لاہور:سیشن عدالت نے پاکستان تحریک انصاف کے رکن صوبائی اسمبلی نذیر چوہان کی ایک لاکھ روپے کے مچلکے کے عوض ضمانت منظور کرلی اور رہائی کا حکم دے دیا۔
تفصیلات کے مطابق لاہور پولیس کی جانب سے نذیر چوہان کو کینٹ کچہری جوڈیشل مجسٹریٹ رحمان الہی کی عدالت میں پیش کیا گیا، جہاں پولیس نے جسمانی ریمانڈ کی استدعا کی لیکن عدالت نے نذیر چوہان کو جوڈیشل ریمانڈ پرجیل بھجوا دیا۔
نذیر چوہان کی جانب سے وکلا نے ضمانت کی درخواست دائر کی گئی، جس میں کہا گیا کہ الزامات غلط ہیں کوٸی غیر قانونی کام نہیں کیا انھیں سیاسی انتقام کا نشانہ بنایا گیا ہے۔
جس پر عدالت نے نذیر چوہان کی ضمانت منظور کرتے ہوٸے ایک لاکھ کے مچلکے جمع کرانے کا حکم دیا ۔ عدالت نے قرار دیا کہ نذیر چوہان پر کے خلاف لگاٸی گٸی دفعات قابل ضمانت ہیں ۔
عدالت نے کہا اگر ایم پی اے نزیر چوہان عدالت کو مطمئن کرنے کےلیے ایک لاکھ کے ضمانتی مچلکے جمع کرائیں تو انہیں رہا کردیا جائے اور ضمانتی مچلکے جمع نہ کرانے پر چودہ روزہ جوڈیشل ریمانڈ پر جیل بھجوا دیا جائے ۔
عدالت کا کہنا تھا کہ اگر نذیر چوہان جوڈیشل ریمانڈ پر جیل جاتے ہیں تو انھیں دوبارہ دس اگست کو پیش کیا جاٸے، بعد ازاں ایم پی اے نذیر چوہان کو مچلکے جمع نہ کرانے پر کیمپ جیل منتقل کردیاگیا۔
یاد رہے لاہور پولیس کی جانب سے صوبائی رکن اسمبلی نذیر چوہان کو یل ڈی اے پلازہ کے قریب سے رفتار کیا گیا تھا ، پولیس نے نذیرچوہان کو ایل ڈی اے پلازہ کے قریب سے شہزاد اکبر کی درخواست پردرج مقدمے میں حراست میں لیا۔
خیال رہے نذیر چوہان کے خلاف وزیر اعظم کے مشیر شہزاد اکبر کی مدعیت میں تھانہ ریس کورس میں مقدمہ درج کیا گیا تھا، جس میں کہا گیا ہے کہ نذیر چوہان نے مذہبی حوالے سے ایسے بیانات دیے جس سے شہزاد اکبر کی جان کو خطرہ لاحق ہے۔
