Tag: govt – PTI talk

اسلام آباد: عمران خان کے بیان کے ردعمل پر وفاقی وزیرخزانہ اسحاق ڈار کا کہنا تھا کہ عمران خان کوغلط فہمی ہوئی ہے جوڈیشل کمیشن کے معاہدے میں کوئی تبدیلی نہیں کررہے ۔

وزیر خزانہ اسحاق ڈار کا کہنا تھا کہ کہ وہ تحریک انصاف کے ساتھ کیے گئے ایم او یو پر قائم ہیں، عمران خان کو کوئی غلط فہمی ہوئی ہے، انہیں سنی سنائی باتوں پر عمل نہیں کرنا چاہیئے۔

انہوں نے کہا کہ عمران خان کنفیوژن کا شکار ہیں جب کہ حکومت مفاہمتی یادداہشت پر قائم ہے لیکن لگتا ہے کہ انہیں کوئی غلط فہمی ہوئی ہے تاہم حکومت جہانگیر ترین کے ساتھ رابطے میں ہے۔

اسلام آباد: وفاقی وزیر خزانہ اسحاق ڈار کی جانب سے سیاسی جرگے کے کنونیئر رحمان ملک کے خط کا جواب دے دیا ہے۔

سیاسی جرگے کے کنونیئر رحمان ملک نے تیئس فروری دو ہزار پندرہ کو اسحاق ڈار کو تحریک انصاف کے مطالبات اور جوڈیشل کمیشن کے قیام سے متعلق خط تحریر کیا تھا۔

اسحاق ڈار کے خط کی نقول سراج الحق، جی جی جمالی اور جہانگیر ترین کو بھی بھجوا دی گئی ہیں، اسحاق ڈار نے اپنے خطا میں جوڈیشل کمیشن کے قیام کے حوالے سے سیاسی جرگے کی کوششوں کو سراہا ہے۔

 ان کا کہنا ہے کہ جرگے نے اس بات کا بالکل درست ادراک کیا ہے کہ ٹرم آف کنڈیشنز تحریک انصاف کے چیرمین عمران خان کے الزامات سے متعلق ہونے چاہیے۔

اسحاق ڈار نے کہا ہے کہ مذاکرات میں اب تک آنے والے تعطل کا جواز مسلم لیگ ن کو قرار نہیں دیا جاسکتا جیسا کہ پی ٹی آئی ظاہر کررہی ہے۔ مذاکرات میں تحریک انصاف کی پہلی اور دوسری تجاویز کو پہلے ہی تسلیم کیا جاچکا ہے۔ تاہم مسلم لیگ ن کو پی ٹی آئی کی تیسری تجویز پر تاحال تحفظات ہیں جو انتخابات میں دھاندلی کی تعریف کے حوالے سے ہے۔