اگر2دن میں ایم ڈی سوئی گیس کا پلان سامنے نہیں آیا تو آئندہ کا لائحہ عمل بناؤں گا۔

  • مفت آئی ٹی کورسز : نوجوانوں کے لئے اہم خبر

    مفت آئی ٹی کورسز : نوجوانوں کے لئے اہم خبر

    کراچی : گورنرسندھ کامران ٹیسوری کا کہنا ہے کہ  عیدالفطر کے بعد نوجوانوں کیلئے مفت آئی ٹی کورسز شروع کئے جائیں گے۔

    تفصیلات کے مطابق گورنرسندھ کامران ٹیسوری نے میڈیا سے گفتگو کرتے ہوئے کہا کہ آج سےایکسپوسینٹرمیں بچت ایکسپو کاافتتاح ہوگا، پورے پاکستان میں پہلی باراس طرح کی ایکسپوہونےجارہی ہے، سماجی تنظیموں کےساتھ مل کر20لاکھ راشن دیں گے۔

    گورنرسندھ کا کہنا تھا کہ پوری کوشش ہےکہ عوام کوزیادہ سےزیادہ ریلیف فراہم کریں، مہنگائی کےطوفان کی وجہ سےلوگ ہل کررہ گئےہیں، سیلاب کے بعد سندھ کے لوگ بھی غریب ہوگئےہیں، ہم سب کومل کرخیال کرناچاہیے، عوام سوشل میڈیا پر مجھے مسائل سے آگاہ کریں۔

    کامران ٹیسوری نے کہا کہ تنقید کی پرواہ نہیں،عوام سےرابطہ نہیں توڑوں گا، عوام سےملاقات کیلئےکسی نہ کسی فوڈاسٹریٹ پر جاتا رہوں گا اور چاند رات پر گورنر ہاؤس میں خواتین کیلئے مفت مہندی،چوڑیاں دینے کا اہتمام ہے۔

    انھوں نے بتایا کہ عیدالفطر کے بعد نوجوانوں کیلئے مفت آئی ٹی کورسزشروع کئے جائیں گے، غیرملکی سفارتکاروں سے طالبعلموں کیلئےاسکالرشپس کی بات کی ہے، ابھی تک 350اسکالرشپس آچکی ہیں۔

    گیس لوڈشیڈنگ کے حوالے سے گورنرسندھ نے کہا کہ کراچی میں گیس کا شدید بحران ہے، گیس نہ ہونے سے شہریوں کو سحر اور افطارمیں شدیدپریشانی ہے، شہری سراپا احتجاج ہیں، گورنرہاؤس میں بھی گیس نہیں ہے، کوئی مجھ سے پوچھے میں کیوں باہرآکرسحری کر رہا ہوں۔