کراچی: اے آر وائی کی ٹیم سرعام نے چودہ اگست سے قبل ہی ملک بھر میں 14 لاکھ پودے لگانے کا ہدف مکمل کرلیا۔
تفصیلات کے مطابق اے آر وائی کے پروگرام سرعام کے میزبان اور سینئر صحافی اقرار الحسن نے سماجی رابطے کی ویب سائٹ پر ویڈیو شیئر کی جس میں انہوں نے سرعام کے جانبازوں کو شاباش دی۔
اقرار الحسن کا کہنا تھا کہ سرعام کے جانبازوں اور شہریوں نے شبانہ روز انتھک محنت کرتے ہوئے 14 لاکھ لگانے پودے کا ہدف جشن آزادی سے قبل پورا کرلیا مگر ابھی کام روکنا نہیں ہے۔
مزید پڑھیں: 71 سیکنڈ میں 71 پودے لگانے کا ریکارڈ
ویڈیو پیغام میں اُن کا کہنا تھا کہ چودہ اگست کا سورج طلوع ہونے تک شجر کاری مہم کو زور و شور سے جاری رکھنا ہے اور پھر دوپہر تین بجے ہم سب مزار قائد کے وی آئی پی گیٹ پر جمع ہو کر اطمینان کے ساتھ بابائے قوم کو سلام پیش کریں گے کیونکہ ہم نے اپنا فرض مکمل کیا۔
اقرار الحسن کا کہنا تھا کہ ہم سب مل کر قائد اعظم کو بتائیں گے کہ ہم نے اپنے حصے کا کام کرتے ہوئے ملک کو سرسبز و شاداب بنا دیا اور پھر سب مل کر پاکستان زندہ باد کا نعرہ بھی لگائیں گے۔
Here comes the official announcement #TeamSareAam has achieved the target of 1.4million plantation way before 14th August.We will share all the details on 14th August at 3pm in a special ceremony,which will be held in front of VIP gate Mazar e Quaid.its an open invitation for all pic.twitter.com/67uKNKynV3
— Iqrar ul Hassan Syed (@iqrarulhassan) August 11, 2018
واضح رہے کہ اے آر وائی کے پروگرام سرعام کی ٹیم اور رضا کاروں نے 71ویں یوم آزادی سے قبل ملک بھر میں چودہ لاکھ درخت لگانے کی مہم کا آغاز کیا تھا جس میں معروف شخصیات سمیت عوام نے بڑھ چڑھ کر حصہ لیا۔
یہ بھی پڑھیں: یوم آزادی سے قبل 14 لاکھ درخت لگانے کا عزم، سرعام کی شجر کاری مہم کا آغاز
اے آر وائی نیوز کے معروف پروگرام ’’ سرعام ‘‘ کے اینکر اور سینئر صحافی اقرار الحسن اور اُن کی ٹیم نے چودہ اگست سے تک ملک کو 14 لاکھ درخت دینے کے عزم کا بیڑہ اٹھایا۔
