ARYNews.tv | Urdu – Har Lamha Bakhabar

Tag: govinda

  • گووندا اور سنیتا کی بیٹی نے والدین کے طلاق پر خاموشی توڑ دی

    گووندا اور سنیتا کی بیٹی نے والدین کے طلاق پر خاموشی توڑ دی

    بالی ووڈ اسٹار گووندا اور سنیتا آہوجا کی جانب سے طلاق کی درخواست دائر کرنے کی خبروں پر اداکارہ ٹینا آہوجا نے بالآخر خاموشی توڑ دی ہے۔

    بھارتی میڈیا کی رپورٹس کے مطابق، سنیتا آہوجا، جو 1987 سے گووندا کے ساتھ شادی شدہ ہیں اور ان کے دو بچوں کی ماں ہیں، نے 38 سال کی شادی کے بعد ’ہیرو نمبر 1‘ اداکار سے طلاق کے لیے درخواست دائر کی تھی۔ تاہم، ان کی بیٹی ٹینا نے ان قیاس آرائیوں کی تردید کی ہے اور کہا ہے کہ یہ سب افواہیں ہیں۔

    ایک بھارتی میڈیا سے بات کرتے ہوئے ٹینا آہوجا نے ’میں ان افواہوں پر توجہ نہیں دیتی، انہوں نے مزید کہا ’میں اپنے خوبصورت خاندان کے ساتھ ہونے پر خود کو خوش قسمت سمجھتی ہوں اور میں میڈیا، مداحوں اور پیاروں کی طرف سے ملنے والی تشویش، محبت اور حمایت کے لیے بہت شکر گزار ہوں۔‘

    انہوں نے مزید بتایا کہ میں اپنے والدین کے معاملات پر زیادہ کچھ نہیں کہہ سکتی، میرے والد تو ابھی ملک سے باہر ہیں۔

    یہ بھی پڑھیں: گووندا کے انٹرویو نے بالی وڈ میں ہلچل مچا دی

    سنیتا آہوجا کا گووندا سے طلاق کیلیے عدالت سے رجوع

    واضح رہے کہ جمعہ کی رپورٹس میں بتایا گیا تھا کہ سنیتا آہوجا نے اپنے شوہر پر بےوفائی، ظلم، فریب اور ترکِ تعلق جیسے سنگین الزامات لگائے ہیں، اور ہندو میرج ایکٹ 1955 کی دفعات 13 (1) (i)، (ia)، (ib) کے تحت طلاق کی درخواست دائر کی ہے۔

    تاہم گووندا اب تک کسی بھی عدالتی کارروائی میں شریک نہیں ہوئے اور حتیٰ کہ عدالت کی جانب سے مقرر کردہ کونسلنگ سیشن میں بھی غیر حاضر رہے۔

  • گووندا اور سنیتا کے طلاق کی خبروں میں نیا موڑ، کیس کی حقیقت سامنے آگئی

    گووندا اور سنیتا کے طلاق کی خبروں میں نیا موڑ، کیس کی حقیقت سامنے آگئی

    ممبئی (23 اگست 2025): معروف بالی ووڈ اداکار گووندا کی اہلیہ سنیتا آہوجا کے طلاق لینے کے کیس میں نیا موڑ سامنے آیا ہے۔

    22 اگست کو بھارتی میڈیا کی جانب سے ییہ خبر سامنے آئی تھی کہ سنیتا آہوجا نے باندرہ فیملی کورٹ میں طلاق کیلیے درخواست دائر کر دی جس میں غیر ازدواجی تعلق، حق تلفی اور بے وفائی کو بنیادی وجہ قرار دیا گیا۔

    سنیتا آہوجا نے ہندو میرج ایکٹ 1955 کی مختلف دفعات کے تحت طلاق کی درخواست دائر کی، تاہم طلاق کی درخواست کی خبر کے بعد گووندا کے وکیل کا بیان سامنے آیا ہے۔

    یہ بھی پڑھیں: گووندا کے انٹرویو نے بالی وڈ میں ہلچل مچا دی

    سنیتا آہوجا کا گووندا سے طلاق کیلیے عدالت سے رجوع

    گووندا کے وکیل للت بندرا نے بھارتی ٹہ دہ سے بات چیت میں طلاق کی قیاس آرائیوں کو مسترد کرتے ہوئے دو ٹوک الفاظ میں کہا  کہ کوئی معاملہ نہیں ہے، سب کچھ حل ہو رہا ہے، لوگ صرف پرانے ایشوز اٹھا رہے ہیں۔

    بھارتی اداکار کے وکیل نے مزید کہا اس گنیش چترتھی پر آپ پوری فیملی کو ایک ساتھ دیکھیں گے، ساتھ ہی وکیل نے بھارتی میڈیا کو گھر آنے کی دعوت دیدی۔

    اس کے علاوہ گووندا کو حال ہی میں طلاق کی افواہوں کے بعد ممبئی ایئرپورٹ پر ایک الگ انداز میں دیکھا گیا، جس میں وہ طلاق کی افواہوں سے غافل دکھائی دے رہے ہیں۔

     

    View this post on Instagram

     

    A post shared by Pinkvilla (@pinkvilla)

    وائرل ویڈیو میں دیکھا جاسکتا ہے کہ گھووندا ممبئی ایئرپورٹ پر فوٹوگرافروں کو پوز بھی دے رہے ہیں، اس سے قبل فروری میں بھی ایسی ہی افواہیں منظر عام پر آئی تھیں لیکن پھر گووندا کی ٹیم نے دعویٰ کیا تھا کہ دونوں میں صلح ہو گئی ہے۔

    واضح رہے کہ گووندا اور سنیتا آہوجا کی پریشان کن ازدواجی زندگی کے بارے میں قیاس آرائیاں کچھ عرصے سے گردش کر رہی ہیں۔ یہ سب اس وقت شروع ہوا جب اداکار کی اہلیہ نے اعتراف کیا کہ وہ گزشتہ 12 سالوں سے اپنی سالگرہ اکیلے ہی منا رہی ہیں۔

  • سنیتا آہوجا کا گووندا سے طلاق کیلیے عدالت سے رجوع

    سنیتا آہوجا کا گووندا سے طلاق کیلیے عدالت سے رجوع

    ممبئی (22 اگست 2025): معروف بالی وڈ اداکار گووندا کی اہلیہ سنیتا آہوجا نے شوہر سے طلاق لینے کا فیصلہ کر لیا۔

    انڈین میڈیا کے مطابق سنیتا آہوجا نے باندرہ فیملی کورٹ میں طلاق کیلیے درخواست دائر کر دی جس میں غیر ازدواجی تعلق، حق تلفی اور بے وفائی کو بنیادی وجہ قرار دیا گیا۔

    سنیتا آہوجا نے ہندو میرج ایکٹ 1955 کی مختلف دفعات کے تحت طلاق کی درخواست دائر کی۔

    واضح رہے کہ عدالت نے گووندا کو 25 مئی کو طلب کیا تھا اور جون سے دونوں کے درمیان معاملات طے کرنے کی کوشش کی جا رہی ہے۔ اداکار کی اہلیہ وقت کی پابند اور عدالت میں پیش ہوتی رہیں لیکن وہ مسلسل غیر حاضر رہے۔

    یہ بھی پڑھیں: گووندا کے انٹرویو نے بالی وڈ میں ہلچل مچا دی

    حالیہ وی لاگ میں سنیتا آہوجا کو شادی اور طلاق پر خیالات کا اظہار کرتے ہوئے دیکھا گیا۔ وی لاگ میں وہ ایک مندر میں گئین اور بتایا کہ وہ بچپن سے یہاں آ رہی ہیں۔

    اداکار کی اہلیہ مزید کہتی ہیں کہ جب میں گووندا سے ملی تو میں نے دیوی سے دعا کی کہ میری ان سے شادی ہو جائے اور اچھی زندگی گزاروں، دیوی نے میری دعا قبول کی اس نے مجھے دو بچوں کا تحفہ بھی دیا لیکن زندگی میں ہر سچائی آسان نہیں ہوتی ہمیشہ اتار چڑھاؤ آتے ہیں۔

    انہوں نے کہا کہ ایک اچھے آدمی اور اچھی عورت کو تکلیف پہنچانا درست نہیں، میں دیوی کے تینوں روپوں سے دل کی گہرائیوں سے پیار کرتی ہوں، حالات جیسے بھی ہوں جو بھی میرے خاندان کو توڑنے کی کوشش کرے گا دیوی انہیں معاف نہیں کرے گی۔

    واضح رہے کہ رواں سال فروری میں متعدد میڈیا رپورٹس میں دعویٰ کیا گیا کہ گووندا اور سنیتا آہوجا نے مستقل اختلاف اور مختلف طرز زندگی کی وجہ سے علیحدگی کا فیصلہ کیا۔

    میڈیا رپورٹس میں یہ بھی کہا گیا کہ گووندا کی 30 سالہ مراٹھی اداکارہ سے بڑھتی قربت مبینہ طور پر ان کی علیحدگی کا ایک بڑا عنصر ہے۔

    بعد میں ان کے وکیل نے یہ بھی کہا کہ اگرچہ جوڑے نے چھ ماہ قبل طلاق کیلیے درخواست دائر کی تھی لیکن وہ دوبارہ اکٹھے ہو رہے تھے۔

  • گووندا نے اپنے حالیہ انٹرویو سے بالی ووڈ میں ہلچل مچا دی

    گووندا نے اپنے حالیہ انٹرویو سے بالی ووڈ میں ہلچل مچا دی

    نامور بالی ووڈ اداکار گووندا نے اپنے حالیہ انٹرویو سے بالی ووڈ میں ہلچل مچا دی ہے۔

    سال 2008 میں بالی وڈ اداکار گووندا کی جانب سے فلم کے سیٹ پر ایک پرستار کو مبینہ طور پر تھپڑ مارنے کا واقعہ پیش آیا تھا جو عدالت تک پہنچا اور 2017 میں نمٹ گیا تھا۔

    حال ہی میں اداکار مکیش کھنہ کو دیے گئے ایک انٹرویو میں گوندا نے 17 سال بعد سنتوش نامی شخص کو تھپڑ مارنے کے واقعے پر خاموشی توڑ دی ہے۔

    گووندا نے کہا کہ تھپڑ مارنے کا معاملہ میرے لیے بہت اہم تھا، کوئی میرے ساتھ بدتمیزی کر رہا تھا اور میں نے اسے تھپڑ مار دیا اور یہ کیس 9 سال تک چلتا رہا، میرے ایک دوست نے مجھے اسٹنگ آپریشن کرنے کا مشورہ دیا اور پھر میں نے اس شخص کی تمام گفتگو ریکارڈ کی۔

     گووندا نے بتایا کہ سنتوش نے کیس واپس لینے کے لیے مجھ سے 34 کروڑ روپے کا مطالبہ کیا تھا، اس معاملے میں بالی ووڈ میں  سے کسی نے بھی میرا ساتھ نہیں دیا تھا، جو لوگ میرے لیے کھڑے تھے وہی میرے پیچھے تھے، وہ مجھے نیچے کھینچنے کی کوشش کر رہے تھے۔

    یہ بھی پڑھیں: گووندا اور سنیتا میں طلاق کی افواہوں کی وجہ سامنے آگئی

    یاد رہے کہ 2017 میں گووندا نے سنتوش سے تحریری معافی مانگی تھی اور سنتوش نے اپنی رقم کا مطالبہ بھی واپس لے لیا تھا، جس کے بعد یہ معاملہ ختم ہو گیا تھا۔

    واضح رہے کہ سال 2008 میں فلم ‘منی ہے تو ہنی ہے’ کی شوٹنگ کے دوران گووندا نے سنتوش رائے کو بدتمیزی کرنے پر تھپڑ مارا تھا، 2009 میں سنتوش نے گووندا کے خلاف حملہ اور مجرمانہ دھمکی دینے کا مقدمہ درج کیا تھا، جسے سال 2013 میں خارج کر دیا گیا تھا۔

    گووندا نے اپنے انٹرویو میں واضح طور پر کہا کہ ان کا کیریئر ڈوبا نہیں بلکہ ڈوبایا گیا ہے، بالی ووڈ انڈسٹری سے کسی نے بھی میرا ساتھ نہیں دیا۔

  • سنیتا نے طلاق کی افواہوں پر خاموشی توڑ دی، گووندا سے الگ رہنے کی وجہ بھی بتادی

    سنیتا نے طلاق کی افواہوں پر خاموشی توڑ دی، گووندا سے الگ رہنے کی وجہ بھی بتادی

    بھارتی فلم انڈسٹری کے ورسٹائل اداکار گووندا کی اہلیہ سنیتا آہوجا نے طلاق کی افواہوں پر خاموشی توڑ دی۔

    بھارتی میڈیا کے مطابق گزشتہ دنوں یہ خبر زیر گردش تھی کہ گووندا اور سنیتا کے درمیان 38 سال بعد طلاق ہوگئی، جس کے لیے سنیتا نے چند ماہ قبل علیحدگی کا نوٹس بھیجا تھا۔

    خبروں میں کہا جا رہا تھا کہ گوندا کی جانب سے طلاق کے نوٹس کا کوئی جواب نہیں دیا گیا تھا اور جوڑا علیحدہ علیحدہ گھر میں رہ رہے ہیں، ان افواہوں پر گووندا کے خاندان کی جانب سے ان کے بھانجے کرشنا اور بھانجی آرتی سامنے آئیں اور دونوں نے ان خبروں کو جھوٹ قرار دیا۔

    سنیتا آہوجا سے طلاق کی خبریں، گووندا نے بالآخر خاموشی توڑ دی

    گووندا کی منیجر نے اس خبر پر جاری بیان میں کہا تھا کہ وہ اس بات سے آگاہ ہیں کہ سنیتا جی نے طلاق کا نوٹس بھیجا ہے لیکن اس پر کوئی پیشرفت نہیں ہوئی ہے۔

    تاہم اب گووندا کی اہلیہ سنیتا آہوجا کی جانب سے بھی ویڈیو ردعمل سامنے آیا ہے، جس میں انہوں نے کہا کہ الگ الگ رہتے ہیں اس کی وجہ یہ ہے کہ جب گوندا نے سیاست میں شمولیت اختیار کی تو اس وقت میری بیٹی جوان ہورہی تھی۔

    سنیتا آہوجا کا کہنا تھا کہ اس دوارن گھر میں مختلف سیاسی شخصیات کا آنا جانا شروع ہوگیا، تو ان سب کے سامنے اس طرح گھومنا اچھا نہیں لگتا تھا، اس لیے ہم نے گھر کے سامنے ہی آفس لے لیا۔

    سنیتا آہوجا نے اپنی بات جاری رکھتے ہوئے کہا کہ مجھے اور گووندا کو اس دنیا میں کوئی الگ نہیں کرسکتا، اگر کوئی مائی کا لعل ہے تو اسے سامنے آنا چاہیے۔

    https://www.youtube.com/watch?v=ZA7kLWw-T0w

  • گووندا اور اہلیہ کے درمیان 37 سال بعد طلاق کی افواہیں، وجہ سامنے آگئی

    گووندا اور اہلیہ کے درمیان 37 سال بعد طلاق کی افواہیں، وجہ سامنے آگئی

    بھارتی فلم انڈسٹری کے مشہور و معروف اداکار گووندا اور ان کی اہلیہ کے درمیان شادی کے 37 سال بعد طلاق کی خبریں سامنے آرہی ہیں۔

    بھارتی میڈیا کی جانب سے دعویٰ کیا جارہا ہے کہ اداکار گووندا اور ان کی اہلیہ سنیتا آہوجا کے درمیان مبینہ طور پر طلاق آخری مراحل میں داخل ہوگئی ہے جبکہ جوڑا کافی عرصے سے علیحدگی اختیار کئے ہوئے ہے۔

    رپورٹس کے مطابق گووندا کا 30 سالہ مراٹھی اداکارہ کے ساتھ مبینہ تعلق اس علیحدگی کی اہم وجہ بنا ہے، تاہم اب تک دونوں شخصیات کی جانب سے کسی قسم کی تصدیق یا تردید سامنے نہیں آسکی ہے۔

    رپورٹس کے مطابق سینئر اداکار کی شادی کو 37 برس بیت چکے ہیں اور جوڑے کا ایک بیٹا اور ایک بیٹی ہے، دونوں کی شادی 1987 میں اس وقت ہوئی تھی، جب گووندا بھارتی فلم انڈسٹری میں اپنا نام بنانے کی کوششوں میں مصروف تھے۔

    واضح رہے کہ کچھ عرصے قبل اداکار کی بیٹی نے اپنے والد اور کزن کرشنا کی لڑائی سے متعلق بھی انکشاف کیا تھا کہ ہماری خاندانی لڑائی بہت زہریلی ہے۔

    90 کی دہائی کے معروف ادکار کی بیٹی ٹینا آہوجا نے اپنی اس خاندانی لڑائی پر کھل کر اظہار خیال کیا، انھوں نے کہا کہ یہ لڑائی ایک قسم کے زہر جیسی تھی، میں جھوٹ نہیں بولوں گی میں نے یہی بات آرتی سنگھ کو بھی کہی تھی۔

    فلمی ویب سائٹ کو دیے گئے انٹرویو میں گوندا کی صاحبزادی ٹینا کا کہنا تھا کہ میں نے ہمیشہ اپنے آپ کو اس لڑائی سے دور رکھنے کی کوشش کی ہے۔

    کرائم برانچ کو گوندا پر شک ہوگیا

    میں اپنی زندگی میں خوش ہوں اور میں ان سب چیزوں کے بارے میں بات نہیں کرتی، میرے خیال میں یہ سب اب ماضی کا قصہ بن چکا ہے اور چیزیں اب پہلے سے بہتر اور قابل احترام ہیں۔

  • روینہ ٹنڈن نے گووندا سے متعلق بڑا دعویٰ کردیا

    روینہ ٹنڈن نے گووندا سے متعلق بڑا دعویٰ کردیا

    90کی دہائی کی کامیاب ترین سینئر اداکارہ روینہ ٹنڈن نے گووندا کے کام کی تعریف کرتے ہوئے کہا کہ ان کے جیسا ٹیلنٹ ملنا اب ناممکن ہے۔

    بھارتی میڈیا رپورٹس کے مطابق ایک انٹرویو میں معروف اداکارہ کا کہنا تھا کہ آج کل اُس طرح کی فلمیں نہیں بن رہیں جیسے 90 کی دہائی میں ہوا کرتی تھیں۔ کیونکہ میرا نہیں خیال کہ گووندا جیسا اداکار آج تک کوئی اور پیدا ہوا ہے۔

    اداکارہ کا کہنا تھا گووندا کی اداکاری مثالی تھی، جوشخص آپ کو ہنسا ہنسا کہ ایک ہی سین میں رلا بھی دے، میں نے آج تک ایسا اداکار نہیں تھا۔

    روینہ ٹنڈن نے کہا کہ وہ کامیڈی کے سین کرتے کرتے کس طرح رلادینے والے کردار میں چلے جاتے، میں آج بھی اس پر حیران ہوں۔

    وہ جب پر فارم کررہے ہوتے تھے میں انہیں دیکھتی رہتی تھی اور جتنی میں نے مزاحیہ اداکاری سیکھتی وہ چی چی (گووندا) سے سیکھی ہے، اُن کا کسی سے موازنہ نہیں کیا جاسکتا۔

    اس سے قبل بھارتی فلم انڈسٹری کے سینئر اداکار گووندا کا حادثاتی طور پر گولی لگنے سے زخمی ہونے کے بعد بیان سامنے آیا تھا۔

    بھارتی میڈیا رپورٹس کے مطابق اداکار نے اسپتال سے ایک آڈیو پیغام ریکارڈ کراکر اپنے چاہنے والوں کو صحت سے متعلق آگاہ کیا تھا۔

    معروف اداکار نے تصدیق کی کہ ڈاکٹروں نے ان کی ٹانگ سے گولی نکال دی ہے اور وہ اب بہتر محسوس کررہے ہیں۔

    اداکار کا اپنے ریکارڈڈ پیغام میں کہنا تھا کہ میں گووندا ہوں، میرے چاہنے والوں، میرے والدین اور خدا کی مہربانی سے، میں اب بہتر محسوس کررہا ہوں۔

    جویریہ عباسی کا اپنے دوسرے شوہر سے متعلق چونکا دینے والے انکشافات

    اُنہوں نے کہا کہ مجھے گولی لگنے سے زخم آیا ہے لیکن میں اب ٹھیک محسوس کر رہا ہوں، ڈاکٹروں نے گولی نکال دی ہے۔

  • گولی لگنے کے بعد زخمی ہونیوالے گووندا کی اہلیہ کا پہلا بیان آگیا

    گولی لگنے کے بعد زخمی ہونیوالے گووندا کی اہلیہ کا پہلا بیان آگیا

    گھر میں گولی چلنے سے زخمی ہونے والے بھارتی اداکار گووندا کی اہلیہ سنیتا آہوجا کا واقعے کے بعد پہلا بیان سامنے آگیا۔

    بھارتی میڈیا کے مطابق سنیتا آہوجا بدھ کی صبح اپنے شوہر سے ملنے ممبئی کے کیئرٹیکر اسپتال پہنچیں جہاں سے ایک پاپارازی فوٹوگرافر نے ویڈیو شیئر کی۔

    ویڈیو میں سنیتا کو یہ کہتے ہوئے سنا جاسکتا ہے کہ گوندا کی طبیعت اب بہتر ہے، آج اُنہیں نارمل وارڈ میں منتقل کردیا جائے گا۔

     

    View this post on Instagram

     

    A post shared by HT City (@htcity)

    سنیتا کا کہنا تھا کہ گووندا کل کی نسبت کافی بہتر ہیں جلد ہی انہیں اسپتال سے ڈسچارج کر دیا جائے گا، سب کی دعاؤں سے وہ صحت یاب ہو رہے ہیں۔

    سنیتا نے کہا کہ میں فینز کو بتانا چاہتی ہوں کہ گھبرائیں نہیں، گوندا آپ سب کی دعاؤں سے بالکل ٹھیک ہیں، چند مہینوں بعد وہ دوبارہ ڈانس کرنے کے قابل ہوجائیں گے۔

    یاد رہے کہ بھارتی میڈیا نے رپورٹ کیا تھا کہ 60 سالہ اداکار اپنی ہی غلطی سے چلی گولی سے زخمی ہوگئے تھے۔

  • گوندا کا گولی لگنے کے بعد پہلا بیان سامنے آگیا

    گوندا کا گولی لگنے کے بعد پہلا بیان سامنے آگیا

    بھارتی فلم انڈسٹری کے سینئر اداکار گووندا نے حادثاتی طور پر گولی لگنے سے زخمی ہونے کے بعد اپنا پہلا بیان جاری کردیا ہے۔

    بھارتی میڈیا رپورٹس کے مطابق اداکار نے اسپتال سے ایک آڈیو پیغام ریکارڈ کراکر اپنے چاہنے والوں کو صحت سے متعلق آگاہ کیا۔

    معروف اداکار نے تصدیق کی کہ ڈاکٹروں نے ان کی ٹانگ سے گولی نکال دی ہے اور وہ اب بہتر محسوس کررہے ہیں۔

    اداکار کا اپنے ریکارڈڈ پیغام میں کہنا تھا کہ میں گووندا ہوں، میرے چاہنے والوں، میرے والدین اور خدا کی مہربانی سے، میں اب بہتر محسوس کررہا ہوں۔

    اُنہوں نے کہا کہ مجھے گولی لگنے سے زخم آیا ہے لیکن میں اب ٹھیک محسوس کر رہا ہوں، ڈاکٹروں نے گولی نکال دی ہے۔

    اداکار نے اپنے ڈاکٹروں اور چاہنے والوں سے اظہار تشکر کرتے ہوئے کہا کہ میں اپنے معالج، ڈاکٹر اگروال اور اپنے تمام مداحوں کا شکریہ ادا کرتا ہوں جنہوں نے میری صحتیابی کے لیے بھرپور کردار ادا کیا۔

    اداکار گووندا گولی لگنے سے زخمی

    واضح رہے کہ 90کی دہائی کے اداکار نے صبح ایک اپائنمنٹ کے لیے روانہ ہوتے وقت غلطی سے اپنی پستول سے اپنی ہی ٹانگ میں گولی مار کر خود کو زخمی کرلیا تھا۔ واقعے کے بعد فوری طور پر اداکار کو اسپتال منتقل کیا گیا۔

  • فہد مصطفیٰ کی گووندا سے ملاقات، ویڈیو وائرل

    فہد مصطفیٰ کی گووندا سے ملاقات، ویڈیو وائرل

    دبئی: معروف پاکستانی اداکار فہد مصطفیٰ کی ایوارڈ شو میں بھارتی اداکار گووندا سے ملنے کی ویڈیو انٹرنیٹ پر بہت وائرل ہورہی ہے۔

    دبئی میں ہونے والے ایوارڈز شو مڈل ایسٹ اچیورز نائٹ 2022 میں کئی پاکستانی، بھارتی اور عرب فنکاروں نے شرکت کی، پاکستان سے معروف اداکاروں ہمایوں سعید، سجل علی اور فہد مصطفیٰ نے شرکت کی۔

    بالی ووڈ اداکاروں گووندا، رنویر سنگھ، جھانوی کپور، سنی لیونی، شہناز گل، نرگس فخری اور بھومی پڈنیکر نے بھی شو میں شرکت کی۔

    اس موقع پر فہد مصطفیٰ اور سجل علی کو ایوارڈ بھی دیا گیا۔

    فہد مصطفیٰ اپنا ایوارڈ لینے کے لیے اسٹیج پر آئے تو انہوں نے کہا کہ انہوں نے گووندا کی وجہ سے اداکاری شروع کی۔

    فہد کا کہنا تھا کہ وہ گوندا کے بہت بڑے فین ہیں اور ان کی اداکاری کا انداز اپناتے رہے۔

    انہوں نے کہا کہ وہ اسے اپنے لیے باعث فخر سمجھتے ہیں کہ آج وہ اس اسٹیج پر کھڑے ہیں جہاں کبھی گووندا تھے۔

    اس کے بعد فہد مصطفیٰ اسٹیج سے اتر کر سیدھے سامنے بیٹھے گووندا کے پاس گئے اور جھک کر ان سے ملے جس پر گووندا بھی کھڑے ہوگئے اور فہد کو گلے لگایا۔

     

    View this post on Instagram

     

    A post shared by (@maryam__blogs4)

    اس کے بعد فہد مصطفیٰ رنویر سنگھ سے بھی ملے اور ان سے کچھ دیر گفتگو کی۔

    ایوارڈ شو میں دیگر پاکستانی اور بھارتی فنکاروں نے بھی ایک دوسرے سے ملاقاتیں کیں اور خوب تصاویر بنوائیں۔