ARYNews.tv | Urdu – Har Lamha Bakhabar

Tag: govinda

  • گووندا نے شاہ رخ کو خود سے بہتر اداکار قرار دے دیا

    گووندا نے شاہ رخ کو خود سے بہتر اداکار قرار دے دیا

    معروف بھارتی اداکار گووندا نے کنگ خان شاہ رخ کی تعریفوں کے پل باندھ دیے، انہوں نے کہا کہ شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    بھارتی میڈیا کے مطابق بالی ووڈ کے سینیئر اداکار اور کئی سنجیدہ اور کامیڈی فلموں سے شہرت حاصل کرنے والے گووندا کا کہنا ہے کہ شاہ رخ خان فلم انڈسٹری کے سمجھدار ترین اداکار ہیں اور وہ ہمیشہ بالکل درست فیصلے کرتے ہیں، وہ بہت پڑھے لکھے آدمی ہیں۔

    معروف کامیڈین شو کپل شرما کے ایک پرانے شو میں کپل سے گفتگو کے دوران انہوں نے کہا کہ شاہ رخ نے سب سے پہلے پیار اپنے آپ سے کیا۔

    گووندا کے مطابق شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    گووندا کی اس گفتگو پر بہت سارے پرستاروں نے سوشل میڈیا پر اپنے ردعمل کا اظہار کیا، لوگوں نے کہا کہ دونوں سیلف میڈ اور عظیم اداکار ہیں۔

    خیال رہے کہ 58 سالہ گووندا نے اپنے فلمی کیریئر کا آغاز 1986 کی فلم لو 86 سے کیا تاہم بعض افراد کا خیال ہے کہ ان کی ڈیبیو فلم تن بدن ہے جو اسی سال ریلیز ہوئی۔

    لو 86 کے بعد گوندا نے پیچھے مڑکر نہیں دیکھا اور اگلے 4 برسوں میں چالیس فلموں میں اداکاری کے جوہر دکھائے۔

    وہ 1980 اور 1990 کے عشرے کے صف اول کے اداکار رہے اور انہوں نے فلم الزام، آنکھیں، راجہ بابو، ہیرو نمبر ون، بڑے میاں چھوٹے میاں اور حسینہ مان جائے گی جیسی کامیاب فلمیں کیں۔

    بالی ووڈ کے کنگ خان شاہ رخ اور گووندا نے کبھی بھی اکٹھے کسی فلم میں کام نہیں کیا۔

  • ماہرہ خان کے فریج پر گووندا کی تصویر

    ماہرہ خان کے فریج پر گووندا کی تصویر

    کراچی: پاکستانی ڈرامہ و فلم انڈسٹری کی معروف اداکارہ اور ماڈل ماہرہ خان نے سماجی رابطے کی ویب سائٹ پر بالی ووڈ اداکار گووندا کی تصویر شیئر کی۔

    اداکارہ بھارت کے مزاحیہ اداکارہ گووندا سے اتنی متاثر ہیں کہ انہوں نے اپنے فریج پر اداکار کی تصویر اوراُس کے ساتھ گانے کا مشہور جملہ والا مقناطیس چسپاں کررکھا ہے۔

    ماہرہ خان نے تصویر شیئر کرتے ہوئے لکھا کہ ’گھر کے فریج پر لگا میرا پسندیدہ میگنیٹ ہے‘۔ مقناطیسی تصویر پر گووندا کا مسکراتا چہرا ہے اور اُس پر قلی نمبر 1 کے مشہور گانے کا جملہ ’تجھے مرچی لگی تو میں کیا کروں‘ درج ہے۔

    پاکستانی اداکارہ کی پوسٹ پر بھارتی ٹینس اسٹار ثانیہ مرزا سمیت سیکڑوں مداحوں نے کافی دلچسپ تبصرے کیے جبکہ کچھ نے تنقید کرتے ہوئے مشورہ بھی دیا کہ ’ماہرہ آپ اب بھی بالی ووڈ میں محصور ہیں‘۔

    View this post on Instagram

    🤷🏻‍♀️ P.S this is my favorite magnet on our fridge at home!

    A post shared by Mahira Khan (@mahirahkhan) on

    یاد رہے کہ ماہرہ خان نے 2016 میں ماہرہ خان نے بالی ووڈ کے کنگ شاہ رخ خان کے مدمقابل فلم رئیس سے بالی ووڈ سفر کا آغاز کیا تھا، انہیں بھارت اور پاکستان میں بہت سراہا گیا تھا جبکہ بالی ووڈ ہدایت کار نے اس بات کا بھی اعتراف کیا تھا کہ بھارتیوں نے باصلاحیت پاکستانی اداکارہ کے ساتھ اچھا برتاؤ نہیں کیا۔

    یہ بھی دیکھیں: ماہرہ خان کی رخصتی، تصاویر سامنے آگئیں

    مزید پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

    واضح رہے کہ ماہرہ خان نےاپنے کیریئر کا آغاز 2006  میں بطور معاون ٹی وی ہوسٹ کیا تھا، سنہ 2011 میں فواد خان کے ساتھ ایک ڈرامے  نے اس جوڑی کی شہرت کو چار چاند لگادیے، اور یہی ڈرامہ ان کی خوش قسمتی کا باعث بھی بننا۔

    ڈرامے میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بالی ووڈ انڈسٹری میں بھی قدم رکھا۔

    خیال رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی تھی۔

  • ’ ہم سب کا محسن چلا گیا ‘

    ’ ہم سب کا محسن چلا گیا ‘

    ممبئی: بالی ووڈ اداکار گووندا نے قادر خان کے ساتھ سنہ 90 کی دہائی میں بہت کام کیا اور انڈسٹری کو بلاک بسٹر فلمیں دیں۔

    تفصیلات کے مطابق بالی ووڈ کے ورسٹائل اداکار قادر خان طویل علالت کے بعد کینیڈا کے اسپتال میں 81 برس کی عمر میں انتقال کرگئے۔

    اُن کےبچھڑنے پر ساتھی اداکار بھی بہت زیادہ غمزدہ ہیں۔ لیجنڈری اداکار امیتابھ بچن نے مرحوم کو شاندار الفاظ میں خراج تحسین پیش کیا اور اُن کے انتقال کو ایک بڑا نقصان قرار دیا۔

    گووندا نے قادر خان کے ساتھ سنہ 1990 کی دہائی میں ڈیوڈ دھاوان کے ساتھ مل کر کام کیا اور بالی ووڈ انڈسٹری کو  بلاک بسٹر فلمیں بھی دیں۔

    بھارتی میڈیا رپورٹس کے مطابق قادر خان کے انتقال کی خبر سُن کر گووندا اپنے جذبات پر قابو نہیں رکھ سکے اور زاروقطار رونے لگیں۔

    مزید پڑھیں: معروف بھارتی اداکار قادرخان انتقال کرگئے

    میڈیا سے گفتگو کرتے ہوئے گووندا کا کہنا تھا کہ ’قادر خان میرے والد کی طرح تھے، انہوں نے ہر قدم پر مدد کی اور مجھ سمیت تمام اداکاروں کی صلاحیتوں میں اضافہ کرتے ہوئے ہر موقع پر ہماری رہنمائی کی‘۔

    علاوہ ازیں اداکار نے سماجی رابطے کی ویب سائٹ پر بھی اپنے جذبات کا اظہار کیا۔

    اُن کا کہنا تھا کہ ’آج ہم سب کا محسن چلا گیا جس نے ہمیں سپر اسٹار بنایا، مجھ سمیت کوئی بھی اداکار اپنے دکھ کا اظہار نہیں کرسکتا کیونکہ یہ ہمارے لیے ناقابلِ تلافی نقصان ہے’۔

    ’ہم سب دعا گو ہیں کہ اللہ انہیں جنت میں اعلیٰ مقام عطاء فرمائے‘۔

    یاد رہے کہ طویل عرصے سے علیل بالی ووڈ اداکار اور کئی مشہور فلموں کے ڈائیلاگ لکھنے والی شخصیت منگل کے روز کینیڈا میں انتقال کرگئی اُن کے صاحبزادے نے بھی والد کی موت کی تصدیق کی۔

    قادر خان کے نماز جنازہ سے متعلق ابھی اہل خانہ نے کوئی اعلان نہیں کیا۔

  • بیٹی پر کوئی پابندی نہیں لگانا چاہتا، گووندا

    بیٹی پر کوئی پابندی نہیں لگانا چاہتا، گووندا

    ممبئی: معروف اداکار گووندا کی دو فلمیں’كِل دل‘ اور دوسری ’ہیپی اینڈنگ‘ ریلیز ہو رہی ہیں، جس کے وجہ سے آج کل گووندا بہت خوش اور پر جوش ہیں، ریلیز ہونے والی فلم ’کل دل‘ میں گوندا نے ولن کا کردار ادا کیا ہے۔

    دوسری جانب گووندا کے بیٹے اور بیٹی انکے نقشِ قدم پر چل رہے ہیں، گووندا کے بیٹے یش وردھن اداکاری سیکھ رہے ہیں اور بیٹی نرمدا نے  اپنی پہلی فلم کی شوٹنگ بھی شروع کر دی ہے۔

    گووندا سے جب پوچھا گیا کہ کیا وہ اپنی بیٹی نرمدا کے لئے بہت پوزیسیو ہیں تو ان کا کہنا تھا کہ میں پوزیسیو نہیں کیونکہ لڑکیاں بہت ذہین ہوتی ہیں اور میں پوزیسیو ہو کر اسکی تخلیقی صلاحیتوں پر روک نہیں لگانا چاہتا۔‘

    انھوں نے کہا کہ میں اپنی بیٹی پر کوئی پابندی نہیں لگانا چاہتا۔ اگر وہ بولڈ کردار میں بھی آئیں گی تو مجھے کوئی اعتراض نہیں ہوگا۔ انکا کہنا تھا کہ نئی نسل ہے ہر کام سوچ سمجھ کر کرتی ہے۔‘‘

  • گووندا نے سلمان خان کے ساتھ کام کرنے سے انکار کردیا

    گووندا نے سلمان خان کے ساتھ کام کرنے سے انکار کردیا

    ممبئی: بالی ووڈ اداکار گووندا نے سلمان خان کے ساتھ کام کرنے سے انکار کردیا، سلمان خان گاڈ فادر کی حیثیت سے جانے جاتے ہیں اور جو اداکار ان کے ساتھ کام کرلے تو اس کے لئے فلم نگری کے دروازے کھل جاتے ہیں

    بھارتی میڈیا کے مطابق سلمان خان مراٹھی سپر ہٹ فلم ’’سکشاناچیا آئیچا گو‘‘ کا ہندی ری میک بنانا چاہتے تھے، جس میں انہوں نے اپنے ساتھ گووندا کو کام کرنے کی پیشکش کی، اس سلسلے میں وہ خود گووندا کے پاس گئے اور انہیں فلم کا اسکرپٹ پیش کیا جسے دیکھ کر انہوں نے فلم میں کام کرنے سے معذرت کردی، سلو میاں نے گووندا کو فلم میں کردار ادا کرنے کے لئے اسکرپٹ میں تبدیلی کی بھی آفر کرڈالی لیکن گووندا تھے کہ ٹس سے مس نہ ہوئے۔

    گووندا نے فلم میں کام کرنے سے انکار کی تصدیق کرتے ہوئے کہا ہے کہ سلمان خان ان کے بہت اچھے دوست ہیں اوران کے پاس فلم کا اسکرپٹ لے کر آئے تھے لیکن وہ انہیں پسند نہیں آیا کیونکہ وہ کم از کم سلمان خان کے ساتھ اس قسم کے کردار نبھانا نہیں چاہتے جو انہیں پیش کیا جارہا تھا۔

  • گووندا کی 4سال بعد بالی ووڈ میں واپسی

    گووندا کی 4سال بعد بالی ووڈ میں واپسی

    ممبئی : بالی ووڈ سپر اسٹار گووندا چار سال کے وقفے کے بعد فلم “کل دل ” کے ساتھ بڑی اسکرین پر جلوہ گر ہورہے ہیں۔

    گووندا کا کہنا ہے کہ ان کی بیوی سنیتا نے اس رومینٹک فلم میں کام کرنے پر مجبور کیا۔پچاس سالہ بھارتی لیجنڈ گووندا نے 2011 میں نوٹی “ایٹ فوٹی” میں کام کیا تھا۔ جس کے بعد وہ یش راج بینر تلے بننے والی فلم کل دل میں کام کررہے ہیں۔ جس میں ادکارہ رنبیر سنگھ اور پاکستانی ادکار علی ظفر بھی لیڈنگ رول میں شامل ہیں۔

    گووندا کا کہنا ہے کہ ان کی والدہ انہیں زندگی میں مفید مشورے دیا کرتی تھی، ان کی جانے کے بعد بیوی کی باتوں پر عمل کرتا ہوں۔

    اس فلم کے حوالے سے بیوی نے مشورہ دیا تھا کہ اچھی فلم ہے، اس سے بچوں کے کیرئیر پر اچھا اثر پڑے گا، گوندا نے کہا کہ انہیں بہت فلموں کو آفر ہوئی لیکن مجھے وہ کردار پسند نہیں آئے۔